一生懸麵

營業中

休息中

📍一生懸麵🎗️前幾天出去回診終於可以找間新的黃店吃吃看，旺角那邊真的很多選擇，我常常用剔除法去決定吃什麼，當天不想吃冷的清淡的跟飯，所以就決定是麵！然後再想想是哪國菜的麵，最後就它囉🤣🔸特濃豚骨沾麵🍜（多蔥）麵的軟硬度跟蔥可以自由選擇，叉燒超級嫩，湯底很香夠味但感覺不夠濃稠，沾完掛在麵上的湯汁沒有很多，麵底量正常，配料還有半顆半熟蛋跟竹荀。🔸唐揚炸雞🐔很酥脆還保留了肉汁！唯一是我不太吃沙拉醬，所以灑上七味粉來吃。➡️右滑有菜單💲Hkd 78 + 32🏡香港旺角通菜街73號地下🏡香港牛頭角道3號得寶商場地下121號舖🕟12：00 - 15：00 & 18：00 - 22：00

係大半年前，同事已經好推薦我去試下🤔🤔所以做完手頭上既事就過黎。😃大約7點左右，行到黎店前已經坐滿唒人😮九龍灣既店真係好細間，拉麵位，兩張卡位同埋吧枱加埋大約200幾尺左右，一個長方形既店鋪，因為我係一個人黎，所以揀左吧枱坐。雖然話地方細，但吧枱高櫈同枱面係好整齊同乾淨，枱面摸落去唔會黐立立，吧檯櫈好穩陣唔會搖下搖下咁，而且吧枱下面每個位都一個掛勾，比客人掛起手袋。👍👍我選揀左櫻花蝦拉麵，拉麵既櫻花蝦鋪到成碗都係🦐🦐🦐🦐櫻花蝦既香味帶住口罩都聞到，拉麵既湯底濃郁，唔會油膩，櫻花蝦拉麵既麵底係我鐘意食既細麵，雖然冇特別要求硬麵，不過麵質煮得適中，唔會煮得太淋。除左激多既櫻花蝦，仲有叉燒，竹筍，半只糖心蛋。叉燒有0.5厘米厚，食落唔會乾爭爭， 肥瘦平均，叉燒表面仲用火槍燒過，有淡淡既焦香味。竹筍冇怪味，雖然食到有一塊硬硬地，不過問題唔大。糖心蛋熟左少少，流黃比較少。因為見到人開始多，所以食完就好快埋單走人啦。雖然話細店，地方乾淨唔洗講，店員既服務態度非常好，店內氣氛一樣好，左面同右面都係講整鬼滅劇場版電影，雖然我都會去睇😂😂反正住得唔係太遠，有間時下次試下其他麵先。🤤🤤

有驚喜嘅沾麵 經過牛頭角 想搵間良心小店 就發現左依家 一生懸麵 因為時間仲早 唔洗排隊 可以直入呢個價錢十分足料 湯底夠濃厚 魚介唔過鹹 麵質彈牙 份量又足夠沾麵好多時都會過鹹 依家做到恰到好處 叉燒亦都香口 而且夠肥 成碗麵合格有餘  呢個價錢食到呢個質素 應該要多多支持

好耐無食拉麵啦！之前食過旺角嗰間但日日都排長龍今次就試下九龍灣分店😋店舖位置好少 得兩張四人枱同一張長吧枱可能要行到入商場 雖然都滿座但人流唔算多所以唔洗等好耐～首先講我最愛嘅沾麵😍極中意呢度嘅麵底！佢本身已經係粗麵同好彈牙而我中意叫凍麵同加硬所以食落更加有口感🥰但又唔會覺得佢係生或者咬唔斷而浸湯一樣好入味～而材料嚟講 兩款一樣都係有蛋 兩塊厚叉燒同荀魚介嗰碗仲有青檸😛叉燒煮熟會再燒一燒 更加焦香😋湯底呢 兩款都有濃濃豬骨香魚介嗰碗魚味都濃 層次感再強啲～呢款拉麵特別在於好多蒜 芽菜同椰菜唔中意嘅話都可以喺點菜紙度剔走～因為有蒜 成個湯都好香好濃同時啲菜又可以令油膩感減低所以都係個唔錯嘅配搭————————————————————總結湯底真係好濃 用料十足最中意佢嘅麵底！真係好彈牙絕對值得回頭😋

之前見食評幾好所以食過一次不錯的後黎經過旺角分店見條龍超長就心郁郁想再黎九龍灣店再食點了~白湯豚骨拉麵湯底望落好濃郁有兩舊厚厚的肉雖然有點肥(驟眼望)但真係要油油地先好食飲左啖湯堅係濃味麵質揀左普通係平時拉麵的類型而且份量真係唔少平時食完一碗拉麵只是剛好飽但今次係飽過平時~名古屋二郎系拉麵蒜味比較重的一款拉麵(直頭有一堆蒜容在面)如果喜歡蒜味可以試下呢個比起豚骨湯呢個比較特別不過麵質就同平時拉麵唔同本人就鍾意白湯豚骨拉麵個麵多D呢款比較粗少少湯底都係比較重口味份量一樣唔小如果細食D真係一碗麵唔駛叫小食都飽晒

