一碗肉燥 (TKO Gateway西翼)

營業中

休息中

今日晏就黎左坑口做完facial見肚餓😊周圍行左陣都無心水，正當想走之制比我見到台式野，諗起食碗牛肉麵都幾開心喎😌一點令鐘，我一個人唔洗等位😂😂原來呢間餐廳新開無耐，自己寫完落單紙就遞比職員，幾分鐘熱騰騰既牛肉麵就黎啦😆😆很讚紅燒牛肉麵，有一埋牛肉，我覺得似牛腩多啲🤣都稔既，一埋肉燥，仲有啲冬菇粒，唔會得肉咁寡，豆切粒，半隻好味流心蛋👍🏻因爲揀左蕃茄湯底，所以有少少茄肉咬下😂😂麵煙韌都好食，我食都夠飽，男人就未必夠啦🤔不過覺得成個牛肉麵好咸好重口味好多味精咁😌食完有啲口渴，唔太岩我口味😬😬

本來想試下呢間新開的台式食店,但當我每次經過都見到好多人企門口等位就卻步後來我發現原來有APP可以拎飛仔,所以趁假日去幫襯.店舖主要用上黃和白,夠搶眼.裝修簡潔舒適入到去當然要試下食肉燥飯,今次揀左個精挑細選套餐, 小菜和小食分別有五款可選擇, 更包蜂蜜紅茶一杯(可揀凍或熱).套餐用了一個木盤,分別盛載上菜,我選了香葉鹽酥雞, 原味精巧肉燥飯, 肉燥扒油麥A菜和蒜香台灣腸.肉燥飯中規中矩, 反而鹽酥雞不錯, 脆而不原粉整體感覺不錯,CP值高,$59一個份量十足的套餐.下次可以再選擇其他小食

呢日諗諗下，又想去食台式嘢，因上次食過一次係幾好味嘅，所以再encore呢次我自己1個食，ordered以下嘅套餐🥘☕S7 精挑細選套餐今次試下主食選原味香蔥肉燥伴麵（呢個要加$2）小菜:選返香葉鹽酥雞（因上次食過，真係超級好味）蔬菜:海苔蛤蜊湯（蛤蜊都幾大隻同新鮮）小食: 鹵水豬耳拼鹵蛋（佢竟然拎錯咗鹵水鴨肉拼豆腐比我最慘係我食咗1啖先發現，我發現餐廳員工方面成日比錯食物客人）餐飲:熱蜂蜜紅茶總括嚟講食物質素方面係中上，但員工方面係需要改善

好難得今日咁少人等位，即刻拎飛！等左大概5分鐘就入得！一睇裝潢顏色、字體、公仔就知道走可愛路線！落單紙好簡單，只有兩款套餐和單點，我覺得『精挑細選套餐』最吸引！ 飯及麵/小菜/蔬菜/小食/飲品 自選一款，有些則要額外加錢的～飲品- 熱蜂蜜紅茶豬仔杯好cute 啊😍 蜂蜜味好濃烈，但好鬼甜，飲左一半就無飲嚕！ 精巧肉燥飯(原味)雖然食落不似台灣的肉燥，但味道不錯，撈飯一流！小菜- 香葉鹽酥雞不厚粉炸得酥脆，還提供梅子粉、海苔粉、七味粉作調味，但始終無醬汁食起來有點乾，幸好有肉燥又有湯平衡一下，不會覺得乾爭爭！蔬菜-冬瓜排骨湯成日食熱氣野，當然擇清熱解暑的湯水！小食-醋香小雲耳比想像中大碟，醋甜度剛剛好，風味十足，咬落爽口！一個套餐食到不同款的食物，真係好飽!!!

呢間台灣餐廳開張左一排都見到好多人等位食，今日有時間所以就去試下～三個人分別叫左三個精挑細選套餐，個人認為呢個set都幾抵食，星期一至日都係around $59，主食小食可以自由配搭，選擇算多我個set就叫左香蔥肉燥拌麵、金銀蛋唐生菜、香葉鹽酥雞同埋蒜香台灣腸肉燥拌麵方面，啲麵煮到比較漲，無咩口感，肉燥都係醬比較多無咩肉，但味道ok唐生菜份量好多，但皮蛋同鹹蛋味就山唔係好出，味道無咩特別正正常常～鹽酥雞方面，炸得係好食嘅但就多皮，如果中意食雞皮嘅人應該好like最後台灣腸都係一般般每個set都會送一杯熱/凍嘅蜂蜜紅茶總括來說呢間餐廳食物水準就不過不失，勝在可以自由配搭，但個人認為服務就真係有待改善，有時間不妨一試

喺坑口開咗間新嘅台式餐廳都成個月，之前太多人排隊了，所以等咗一個月先嚟試下，我地嗌咗以下嘅餐,1) 黑醋豬軟骨肉燥湯麵（跟餐包蜂蜜紅茶） 因為我不嬲好鍾意食豬軟骨嘅，湯底方面唔咸，麵係粗麵，麵嘅質地幾有咬口2) 紅燒牛肉麻辣湯麵（跟餐包蜂蜜紅茶） 湯底係麻辣，唔係好辣，味道都唔錯，牛肉就好好味，夠淋身3)精挑細選套餐（精巧肉燥飯，香葉鹽酥雞，海苔貢丸湯，蒜香台灣腸）（跟餐包蜂蜜紅茶） 四樣食物都好好味，同埋超級抵食，下次嚟會再嗌呢個餐

