一生懸麵

營業中

休息中

一生懸麵 ‧ 努力不懈 #黃色經濟圈#五一黃金週好耐冇去過九龍灣啦，今次就一於試下呢間拉麵店❣️💜呢間無論店面定係價錢都好親民，估唔到我地5:45pm去到已經有條人龍仔，建議去食的寶寶們要早小小去。細細間的樓面好有日本拉麵店的感覺，如果播埋日本歌成個feel就會仲正。PS: 呢間拉麵應該有落味精，面嘅份量足夠一個女仔食，男仔食可能要加替玉，但價錢吸引，湯麵比沾麵有質素，可以一試😉1. 二郎系拉麵 $73 湯底濃厚，加上表面有大量生蒜、大蔥絲，令豚肉湯底更香更吸引，豚肉有用火槍燒香半肥瘦，好林好好食🤤🤤🤤，拉麵麵質彈牙，必試2. 魚介豚骨沾麵 $78沾麵的鏗魚湯頭不會死鹹，不過唔夠濃厚，蛋不過不失🤪———————————🔸餐廳資料：一生懸麵 (牛頭角)🔸地址：牛頭角牛頭角道3號得寶商場地下121號舖———————————味道：💜💜💜抵食：💜💜💜💜環境：💜💜💜（5💜為滿分）#yellow將軍澳#yellow藍田#yellow湯#yellow養生#黃色經濟圈#yellow拉麵#yellow九龍灣

//#黃店地圖系列間野叫：一生懸麵邊度黎：牛頭角牛頭角道3號得寶商場地下121號舖(另有旺角分店)環境點：充滿日本拉麵小店的感覺 能近距離觀望拉麵師傅的手藝 🌝：參與罷市與悼念 捐款給立場新聞 推出學生優惠▪名古屋二郎系拉麵 $738.5分聽個名完全一頭霧水 原來二郎系特色係 加入大量蔬菜 大蒜 豬背脂 oh yeah~ totally my thing 首先湯底好濃郁 因為有背脂肪 所以面頭會比較多油 加上生蒜同大蔥都夠曬嗆辣 浸係熱湯度即刻令湯底瞬間昇華 蒜蓉之鬼表示簡直高潮左 拉麵揀左標準 偏粗身 軟硬適中 十分掛湯 叉燒同樣相當出色 燒到表面微焦 半肥瘦得黎 唔會油膩 實屬高分之作▪白湯豚骨拉麵 $688分相對二郎系 呢碗更能夠試到湯底嘅真功夫 豚骨味重 表層唔會有層油 選用麵質亦相當講究 呢碗係用幼麵 食到雪雪聲好順口 仲有半隻溏心蛋 木耳 紫菜 口水佬割愛比我試左啖溏心蛋 調味恰到好處 唔會過鹹或者酒味太濃 流心效果都不錯 兩碗都好高水準

抗疫不忘抗爭！在「限聚令」實施下，既然不可以四人聚餐，那就索性獨自搵食，一個人外出支持良心黃店「一生懸麵」！「一生懸麵」曾參與8.5三罷，門口亦貼有反送中文宣和米豬連認證，絕對是良心保證！小店做足衛生措施，除了探熱外，亦提供酒精紙巾抹手。枱頭放有餐紙，我望了望就點了濃香櫻蝦油拉麵，盛惠83元！嘩，拉麵一上枱，即被那鋪滿面的海量櫻花蝦嚇一跳，真的完全看不到湯底下還有什麼！半熟蛋蛋黃juicy，怕肥的我最後連湯也喝掉，因為蝦香實在太清甜！「一生懸麵」的店員很年輕有禮，各位要多多支持！

九龍灣黃店又多一選擇，呢度嘅櫻花蝦拉麵好味過好多間拉麵🍜，無得輸，一碗有超多櫻花蝦，好多時啲拉麵店都係得個鹹味，但係呢一度嘅拉麵湯唔會話太鹹而係充滿着櫻花蝦嘅香味，個拉麵嘅軟硬度非常適中，食過返尋味。

小小的店加上一群努力的年青人便是一幀美麗風景疫情中食肆生存很不容易用心製作的店仍能得到客人的青睞這裡最有名的是沾麵濃濃的鏗魚湯頭不會死鹹麵條有嚼勁是我喜歡的硬度豚肉和蛋也不錯吃整體份量剛好不會浪費由下單起會看到這些年輕人認真製作的神態希望你們能逆市撐下去啊

