一鍋堂 (新都會廣場)

營業中

休息中

中午12 點已有排隊的人龍，等候時間都好快，入坐登記前就先決定要什麼餐及湯底。很有條理很有效率。員工帶領入座，有一個圓形梳化位，打卡好得意。走進餐廳，有一大排雪櫃，整整齊齊放置一籃籃的蔬菜，生菜、娃娃菜、任選擇。還有前菜/ 熟食區，有丸類，咸蛋炸魚皮、麻辣豬耳、泡菜，鴨血湯。經過一個大雪櫃放滿不同飲品才到座號坐下。這一刻心情舒暢，未食已經被一排豐盛食物吸引。除了自助區，可以掃QR code 點肉類，牛肉非常新鮮。點了兩個湯底，胡椒豬肚、藥膳雞湯。湯底都是很足料。食到好飽好滿足，價錢合理，裝修企理乾淨。火鍋好去處。

家人介紹我黎食。 黎到的感覺首先係好大間，會坐得舒服的。自助區佈局合理，不用人多迫在一起。 有好多款湯底，好啱我呢d嚐新人士。可惜鴛鴦鍋要加50元，所以最終揀了 芫茜皮蛋湯 單鍋。 本身湯鍋內的芫荽已夠，但我係愛芫荽人，所以在外面自助配料區再添大量芫荽🤭。 牛肉的質素好好，首推封門柳，重肉香又嫩口；牛板腱都好好味，口感同肉味黎得平衡。 牛脷芯較失望，比較瘦靭。反而 西班牙穀飼豬 好有驚喜 ，值得推介 。羊肉片都不錯，每片都圍著一圈脂肪，吃下去不是淋的，反而有點爽脆，好新奇的口感。 小食都有好多，大部分都可以在自助區拿。其中，麻辣鴨血和 鹹蛋黃魚皮， 整得好好食 ，令我覺得餐廳好有誠意。丸類特別喜歡 孜然 雞肉丸 一咬下去只覺非常“孜然”，第一次吃這種丸。 對呢一餐好滿意。

最近秋風起，又係打邊爐既好時候，聽聞葵芳新都會廣場開左一鍋堂新店，2 小時任飲任食，食過的朋友都讚口不絕，先生知我好想去，醒目地提早一星期訂好位食晚市（真係好難訂位，好多日子都滿座... ）入座前先選湯底，留意到一鍋堂同金寶湯聯乘推出左2 款湯底，包括有忌廉周打蜆湯，番茄羅勒湯～好有創意呀，從來都無諗過可以用西湯打邊爐，先生選了忌廉周打蜆湯，湯內真係有薯仔粒同蜆，用忌廉湯打邊爐，食材的口感會比較滑，可以一試～餐廳採用半自助餐形式，除在QR Code內既火鍋料外，仲有好多熱食，涼盤，丸類， 蔬菜可以任取任食， 包括有惹味的冬陰功肉碎炒飯，清甜的清湯蘿蔔牛丸，對我來說超級辣的麻辣鹵水鴨血， 麻辣豬手， 麻辣豬耳， 泡菜， 泡菜蘿蔔，新鮮彈牙的涷蝦， 爽口泡椒鳳爪， 涼拌秋葵，伴麵，沙律菜等等，非常豐富，未開始食火鍋，我就已經半飽！！火鍋料方面，我哋都點左好多，其中我最喜歡的是「珍珠貝」，「沙白蜆」，上枱還會動，鮮甜得令人喜出望外，無限下單。「真係花膠」很大塊， 煮軟後，非常黏口，滿滿的骨膠原。「紐西蘭羊卷肉」坊間少見，喜歡食羊的人應該會喜歡，肉質嫩滑且羊騷味不太重。「安格斯牛板腱」脂肪不算

啲人成日都話一鍋堂好正，今次我第一次食，感受下點解咁受歡迎一入門口就見到呢個打卡位，新淨高級感坐低就用QR code點餐，黃色食物盤嘅長方形&正方形設計都好慳位，令枱面唔會好full，中途侍應都會成日黎收碟，服務良好自助區都有好多食物種類，有麻辣豬耳、鳳爪、日本甜薯，當中嘅急凍甜蝦太受歡迎，成日比人搶晒，refill左後我都試左，相當唔錯黃金炸魚皮都好正座位寬敞，光線充足，坐落都舒適估唔到蔬菜都會用雪櫃冰住，夠晒新鮮，超多種菜仲有4款自家飲品，我最鐘意洛神花茶，唔會太甜又酸酸味味，其次係藍紫色好靚的蝶豆花茶，健康又養生最後仲可以自己吱雪糕，佢寫係乳酪味，但我覺得似係奶粉味，淡淡的甜味，所以我食左好多杯食咁多好野加埋一都係200幾蚊，唔怪得咁多人食🤪

