一幻拉麵

營業中

休息中

朋友想到海港城買模型車，我沒有 idea 食什麼？！他提議並帶我到位於海港城的 <一幻>！以前人氣拉麵店，3年疫情後，似乎人氣銳減！就算放寬限聚令及通關！平日夜晚約 7:00，根本大把位！飲品：只有凍飲 +$15~$38 不等小食：+$10~$38 不等主打：蝦湯拉麵 幼麵/ 粗麵我選擇幼麵，他選擇粗麵招牌拉麵 $88 (幼麵、無蔥)湯底是拉麵的靈魂，先嚐蝦湯底，香鮮香又濃郁，幼麵富彈性又掛湯，配料包括：半隻溏心蛋、兩片薄切叉燒、看似橙紅色蟹籽的炸薑粒，整體香濃美味！薯仔沙律粒粒薯仔真材實料，讓有脆脆粒粒的炸薑粒！

一幻拉麵聽得多，終於有時間去試一試！海景配上日式拉麵作為下午茶，正！🔸濃味蝦湯拉麵可以選擇豚骨濃度！口味方面，仲可以選擇味增、鹽味同醬油。麵質可選擇粗幼～選擇幼麵同醬油口味，湯底非常濃郁，湯頭蝦味濃但清爽！比一般豚骨湯底更加鮮味😋🔸餃子下午茶餐配搭餃子，豬肉餡料，底部煎得香脆。總括🔹下午茶時段比一般份量略為少一點，但女士的話剛剛好！高質日式拉麵下午茶餐，性價比高～

每次經過佢哋嘅門口，都會聞到陣陣嘅蝦味麵條亦都可以選擇軟硬度，可以配合返唔同嘅口味選擇招牌原味蝦湯底亦都好香濃，食完真係唔會口渴嫁叉燒軟而腍，肥瘦比例平均，如果多幾片會更滿足

聽咗咁耐一幻拉麵，終於第一次食🤣今次叫咗佢哋嘅二人餐，包咗沙律、餃子、兩碗拉麵同埋飲品。餃子係豬肉餡，底部都煎得香脆。沙律有雞胸肉同埋蝦乾做配搭。拉麵就揀咗蕃茄蝦湯拉麵同埋濃厚豚骨蝦湯拉麵，今次兩碗都揀咗幼麵。湯底真係好濃，但就會比較油膩，唔係個個都接受到🫣拉麵面頭嘅紅薑天婦羅幾特別，第一次食到。同埋拉麵一齊食就可以減輕湯底帶嚟嘅油膩感。

拉麵湯底濃得嚟又好食(o^^o)呢碗特別在於睇落豐富啲，變相食得滿足少少🤏🏽最深刻係有大大塊魚皮！浸湯食或者唔浸都好食。除咗拉麵之外，原來呢度都會賣飯😂有飯團啦🍙、有叉燒飯呢啲咯🍚

好食評價：🌕🌕🌕🌗🌑CP值：🌕🌕🌕🌗🌑•日本蕃茄蝦湯拉麵• $78有蕃茄一定會叫㗎我！但飲佢啲湯 唔係幾食得出有蕃茄純粹係有2塊蕃茄片主要都比蝦湯cover咗！真係湯底相對濃 鐘意濃味嘅好啱！揀咗幼麵！質感唔錯 正常咬口 唔會太淋！呢碗就係有一片叉燒！對於我嚟講係ok嘅！都係飲佢啲湯+麵湯嚟講 都啱我口味 唔會話濃到瘋狂飲水不過鐘意有肉嘅人 呢碗一定唔啱！P.s. 早啲去就會坐到海景位！環境係可以的

招牌濃蝦湯麵🍜首先蝦湯麵湯頭濃郁而且有豐富的蝦味，非常鮮美。麵條就彈牙有嚼勁，口感非常出色連埋湯汁，每一啖都能充分品嚐到湯頭和麵條組合。而配料一樣豐富，搭配糖心蛋、叉燒、海苔和蔥花。拉麵嘅份量都幾大!第一次去一幻拉麵食吓濃蝦湯麵絕對喺一個不容錯過嘅選擇!

