一杯屋 (已結業)

銅鑼灣平時都有很多美食，今次我就和朋友去了位於銅鑼灣澳門逸園中心的一杯屋吃晚餐。一入餐廳，侍應姐姐非常熱情的招待我們，坐低後，我們看看餐牌，再決定吃什麼。首先，我們點了一個沙律前菜，牛油果蟹籽沙律，牛油果份量多，又非常新鮮，沙律菜脆口，脆卜卜的蟹籽點綴了整個沙律，再配芝麻醬一起吃，非常出色、清新！吃完沙律，我們點了個小食，芝士奄列，芝士外脆內軟，一咬開就可以拉絲，頗好吃。小食過後，就到我最喜歡吃的串燒，我們叫了一個日本雞雜錦串燒盛，有日本雞心、日本雞屁股、日本雞肉、日本雞腎和日本雞肝，我自己非常喜愛吃雞的內臟，猶其是雞心和雞腎，這裡的士雞心和雞腎燒得非常出色，肉質唔會太硬和乾；雞屁股非常特別，是我第一次呪，一點也不會有羶味，所以推薦大家試試這個雞雜錦串燒。日本菜又點少得刺身，我們吃了侍應姐姐推介的鯛魚薄切，廚師很有心機，把魚肉砌成一朵花，魚肉配上酸汁或醬油都一樣美味新鮮，不會有腥味。今餐的主食是波子壽司拼盤，一共有九件壽司，有大家熟悉的三文魚、鰻魚、吞拿魚、八爪魚、劍魚、油甘魚和鯖魚，重點在壽司飯，因為加了黑醋，令整盤壽司昇華了！總括來說，這裡無論環境還是食物質素都唔錯，大家可以去試下

經朋友介紹之下今日嘅午餐嚟到一杯屋食 一杯屋係一間銅鑼灣樓上嘅日式料理餐廳 而我朋友話餐廳嘅set lunch係最為豐富同埋抵食所以今日星期五就決定食好少少食餐勁嘅✨一杯屋特選魚生飯($188)呢一道一杯屋特選魚生飯係一份定食 入面包含左主菜魚生飯，沙律，麵豉湯，燉蛋同埋日本炸芝士。 魚生飯入面魚生有好多款，款款都好新鮮，有玻璃蝦，海膽，三文魚，油甘魚同墨魚，每一件色澤都好靚。而旁邊配菜方面最為特別嘅係份炸芝士，外脆內軟，食落去入口即溶，芝士味好濃陏😝✨極上炭燒牛舌定食 ($188)我今次食呢間餐廳就係朝住呢份牛舌定食而來的 因為網上評論對呢份定食嘅評價都幾高 所以我都十分期待呢一份定食入面都係有沙律，麵豉湯，燉蛋同埋日本炸芝士 ，定食拼盤均為四格 :左上角係刺身包括有三文魚，油甘魚刺身同埋海膽 ，右上角嗰格就有一隻好大好新鮮嘅生蠔 ，左下角就係香噴噴嘅炭燒牛舌，最尾右邊就係炭燒牛肉丼飯 牛肉好嫩配合埋燒汁簡直天衣無縫。 一份定食可以食到咁多款唔同嘅菜式新鮮刺身海膽同埋熟食燒物，簡直係物超所值！最後，我覺得一杯屋不論環境，服務同食物質素都係一流😝係高質嘅日本料理