這間店舖是新開張的，本身不想公開投訴，但諗諗下，關於其他幫襯嘅人健康著想，決定分享個人經歷，沒記錯的是8月24日發生的事，我同友人當日中午去這間店舖用餐，因太多人的緣故要取票等候安排入座，取了B飛，見到有張2人枱，但企門口的著藍衫嘅主任一直沒安排入座，經了解後，原來係冷氣風口位滴水，但後來有個著藍衫肥嘅女，冇名牌唔知係咩職位，企上張卡位櫈用布抹上面冷氣風口位，跟住喝令企門口嗰個主任，入客啦仲唔入，抹咗啲水咪得囉！說到這裡，問題就出嚟喇，間離有客食緊嘢㗎！用塊布抹上面冷氣風口位，有冇諗過會飛曬啲 塵落啲嘢食到㗎？究竟衛生緊要定做生意緊要呀！妄顧食客健康，諗起都火滾，睇到都咁唔衛生，睇唔到嘅衛生極都有限！這間店舖以後都不會再幫襯！

話說呢間鋪頭未開之前喺將軍澳區已經好大回響好多朋友都話好想快啲試吓早前更加係大排長龍每日都冇機會食到今次嚟到呢度食先發現原來名過於實 食物品質喺台灣料理來講算係非常一般😢紅燒牛肉肉燥飯$54 其實呢個紅燒牛肉飯係正常水準唔算特別差 如果真係黎呢度建議試返呢個正正常常之後就要開始講下啲難食嘅位置珍珠奶茶杯嘢飲係套餐加嘅 台灣鋪頭來講我哋都期望珍珠奶茶會係有咁上下嘅質素但係呢度嘅珍珠奶茶可以話係非常非常非常難飲 奶茶飲得出完全係奶溝茶仲要係茶包嗰啲茶 珍珠咬落去完全唔彈口 肉燥飯宮保雞丁滷水雞翼$64賣相就好啦但係食物嘅質素都係一般 唔係特別好食 6x價錢食台灣野來講可以有更好嘅選擇肉燥面鹽酥雞台灣腸$68可以話係暫時食過最難食嘅鹽酥雞食落去完全唔脆 雞都冇乜肉食 好大浸蒜頭味 個面亦都非常嫲嫲好似食緊烏冬咁 總括嚟講對呢間鋪頭都幾失望短期內應該都唔會再嚟食

呢間新開嘅台式餐廳開咗大半個月，日日都大排長龍，今日見等位嘅人稍為無咁多，等咗大約十五分鐘入座。餐廳座位遍得好密，無卡座，真係食完就走，快快快餐店。坐就唔係咁舒適，不過食物嘅味道重要，餐廳以肉燥為主打，主食套餐有三款，想咩都有啲嘅可以揀精挑細選套餐，小菜有五款，仲有蔬菜同小食。我哋四人叫咗三個主食套餐，一個小菜套餐，我哋發現主食套餐嘅鹽酥雞比精挑細選嘅好好食好多，多咗好吃兩個字係唔同啲。整體唔錯，價錢唔貴，食物滿意。很好吃鹽酥雞排配蕃茄原味肉燥湯麵，熱辣辣嘅鹽酥雞扒好好味，处層香酥薄脆，雞扒又嫩又夠味，麵都幾彈牙，肉燥搶晒蕃茄湯嘅味。原味香蔥肉香燥拌麵+$2配香葉鹽酥雞，金銀蛋娃娃菜，滷水豬耳拼滷蛋，鹽酥雞同上面嘅差好遠，應該炸完放咗一段時間，有啲乾，雞肉唔滑，菜我覺得淋啲更好，拌麵同滷水唔錯，好夠味。回魂黑醋豬軟骨配原味肉燥湯麵，豬軟骨夠淋，入味唔太鹹。很讚紅燒牛肉配原味肉燥飯，牛肉食落無渣唔鞋，最鐘意食肉嘅我都覺得肉燥配飯係最好味，撈埋一齊好滿足。飲品選擇唔多，套餐飲品只有蜂蜜紅茶，其他選擇要加$5或$7。

假日去食下午茶，見一碗肉燥新開無耐，所以去一試去到先知可以用APP拎飛，等到2點半就開始下午茶香葉鹽酥雞 $32 燥底撈 +$2下午茶餐會有一杯蜂蜜紅茶 (熱/凍)，不太甜，蜂蜜味唔突出，紅茶唔會澀，總體唔錯香葉鹽酥雞新鮮炸起，表面混了調味粉，鹹味適中但食唔出咩味，外皮非常酥脆，肉嫩滑不過偏細至於燥底撈，有半隻蛋、肉燥同佔個面一半的豆撈麵不冷不熱，麵係扁粗麵，口感較硬肉燥的肉粒幾大粒，份量剛好撈晒一個麵同豆豆的份量好多，應該係生的或者白烚，豆有豆味以下午茶黎講，份量足夠👍🏻手搖脆雞翼及煎餃子 $38 燥底湯麵 +$2上菜的時候雞翼已經凍左，但脆雞翼仍然好脆3隻普通豬肉餃係熱的🥟似屋企出品燥底湯麵係撈麵加湯版，湯底應該係紅燒牛肉湯，如果麵淋啲就perfect👍🏻

