一杯屋 (已結業)

同媽咪來銅鑼灣行街,媽咪話銅鑼灣既澳門逸園有好多餐廳,於是來呢到覓食,最後上到八樓既一杯屋,原來呢到都有好多便當,拼盤,定食,套餐可以揀,而且每樣都大大份,CP值夠曬高!叫左上壽司卷物拼盤,用上月亮型既碟,見到咁多件手握壽司擺係上面已經靚到一個點!呢個set總共有八件壽司,我最鐘意就係火灼三文魚同埋鰻魚壽司,鰻魚無刺擦埋燒汁已經好好味!另外叫左個IPPAIYA BENTO(一杯屋特選便當)-用上四格便當盒,有牛舌,三文魚,吉列蠔,豚肉生薑燒~ 一次過試曬四款,最鐘意豚肉生薑燒,甜甜地 好好送飯,牛舌更加係燒得剛剛好,切到好薄但仍然好有咬口,另外三文魚就唔洗講啦,夠曬新鮮!最後黎多個Dessert platter(雜錦日式甜品便當)-女仔既另一個胃係用來裝甜品架!即使已經8成飽,都要食個甜品box先肯走!

今日出開銅鑼灣， 同朋友 搵咗間日本嘢食， 餐廳間調係傳統居酒屋形式， 無論點原定係裝橫都令人充分感受到日本味道。我簡單地點了個我 雜錦刺身定食。刺身的擺位非常有心思， 不同種類的刺身一片疊一片，非常有層次， 中間插著一隻蝦刺身， 就似是花蕊和花瓣的形態， 非常美觀。但想不到除了外觀 觀賞性高之外， 食落還非常有品質。 每一塊刺身都感受到鮮味， 而且份量充足， 完全是一餐大滿足的晚飯。另外還有個 鵝肝沙律， 從沒想到沙律也有如此奢侈的配搭， 而且出來的效果 還非常出眾， 果然邪惡的東西都是美味的。

今日係銅鑼灣諗食咩LUNCH好,然後就嚟左SOGO附近既澳門逸園,成棟入面有好多唔同類型既餐廳,最尾我就選擇左呢間一杯屋.嚟到一杯屋 我揀左個魚生飯,魚生飯用八爪魚刺生 劍魚刺生等等包住啲飯 刺生數量都唔少,中間仲有隻蝦,仲有師傅精心擺設,整體感覺好良好.而且佢係用壽司飯去整 帶出少少醋酸味 配合埋刺生 食落美味.另外仲叫左個炒雜菜 雜菜上PO滿木魚 放埋一齊個口感都幾特別,視覺上豐富吸引,雜菜同香菇一齊炒 出到嚟個菇味都幾重.而作為一個LUNCH食 價格便宜,抵食!

最近發現開始有啲香港既居酒屋有埋omakase知道呢個消息咁就當然要去試下呢到既裝修好有日本風情omakase menu簡單而直接價錢唔算太貴都係接受範圍內食完成餐之後直頭覺得值添啊!一開始先黎左個牛舌有上網睇到好多人都好推薦既牛舌 當你食完之後就會發覺真係無介紹錯 燒出嚟既牛舌熟度剛好 唔會太韌但又有一定既口感 好高水準! 然後再點左一份刺身拼盤 每款共4件都好抵食 份量足款式又多!再嚟仲有串燒黠左份白鱔,白鱔肉質好厚實，而且燒得好香燒完出嚟魚肉依然保持滑嫩. 總結 質素高 味道優 價錢抵 值得試!

銅鑼灣去邊都係人山人海，想搵間可能冇咁擠迫既餐廳食飯。通常都要去樓上商場先得，而途經逸園見到成棟都有好多唔同餐廳，就揀咗去8樓呢間一杯屋嚟食lunch。佢請食就就佢啦。食lunch既話最好就要嗌定食啦~ 定食包飯、包湯、包配菜、包餸、可以話係非常抵食！我地都嗌咗雜錦吉烈拼盤定食，送上嚟有大大兩條吉列炸蝦同兩件吉列蠔。望樣就已經非常吸引！而且裝餸既盒其實有兩層，下面個層仲有⋯⋯炸魷魚！一打開就已經有好大陣魷魚既香氣傳出嚟每一件炸物都夠晒香脆！另外仲想食多少少，就嗌咗個燒雞皮餃子，個皮燒過後更加香，超級好食！因為呢度唔似外面人流多得咁誇張，所以我地都好enjoy咁享用呢個lunch！