ʀᴇsᴛᴀᴜʀᴀɴᴛ ʀᴇᴠɪᴇᴡ一幻拉麵餐廳位於尖沙咀海港城內店舖有少量窗邊位置可以望住海邊進食餐廳座位多，位與位距離夠，毫無壓迫感🍜原味蝦湯拉麵$88拉麵湯頭主打濃蝦湯麵質我選擇了粗麵拉麵上檯時溫度不夠熱，偏暖湯底有蝦味但不太吸引拉麵油層厚湯頭的咸味太重最大問題是拉麵有超重鹼水味嚴重影響成碗拉麵的味道要大扣分拉麵配料有兩片叉燒及半隻蛋味道普通糖心蛋應該唔係用日本蛋蛋黃顏色偏淺，蛋的味道很淺薄😅如果掛住日本北海道一幻的旗號的話應該要努力改善而我就應該無下次了🙃@ichigenhk一幻拉麵 (ᴛsɪᴍ sʜᴀ ᴛsᴜɪ)📍sʜᴏᴘ ᴏᴛɢ59, ɢ/ғ, ᴏᴄᴇᴀɴ ᴛᴇʀᴍɪɴᴀʟ, ᴛsɪᴍ sʜᴀ ᴛsᴜɪ

去到海港城，撞啱食飯時間，唔想排隊，又唔想食咁飽，見到有拉麵店又唔使排隊，就入去食個午餐。入到店內，滿滿都是蝦味，坐低睇下餐牌，原來是來自北海道，主打蝦湯既拉麵，選擇唔多，有2人套餐$268，有麵有餃子有沙律，另有飲品，不過午餐食唔到咁多，無叫到。 每人叫左1碗麵，蕃茄蝦湯拉麵，豚骨蝦湯拉麵，因為係自己app落單，等左都起碼15分鐘，仲以為自己無落單，過左陣終於1碗蕃茄拉麵到，1塊豚肉，半隻旦，少少粟米＆蔥，再等一陣另1碗到，2塊豚肉，半隻旦，蔥，蝦湯很濃，好味，食完唔太好渴，刀法都好利害，塊豚肉薄如紙，不能不讚個湯真係蝦味好重，麵份量都唔算少，但其他材料比較少，感覺好似叫左個淨麵食如果可以再加其他配料就好啦～

海港城lunch time，唔少食肆都排晒隊呢間一幻拉麵都有少少人排緊隊好好彩咁啱我排咗5分鐘就有位啦☺️餐廳部份位置望到海景🌊不過想坐呢啲位，就要同職員講因為要排另外一條隊今次我就坐普通位，睇唔到個海景呢間餐廳主打蝦湯拉麵🦐我都叫咗一碗試吓⭐️豚骨蝦湯拉麵⭐️🍜呢碗拉麵喺鮮蝦湯🦐裏面加咗豚骨豚骨份量可以揀適量或者濃厚我就揀咗適量🍜麵嘅部份可以揀幼麵或者粗麵我就揀咗粗麵🍜餐廳係QR code落單落單後10分鐘內碗拉麵就到🍜上枱就聞到好濃嘅鮮蝦味🦐拉麵賣相唔錯不過糖心蛋就唔係好糖心，比較熟🍜湯底鮮蝦味非常濃郁亦都飲得出有豚骨味不過湯底有啲鹹🙈粗麵卦汁，面嘅份量適中🍜叉燒有兩片薄片，份量唔算多係比較肥嘅叉燒，不過都幾好食🍜餐廳仲有提供幾款調味料

今天來一幻拉麵尖沙咀分店吃下午🍜我們吃了兩款不同的拉麵，現在介紹一下😍🫶⭐1️⃣濃厚豚骨拉麵(加底)配蝦湯拉麵湯底🍜(加味蛋一隻)💕賣相吸引，有超級美味可口的糖心蛋再加一塊大叉燒，拉麵非常爽口🍜我擔心拉麵細碗所以加左底，發現原來唔加底都飽，加埋底更加飽👍⭐2️⃣原味拉麵配蝦湯拉麵湯底             💕非常濃的蝦湯👍好正👍✨一幻拉麵的菜單還包括各種配料和口味選擇，例如叉燒、海苔、蔥花、味玉等，讓顧客可以根據個人喜好定制自己的拉麵。✨豚骨湯底通常帶有濃郁的豬骨味道和柔軟的口感，成為一幻拉麵的招牌特色。✨如果你有機會品嚐一幻拉麵，我相信你會對它的美味印象深刻。✨餐廳是採用QR Code 自助下單的，餐廳地方算大👍可以自己加水👍環境都可以💕💕📍一幻拉麵 (尖沙咀)📍廣東道3-27號HK 九龍 尖沙咀 海港城海運大廈地下OTG59號舖 Shop OTG59, G/F, Ocean Terminal Harbour City

