一幻拉麵

營業中

休息中

今日2月12日 下午6:00左右，我同家人光顧你地尖沙咀分店，當時裏面大量吉位，前邊排着隊有兩家人，我屋企人以為純粹睇餐牌唔係幫襯，所以我家人上前同職員講兩位，你哋嘅職員碌大隻眼凶神惡煞話排隊啦唔好打尖，其實當時我已經喺後邊排緊隊，同埋冇職員招呼前邊嗰兩家人，所以先行前搵職員，你哋呢間分店我經常嚟幫襯，但係冇諗過今日態度咁差囉，入咗之後發現到職員態度極差，要求攞碗但係好大力放低，服務差到咁點叫人幫襯。

套餐➡️海老牛乳蝦湯拉麵（選了粗麵）$138湯底幾濃海蝦味，幾好飲，粗麵掛湯，麵質口感唔錯！有一大隻燒過嘅蝦，南瓜蓉幾甜。龍蝦沙律配紫菜幾清新，好味😋整體來講，個人覺得碗拉麵加咗幾多額外嘢！其實傳統簡單一個濃湯底，大蝦和小小配菜（例如葱和竹筍）就可以，價錢略貴，試一次就夠。

12月1日, 星期五, 和暖食過江龍拉麵, 三個人, 食左~~~鹽味拉麵 湯好夠熱, 味道突出, 蛋做到溏心. 要左粗麵, 爽口, 但有D鹼水味 特濃蝦汁叉燒拌麵 叉燒, 麵酥去拌麵, 無乜鹼水味, 好正, 蝦汁有好大功勞叉燒飯唔一定食拉麵, 原來叉燒飯都好正, 叉燒麵酥撈日本米無得輸 蝦味飯糰  唔會實的的, 仲有蝦味, 幾好日式餃子 香脆, 味道好, 一啖一粒地方幾大. 維港景觀. 食物幾好, 唔淨止拉麵. 

坐落於海港城，有少量吧台位置對住維港個view食物質素都ok原味拉麵全蝦湯-味噌幼麵，價錢$88：成碗好濃郁，食到後尾有d偏咸了，但整體都ok。推薦指數：💛💛💛💛南瓜沙律有配紫菜同美乃滋，價錢$18 南瓜都幾甜，相對來講都唔會滯推薦指數：💛💛💛

係北海道大紅嘅一幻拉麵主打獨創嘅蝦湯拉麵，據說湯底每日新鮮熬製，每次都會用到𝟲𝟬𝗸𝗴北海道甜蝦、蝦油、豬油、蒜蓉同薑蓉精心炮製，好多人為咗一試而大排長龍。一幻過咗嚟香港都有一段時間，聽就聽得多，今日路過尖沙咀分店見唔洗等位就入去試一試喇！我哋叫咗$𝟭𝟮𝟴嘅一人套餐，包括有拉麵、沙律、餃子同埋嘢飲各一。🍜 招牌蝦湯拉麵個碗一放低已經聞到好香嘅鮮蝦味，湯底濃郁又足料。我哋今次簡嘅係幼麵，麵身完整地吸滿湯汁嘅精華，令到咬落去嘅時候滿口都係蝦嘅鮮味。叉燒肉嫩，脂肪同肉嘅比例適中，不過偏薄身小小。🥟 餃子餃子皮薄餡足，外皮啖啖脆口，內餡鮮美多汁。火候控制得好準，煎到底部金黃酥脆，頂部同時保持住柔軟，質感上嘅對比好鮮明。🍤 小蝦沙律小蝦沙律相對平時食開嘅沙律係幾特別。入面嘅蝦仔炸得脆脆甜甜，再加上雞胸肉條，令到沙律不單止清新，仲好有層次。係食完較重口味嘅拉麵後再嘗試呢個配搭會更加調適到味蕾。香港嘅一幻拉麵係環境設計都重現到日本總店嘅氛圍同原木色裝潢，空間闊落。不過佢哋推出嘅款式多數以蝦為主，獨特制勝，唔會刻意迎合大眾口味，所以鍾唔鍾意食好睇個人喜好，未必人人都啱，日師兄就覺得係中間偏上～

平時呢間排哂長龍，揀左 d下午時間去，好快就有位。咁難得對住個大海景揀左 bar枱坐，望住個海好爽。❃ 適量豚骨蝦湯拉麵呢個湯底好濃香，係我中意的味道，麵質都爽口，年叉燒普通，整體還可以。❃牛乳海老蝦湯拉麵呢個係限量款！勁中意~湯底好 creamy, 配搭埋蝦的鮮味，勁鮮甜，可能自己好中意牛奶，所以呢個我比好高分！但係 d配料都係麻麻地。❃ 辛辣餃子 / 原味餃子餃子皮薄餡靚，煎到幾脆口，好食~整體我覺得湯好飲，麵唔錯，但配料就麻麻地

呢間拉麵店我成日幫襯，但每次去到都大排長龍，最鍾意就係食佢嘅特濃蝦湯拉麵，成碗面嘅湯底都好濃郁又好入味，拉麵軟硬適中，仲好大碗，份量都好足夠！仲有佢哋嘅餃子都好好味，推介😋