星期日落雨想食啲熱辣辣嘅野食，就簡咗打邊爐，可能假期我哋6:00攞飛，七點幾先入去，但係因為無乜位，要坐近門口嘅一人坐，不過都冇所謂咁樣坐反而可以同男朋友一人一個煲，2種口味。 佢哎咗最平嗰個餐，都幾多嘢食㗎其實，我哋試咗佢個白鱔，發現白鱔都幾好食，唔會話好腥，其他都係正常打邊爐嘅嘢食。 啊！仲有佢個鮮蝦，食得出係新鮮嘅唔係嗰啲急凍嘅，同埋就算唔飲豉油汁都甜甜地，我哋都叫咗三次。如果鍾意食鴨血嘅話，我會建議唔好出去拎啲麻辣鴨血，可能因為比較浸得耐，所以我覺得有啲煮老咗 ，但個味係唔錯嘅 如果鍾意食啱啱好嘅話，會建議落order自己煮，個口感會控制得比較好啲。其他打邊爐嘅料都係普普通通，冇乜驚喜，所以都唔特別講。 不過佢嗰個乳酪雪糕，就會有啲失望，因為以前食開真係乳酪嗰隻雪糕味嚟嘅，但琴日食就反而變咗好似啲奶精製品味，好失望。

一直都有聽聞一鍋堂火鍋質素高但係無機會試，上星期放工約埋同事一齊去食，揀湯底嘅時候同事見到有金寶湯湯底話好想試，但係最後佢都比一鍋堂最出名嘅鯊魚骨湯底吸引咗，仲有清熱嘅作用，我哋都揀咗B餐，有至少5款肉仲包埋豬肉和雞肉選擇！ 店面比我地想像中還要大，望落去餐廳好乾淨，座位都好寬敞, 我哋一坐低就出咗去調味枱取調味品，餐廳亦都有一啲熱食，同事最鍾意咸蛋黃魚皮，而家仲有部分冷盤，我地都覺得凍蝦唔錯，牛肉方面，牛小排雪花分怖平均，牛舌其他地方比較少有，但煮太概半分鐘就食得，頗為爽口，其實蔬菜類品都有很多，而且好新鮮整齊地擺放在冰櫃裡面，陳皮鯪魚滑亦是一個驚喜之作，只可惜眼闊肚窄，唯有留待下次再試

我住係九龍東，究竟係因乜解救難得入到黎荃灣都要食一鍋堂呢🤣🤣係愛？定係責任？係愛呀！❤️❤️平時去旺角分店就去得多，上網見到新都會分店6月先新開張，難得可以去荃灣朝下聖🥰-環境真係好舒服呀😌😌因為佢地裝修好新淨，加上燈光又光猛🥳同埋感覺上佢比旺角會少人啲，冇咁逼😆😆-食過幾次午市任食之後，簡直係愛上左吖🥰因為夜晚食太多就會好容易個胃唔舒服，食2點就可以有多啲時間消化～仲可以慳埋夜晚個餐tim🤣🤣-出面仲設有好大個自助區，可以自己拎嘢飲、丸類、蔬菜、熟食同埋醬料🤩地方好大👍-我又係例牌叫左B餐再加海鮮😉因為B餐已經包含左我最愛嘅手打丸~同埋牛肉嘅質素已經好滿意🥳新都會雖然係新店，但係佢嘅水準依舊可以保持！牛肉同豬肉色澤都好紅潤，唔好有陣陣嘅雪櫃味👍👍-海鮮雖然要加$20先可以任食，但絕對係一個回本位呀😇選擇十分之多，比較特別嘅有白鱔片、脆肉鯇、唔同嘅貝殼類等等😇全部都好新鮮🥳最欣賞都係啲海蝦，基本上食咗八隻，都冇一隻係梅嘅👍-每一次嚟食我都最鍾意佢嘅自家製飲品👻包括洛神花茶、陳皮燉檸檬、薄荷烏龍茶、同埋蝶豆花茶，蝶豆花茶入面仲有爆珠tim呀😋❤️全部都好有誠意👍唔甜又健康🤩