🍜濃厚豚骨蝦湯拉麵😋豚骨，2片肉薄切，肥瘦適中，如果可以多一片，相信更滿足🤣湯底，味道濃稠，跟麵一起吃，味道配搭佳，味濃但不感口渴。麵，選了幼麵，軟硬適中，兼且不會幼如絲，那可以多咀嚼幾口。糖心蛋，蛋白超滑，入口即溶化，非常好味 👍🏼🍜蕃茄蝦湯拉麵食物方面跟上一碗差不多，不重覆。湯底，蕃茄味十分濃郁，連麵也能充分吸收番茄味，提升了麵的層次。此碗選了粗麵，但跟幼麵的粗幼，目測和進食不感有大分別。餐廳內有不少小朋友惠顧，如能加推兒童份量，就更理想。

辛辣味噌蝦湯拉麵➡️幼麵札幌啤酒餃子(5個)蕃茄蝦湯拉麵➡️幼麵葡萄梳打慢煮雞胸沙律湯底都係咁濃郁👍 好食物入咪味 set 仲有沙律解油膩 🫶飲品set 有好多款，仲吾洗加錢嫁‼️

說起來也有點尷尬😅，一幻拉麵開業多年竟然是首次光顧！(有小朋友的應該會明白帶小朋友食拉麵是何其的大挑戰😆)星期五晚上7點不用排隊就可以直接入座，遲十分鐘已經要大排長龍了！不過呢個時段都好多人，想request坐海景吧檯位都好難。特濃蝦汁叉燒拌麵驟眼睇以為拌麵好乾，原來麵下面有醬汁，蝦醬汁味道好香濃又唔會過鹹，伴以彈牙的粗麵食，惹味非常，而且沒有拉麵的油膩，非常適合炎夏食；形狀切成似五花腩的叉燒都好腍，撈埋蝦酥食都唔錯；最弱反而係隻溏心蛋，熟得滯。撇除隻蛋，整體非常唔錯👍🏻相比下，拉麵就顯得有點普通，醬油、味噌的湯頭亦較濃較鹹和較油膩；兩碗拉麵各選了粗麵和幼麵，個人喜歡彈牙點的粗麵，反而小朋友喜歡腍軟的幼麵。兩塊薄切的叉燒腍軟但脂肪位也較多，相對較為香口；溏心蛋同樣是失望的。拉麵店的餃子通常都是不錯，一幻的餃子也不例外。煎得香口的餃子皮薄而餡料不算豐滿，平時不愛吃餃子的嘴刁小朋友，竟然一口氣吃下整碟5隻的餃子，可想而知美味的程度😆- 原味拉麵(全蝦湯) 醬油幼麵 $88- 濃厚䐁骨蝦湯拉麵 味噌粗麵 $88- 特濃蝦汁叉燒拌麵 $88- 餃子 $35

見冇咩人排隊，就試下呢個拉麵。被安排到個位對住個海景食，讚👍叫左個原味蝦湯拉麵，醬油口味。黎到聞到好香既蝦味，食落就普普通通，不過不失，唔會話好味，亦都唔係難食，個3塊薄叉燒，味道正常，係份量有啲少。半隻嘅糖心蛋，冇咩蛋香。但正常發揮。叫咗個餃子嚟試吓，又係普普通通。自己去買黎煎仲好味過佢。啲侍應，似普通茶餐廳質素，比較粗魯，鍾意揼啲嘢食，同埋揼啲單俾客人。總括已言，係食個海景，如果冇個境，唔試都得。PS: 啲杯有啲污糟，斟水之前用紙巾抹一抹，紙巾變做黃色，有啲嘔心。