一方燒肉

營業中

休息中

睇戲之前食個飯先，見到商場附近新開左間日式燒肉，用Openrice book位仲有9折添。餐廳起利奧坊地下，都幾容易搵～門口有隻牛牛🐮標示唔同部位嘅名。今次揀左個「一方二人前」，有齊前菜、湯、沙律、白飯/冷麵、甜點平時食燒肉最怕就係容易黐網，呢度會提供一舊牛脂比你「開網」，大大減少左呢個問題📌 美國牛小排Prime級別嘅牛小排，油花分佈均勻，肉質柔軟嫩滑📌 鹽燒牛舌牛舌厚切，入口油脂香氣四溢，口感Q彈📌 黑豚豬梅肉、日本雞排呢兩款都有醃料起表面，會容易燒焦，建議唔好太大火📌麵豉湯麵豉湯唔會死咸，海帶爽脆有口感，加埋嫩滑嘅豆腐📌主食- 冷烏冬、熱烏冬烏冬揀左一熱一冷，冷烏冬灑上紫菜條，麵體扁身，煙韌有咬口，食完熱辣辣嘅燒肉 ，食番碗冷烏冬感覺冇咁熱氣😛📌野菜高湯放入一小片牛油🧈 ，帶出野菜本身嘅清甜📌甜品迷你雪米滋✨值得一讚嘅係，呢度嘅抽風系統幾好，食完燒肉啲衫同頭髮都唔會有一陣油煙味

今日同朋友提早食團年飯,經朋友介紹…所以就選擇了食日式燒肉開頭一直都以嘗試的心態去試,點知…又充滿驚喜喎,果然無令大家失望😊首先入到去已經覺得地方好整潔,一啲拘束感都無😌我哋叫咗唔同的餐前小食及刺身,當然梗係唔少得燒肉啦見到每樣食物不論擺盤用心,用料新鮮,而且店員都會細心講解點樣燒肉會比較容易,唔駛擔心會燒失敗🤪由前菜到燒肉,之後冷烏冬,最後食埋雪芭,整餐飯都非常愉快,為呢餐飯劃上完美句號非常值得推薦👍🏼

自問食燒肉都比較有資深經驗，日式燒肉，通常位於銅鑼灣或尖沙咀地帶才比較有高水準，其他地點通常水準都比較一般。生意難做，香港人紛紛北上消費，成日話飲食業侍應鞋口鞋面，消費者錢就洗咗，但心裏不是味兒。自問比較守舊，無意北上消費，其實香港還是有好嘅餐廳，食材足料，服務態度不限於只在酒店。昨晚點了一個$850牛肉拼盤，看完餐牌之際還未有心水，侍應非常之好，沒有只推介貴價拼盤反而聆聽所需，非常難得👍，結果剛剛好。晚餐$850燒肉拼盤在銅鑼灣一定吃不到，拼盤還有前菜甜品及麵食，非常足夠👍😋。拼盤內各有不同部位，優質牛肉是不能騙人的，吃下去便知水準，開心之際完全忘記了拍一張完整相片🤪。環境充滿日式，還有TaTami房，如三五知己一起聚餐，加上啤酒，必然盡興！再次一讚侍應哥哥服務水準非常之高🅰️，希望能為香港飲食界爭返一口氣👍沒有收錢寫的，每句都衷心直說！

估唔到亂入一間燒肉有咁好嘅質素！是但叫左個2人餐，驚唔夠食又叫多個豚肉三味！份量比想像中多！估唔到2人前燒肉又有埋烏冬同湯，我以為得肉！食到超飽，好彩我老公大食先食得曬！一個普通2人前嘅肉都好高質，多口讚下，先知原來佢地嘅肉全部都係自己親自揀選再手切！口感同機切真係差好遠！厚薄適中，肥瘦分明。肉質好，真係汁都唔點！豬3味比想像中大件！真係未試過咁平！食燒肉係可以飽到咁！店員服務一流！見我太大火handle唔到，即過黎幫我轉中火！燒烤爐抽氣夠強！食完都冇成頭臭曬👏🏻👏🏻👏🏻 大家自己睇menu! 真心底食！唔同時段仲有折！大力推薦！