係旺角食過呢間拉麵店今次黎到九龍灣再食多次呢間比起旺角分店黎講真係好細間有兩枱四人位同一排高位環境細細所以需要排隊等位店員好體貼係你排隊果陣比張紙你填要食d咩我就揀左白湯豚骨拉麵 $68 同一罐可樂 $10食物好快黎到首先湯底真係好正 好飲麵我揀左標準 唔太軟唔太硬 岩岩好溏心蛋都唔錯但我塊紫菜浸耐左唔太脆而豚肉係我覺得做得最好既一part因為佢塊豚肉唔會好難咬 好易入口整體黎講都唔錯幾好味總括而言食物方面 湯底同豚肉讚讚環境方面 偏細有少少逼服務方面 店員有禮快手會再試

店舖內大概有10個坐位左右，開放式的店面，人龍不絕。雖然空間有點逼迫，但卻有街坊風味和親切感。廚房的設計都是開放式幾似日本拉麵店。辛辣拉麵拉麵份量十分足夠，湯底辣度是統一的。豚肉是有預先火炙了外面的，非常特別和加分，雖然肉質偏肥帶有油脂感，但勝在入口有即溶的軟硬度。拉麵的軟硬度能夠自己選擇，所以各人都能因應口味而選擇。章魚小丸子比較不推薦，麵粉太多，失去了章魚的口感和味道。特濃豚骨沾麵沾麵一樣有半隻溏心蛋和兩塊火炙豚肉，另外可以選擇冷麵或熱麵。沾麵湯底比一般拉麵濃厚一點比較容易掛上麵條，入口味道更豐富，而且豬骨味非常香濃。

一生懸命，這一個詞語，在日式食肆中係好常見的。尤其是一些小型的串燒店，拉麵的，好多都會掛個牌，說他們 "一生懸命"。究竟，一生懸命是什麼意思呢? 根據 Google Translate 找出來的答案，就是 "努力工作" 的意思。而前一陣子，周末的一個人時間教我來到淘大一帶搵野食，當我無聊地走進了翻新過的得寶商場，發現這個地方已經成為食街。而 "一生懸命" 去尋找隱世的味道的我，遇上了這一間《一生懸麵つけ麵》。拉麵店很細，只有一排面對著廚房的吧檯。感覺就同我之前在東京某商場內遇見的小型拉麵店格局一樣。總覺得，這樣面對著拉麵師父食拉麵，特別有親切感。《一生懸麵》的主打是つけ麵，即是沾麵。但當日我看中的是湯麵，是名古屋口味的拉麵。名古屋次郎，湯底是一般的豚骨湯。驚喜感不大。而厚切的叉燒就令人滿意，肉厚而不太肥。全蛋麵，他們亦做得出我要求的腍度，然而，有芽菜同麵條雜亂在一起，美味掛汁的麵同爽口的芽菜一起放入口，濃香夾清新，感覺夠特別。小店，味道雖是一般但那一片叉燒又能給我喜悅。而味道一般的原因不在於麵條，而是個豚骨湯真係好一般。

呢度嘅鋪面同廚房都係開放式 有啲係吧枱 坐得會較迫狹 好有係日本屋台食嘢嘅地道感覺😂 叫咗個魚介湯叉燒沾麵（$82）魚介湯濃而不膩 個人覺得就咁飲都唔算好鹹 而沾麵質感彈牙煙韌 非常掛湯 細看之下麵條仲有粒粒小麥嘅物體 應該係自家製作😍而兩塊叉燒肉質較腍 燒得有油脂香 糖心蛋蛋黃亦夠流心，附有嘅筍都好清爽😍 總括嚟講，成碗麵都整得好有心機，拍得住日本食嘅水平；而侍應都好後生同有活力💪🏿

一向不太喜歡吃太熱的食物，所以麻麻哋鍾意食湯拉麵，不過沾麵就超鍾意食。如果你也是沾麵控，就一定要試試這間的濃湯櫻蝦沾麵。跟其他拉麵店一樣，這裡也是可以選擇麵的軟硬度和是否走蔥等等。剔好點心紙，等一陣間，食物便上枱。最先吸引眼球的，當然是那碗鋪滿櫻花蝦的濃湯，因為櫻花蝦的數量多到有點誇張啊😮！呷一口湯，發現比其他店的略淡卻不失鮮味，絕對是我的口味，因為太濃的話，喝完我會整天不停扯水😂！至於碗麵，配料有筍，溏心蛋半隻和叉燒兩大片，前兩者屬正常水準，後者用火灸過有點香口，不過肉質略嫌較瘦，不夠肥美😂。 麵質我選了較硬，沾湯吃剛好，不會太腍。吃完麵，請店員加點湯，將那碗櫻花蝦濃湯一飲而盡，很滿足的一餐🤗。

