一木燒鵝

營業中

休息中

千其唔好食，手撕雞飯好唔掂，勁少肉，皮嘅份量好似同啲肉一樣，未試過食咁核突擺盤嘅手撕雞，其實啲雞嘅味道唔差，可唔可以俾返多啲肉？！？我三個朋友食佢啲燒味飯，燒鵝叉燒係凍嘅，味道一般

本身想去旺角飲茶，時間有啲趕迫，轉左快食茶餐廳茶樓茶樓隔離有間燒味舖，侍應都幾熱情，就入咗去食煎雞扒配火腿炒蛋餐$58叫咗個煎雞扒常餐，$60樓下都算幾抵食煎雞扒有成兩塊，係有少少油膩，但係個份量都搭救火腿炒蛋叫咗蛋熟啲，師兄哥哥都好好cater到叫得熟蛋都唔期望個蛋會好滑，食落覺得起碼用咗三隻雞蛋，好飽肚燒鵝拼叉燒飯$68朋友叫咗個燒鵝拼叉燒飯叉燒半肥瘦有筋口感幾正，嗰邊仲有少少燶燶地燒鵝啲肉都叫幾嫩，唔錯

早前在電視看過飲食節目的介紹，說這間餐廳的老闆專心做燒鵝，特意到這餐廳吃個燒鵝，下午茶時段，迷你燒鵝飯包熱飲，$46 一份，價錢不算平。奶茶沒有茶味，檸茶只有苦澀味。燒鵝飯的燒鵝又乾又冇肉又唔熱，若果那老細專心做燒鵝，這樣的出品就真是很差勁了。最好連店名也不要叫燒鵝。

**一木茶餐廳食評：焗豬扒意粉與凍檸茶的簡單美味**位於香港旺角的一木茶餐廳，是一家以燒鵝專門店為主打的茶餐廳，同時提供多款經典港式美食。這次到訪，我點了焗豬扒意粉和凍檸茶，簡單的組合卻帶來了意外的滿足感。首先說說焗豬扒意粉，這道菜一上桌就讓人食慾大開。意粉盛在一個白色小陶鍋中，表面鋪滿了厚厚的芝士，經過烘焗後呈現出誘人的金黃色，微微焦香的芝士香氣撲鼻而來。輕輕挖開芝士層，底下是軟硬適中的意粉，搭配濃郁的番茄醬汁，味道酸甜適中，十分開胃。豬扒切成小塊，肉質嫩滑，帶點嚼勁，與醬汁和意粉完美融合，每一口都能感受到食材的用心。芝士的濃香與番茄醬的微酸形成很好的平衡，份量也恰到好處，作為主菜來說既滿足又不膩。配餐的凍檸茶同樣令人滿意。凍檸茶裝在金屬杯中，冰涼的口感非常適合搭配熱氣騰騰的焗意粉。茶底清爽，帶有濃郁的茶香，檸檬的酸味恰到好處，與茶的味道互相襯托，喝起來既解渴又有提神的效果。杯中還有一片檸檬片，增添了更多的清新果香，讓整體味道更為層次分明。這種經典的港式凍檸茶，簡單卻有種讓人感到舒暢的清爽感，與焗意粉的濃郁口感形成了很好的對比。一木茶餐廳的環境熱鬧而舒適，牆上的黃色菜單寫滿了各式各樣

一忙既時候十分無禮貌，叫佢抹枱俾番說話你聽，不知所謂的態度，經理都一樣，千祈唔好再黎，呢啲舖執左都唔可惜，食物資素一般，但係今日咁多舖頭執笠都仲係用緊咁嘅服務態度，睇吓佢哋個集團幾時搞到都要執埋😡😡😡😡😡

很不希望在蛇年之始便給予食肆負評，但真的不吐不快。偶然在電視節目中得悉此餐廳，故此選在假期的今天前往光顧。剛好下午茶時段，選了燒鵝瀨粉+飲品，一見那碟賣相欠佳的燒鵝已經心知不妙凍冰冰，五件中一件全骨，一件全肥，一件接近全肥，只有兩件可以吃，最大問題是“凍”的，那些肥膏按近凝固，看見也例胃既然餐廳賣點是燒鵝，不明白signature的食品是如此質素也可拿來奉客雖則是下午茶，但接近$50元也不見得很便宜，雖然向侍應反應後說可以補回兩件肉給我，但實在不想為難自己個胃。當食肆老在埋怨港人愛北上消費的同時，食肆的負責人又可否想過自己如何待客呢😡

點了一客外賣半肥瘦叉燒飯+熱奶茶外賣中，加錢要餐具。（$58）出餐算快，只等了幾分鐘就拿到。帶回公司用餐，結果打開袋發現沒給餐具，叉燒給的是全瘦叉，又乾又柴。但點叉燒飯有給蔥油，熱飲有給糖包和攪棒。睇見佢地樓面同事不停傾計心不在焉。看來管理有待改善。

今日返工嗌外賣, 不得不說佢嘅運送速度真係好快, 落咗單之後大概20分鐘就送到來了！嗌咗個豬扒公仔麵, 熟蛋腸仔加多士, 熱檸水, 佢個豬扒都算大塊厚肉嘅, 公仔麵軟硬度適中,就算係外賣都唔會話浸到太淋