位於大角咀利奧坊樓下商場新開嘅燒肉店，講真位置真係有少少唔顯眼，不過絕對係值得留意嘅一間燒肉店。環境同裝修都好寬敞舒適，店員都好有禮貌。食燒肉唔一定要食牛，今日就有幸試咗佢哋嘅新餐單 - 海鮮白肉拼盤套餐。先來一個三文他他多士。三文魚配上洋蔥、山葵同香濃蘭王蛋，拌勻後加上烤得香脆嘅多士上，好滋味。然後到烤肉部分，分別有車海老/牛油紫蘇廣島蠔/黑豚豬梅肉/豚五花/日本雞排/日本雞腎。一開始會由店員為我地燒，一路燒一路講解食材。而且會講解每一種食材點樣同燒幾耐比較合適。我個人最喜歡個黑豚豬梅肉，油花味濃郁，非常香口；牛油紫蘇廣島蠔亦係一大亮點。廣島蠔肥美非常，口感爽嫩，牛油香同紫蘇葉香令整體昇華。烤肉分別可蘸上檸檬汁/燒肉汁/混合海鹽一齊食。以上拼盤加$50就可以變套餐，有埋前菜（日本茄子）/味噌湯/沙律/蔬菜/飯團或湯烏冬/甜品。呢個價錢有咁嘅質素，同埋食到飽飽，性價比真係高。

🥶冬日寒冷，有咩比一頓火熱嘅日式燒肉更能暖和身心？今次小編同朋友就去左大角咀嘅一方燒肉，試下佢地嘅優質肉品，真係令人垂涎三尺！ .一方燒肉係一間新開嘅日式燒肉餐廳，提供多款精選嘅牛、豬、雞等肉類，用上日本嘅秘製醬汁同埋獨特嘅烹調方法，將肉嘅鮮味同香氣發揮得淋漓盡致🤤.餐廳嘅裝修簡潔而時尚，枱與枱之間有足夠空間，坐得好舒服。.今次我地點左以下野食👇🏻👇🏻 🥩肩胛小排－汁燒，呢個係必order菜之一，用上日本嘅肩胛小排，肉質肥嫩多汁，油花豐富，燒烤後塗上特製嘅汁燒醬，令個味道更加甘香同濃郁。肩胛小排嘅肉厚度適中，燒得好香口，每一啖都係享受！ . 👅薄切牛舌（8pcs） 呢個係一個好人氣嘅菜式，用上新鮮嘅牛舌，切得好薄，燒烤後只需沾上少少鹽同檸檬汁，就可以品嘗到牛舌嘅鮮甜同彈牙。牛舌嘅薄切令到燒烤時間縮短，保持咗牛舌嘅水分同彈性，好好食！ .🦪牛油紫蘇燒蠔 呢個係一個好創意嘅菜式，將新鮮嘅蠔放喺鐵板上，再放上牛油同紫蘇葉，本身師傅已經煮到半熟，放係烤爐上加熱約2分鐘就得喇～蠔嘅鮮味同牛油嘅香氣相互輝映，紫蘇葉令個味道更加清新同開胃好惹味！ .🐷豚三品（豬頸肉，豬梅肉、豚五花） 呢個係一個好抵

🙋🏻‍♂️餓底探員今日去咗大角咀調查呢間日式燒肉店，餐廳新開張，午市有定食同燒肉set選擇，食物高質，性格比高，座位闊落，坐得好舒適🥩自選一人前 $158🙋🏻‍♂️表示個自選一人前係燒肉set，可選三款肉，餓底㨂咗牛小排，肩胛小排同鹽燒牛舌，配上冷麵，前菜，味噌湯，茶碗蒸同甜品，牛小排牛味重，食落脂香多汁，肩胛小排食落軟腍，味道香濃，鹽燒牛舌厚切，食落爽彈有咬口🍱北海丼定食 $128🙋🏻‍♂️表示個丼飯好大碗，有多款魚生配料，三文魚，八爪魚，赤蝦，蟹棒，蟹籽，紫菜等，同樣配上前菜，味噌湯，茶碗蒸同甜品，魚生食落鮮甜，紫菜同蟹籽令個飯嘅口感層次提升，好味道⚠️定食嘅味噌湯甘香，茶碗蒸嫩滑，個甜品係荳沙丸子，食落煙韌香滑📈吃貨指數😋好味度 8/10🔙返啅度 8/10

