一木燒鵝

營業中

休息中

作為一個港女🤷🏻‍♀️😂除咗食好西 仲好愛吃燒味！🩵今次去咗旺角嘅一木燒鵝試用佢嘅招牌燒鵝、肥叉（我的必食😂）、脆皮燒肉、油髀非常滿足而且好抵食兼大份CP值好高👍🏻🔸燒鵝叉燒白飯（$66）🔸燒鵝燒肉白飯（$66）▪️燒鵝係皮脆充滿肉汁（睇圖📸），軟得嚟好有彈性，配鵝油豉油好香！▪️燒肉係五層腩肉，肥瘦均勻，所以咬落口感好好，而且唔會醃太咸。▪️我首選係肥叉🫰🏻，肉鬆軟得嚟唔會太肥，好香玫瑰露、蜜味同蠟味香，仲有淡淡蒜香，好食！🔸鵝汁油菜（+$16）翠綠嘅菜心好爽口，鵝汁絕對係神來之筆，令菜食落有鵝、香料嘅香味。.🔸飲品（+$8）叫左咸檸雪下下火，特飲係加$8。而另外一個餐就叫熱奶茶，跟餐不用加錢，味道正常，質地幾濃厚。🔸原隻油雞髀（$58）油油亮亮嘅雞髀，非常嫩滑、肥美，口感好好，豉油適中唔會太濃味。

接完老婆放工一齊去食飯，已經係晚上八點🕗，落雨濕濕費事周圍行，於是係火車站🚉附近搵間餐廳醫肚，見到有間燒味店“一木燒鵝”，就入去試下😆。餐廳裝修簡單， 全部都是卡位🛋，唔會坐得好逼，有種令人舒服自在的感覺🥰。餐牌📔選擇除了燒味外，仲有焗飯、咖哩、小食等😍。燒鵝髀雙拼飯(轉河粉) $126燒鵝脾拼燒腩仔，燒鵝髀🦢幾大隻，燒得皮脆肉嫩，鵝味鮮濃😋；燒腩仔份量都唔少，同樣燒得皮脆肉嫩🥰，點埋勁香嘅芥末醬一齊食，越食越食好味😋。河粉分量勁多，非常滑溜。黯然銷魂飯 $62要求半肥瘦叉燒，俾到邊位部份有肥膏嘅靚燒☺️，啱曬我口味😍。叉燒肉質軟腍無筋，煎雙蛋🥚有流心嘅效果，撈埋啲飯一齊食，更加好食😋。粒粒西多•脆皮雞中翼 $42西多士分成4️⃣小塊炸，每塊中間夾有花生醬🥜，味道非常香口。雞中翼🐓有3️⃣隻，調得入味，炸得香脆，好好食😋。椰汁紅豆冰 $12(原價$24)叫餐牌上任何食品可以半價叫任何飲品，淡淡嘅椰汁🥥配上甜甜地嘅紅豆🫘，正常水準。總括而言，餐廳坐得舒服，店員服務非常親切勤快，由於自設烤爐，所以燒味水準出色；西多雞翼亦拍得上舊式茶餐廳的水準。由於餐廳位於旺角中心地帶，交通方便，直得回頭再幫

環境乾凈整潔，燈光充足，坐得舒適👍🏻餐廳自設烤爐，有誠意嘅燒味一定要試啦～隱世燒鵝髀雙拼識食一定係食燒鵝髀‼️燒鵝色水好靚，外皮係睇得到嘅脆，肉味鮮濃，質感結實，最欣賞嘅係燒鵝唔算太肥，所以唔會食落啖啖肥膏😋另一樣揀咗燒腩仔，幾出色！ 肥瘦相間，皮好脆👍🏻自家滑蛋叉燒飯叉燒肥瘦均勻，好香😝滑蛋超級多，鋪滿成隻碗，滑脫脫好嫩，好誘人😋奶茶不錯～茶味濃，飲落好滑好香😍一木燒鵝 (旺角)旺角奶路臣街33號依利大廈地下E號舖