食日本菜我好多時都會留意啲碗碗碟碟覺得好靚，呢度嘅食物味道同碗碟靚嘅程度都好令我心心眼!! 一人一碟小食由廚師發板，今晚嘅小食係炸芝士，熱辣辣裏面啲芝士溶晒有流心效果，不過呢個小食係收＄嘅，每人$30，但最後成張單唔使加一都算fair!!刺身中toro，隻碟好似一彎月亮咁好靚，中toro非常有魚油香但又未至於太過肥膩，食落冇筋，正正正!!餃子雞翼，咬落去啲肉汁爆出黎，雞翼燒得好靚好味!! 今晚最最最好食嘅一致認為係呢個雞雜錦串燒盛，分別有雞肝、雞心、雞腎、雞pat pat同雞軟骨，好有炭火燒嘅味道，用上黑椒七味粉黎調味，五串都好好食，唔會話燒到乾晒!! 最後嘅冷稻庭烏冬，入口非常之滑，水準真係唔錯!!店員話以前呢度係主打燒牛舌，近來轉型就變得比較多元化，可能因為咁佢嘅炭燒料理做得特別出色，感覺拍得住日本居酒屋嘅質素!!

突然又想轉下食日本野🍣今日收工去左銅鑼灣接男朋友💕之後我地諗唔到食咩所以就上網search下附近既日本餐廳👩🏻‍💻👩🏻‍💻因為女朋友都話好想食日本菜🍣於是就搵到一間人氣都幾高既樓上居酒屋🏮🌟一杯屋見到正面的評價都很多👍🏻餐牌同啲相都吸引左我地📜所以我地就去左食去到環境都舒適 🎈氣氛幾好⭐️炭燒開邊花魚定食原條魚咁燒架🐠吱小小檸檬汁食落一啲都唔腥‼️⭐️壽司拼盤有各種刺身，呢度嘅壽司同出面唔同係成個波波咁🎱刺身由內至外包住成舊飯🤤每一啖都食到刺身家飯嘅味💯⭐️一盤刺身 兩個人share一齊食💁🏻‍♀️開邊花魚🐠係用燒既形式🔥魚味幾出 都好香🤙🏻仲點左份天婦羅炸蝦🍤另外壽司拼盤款式多🍣🍣刺身亦都係就咁簡簡單單點三至四份係好足夠兩至三個人食!抵!

今日出咗銅鑼灣工幹，咁做完嘢就緊係攰攰地又肚餓啦，咁咪周圍睇下有咩食，行行下見到有間大廈都好似好多野食，就入咗去睇啦，見到呢間一杯屋，就入咗去了咁睇menu都見到好多可以揀啦我就揀咗一個日式燒安格斯牛扒定食同一個八爪魚丸子嗰日式燒安格斯牛扒定食呢，牛扒燒得好靚，份量又多，食落去又唔會太油，味道好好，一啖飯再一啖肉，一流啊跟住仲有一份八爪魚丸子擺得好靚啦，唔會話得嗰丸子，八爪魚都估3份4嘅比例，熱辣辣入口，好正今餐都食得幾飽，我見仲有好多好似好正下次再黎會再叫過

今日就出咗銅鑼灣行街啦，咁你知架啦，行完街就一定會肚餓，話晒都係去shopping，唔肚餓就假，咁都見到呢間之前朋友講過嘅一杯屋，咁我都事不宜遲，就入咗去食🧚‍♂️🧚‍♂️我睇完menu見到好多野食，我就order咗一個極上五點刺身定食同一個香煎鵝肝🧞‍♂️咁嗰極上五點刺身呢就有三文魚，帶子，牡丹蝦等幾款刺身，份量都好多，唔會得少少，全部食落都新鮮，幾好食🧞‍♂️佢嗰定食仲有幾個配搭啦，有麵豉湯同蒸蛋等，麵鼓湯幾好飲，蒸蛋蒸得好靚🧛‍♂️不得不說嗰香煎鵝肝，煎得好靚，但又唔會破壞咗鵝肝嗰味道，再配上生菜嘅flash，一啖生菜一啖鵝肝，簡直一流，下次我都會再食，朋友介紹得無錯，好好食！🧛‍♂️