又食拉麵喇 哩排都離吾開日式料理😂原因大家都應該估到！ 究竟幾時先可以去旅行🥺哩間鋪頭比旺角店細 但係都坐得算舒服架 即使坐bar 枱都吾怕 佢有勾比你掛袋 坐位之間都好闊 staff 好主動加水！ 食拉麵 水好重要😂白湯豚骨拉麵🐷 $68💰有人話哩度既拉麵好食過沾麵 我相信佢冇講錯😆雖然我未食過佢既沾麵 不過拉麵真係幾好食！ 佢有得揀麵質 我揀左普通 係我中意既細麵 直麵既一種🥰軟硬適中 溏心蛋好濃蛋味 一啖麵配紫菜 再加一啖流心蛋黃🤪 哩一啖感覺好奢侈😂 話咁快個蛋就KO 左 唯一爭少少既係叉燒吾夠軟淋 冇乜肉香味 相反個湯就好濃 飲第一啖feel 到幾creamy 所以話水好重要😆💦 P.s. 食到一半可以加少少七味粉或者昆布醋 為味蕾帶啲新鮮感😌CP:🍜🍜🍜🍜😋: 🍜🍜🍜🍜回購: 🍜🍜🍜🍜第一次食 試左最基本先 吾錯！ 下次再試埋櫻花蝦湯底 同埋啲小食先 見都吾少人加左！

因為疫情無得去日本，好在九龍灣有間高質本土拉麵店，食咗當去咗。 今次已經係第n次 encore呢間良心小店，仍然冇令我失望，保持住高水準。名古屋二郎拉麵 $73呢個麵完全滿足到我呢個蒜頭愛好者，成個湯都充滿着勁濃嘅蒜香，配埋軟硬適中嘅拉麵岩岩好（面嘅軟硬度可以自己揀） 叉燒有啲厚度㗎，半肥瘦，入口即溶，完全唔會鞋，正呀！ 如果可以再食多幾塊就好啦白湯豚骨拉麵 $68鍾意原味可以試呢款，有溏心蛋啊。下次再嚟可以試埋沾麵，撐住呀💛

呢間拉麵店係我既飯堂，一星期都會食兩至三次。試過佢唔同款式嘅沾麵或者拉麵，最好味既都係叫白湯豚骨拉麵。💯💯💯日本豚肉燒過好香，半肥瘦，好軟好林。糖心蛋煮得剛剛好。拉麵可選軟硬度。有兩片紫菜。湯底唔會太濃太淡，次次都飲晒，飲完條脷唔會’wear‘。最令我驚訝嘅係，拉麵既荀片竟然出奇地好食。😋食過唔同拉麵店既拉麵，都唔鐘意食裡面d荀，覺得有陣怪味，但呢間d荀真係好食，又夠爽。希望個質素繼續keep住唔好跌！

今日繼續WFH,但lunch time時間又要開會。於是我去左得寶買外賣自取。 之前係店內都堂食過佢的櫻蝦沾麵， 今日就外賣另一款魚介豚骨沾麵～佢地的沾麵一向水準都唔錯 所以睇睇外賣的水準是如何。外賣等的時間都唔耐，大概10分鐘就拿得。魚介湯底係重魚介味的 又有豬骨底 所以湯底唔錯 只是湯底再熱一點就好了～而呢個沾麵都唔錯 我揀左較硬的麵質 好彈牙 好好食😋 外賣自取有9折 所以都幾抵

暫時係全港第一間好味到會連湯都飲埋嘅拉麵💛舖頭設有吧枱位，好有喺日本食拉麵嘅feel(˶‾᷄ ⁻̫ ‾᷅˵)🍜白湯豚骨拉麵 $68配料有紫菜、木耳絲、荀、半隻溏心蛋同兩片火灸叉燒，而麵就揀左較硬，有口感。湯底味道濃郁而唔肥膩，除咗豚骨味之外仲飲到柴魚高湯嘅味除左個湯係賣點之外，叉燒都唔可以錯過🐖一踏入鋪頭就已經聞到陣陣既火灸焦香味。今次嘅叉燒係一舊半肥瘦一舊偏瘦，半肥瘦果舊簡直係世界級正，叉燒既脂肪一入口就會化開，不斷沖擊味蕾每個細胞👅唯一美中不足嘅係溏心蛋醃得唔夠入味，醬油味再濃啲會更好🍜特濃豚骨沾麵 $78配料有荀、半隻溏心蛋同兩片火灸叉燒。湯拉麵用嘅係幼麵條，而沾麵用嘅係較粗身嘅麵，揀咗普通麵質，彈牙得嚟完美咁掛到湯💛沾麵豚骨湯味道更濃但又唔會過鹹😋可惜嘅係沾麵湯汁唔夠熱，再加凍麵會變微暖，所以推薦大家試下熱麵。💛逢星期四出示學生證/着校服就可享有全單8折💛