今日難得收早就同朋友去旺角食一間好出名嘅燒味，地理位置十分方便地鐵站一出行6分鐘就到，裝修有別於一般茶餐廳好有特色，座位都好寬敞，見到餐牌上邊有鐵板餐就忍唔住想試吓，另外朋友就點咗乳豬叉燒雙拼飯，另外小食點左脆皮雞翼，先講吓鐵板餐，有齊豬扒，雞扒，牛扒，西蘭花同埋薯條，醬汁方面點左蒜蓉汁，扒嘅份量非常多而且煎行恰到好處唔會過熟，而且佢呢個餐會跟埋一個西湯同埋多士，可以作為開胃菜簡直係冇得彈，而且薯條炸得好香口作為雜扒餐來講簡直係冇得輸，而燒味飯方面，乳豬皮非常脆口而且皮肉分明，叉燒整得好香口，脂肪比例十分平均，原來係自家烤爐，作為燒味界簡直係錦上添花，小食方面雞翼炸得好香口加上$25有四隻雞翼覺得係超級抵食，飲品方面屬於正常甜度嘅比例唔會太甜，下次可以試埋其他燒味。

夜晚有節目但又未食飯 同朋友急急腳食個燒味醫下肚先🤭食左「一木燒鵝」依間餐廳我經常行過 環境唔錯好乾淨 坐得都舒適 但就第一次食 咁見到個名就緊係叫番個招牌菜啦😂隱世燒鵝雙拼飯 （揀左豉油雞轉髀份量都幾多 大大碟 主打燒鵝皮脆肉香 鵝味鮮濃！而雞髀都啖啖肉！黯然銷魂飯🍳比平日更銷魂 蛋煎得剛好有蛋汁 撈飯😎而叉燒肥瘦適中剛剛好 又唔會入口覺得太肥膩 點埋蔥油真係覺得好滿足啊😌朋友飲凍奶茶 我就叫左我必叫既凍朱古力😚

今日同同事又要去旺角做嘢🚗有個同事介紹話呢間嘅燒味🍗好食👍，我哋就一齊去咗位於奶路臣街近染布房街嘅一木燒鵝餐廳🧑‍🍳試下佢啲燒味啦， 我哋去到嘅時候大概係接近兩點鐘所以唔算好爆場👏🏼好快就已經安排咗兩卡位畀我哋👏🏼， 侍應🧑‍🏫好快幫我哋落咗單，我哋叫咗餐廳最出名嘅燒鵝啦仲有燒肉🐷、叉燒飯🥓、同埋一個咖哩雞扒飯🐓，食物好快就到啦可能因為唔係太多人啦👍，燒鵝好味😋果然係招牌菜👍肉質唔會乾👍有肉汁、個皮都有少少脆💪好食，叉燒燒肉飯個叉燒係半肥瘦，非常好個邊仲有少少燶仲香😅鹹味適中都係唔錯，燒肉皮夠脆好味唔會太鹹， 咖哩雞扒飯咖哩汁有水準，雞扒唔會太乾煎得啱啱好💪有肉汁好好味😋，餐廳整個環境唔錯 😉設計得好靚😍有少少日式⛩️味道， 唔同其他嘅燒味店油淋淋🤣好快食完個飯嗌嘢飲😅餐飲嘅奶茶、咖啡🧋都好有水準唔會太淡，如果再來旺角下次都會再嚟呢一間食燒味值得推介👍👍👍

開會前快快趣食啲嘢見到呢間燒臘餐廳裝修幾新淨所以入去試吓首先係上咗杯凍檸茶用不鏽鋼杯裝味道OK之後上滑蛋叉燒飯平時喺出邊叫呢啲飯係唔會有蔥蓉喺面呢間放埋上去，都幾好味😋佢個叉燒做得幾好有少少燶邊脆脆又唔會苦可以再encore其實佢呢間寫住燒鵝，係咪應該下次揀燒鵝呢？🤣

本身行過見到諗住招牌有寫燒鵝應該主打燒鵝應該唔錯，點知就出事，叫左個下午茶餐4十幾蚊嘅燒鵝飯，黎到飯份量正常，燒鵝反而得啲肥皂肉就得好小，唔知係企檔師父嘅問題定隻鵝嘅問題，4十幾起碼都有返一兩舊肉食下啦，搞到冇哂胃口，冇下次