大角咀呢邊開咗間新嘅燒肉店～新開張期間有九折優惠！餐廳好闊落，裝修好有心思，整體風格偏日系，簡單而精緻店員推介咗兩款定食，定食套餐都幾豐富，除咗煮食之外仲包咗有：麵豉湯、茶碗蒸、腌菜、甜品咖喱吉列豬扒定食照燒小牛扒定食見到啲燒肉都好似幾高質咁，下次可以約埋三五知己一齊嚟試😆😆一方燒肉 (大角咀)大角咀利得街11號利奥坊地下G507號舖

屋企附近又開左新餐廳😆，仲要係我最愛既日式燒肉！週年紀念即刻嚟試下！可能新開仲未被好多人發現，幸運地安排我地入房坐🩵！刺身沙律刺身用料新鮮，仲有竟然有我最愛既左口魚！呢到主打食燒肉，牛肉一定唔少得！我地叫左牛小排、和牛小排、牛肋骨、肉眼同和牛大判燒！呢到嘅🇺🇸美國牛係Prime Grade，而🇯🇵日本嘅和牛係嚟自鹿兒島！美國嘅牛牛味重，而日本和牛油脂分布均勻，口感好有咬口！推薦牛小排，和牛小排同和牛大判燒👍🏻，大半燒係壽喜燒，點生蛋黃食好正！冷稻庭烏冬扁烏冬口感彈牙，食完牛再食可以解一解油膩感。燒飯糰外層焦脆，入面嘅米飯又好軟糯💙牛油🧈粟米同雜菇好香😌，一定要有耐性等佢地煮到腍哂先最好食！呢到服務好好，侍應有時會幫我地燒仲會同我地傾下計😆，宜家仲有9折添！

“一方二人前”($368)好耐冇嚟大角咀搵食啦🤣今次發現利奧坊有間新開嘅燒肉店🔥餐廳提供唔少燒肉set就連和牛都有提供🐃我地就點咗一方二人前套餐當中包括美國牛小排🐂,鹽燒牛舌,黑豚豬梅肉🐷,日本雞排🐔套餐跟埋前菜,湯,沙律,白飯/冷麵,甜點白飯更可以加$10轉溫泉蛋飯😍其實都真係幾豐富☺️而且肉類嘅品質都非常唔錯🤤牛小排肉味香濃😋牛舌厚得嚟又爽口豬梅肉脂香十足,雞排就夠嫩滑😚餐廳除咗燒肉,另外都有壽司刺身提供同埋見午市套餐選擇都幾多喺附近返工嘅朋友有福了🤣

大角嘴呢一兩個月開左間新燒肉🥩 見到門口有9折就即管去試吓佢🤘🏻 一方二人前 $298（$15轉溫泉蛋飯）個Set包個4款肉，兩個飯/烏冬，沙律，味噌湯，同甜品！我地額外加咗$15升級咗溫泉蛋飯🐣 撈埋啲飯素同紫菜一齊食超正😋 冷面雖然望落細細碗，但係份量都唔少，涼涼地都幾適合配燒肉食黎解濟。但湯頭偏甜，個人口味比較鍾意比較鍾意溫泉蛋飯！🍚燒肉平盤有牛舌，美國牛小排，黑豚豬，同雞。全程有師傅幫手燒就唔驚自己手殘啦～ 雖然唔係厚切牛舌心，但驟眼睇都有3/4mm厚！最推介最普遍食法 — 點檸檬汁🍋 口感彈牙，好鍾意牛舌口感😋 美國牛小排油脂感重，個人鍾意點鹽再配埋溫泉蛋飯食🤭 豬肉同雞肉師傅都燒得十分嫩口魚生粒沙律 $38雜錦魚生包括有三文魚，帶子，八爪魚，牡丹蝦同油甘魚。沙律汁帶有柚子味，仲有啲青瓜絲，口感豐富又非常開胃。鍾意食日式沙律嘅話值得一試和牛大判燒 $80/1片呢個大判燒不得了！油脂分佈均勻，入口即溶。燒完仲會yam一yam蘭王蛋汁🐣，完美咁調和返啲油脂感🤤！大推！💯鮮鰻魚 $68/4件師傅yam咗醬汁先燒，外皮帶少少焦香同啲邊邊位脆脆地。肉質彈牙，鰻魚帶骨但唔影響味道🐟。食得