今日帶埋屋企啲細路出嚟食日本野,一杯屋既餐牌入面有幾款小朋友食,小朋友都會好中意食.我就點左份小丸子 小朋友不嬲都會好中意食呢啲小食,而且佢乎呢到小丸子入面個餡超豐富,就算啲小朋友唔食太多飯食個小丸子都夠醫下肚仔,另外仲叫左啲壽司小卷等等,都係熟食 小朋友又食得,又岩小朋友胃口,而且份量岩岩好,唔會話太少又唔會太多.又有精緻既擺盤吸引到小朋友既興趣,食得開胃又開心,呢間日本餐廳絕對係抵食又岩大人細路!

今晚約左男朋友仔一齊出去銅鑼灣食飯。因為男朋友好鐘意食日本菜，所以揀左呢個一杯屋。雖然我就唔食生冷野，不過唔洗擔心！呢到都有熟食，而且呢到既著名菜係熟食嚟。岩晒我，盲係佢地既牛舌。呢間同平時其他日本餐廳唔同，呢到並唔係提供綠茶，而係麥茶。綠茶同麥茶不同，綠茶味道，是比較濃，兼帶點苦澀味；而麥茶則淡淡的，唔會話味道濃，而影響了味覺，感覺上更加解渴添。咁我就緊係點左呢到既頭號菜式 -- 極上牛舌。牛舌好軟又帶小小咀嚼感，而且從餐廳中得知，原來佢地既牛舌，係嚟自日本直運，採用最優質材料。而仲有點左個刺身拼盤，份量多，款式多，岩晒男朋友心水。 唔會話得一款一款咁食，滿足晒佢，另外叫左少少小食都唔錯! 下次都會再幫親佢。

嚟到一杯屋 食日本菜 而呢到既牛舌好出名因為係來自日本的 而師傅亦係日本人,好令人期待質素如何!我同埋朋友分店每人點左一份定食 而其中一份就係極上炭燒牛舌定食 一定要試下佢個牛舌 牛舌質地绵密而且爽脆多汁,特別係個種獨特既口感 越嚼越唔捨得吞落肚添 果然係鎮店之寶!然後朋友點左份照燒雞扒定食 雞扒份量多 而且定食仲會有燉蛋 面豉湯 小菜等等.另外我地仲點左份小食 墨魚筒 原條墨魚 大大份 而且燒既程度岩岩好 有口感 唔會太難咬又唔會太林 而且夠入味 燒到出嚟香噴噴.果然係高質素!

去CWB出Job做完嘢喺呢頭搵嘢食見到逸園有啲嘢食於是逐層睇最後去咗呢間木質主調嘅日式居酒屋門面木紋牆設計，梅花圖案牌匾都係淺木色裝潢貫徹和式風格，木屏風分隔+木枱櫈+日式掛畫小丸子叫咗個小食先質感外脆內軟，入口細綿每粒都有大大粒章魚粒加上紫菜絲+木魚碎+沙律醬好appetizing日式野菜炒拉麵去日本屋台食過炒拉麵，好好食見到呢間有都試吓同日本比當然好難比，不過質素都唔差醬汁好濃，炒香拉麵後再沾上醬汁沾醬汁後嘅拉麵+爽口野菜&薄切肉片+薑絲+紫菜碎口感層次勁豐富和牛粒溫泉蛋飯叫咗呢個丼飯，齋睇賣相已經勁精緻入面有大大粒嘅和牛粒舖滿兜飯中間仲有溫泉蛋，蛋汁呈流心狀飯粒被蛋汁滲滿，加上充滿肉味嘅和牛粒好香牛味，而且肉質軟腍而蛋汁點綴之下食落就唔乾身

成日聽屋企人講話澳門逸園中心啲日式料理好高水準,今日趁同埋個姊妹一齊放假一於去試下.今晚去試嘅係一杯屋,環境昏暗寧靜，,絕對係飲酒 傾計 既好選擇我地點左份炸魷魚酥小食一齊share 再配搭埋小小酒咁一路飲一路傾計簡直係一流,咁再嚟我地每日叫左個set嚟食,我就點左和牛粒溫泉蛋飯,和牛粒鋪滿面 好豐富 而且牛粒熟既程度岩岩好,中間仲有一隻半熟溫泉蛋,將蛋漿同飯混合埋一齊嚟食 真係好夾!然後我朋友就點左一份便當,便當分開4格,有刺身有炸物有肉等等 都係好豐富 ,好抵食比我地好好地咁享受左一個晚餐😊

