一休(居食屋)日本料理 (38廣場)

營業中

休息中

今日嚟到旺角嘅一休壽司店食壽司店內嘅裝飾都幾有feel，坐得又舒服。呢間舖頭有好多嘢食，我覺得佢食物嘅種類，無論中午嚟定係夜晚嚟都滿足到需求。而且地點又好，旺角市中心交通又方便。諗住食完嘢醫飽肚之後喺隔離行吓街😁我叫咗個壽司拼盤。整體而言呢個拼盤嘅色澤味道賣相都非常之好。海膽粒粒分明，唔會溶到一pat pat。隻蝦又大又新鮮。當中我覺得最好食嘅係三文魚花之戀、海膽、大蝦、仲有三文魚魚腩。其實就算冇特別講嗰啲壽司，佢嘅質素都好唔錯，我覺得呢個拼盤幾抵食。另外仲點咗個吞拿魚蓉手卷，呢一個真係大推薦，簡直就係畫龍點睛！新鮮嘅吞拿魚蓉混落咗啲米飯裏邊，而且仲配埋卜卜脆嘅紫菜又夾少少白芝麻，真係好正。👍🏼👍🏼👍🏼😋😋

突然想食日本嘢但又想平平地咁食lunch🤤 於是就決定上去38廣場食呢間價錢貼地得嚟質素又幾好嘅日式餐廳🇯🇵 餐廳menu有好多款式嘅料理揀🤩 刺身壽司熟食都有唔同嘅選擇🥳 以午市價錢嚟講係一個幾好嘅選擇💰-🥂蒲燒鰻魚丼 $68仲記得一開始好驚鰻魚好多骨🙈 但食嘅時候冇乜碎骨之餘仲要幾爽口😍 咬落去有少少彈牙嘅感覺🤏🏻 而且厚度唔算太薄🥰 淋上面嘅鰻魚汁甜甜地😋 配粒粒分明嘅珍珠米一流🍚 不過個人認為如果多少少汁就更加好🤤 賣相極吸引😚 以價錢同質素嚟講性價比幾高👍🏻-🥂番茄濃湯三文魚腩骨鍋定食 $55番茄湯底好濃郁🍅 酸酸地好開胃😻 而且熬出嚟嘅湯底配合其他配料例如豆腐都非常足料🤤 三文魚腩骨味道雖好 但有少少難進食😿 食嘅時候要小心比碎骨整親🥺 但整個鍋嚟講都係唔錯的😋-🥂刺身定食拼盤 $78試完熟食之後到冷盤😋 上菜嘅時候比佢嘅賣相吸引咗😍 刺身嘅種類好多🍣 除咗最常見嘅三文魚同吞拿魚之外🐟 仲有油甘魚、帶子、八爪魚🐙、蟹棒🦀同甘蝦🦐等等🤩 各款刺身都好新鮮😍 冰鎮嘅口感更加突顯咗本身嘅鮮味🧊 味道相當鮮甜😚 仲會送埋味噌湯同壽司飯添🤪 所以份量都好多㗎🤤-除咗刺身之外仲叫咗火炙

一休(居食屋)日本料理 旺角山東街38號38廣場1樓旺角站雅蘭中心一出行兩步就到地點的確方便 贏咗大部份都係卡位 坐得舒服，又有個人空間帆立貝串燒（2串）$68烤烘過程能夠使帆立貝肉表面形成一層微焦的外皮 特製的串燒醬 鮮嫩帆立貝一共有6 粒醬油鹹香同串燒醬相互融合岩鹽燒赤蝦（2串）$68一道簡單卻美味的料理，突出出赤蝦本身的鮮美和岩鹽特殊風味 彈牙口 燒到乾身北寄貝刺身 $58 北寄貝肉質鮮嫩，口感柔軟，帶有微妙甜味本人好中2食北寄貝 呢間算正常不過 冷凍方面又做得幾好蟹籽車艦壽司 $26青蘋果果味梳打 $22