咁平時都係係銅鑼灣做嘢，咁今日就比較放鬆又多咗時間放呢嗰飯，就緊係睇下有咩好食，行遠少少，反正今日有多的是時間咁就行行下見到呢間一杯屋啦，就入咗去食睇完menu，我見都好多選擇，我就揀咗一個法國芥末籽醬牛柳定食佢有好多配菜同有麵豉湯，麵豉湯幾好飲唔鹹得黎又唔會覺得淡味嗰牛柳配上芥末籽醬好夾嗰味道，送飯同就咁一啖肉食都一流，仲有嗰蒸蛋，蒸得好好味食完之後，見仲有時間，就叫咗一個cheese cake，cheese cake整得好靚，入口整溶，好重芝士味，好鐘意食，下次黎食都一定會照叫cheese cake

之前上網睇到呢間一杯屋好評都幾多,地點方便價錢又唔貴,於是就同埋朋友嚟食.重點係我地兩個都係好中意食日本菜 岩晒啦哈哈!朋友仔點左一個和牛粒溫泉蛋飯,上菜既時候已經聞到陣陣香氣 牛柳粒既味道好香好吸引,而溫泉又保持到無爆 半熟狀態,將生既蛋黃漿同啲牛柳粒同飯拌勻一齊食 真係好有日本既味道,而且又好好味,牛柳粒唔會話UN 口感好好.我地另外點左個小卷拼盤,一個拼盤有好幾款類型既小卷壽司 一次過滿足晒我地!再嚟仲有燒雞皮餃子,個種油膩感 唔會食到滯但又好好味,雞皮好食.值得一試!!

幫老友鬼鬼慶祝生日，就帶佢去食佢最中意既日本野。餐廳提供多種唔同既日式料理，睇完菜單每一種都好想叫呀～不過三個人得三個胃，就係咁易share住食 影出來好似廣告圖既和牛粒溫泉蛋飯，仲有小菊花係中間添，足以令我瘋狂。數一數都有八舊和牛粒，而且每一粒都好軟好腍，下面既飯沾到d燒汁，甜甜地，加上芝麻既香味，難以抗拒！另外仲附上日本田南瓜同沙律 壽司卷物拼盤，好QQ既波子壽司，本身已經用豉油醃左，所以加wasabi食就得日本五花腩炒拉麵甜甜地，上面既紫菜粉為呢到菜色增添風味，薄切既五花腩肉炒得岩岩好，唔乾！ 日式炒雜菜，一大扎木魚係面，菜炒到好出色！

今次來到日本大廈食日本野!set lunch更加抵食添阿! 餐廳行半自助既形式,有飲品機同檸檬,比顧客自行選擇,其實都幾free, 都係我覺得比較另類同有趣既一間日本料理餐廳 ! 刺身五點有五種刺身,吞拿魚鮮紅帶有油光,咬落仲有小小回彈,帶子新鮮口感豐腴,最得意係木板上面有wasabi,仲有楓葉點綴,更加有日本feel我地分別叫左炭燒日本雞拼盤同日式燒安格斯牛扒定食,兩個都好飽肚,發現餐廳中意將菜式擺得好靚好精緻,客人除左味蕾享受之外,仲有視覺上既享受,隨便影都好靚!

放工最緊要鬆一鬆,同男朋友來到呢間日本居酒屋,係網上已經見到佢食物精緻,齋睇就覺得好好食,決定一試! ---海膽海鮮炒飯---海膽鮮甜幼滑,好似忌廉咁滑,加埋青蔥一齊炒既日本米飯,除左香之外,仲有小小紫菜圍邊,更加精緻美觀---炭燒喜之次定食---喜之次(大翅鮶鮋) 係日本名魚,係日本食過一次,但呢到都食到,只係$168炸,條魚已經劏開左,入面既魚肉燒到好靚,香脆幼金黃既外表,魚肉都係好鮮嫩,配埋蘿蔔燒汁食,更加凸顯魚既鮮味,甚至係僻除腥味 ---鰻魚青瓜卷---大食既男朋友叫多左個鰻魚青瓜卷,味道不錯,鰻魚一擺落口就已經融曬