幾個月前去完日本旅行,又開始懷念起幾個月前 日日係果邊食盡美味既日子….不過諗一諗,其實係香港都可以食到日式料理!例如今次嚟到呢間係銅鑼灣既一杯屋都係,可以盡食日本料理～ .記得之前會係日本食到便當,而一杯屋menu上面都有一個便當可以揀,於是就決定要嗌呢個!便當有幾款餸,有魚生，吉列蠔, 同燒肉,都幾多鎹哈～ 而且完全唔會厭! 三文魚既味道夠晒鮮甜, 而肉既夠晒嫩滑,成個便當都食得好滿足!.而食日本料理,當然唔少得海鮮,所以嗌埋個炭燒開邊花魚,炭燒過令到魚既香味更加上一層!.成餐都好似係日本食嘅一樣, 會諗起之前係日本食嘅料理 非常美味, 水準都非常高!

今日嚟到呢間樓上居酒屋 一杯屋,同埋一個同事上嚟食Lunch,佢位於銅鑼灣 對於我地呢啲係附近番工既係超就腳,而且食物質素高,我同啲同事都好中意上嚟呢到食飯.我同個同事每人點左一份定食,我點左一份天婦羅定食,而同事就點左日本五花腩炒拉麵加多份雞翼皮餃子,每一點一份又夠飽仲可以share嚟食,仲好好味添.佢既天婦羅定食仲會有燉蛋,沙津菜同埋枝豆,仲會有一碗面鼓湯,好抵食既一個定食套餐 絕對無伏 有機會出嚟行街或者想平平地食好西 嚟呢到就無介紹錯喇哈哈!

諗唔到晚餐去邊到食,朋友就話有一間推薦既日本料理餐廳,跟住佢行,先知原來係一間居酒屋,門口已經營造得非常有日本當地居酒屋既FEEL,掛住兩塊白色布,要揭開先會見到裡面既情況望完MENU都係覺得選擇太多,不過就叫左個最想試下既和牛粒溫泉蛋飯,冇諗到會另外有兩碟細細既配菜,一碟係南瓜,一碟係肉(不過只有一塊)溫泉蛋飯非常美味,牛粒口感也夠好!不過怕唔夠飽,就叫多咗個日式燒安格斯牛扒同朋友一齊share,叫埋呢個就真係差唔多飽啦~不愧係安格斯牛,燒完美味更加美味!

好耐冇嚟銅鑼灣啦，呢邊人山人海，平時冇咩嘢都唔會專登出嚟呢邊，而今次去到逸園8樓既呢間一杯屋，打算係到食個午飯於是先叫左豚肉生姜燒定食，本來好普通既豚肉，因為經過用生姜調味，令豚肉有種陣陣既生姜味，但係唔會濃厚過頭，令豚肉本來既香味同生姜味完美混合埋一齊，成件豚肉就更加好食！一個定食雖然包含好多嘢，但係定食應該都係照應返一個普通日本人會食到既份量而制，對我嚟講份量算係適中，非常好食，但未到八成飽。另外加多咗個燒雞皮餃子，仲埋一個小食章魚燒，加埋啲小食就到八成飽，差唔多啦！兩樣都非常好食！

今次食呢間真係不得不讚好既餐廳,大家都知道優質既日式料理店好少,今次係為「極上刺身五點定食」而來!「極上刺身五點定食」配撘：湯，沙律，前菜和蒸蛋, 最中意係牡丹蝦同埋帶子,茶碗蒸最出色,有高湯既鮮味,入面仲有豐富既材料,最中意入面既菇,好捻好好味!香煎鵝肝:鵝肝唔會太油,做開胃菜更係一流,鵝油香味撲鼻!八爪小丸子: 算係飯後小點心,係香港街頭食小丸子就食得多,係餐廳都係第一次食,日本既小丸子比較捻身,不過我身處於香港食到既都係已經改良版既小丸子,不過外皮脆,又香又辣口,都算係滿足我對日本既思念之情!