一直都想試一生懸麵 ，雖然店位置細，但食拉麵就預咗8點去到已有人排隊，但好快就等到位先試招牌白湯豚骨拉麵，湯底好好，最出色都係舊叉燒，烤過好香，又夠肥美。出面好多拉麵鋪都做唔到，凍冰冰勁難食。但麵嫌唔夠爽彈，建議大家可以叫「硬」程度另外又叫咗魚介豚骨沾麵，個人黎講更喜歡呢個，湯底好特別，仲有少少肉係入面上時店員話可以將青檸擠落麵度再沾，又添加左一分清新，好正

之前都有分別食過牛頭角同旺角店嘅沾麵之前疫情啱啱開始因為店鋪抗疫而摸左次門釘跟住就好耐冇食今日難得出街又經過就食下支持黃店記得以前食豚骨沾麵同魚介沾麵都被佢個種濃郁震撼到今日滿懷期待個陣...個沾汁比以往稀唔係好掛到係麵上面食落有啲淡就咁飲個湯非常易入口唔係以前要後尾加湯先飲到就咁作為湯係還可以但作為沾汁真係淡左好多亦無法好似以前咁食完就加湯飲埋佢...真係有些少失望😢過多排先再食喇...黃色經濟圈要加油保持抗爭精神之餘都要保持水準先有得爭贏架😢

一生懸麵📍.近年牛頭角淘大個邊大翻新💫多左好多高質食肆進駐呢一間就位於得寶商場估唔到商場細細但竟然都有間ok既拉麵店🤤.鋪頭以開放式設計鋪頭細細 大約得十零個位.各試左一個拉麵同沾麵名古屋二郎拉麵🍜（$72）二郎系即係有不少豬油同以椰菜 芽菜 大蒜為主做配料既拉麵雖然湯底會比較油 但味道幾好😋蔥蒜香味濃但唔會太咸湯底濃郁 所以拉麵既掛湯度都唔錯加上軟腍既叉燒🐷 表現不俗.🐖特濃豚骨沾麵（$78）湯底以豚骨熬製 味道極濃如果更杰身可能會更好 令拉麵掛湯度可以再高啲整體份量足夠 表現理想👌🏻.總括而言湯底濃郁得黎又唔會死咸 味道頗佳但拉麵似乎比沾麵做得更理想住附近既朋友又多一間選擇啦💁🏻‍♀️.人均消費：$80美味指數：😋😋😋😋😋😋😋😋 （8/10）抵食指數：💰💰💰💰💰💰💰💰 （7.5/10）打卡指數：📷📷📷📷📷📷📷（7.5/10）.店名：一生懸麵 (牛頭角)地址：牛頭角牛頭角道3號得寶商場地下121號舖

這間細細的黃色拉麵店在德寶商場已經開了很久，但一直沒有嘗試。⁣⁣今天的晩餐相約了在酒店實習時期的supervisor 跟上司一起吃。他跟她真的很好，我們因為手作布口罩而再次見面，很感恩身邊有他們的支持。⁣⁣講番食物，我揀左魚介豚骨沾麵（$78），仲叫左雞軟骨棒（$28）同章魚燒（$28）⁣⁣餐廳職員話可以加一點青檸在沾麵上之後再落湯，我想是擔心豚骨湯會太油膩吧！沾麵的粗幼度我很喜歡，因為湯拉麵用的是幼麵條，而我喜歡粗身。豚骨湯味濃，所以我沒有加太多湯配麵吃已經很有豬的香味。兩塊的豚肉很淋，吃後口腔充斥面層炙燒的味道。⁣⁣至於雞軟骨棒同樣出色，咬下去滿口是軟骨的口感真係好正。🤣⁣⁣最後的章魚燒反而沒有特別，幸好內裡沒有很多的粉漿。⁣⁣

來到九龍灣得寶廣場，食物選擇比以前多了不少，但比較正統的拉麵店好像就只有一生懸麵這家。店內麵款選擇並不太多，所以點了濃湯的豚骨沾麵。雖然點的是沾麵，但個人還是習慣先嚐一口湯，味道是不錯的，豚骨風味夠濃，湯內亦有少許的叉燒粒，唯獨是有點粉粒狀的口感太多。沾麵麵質彈牙掛湯,溏心蛋像沒有滷過，所以味道方面只可以說跟烚蛋一般，比較失色。叉燒肥香，有些微焦脆感。整體質素一般，但價錢亦比坊間大衆拉麵店較便宜。