便當一杯屋香港店係唯一獲香港政府頒發「炭火使用許可」牌照 日本餐廳日式燒安格斯牛扒定食 $168牛扒medium rare 好粉嫩不過脂肪太多 1/3都係脂肪 呢個價錢唔expect油脂分佈好好牛肉肉質尚可 牛肉味道濃 前菜肥牛茄子卷茄子已經去皮 煮得好軟嫩同肥牛一起口感好夾男友克服到茄子恐懼症刺身三點 （𨋢魚、三文魚、加拿大海膽）𨋢魚味道淡 不用怕魚腥味口感比較實 爽 生薑豚肉燒定食 $168洋葱炒完甜味出曬黎配炒香的豚肉重點在於日本紀州備長炭 炭燒上等牛舌牛舌燒得外脆內嫩陣陣炭燒味-Yum：👅👅👅/5Revisit:💃🏼💃🏼 💃🏼 💃🏼/5Price: $300/head————————————————🌈 一杯屋銅鑼灣軒尼詩道525號澳門逸園中心8樓 ————————————————

日本的串燒專門店很多都是用木炭炭烤的方式烹調，因散熱均勻，烤過的肉類會有獨特的燻烤味，外焦內嫩的口感令人難忘！在香港做得最正宗的可算是一杯屋先來一份前菜胡麻菠菜，清爽可口，營養豐富！連平常不吃蔬菜的男友也吃不停口刺身盛三點有鯖魚、三文魚及油甘魚！鮮而不腥，入口即溶主角備長炭燒的日本雞雜錦串燒盛五點有日本雞軟骨串、日本雞心串、正肉串、日本雞小肉串及日本雞腎串！所有食材由生燒到熟，炭烤香氣四溢人氣推薦燒雞皮餃子雞皮燒至香脆可口配上啖啖肉的內涵讓人吃上癮明太子燒飯團米飯烤得酥香，咬起來有口感小食日式炸豆腐綿密的嫩豆腐經過油炸，吃起來外酥內軟，雙重口感讓人欲罷不能結帳時店家送上一系列優惠卷，下次要跟朋友來個歡樂時光

朋友想吃日本野，今晚去左銅鑼灣sogo 隔離澳門逸園中心，叫一杯屋，居酒屋格局，寧靜舒服，三五知己聚腳點。前菜有鰻魚蛋，做到好精緻。八爪魚丸有四粒$38，外面好脆身，好少可會食到燒得咁有心機的八爪魚丸，即叫即整，熱辣辣，味道不錯！日式麻醬沙律拌黑豚肉 $88，叫左個沙律，無諗過份量咁多，黑豚肉好多塊，食極都有，面頭撒了好多七味粉，提升了味道，用日式麻醬撈沙律菜不會差，好夾易入口。日本雞雜錦串燒盛五點 $168，日本雞肝、雞軟骨、雞腎、雞心同埋雞肉，燒得好夠火侯，每款的汁也各有不同，雞肝好有口感裡面粉粉地，正！雞軟骨同雞腎都好有咬口。飛魚刺身 $225，第一次食飛魚，好新鮮！飛魚同其他魚生味道同質感都不一樣，魚肉有嚼勁，魚味不腥也不濃，淡淡的，反而wasabi有驚喜，突出魚生的味道。

今日同男朋友特登出銅鑼灣行下,見都夜喇就諗左陣食咩好,上網見好多都推介呢間一杯屋,所以就去左試.我同男朋友一人點左一份定食,日式燒安格斯牛扒定食同埋法國芥末籽醬牛柳定食,佢定食份量好充足,可以兩個人SHARE一齊食.佢個安格斯牛扒口感軟熟,唔會太難咬,而且啲燒汁滲透晒入牛扒入面 好香,而且仲鎖到個肉汁 好味!跟著仲有我男朋友點左既牛柳定食,牛柳口感都好軟,又有肉味,烹調得非常有水準,佢地既調味汁好濃味,不過配合埋個白飯就岩岩好中和番,食得好滋味!!