到九龍灣行逛， 打算在附近找一些高分的B級美食。見到一生懸麵分數也不錯，食拉麵沾麵， 一於去試一試， 地址在得寶商場裏面，有點難找。平日晚上八點半多， 仍有不少人在排隊，估算味道應該也不錯。雞軟骨棒($28)名古屋二郎系拉麵($73) , 我喜歡他們的湯頭, 不會死咸, 麵質適中， 是一個有質素的拉麵。櫻花蝦沾麵($83), 櫻花蝦無敵多。之前在日本吃過的沾麵, 咸到飛起，自此不是太敢吃沾麵。這個沾麵迁就了香港人的口味，湯頭濃郁，不會過咸。 一生懸麵的高汁沾麵和拉麵，不錯吃。 我們吃完時也差不多晚上九點半，味道好，怪不得外面仍有人在排隊。

首先想講下，作為一碗拉麵，一碗係日本人最基本既食物，就好似我地既雲吞麵咁Comment係有5大原則/比分位 🤓———————————湯底🥣－係成碗拉麵既靈魂，小編食拉麵既時候，第一啖放入口既就一定係個拉麵湯底，而且基本上食到最後，最黎一樣放入口既都係湯，再加上成碗拉麵既味道都源自個湯底。———————————叉燒🐷－絕對係一碗拉麵既加分位😎———————————拉麵🍜－就係成碗麵既基礎，即使所有野都做得好好，但麵本身做得唔好得話都係唔合格的。———————————份量🥢－呢一樣可能係唔同人既眼中有唔同既睇法，但小編認為拉麵係日本最平民既食物之一。適合男女老幼食，所以份量必須要足夠，不能夠太少。———————————價錢💰- 係香港而家求其食個茶餐廳午餐都成50蚊，所以70-80蚊一碗拉麵以我個人黎講係可以接受既，但如果Over 100的話就真係太貴。🤨———————————白湯豚骨拉麵🍜$68湯底 3.5/5叉燒 5/5拉麵 4/5份量 5/5價錢 5/5湯底比較濃同埋油，但其他都超過我既預期。🤓😚———————————二郎系拉麵🍜$88湯底 4.5/5叉燒 5/5拉麵 4/5份量 5

係香港本身唔expect食到高質既拉麵 但呢間小店係相當高質未有黃色經濟圈之前已經食過 果陣未有咁多人排 而家有之後就每次都要排隊😂今次食係3點幾先去食個午餐 都排左10分鐘嗌左唔肯定係咪新出既櫻花蝦湯叉燒拉麵 上次食過沾麵今次試埋拉麵呢個湯我覺得係佢最出色個湯 櫻花蝦味非常濃郁好香甜 而叉燒都燒得好淋 亦唔會太老沾/拉麵都好好食 係睇心情想食咩質感同口味 有機會一定會試晒佢所有款式 絕對係再會黎懲罰！去埋佢旺角分店懲罰！

好難得會去到嚟九龍灣呢一邊好好彩呢度有一間黃店咁就可以大大力懲罰佢地點雖然有少少難搵 因為佢呢間鋪係係一個商場嘅最埋便 唔係住果頭嘅可能要搵一陣不過最後都俾我哋兩個女仔搵到座位方面有少少似日式拉麵店有吧枱有坐枱我哋兩個就坐咗喺吧枱枱上面有水有Menu我就叫左個濃豬骨湯沾麵朋友就叫咗櫻花蝦湯底相當濃厚 香味超一流湯上面有少少魚粉 日式叉燒用火槍燒面有少少窿味好正日式糖心蛋 半生熟恰當好處面嘅份量足夠一個女仔食我就好難得咁樣成碗清晒味道的確一流價錢一啲都唔貴相信大家有能力可以懲罰佢

一日一黃店 九龍灣高質沾麵呢日大概19:00 幾多人 大概排左15分鐘呢間重點係 性價比好高相對油尖旺區 好多沾麵都$100呢到大概$70 算係好抵食.呢日叫左⭐️二郎系拉麵$73👍🏻拉麵粗身彈牙（選擇左硬度 適中）👍🏻湯底夠香 就咁飲都唔會過咸 唔會口乾🤔表面有大量生蒜 大蔥絲 就咁食會好辣👍🏻建議襯個湯熱 沉住佢先 咁樣個湯會再香d👍🏻豚肉有燒香半肥瘦 🤔但得2舊.⭐️魚介豚骨沾麵$78相對上面果個 個湯濃小小 咸小小但濃度相對其他沾麵 都係冇咁掛湯但通常掛湯勁濃果d個湯都會偏咸 睇個人喜好啦鐘意食拉麵既我 覺得真心抵食.店入面文宣唔多 星期四學生8折 有罷工.#一生懸麵 (牛頭角) （仲有旺角分店）地址：牛頭角牛頭角道3號得寶商場地下121號舖.⭐️評分：味道：4.5/5環境：4/5服務：4/5抵食：4/5.‼️想睇更多資訊