出來辦事到晚餐時間，不餓可又怕一會兒沒有時間吃飯，剛好路過就進來和閨女兩個人點了一份正價飯一個紅豆冰，隨便吃一口，好搞笑的事來了，隔壁桌都上菜了，我問店員有沒有下單，說我你找另一人下單怎麼行，必須找她，活見鬼，兩個店員臉上又沒有刺字。燒鵝味道就中規中矩，正常茶餐廳的水平，紅豆冰裡紅豆煮的口感剛好是我喜歡的，不過服務態度就很謎，如果嫌棄兩個人只點一份，我第一次下單的時候為什麼不說，必須一人一份？讓我幹坐著？到時間我得去辦事，白嫖一小時休息？

見個餐廳名有燒鵝，特登叫碟燒鵝飯會一會佢。望餐牌寫要胸要加$12都開始覺得有啲伏。成碟飯啲燒鵝有5分3係全骨，其餘係有啲肉既骨。夾埋既肉未必多過一隻手指公。可能店舖位處旺角諗住做遊客生意啦，如果唔係真係好難有回頭客。公道啲講，鵝味道係ok，但我真係試唔真，食到成個碟都係骨。舖租貴人工貴明既，但咁既做法要賺咁盡就真係食一次就夠。即係今時今日香港0係執1間開番1.6間既情況下，咁既做生意手法就真係...。

本身見到openrice冇負評 撳入去睇啲食物相又幾靚 就諗住試一試 點知就中伏 一入到去成間舖都有陣噏味 都算 諗住快手食完去上堂 嗌咗叉燒燒鵝米 一上枱碟餸個賣相都正常 但細心睇 個燒鵝勁多毛 係個髀位嘅尾黐住好大執毛 見到想嘔 燒鵝又冇肉 好多舊燒鵝都得啲皮同骨 叉燒普普通通 有啲硬 仲有少少臊味 燒肉食落係凍 服務就冇乜特別 哩餐係我食過咁多個燒味飯入邊 最差嘅一餐 😵😵😵😵😵😵😵😵😵😵😵

見到一間咁有心的店，好想寫下。完全符合我對食物要求。上次來已經好想寫，今次一次過寫。呢兩次都是堂食晚餐。第一次叫了個$68隱世燒鵝四寶飯。叫得一木燒鵝，招牌燒鵝一定要試，四寶仲有紅腸同咸蛋，以及最正的一款自選燒味。呢一點完全中左我個點，作為貪心的香港人，經常都三心兩意，呢間居然可以自選配搭，呢一點已經超過99.9%的食肆。因為絕大多數的餐廳的四寶都係無得揀，我甚至在其他餐廳試過為了自選四寶而叫了兩個燒味雙拼。而跟的咸蛋紅腸我都鍾意，特別是紅腸數量有6片比一般的店多還要是熱上的。我的自選叫了燒腩仔，味道可以不會太咸可惜有幾塊放正飯的上方而唔夠脆。醬汁是好有心思的預先倒在醬汁碟中，因應你叫的燒味而分開上，十分方便。重點的燒鵝，皮脆肉香，無得彈。飯是絲苗米，如果鍾意豉油既記得叫佢多汁因為豉油可能會偏少。我見其他四寶都有2款燒味可以自選。第二次來我叫了招牌黑椒美國牛柳餐。食完中式，試下西餐。呢個餐絕對是性價比極高的，$108抵食。餐跟的是薯仔蕃茄濃湯，牛油多士這兩樣都合格，建議可+$3轉牛油豬。重點來了，鐵板牛柳，黑椒汁分開上，淋上去那“滋滋”聲太正了，餐廳的紙巾是夠大張可以擋住啲汁彈到(呢個

感覺返工一個星期起碼食咗兩至三次可能或以上添😂😂😂 通常都係叫佢燒味飯多…..星期一至六都有。佢燒鵝油雞叉燒係出色嘅，特別留意佢星期二、星期五係有個四寶飯，可以試吓我覺得真係唔錯⋯⋯不過燒味文化有時當然可能斬嘅位置、或者佢來貨有時會差啲，但大多數佢都keep到個水準，喺旺角來講茶記佢坐得寬躺，平時lunch 時間通常行入去差唔多都會有位， 所以可以推介俾大家…今日就叫咗佢一個星期二嘅A餐，燒鵝油雞飯真係唔錯⋯⋯

《完全窩心的對白》叫左個燒鵝雙蛋飯凍咖啡$79，上到枱師傅用雙蛋遮住啲燒鵝，夾開啲蛋，果然不出所料，大部分係皮，得三兩舊背脊肉，心諗送飯都未夠！唯有出絕招同其中一個男侍應講，我想加$12轉鵝胸（其實係借啲意話佢聽，碟飯冇肉），個男侍應見我冇食過，一手想拎去廚房換。個女經理真係好醒、好叻，一嘢就制止左佢，話唔好將碟飯拎來拎去，唔老黎！又口中唸唸有詞：人哋成$80食碟飯，得果兩舊肉，全部皮，點食之類！哇！妖，完全窩心的對白！妳堅好嘢，我近年在香港已經好少見，能夠同客人同一角度睇嘢，將顧客放第一位，真心少之又少！反而同客人講：一百幾十蚊，你想食咩就好多！最後：有斬返一小碟凍肶俾我，很讚！凍係凍D，但心意是暖的！☀️

本身叫燒排骨外賣既，收左錢先話無，賣曬。收銀嗰個又打錯嘢，算啦改叫一個例牌手撕雞，見到師傅喺斬料檯旁邊嗰兜揸起啲手撕雞都心諗大獲啦，見到盒嘢呢個賣相真係心知不妙，半盒都無，仲要全部係雞碎，雞餿咁款！擺明賣啲斬料雞頭頭尾尾俾你！永久黑名單！