之前食過一鍋堂已經覺得好好味😛今次再去葵芳分店🍲佢哋嘅湯底有好多選擇,好似有韓式泡菜湯、潮汕湯、麻辣湯、養生藥膳湯、沙嗲湯、櫻花蝦湯、芫荽皮蛋湯、豬骨清湯、冬蔭功湯、胡椒豬肚湯、沙參肉竹鯊魚骨湯、蕃茄牛粒湯、檳城喇沙湯、杏汁豬肺湯、蘿蔔粟米豬骨湯,每款都好吸引,樣樣都想試😍佢地重有同金寶湯合作,特別聯乘炮製獨家火鍋湯底配方-忌廉周打蜆湯🫕而且重有葵芳店限定湯底-蕃茄牛尾湯🐮同埋荃灣店及旺角店限定湯底-蕃茄羅勒湯🍅三款都好特別🤩絕對值得一試😋今次我揀咗一鍋麻辣鍋 🌶以蒜子、京蔥、花椒、茴香等十多款香料和辣椒精心炮製而成🍲麻辣層次豐富,而且湯底唔會太過嗆口、油膩,並保有麻香嘅滋味😛中醫角度花椒味辛性溫,麻味濃烈,溫中散寒,並有除濕止痛嘅功效添🤩120分鐘晚市火鍋放題,有A餐精選進口肉、B餐特選安格斯牛同C餐高級澳洲和牛,我揀咗B餐特選安格斯牛🐮套餐入面嘅美國安格斯牛、封門柳、牛脷心托、美國安格斯精選牛板腱、西班牙栗飼豬同紐西蘭羊肉卷都可以任食😍牛嘅質素好高👍🏻鍾意食牛嘅朋友唔可以錯過🥳火鍋配料種類亦有好多,出面並設有自助配料吧、熟食吧、醬料吧同飲品區,推介火鍋配料有黃金炸魚皮、台灣直送鴨血

服務態度非常惡劣。入坐左之後坐低3，4個字，連埋攞埋嘢食都四，五個字，再加上第一轉嘢食都黎埋，個湯底都未到？咁梗係吹單啦。有個又高又瘦紮髻嘅女人行過黎好大聲同我講話我冇落單？！我同佢講，我冇落單點入嚟呀？你哋個程序好似係出面入完要咩餐落埋個湯先入嚟嫁？！你地咩事呀？呢條友先用咪鬧出面front door 話佢地冇落。嗰個又高又瘦紮髻嘅女人一黎就大聲喝我話我冇落單？！唔該下次搞清楚件事先同個客講嘢啦！仲要禮貌啲囉！

2021年10月6號和一班老友記聚會，老友記就介紹食呢間火鍋，入到店舖後，見到地方10分寬敞而且又乾淨，很喜歡他們的雪櫃真的很大，仲放滿左好多不同的飲品選擇。另外也有很多熱食和冷盤，佢哋既鴨血煮得非常好食很野味，朋友都大鑽真的好好食😋。另外牛肉是必點的，很新鮮賣相不錯，也有豬肉都10分唔錯，我哋都點了好多碟的東西上菜時間很快。最後我們都有食他們的甜品味道🍦🍦ok 既，大家食得好開心，個個都食到肚腩大咗好多🤣🤣

呢間分店好大間啊！大到可以整個打卡位tim!最喜歡一鍋堂的湯底和自家飲料😋值得一食再食。15款湯底各有特式，今次選了養生藥膳湯，好香藥材味，而且愈滾愈濃郁，連淥條菜都好吃！飲料有自家冰糖燉檸檬😋及洛神花茶等，比汽水吸引。選了中價位120分鐘晚市放題b餐（7點前離座$198）（7-9:30pm入座$238），肉類可選美國安格斯牛肉、封門柳、美國安格斯精選牛板腱、西班牙栗飼豬、紐西蘭羊卷肉等，呢個價錢黎講質素都唔錯👍🏻 另外推介蟹子蝦膠釀冬菇、手作珍寶蝦丸、自家製鮮蝦雲吞！素類有野竹笙、紫淮山、日本紅心蘿蔔等少見的放題選擇！特別一提，海鮮新鮮有驚喜，尤其是蝦，肉質爽甜👍🏻👍🏻PS, 自助區還有小食前菜，首推黃金魚皮😄PS. 不過去廁所要行落一層，來回真係好遠好鍾意下面呢個一人一鍋位！整體都幾滿意，食得開心😃

呢日朋友請食飯嚟左一鍋堂😍呢次係我第一次食一鍋堂，聽講呢間好難book枱，仲要係嚟葵芳呢間新既旗艦店，朋友book到就梗係嚟試下啦！.一入到去入面環境好光猛！乾乾淨淨整整齊齊👍🏻👍🏻地方好闊落，而且全部坐位都係卡位，私隱度好高😍😍.飲品方面，佢有成排雪櫃牆全部都係嘢飲，佢有一樽樽既冷泡茶，但要留意全部都有糖既。如果想要無糖，都有一包包既無糖茶。因為我本身唔飲有糖飲品，但朋友話蝶豆花果個都唔錯。.食物方面，之前睇食評都話有個金寶湯湯底唔錯，本身諗住嗌但果日完全見唔到。然後一定要讚佢既海鮮都好新鮮，不論係小食既蝦定海蝦都好值得食👍🏻仲有餃子🥟同貢丸都正，肉都唔錯，重點係上菜速度都好快，QR code落單大概5分鐘就會到👍🏻👍🏻.服務方面，我哋個位係坐係最埋邊，本身諗住都驚揾唔到staff,點知佢哋都巡得幾密，要收吉碟或加湯，其實唔洗舉手都有人會嚟。.總括嚟講，呢度CP值都算幾高，值得再嚟👍🏻👍🏻