排半個鐘，8：45pm 入座，落單後25分鐘 都未上菜，一問職員（應該漏左）好快補返，等左半粒鐘9:15pm 終於有得食， 但不夠10分鐘 個阿姐叫我地埋單先再食，因佢9:30 last order 想先埋數wor，好無奈，因其他枱啲阿叔 食完玩電話又唔敢 叫人埋單先！同一時間 另一職員收走我碗麵！我食左10分鐘都冇！仲有一大塊豬軟骨+麵，佢竟自以爲我食完！ 隔離枱 食客 都忍不住 幫口 截停佢：人地都未食完！ 大家都見識了2個職員圍住我張枱"趕客"，紛紛9:30pm前埋單.一直冇要求一間肉燥店有咩服務(始終不是酒店)但冇諗過一肚氣！

坑口開左間新店，叫‘一碗肉燥’。約埋朋友去試新野，嘩！門口超級多人，我都明白大家都想試新野，結果我地等左成粒鐘先入到。成間店用左黃白2色去表達，好光猛，好簡潔。佢台面有張餐單，比你自由配搭，但基本上離唔開佢既主打-‘肉燥’。我地叫左回魂黑醋豬軟骨+原味肉燥飯、好吃鹽酥雞排+原味肉燥湯麵、香葉三杯雞鍋+香辣香蔥肉燥伴麵。豬軟骨非常惹味，陳醋唔會太酸，非常開胃，鹽酥雞扒唔油，炸得好鬆脆，三杯雞鍋係當中最好食既，因為佢真係入味，夠晒熱，有鑊氣，食得出佢係一炒起就上鍋出菜。絕對要推介～！飲品對香港人黎講就冇咩特別，泡沫珍珠奶茶、柚子蜜、蜂蜜紅茶，全部台式飲品，香港人都好熟悉，冇咩驚喜。食物比飲品出色太多，呢間新店，可以再encore!

起身就落街搵野食，兜個圈發現新開既鋪頭食台灣菜。見到餐廳開11點半，我地12點3去到已經大排長龍，新開果然多人食😅其實餐廳食物種類吾算好多，主打就係得幾款。。蕃茄肉燥牛肉麵🐮湯頭好濃味，牛肉炆得好淋好入味，似係牛肋條，吸哂汁好食！麵條好qq亦都好入味。牛肉都有6件，仲有半隻溫泉蛋添。。精緻套餐：我揀左娃娃菜，鴨肉豆腐，煎餃子同肉燥飯。不過有啲失望係鴨肉係煙鴨胸肉，餃子🥟就煎得有點硬，但整體好食咖。。。應該食哂成個餐都夠哂飽。。飲品：我轉左黑糖珍珠牛奶🥛不過就一般啦，都重牛奶味吾甜咖。。蜂蜜紅茶☕️一樣好飲。。。餐廳新開所有野都好新淨，環境好得意，好多雞蛋🥚同雞🐣既卡通圖案。。。員工都友善有禮既。

新開張，通常都好多人，但今日等位又唔洗太耐，送餐都好快趣。至於裝修方面，牆上公仔都幾cute，不過枱椅就有點逼夾。比大家睇下啦由於距離食晚餐時間尚早，所以未有太多人等候啫。曾經見過門外有多達30人等候!至於食品方面有分三個大大套餐，分別有:一碗肉燥飯或麵套餐精挑細選套餐鍋燒套餐價錢方面，有48元最平的是回魂黑醋豬軟骨套餐，價錢中位數的是三蝦冬粉鍋套餐65元。 至於還有可供選擇的有一些小菜，包括由香葉鹽酥雞， 樹子醬牛蒡炒肉絲， 價錢都是大概30元至39元。 另外有蔬菜及小食， 小食有蒜香台灣腸，煎餃子，鍋貼青菜， 價錢都是15元。 飲品方面， 台式奶茶， 泡沫珍珠奶茶， 黑糖珍珠牛奶， 由20元至27元等等。套餐上有精巧肉燥飯加配一款小菜， 一款蔬菜及一款小食。 我點選了的肉燥飯 美味可口。 小菜中樹子醬牛蒡炒肉絲有點點辣， 但還可接受， 蔬菜中金銀蛋娃娃菜 味道一般， 小食的醋香小雲耳最為好味夠清爽。 我家的成員點了柱侯牛腩炆蘿蔔鍋及香葉三杯雞鍋， 味道一流 ，牛腩夠入味，又夠淋身，至於三杯雞夠香口更有點似燒烤的感覺。大家還可以看看價錢呢!