尖沙咀裕鵝莊結業後已很久沒有吃燒鵝。這裏下午茶性價比不錯。點了迷你燒鵝飯改瀨粉。份量算不錯，有六塊燒鵝。燒鵝有煙燻味，肉算嫩不柴，荔枝柴燻的皮算脆，但當然仍不及深井以前的炭燒般香脆。有人說燒鵝很毒，可能這樣不會那麼毒吧。上湯不是味精水，但湯底也沒有加入鵝汁，相信煙燻燒鵝的滷汁是惹味的。飯可免費專瀨粉。正常發揮，滑身的一類，只是筷子夾起來比較困難。奶茶茶底偏濃，要加兩包糖平衡澀味。如果喜歡濃茶膽沖的茶可以一試。臨走聽見有人外賣問是否還有乳豬飯，只剩半份作雙併飯。看來頗受歡迎，下次正餐再試真其燒味的味道。

外賣燒鵝瀬粉及蔥油雞扒。燒鵝祗有骨頭同皮，一點肉都沒有（看圖）。雞扒超硬好似咬石頭！全部食唔到！浪費$91！唯一可以落肚的祗有兩杯飲品！未免太貴了吧！超失望！不會再有下次！

第一次嚟,一木燒鵝,叫個lunch食先,點左一個雞髀雙蛋飯黑椒汁,賣相可以,隻雞髀都接受嘅,黑椒汁可以,再加少少辣,煎隻蛋都ok。叫咗杯凍咖啡平平無奇,淡左少少。

👩🏻最近經過一間新派冰室，見到有乳豬食就心心眼😍。餐廳全部座位都係卡位，一個人食都唔怕搭枱。🔸化皮乳豬（例）$188好少食到熱辣辣嘅乳豬，所以覺得特別好食。豬皮薄又脆、底下冇咩肥膏，肉質軟嫩、近骨嘅部份特別鹹香。一啲豬羶味都冇，唔加乳豬醬都好味。提提大家，乳豬有限量，當日我傍晚去到已經差唔多賣晒🫣。🔸鵝汁油菜 $38菜心新鮮翠綠，口感爽脆。鵝汁比起豉油鹹度低啲，亦更加香。🔸奶茶紅豆冰 $24茶底濃厚芳醇，紅豆大粒又香甜。📍一木燒鵝 (旺角)旺角奶路臣街33號依利大廈地下E號舖

平日晚上去試試，因為有一天路過的時候看到有粒粒西多士，看著很吸引，於是就來試試，整體水準都好可以，燒味飯種類也不少，吉列豬排，酥酥脆脆很好吃，飲料品種也不少！阿姨服務也很好

“煙燻燒鵝髀拼燒肉例牌”($168)“滑蛋自家叉燒飯套餐”($66)“上湯瀨粉”($20)旺角麥花臣對面新開咗間有燒味食嘅冰室裝修十分新派有別於一般茶記冰室最鍾意全卡位設計,私隱度夠哂高😆餐廳叫得做一木燒鵝,咁當然要叫嚟食吓啦😋要咗份煙燻燒鵝髀拼燒腩仔嘅雙拼例牌雙拼份量夠哂多,2個人share就岩哂燒鵝食落帶陣好香嘅煙燻味好特別😚而且肥瘦適中,唔會食到成口油🤣拼嘅燒腩仔睇樣都知好食啦🐷皮香脆肉腍滑,點埋黃芥辣超正☺️叫得燒鵝就點都要配返碗瀨粉$20超級大碗好抵食🤣另外仲叫咗個晚市套餐嘅滑蛋叉燒飯咁就可以試埋個叉燒啦😛叉燒半肥瘦,食落有蜜汁嘅香甜☺️呢個飯又係超大碟食完超飽😂加$16仲有一大碟嘅鵝汁油菜,CP值好高😍

👯雖然這間標榜主打是燒鵝茶餐廳, 但係,都幾多下午茶餐嘅選擇🥰迷你茶餐燒味套餐迷你叉燒飯 $38可轉：湯瀬粉,湯米粉或湯河粉套餐附送：餐飲♨️成碗熱辣辣上枱♨️半肥瘦叉燒, 肉質軟淋有口感煎蛋煮得剛剛熟,冇漏出蛋黃汁😋🥪公司三文治套餐$46奉送餐熱飲☕餡料豐富配烘底多士👍☕奶茶夠茶味,入口濃滑熱鴛鴦,因茶味比較濃厚略嚴啡味不足,但整體,都屬於地道嘅茶記味道😋全店都是以卡坐位為主坐得舒適👯二人份量以這個價錢食個下午茶餐相當抵吃👍🥰