一鍋堂出晒名抵食又好食，今次去葵芳新都會廣場新開佔地9000尺嘅一鍋堂打邊爐，地方果然好寬敞好有空間感，而且好多玩味打卡位～一坐底當然係叫湯底，最近仲同金寶湯合作，可選周打蜆湯或蕃茄牛尾湯，再用app點左食物先啦，肉類、海鮮類、丸類、餃類、蔬菜都齊全，花多眼亂，上菜速度好多，佢上菜嘅份量都唔會好多，最好就係可以試好多樣啦～但記得食得晒先好叫唔好浪費呀～然後係出面嘅任食種類，魚皮鴨血都可以拎，冷盤、沙律、雪糕都有真係驚唔夠肚食呀，比較特別同必食嘅有安格斯牛肉湯（好香濃，牛肉味重夠晒腍滑）、薑醋豬手（要補補骨膠原）、牛肉有多個部份可以揀，安格斯封門柳、牛板腱食到唔停口～海蝦新鮮到不得了，生猛肉質超爽口，沙白同珍珠蜆都好乾淨無沙～粒粒都漲卜卜～

香港人一年四季都鐘意打邊爐🍲，知道葵芳新都會廣場開左人頭湧湧的「一鍋堂」旗艦店，諗住過咗熱潮冇咁多人，點知早早六點黎都要排隊，等候10分鐘到我終於有位。餐廳環境走一係日系木色路線，座位舒適，設有卡位雅座，私隱度高，同朋友聚會一流。門口有特色霓虹燈打卡位，整體感覺開陽闊落。晚市火鍋放題可以食足120分鐘，有三個簡而清嘅A B C 餐比你簡，豐儉由人，仲有15款養生湯底+兩款特色期間限定湯底比我地簡。我哋揀咗放題B餐特選安格斯牛，而湯底簡左芫荽皮蛋湯，可以下下火清熱解毒。自助食物區🍲：十分推薦泡椒鳳爪，LUN LUN 下好正，又唔會太辣，而且全部清除腳甲，感覺衛生乾淨，泡椒味濃，仲有麻辣豬耳、爽彈無比，最正有醉香麻辣豬手，充滿花雕酒味，可以補充骨膠原，重點係唔太辣同咸，啱晒香港人口味，做開胃菜一流🥰飲品🥤：有多款自家製營養花茶，有碟豆花茶，養生洛神花茶、可以安心養神，清心降火。薄荷烏龍茶就相對麻麻哋，飲落好似飲牙膏，但係同時證明佢薄荷味好😂冰糖燉檸檬🍋，都係麻麻地，主要都係飲返罐裝飲品。肉類🥩：封門柳、牛橫膈膜肌肉行油部位肉味好濃，油花較少，而且餐廳好細心用黃盒專利設計，用上竹蓆分開牛肉，

一向熱愛打邊爐🍲嘅我地，一收到風知道一鍋堂 竟然係葵芳開左間13,000 呎旗艦店🤩🤩🤩緊係要即刻去朝聖一下。果然地方夠大之餘，成個裝修環境都好有空間感🗯，坐得好舒服夠晒地方寬敞闊落。店舖仲有唔少特色霓虹燈💡打卡位😚😚，影靚相無難道🤳🏽。🍲湯底一共有足足15款，仲有兩款期間限定湯底選擇🤭，今次我哋就揀咗鴛鴦鍋，一次過可以試兩個湯底☺️。👸🏼養生藥膳湯:藥材好足料，感覺好滋潤。🇹🇭冬陰功湯:充滿泰國風情，攞嚟煮肉/海鮮啱晒夠哂醒胃。💰價錢：有A,B,C三個唔同價位放題選擇。今次我哋19:00pm黎食，中間價間B餐，$238（位）已經可以食到好多種類嘅牛肉外仲有豬肉同羊肉海鮮，CP值極高🤑🤑🤑（如果早啲嚟食或者晏啲先入座仲可以平啲添🤭）一鍋堂採用QR code自助落單夠晒方便外，出邊仲有自助bar 可以自己夾野食🤩🤩。當中仲有唔少特色小食、丸、蔬菜、麵等等選擇都好多。最特別有麻辣鴨血、凍蝦、麻辣伴面、紫羽衣甘藍、秋葵等火鍋店少有野都食到，抵讚。飲品都充足:仲左罐裝汽水/紙裝飲品、熱飲等。最特別係仲有一鍋堂自家調製嘅樽裝飲品🤩：冰糖燉檸檬、蝶豆花茶、洛神花茶、薄荷烏龍茶。🤤推薦必食：肉類、海鮮