來自北海道札幌的拉麵，主打蝦湯底及豚骨湯拉麵。該品牌創立於2009年由Naoki Hayashi創立，並於2018年在香港灣仔設立第一間分店，現時香港有六間分。 一幻拉麵湯頭主要是蝦頭高湯（60斤蝦頭熬煮3小時）、蝦頭煉成的蝦油、蒜蓉、背脂，再加入調味料：鹽味/醬油/味噌/辛辣味噌（香港限定/藩茄（香港限定）。 湯拉麵完成前均會因應需要加入蔥及粉紅色麵酥，唔講唔知麵酥係紅薑及蝦粉（蝦頭）製成。 另外餐桌設有蒜蓉、拉麵胡椒粉及七味粉，供顧客因應需要已加入。 蝦湯拉麵（味噌）：蝦湯入味，拉麵掛湯，叉燒肥瘦均衡柔軟滑口。 辛辣味噌蝦湯拉麵（香港限定）：辛辣味與蝦湯都算幾夾🤔，但辣味略為不足，個人再加左拉麵胡椒及七味粉。 特濃蝦汁叉燒拌麵（香港限定）：拌麵指定為粗麵，叉燒則會選用角的五花肉，以蝦油、麵酥、蔥、紫菜絲、叉燒攪拌。味道有蝦味，同埋無加入背脂，整體無咁油口感較為清爽。但個人較喜熱辣辣的湯拉麵。

一入到去，環境幾大，埋邊仲有玻璃窗望海景食拉麵，感官嚟講一流。但可惜，一坐低諗住斟杯水飲，啲杯好油，好肥膩，好似冇洗乾淨咁，扣分食個前菜先，正正常常普普通通咁我就嗌咗個適量豚骨蝦味湯拉麵，啖湯超級精神，超重蝦味，上面亦有啲脆卜卜嘅炸薑粒增加口感。但係塊叉燒簡直不知所謂！又柴又乾，同X蘭果隻差唔多級數⋯但係隻蛋係好出色嘅，好流心。但得半隻⋯蛋都要慳⋯個麵不過不失，煮嘅時間剛剛好，所以口感幾好，全靠個湯底令到個面好食晒，啲人話湯底係拉麵嘅靈魂講得一啲都冇錯。同場加映煎餃子。普通到不能再普通。整體來說，應該唔會再試下一次。

一幻拉麵，除了拉麵本身湯底足味濃厚，環境也是一絕，超級喜愛他們的無敵海景。個人喜歡蝦湯加豬骨的湯底，濃厚，回味無窮，蝦與豬骨相互配搭但不搶互相風頭，麵底本身也是十分彈牙，個人偏愛幼麵。

喺社交平台 見到有買一送一優惠估唔到星期日都有（星期日至星期四）我食到19:00 都見唔洗等位店舖乾淨又舒服上菜又快叫左個辛辣味噌蝦湯拉麵（粗麵）個湯底唔覺辣好重蝦味非常濃既湯底份量都好夠最鍾意有蒜泥、拉麵胡椒埋單$5x一碗真係超級抵

講起拉麵，對於住在北區的人，基本上係惡夢，一碗好麵難求，所以早排同屋企人行開尖沙咀，見一幻又有新攪作，諗返起對上一次食拉麵已經係幾個月前既事，心思思想食返碗。今次一幻推出了咖喱二重奏（$108/款），當中有兩款新品種。餐廳除了有卡座，喜歡的仲可以有玻璃窗位，可以近距離望住個海慢慢食，又係另一種享受。先係咖喱蝦汁拌麵，選上了粗身麵條，希望多點嚼勁，配料有豚角粒、秋葵、粟米芯、茄子及蔥花，而咖喱蝦汁預早放在碗底，所以在享用前要預先拌好，但感覺上蝦汁未夠，若果可以多返些小會更好，但有一點值得提提，係麵條的梘水味已經若有若無，比之前進步得多。另一碗是咖喱蝦湯拉麵，當然又係粗麵底，配上叉燒、番茄、流心蛋及粟米粒，蝦湯與咖喱汁沒有違和感，反而添上了一份香氣，好味。因為一碗麵都已經$78至$88，所以二人拉麵套餐（$268）就顯得抵食好多，先來自選拉麵兩碗。分別選擇了辛辣味噌蝦湯拉麵及日本番茄蝦湯拉麵。辛辣味噌蝦湯拉麵湯底水準依然的濃稠，少許辣度更加挑起了食慾，幼麵身掛湯能力不俗，麵條亦有嚼口，叉燒覺鬆軟，半隻流心蛋亦有水準，不錯。至於番茄拉麵就同辛辣味基本上一樣，只是多了新鮮番茄肉及粟米粒，單點仲

幾鍾意食呢間拉麵店，餐廳環境舒適寬敞，最鍾意就係食佢嘅濃湯蝦拉麵，湯底好濃郁，拉麵都好入味，其他拉麵嘅配料都唔錯，會再幫襯！仲有佢哋嘅餃子都煎得幾好味，唔會太鹹😋😋

搞不懂這麼難吃的拉麵怎麼能開這麼多家分店還不平wow 二人套餐配的雞胸肉沙拉 我的天吶 這和日本拉麵八竿子打不著的一道菜 是什麼鬼來的。除了海港城這無敵海景 和 還不錯的裝修之外 沒什麼值得稱讚的 這碗拌麵認真講 還不如家裡隨便自己拌一拌台式拌麵或者indo印度面。

店內有海景，加上濃郁嘅蝦湯，感覺十分良好。蝦湯非常之鮮，拉麵十分彈牙，叉燒咬落去，肉汁噴哂出嚟，再加上飲一啖蝦湯，非常之滿足，望住窗外嘅海景，整體感覺十分良好。