大角咀嘅一方燒肉，主打日式和牛燒肉！晚市燒肉一人前$188起，包前菜、湯、沙律、飯、甜點！肉品質素頗高，而且服務好，值得推介！和牛一人前 $360全Set採用日本A5和牛，油花真係靚到冇得彈！肉品包括幼嫩細滑肉味濃嘅和牛西冷、肉質柔軟香甜嘅和牛牛小排、厚切又夠濃香嘅和牛舌、一咬即爆汁嘅和牛角切、仲有大大塊點蛋黃食嘅和牛大判燒！店員亦會幫忙燒製，咁就唔怕自己操作失誤浪費咗啲咁靚嘅肉！美國牛小排 $248厚身同時帶適量嘅油花，肉味香郁！鮮蠔石頭湯泡飯 $118以石鍋嘅熱力煮滾上湯同埋浸熟鮮蠔，蠔嘅鮮味落晒去啲湯同埋泡飯到，啖啖都係鮮香味，正！唐揚雞爽肉 $88炸到香脆可口嘅雞頸肉，係佐酒嘅良品！

老人家本身唔中意食日本餐，本着乜都試吓嘅心態過嚟，最後佢哋係有驚喜嘅！因為我早前過嚟試過，新店開業，味道唔錯，所以帶屋企人過嚟食！牛舌簿切老人家同小朋友都中意，口感又爽又滑肩胛小排肉味濃脂肪少，小朋友非常鍾意牛小排係我既最愛😍肉味濃，脂肪分布啱啱好，食落去好Juice！個溫泉蛋飯諗住俾小朋友食，點知最後俾大人食晒，佢哋原來用蘭王無菌蛋，蛋嘅香味好濃，但佢哋加咗啲嘢入去，食落去又香又滑！炸雞爽肉師傅俾咗啲Wasabi落去，食落去大人細路都鍾意！琴日師傅哋話出咗新嘢，有個三文魚撻撻，要自己燒香啲包，然之後放啲料上去，包脆上面啲料係三文魚同八爪魚，仲有啲洋蔥，味道酸酸地好好味！最後我哋加咗個野菜海鮮鍋，食完之後再加多咗碗飯落去煲粥，所有精華喺晒度，超鮮甜好味！

經常去大角嘴搵野食，經過利奧坊見到有新餐廳開左，仲要係燒肉餐廳。今日過開黎奧運，即刻去食佢既set lunch，價錢平均百幾蚊就食到燒肉，如果唔食燒肉，$100內搞掂。每個餐包前菜，湯，蒸蛋，白飯同甜品。自選一人前，揀咗三款肉，包括牛小排、牛舌、肩胛小排，每款都有三舊，肉質望落去好靚同埋粉紅粉紅。配左個冷麵食，好適合。最值得要讚嘅係，餐廳個抽氣扇喺下邊抽走，抽得好勁，食完燒肉一啲味道都會留喺個身度，食完再去返工一啲都唔驚，有油煙味。

#燒肉#大角咀週末放假同老公撐臺腳​一方燒肉，肉質好掂吖～Lunch仲免加一添，而且職員仲會很體貼咁講解燒肉技巧同埋大概燒肉嘅時間，唔駛驚燒得唔好咖其他職員仲會定時幫我哋加茶，唔駛自己系咁叫人加茶，服務態度真系無得彈會有下次