呢間餐廳真係我既飯堂，食過好多次，佢唔係靚靚既日本餐廳，但性價比幾高😋想平平地食下日本野都幾唔錯！食滿$100可以優惠價+$68換十塊三文魚刺身，唔算好肥美，不過不失。火焰三色卷$68，次次黎我都必食🥰有兩舊三文魚、兩舊吞拿魚同埋兩舊帶子。3款都好好味🤤牛油果軟殼蟹卷$76，都好食👍唐揚墨魚咀$48，大大粒熱辣辣👍份量都幾多！牛肉壽喜鍋$68，牛肉唔係靚牛，味道正常壽喜燒味，咁既價錢都算係咁啦🤣🤣

同朋友去麥花臣睇音樂會前來左呢到食野，我地叫左鮮茄海鮮珍寶鍋、三文魚刺身、火炙帶子壽司、火炙赤蝦壽司、蟹棒壽司，兩罐野飲，買單274$，每人大概137$，都幾抵。有機會會再來食。缺點係廁所比較暗，有點嚇人。

又嚟介紹特色餐廳喇🥢！今次就想同大家介紹一間位於旺角嘅日式料理專門店✨。呢間餐廳喺網上嘅評價一直都話係性價比高😎，我睇過餐牌，發現餐廳嘅食物價錢真係比起其他旺角嘅日式餐廳更加經濟🫶🏻。今次我就叫咗幾款突然間好想食嘅嘢食🤭，想知係咩嘢食嘅就一定要睇落去啦～食物方面☝🏻#蒲燒鰻魚飯（$88）首先想介紹嘅係嗰日食嘅主食蒲燒鰻魚飯😋。以呢個價錢嚟講，可以食到蒲燒鰻魚飯真係好難得🙌🏻，呢盒飯除咗有主角蒲燒鰻魚之外，另外都仲有車厘茄、中華沙律作為配菜🤩，都算係有誠意㗎🫡。講返餐廳嘅蒲燒鰻魚先，我欣賞蒲燒汁夠晒惹味🥰，所以食一件鰻魚都已經胃口大增，超級送飯！#海膽手卷（$48）跟著就想介紹下我平時最鍾意嘅手卷之一❤️。海膽嘅色澤都唔差㗎🥳，而且味道甘甜，口感真係好細膩😚，入口即溶。海膽嘅味道都會彌留住喺口腔入邊😍。#日本室津蠔（2隻）（$78）我平時都唔算係成日食生蠔㗎，不過今次突然心血來潮好想食🤣。上網睇返有關於室津蠔嘅資訊，發現原來佢嘅蠔殼相對地係比較薄🦪。講返佢嘅味道先，除咗大隻之餘仲好新鮮😎，完全唔會有蠔腥味🫶🏻。連我呢啲唔係成日食蠔嘅人都唔會抗拒😋，口感方面真係好滑溜，一啖一隻蠔真係好滿足🤩

如果喺旺角想食抵食日本野，不妨可以試下呢間一休日本料理😋燒物、壽司、鍋物都唔錯～首先係燒物，叫左份燒牛舌，牛舌燒得岩岩好唔會太韌，夾埋又香又脆嘅蒜片，好香口😋😋再叫左個炸蝦天婦羅，蝦好新鮮，而且粉漿唔會太厚，食落皮薄蝦鮮，唔錯唔錯😋壽司方面叫左個雙龍卷，一聽個名已經覺得好吸引，因為一份壽司入面有兩個口味，包括龍蝦+吞拿魚沙律同牛油果赤蝦，配搭鮮味得黎又清新👍🏻👍🏻其他口味嘅壽司叫左黑松露帶子、蟹棒、海膽、鵝肝都係好食嘅，而且食材都好新鮮👍🏻鍋物方面叫左個牛肉壽喜燒，同其他日式餐廳嘅味道差唔多，不過就好足料好多，牛肉同蔬菜嘅份量都唔少！環境寬落好坐，而且選擇又多，仲咁方便，下次喺附近都會再黎！

喺旺角搵日本野食，同朋友初次來嚐這間日本餐廳，位置喺朗豪坊附近，餐廳位於大廈一樓，所以要搭電梯上。上到去見餐廳都算大，裝横都呈日本風，7點半時段有好多客人，我地安排到卡位位置，坐得幾舒服。海鮮鍋份量真係幾大鍋，湯底係蕃茄湯幾出味，配料有三文魚，帶子，蝦，蜆肉，蔬菜等，2個人食好滿足，遇到特價優惠好抵食。海鮮鍋 $78鐵板帶子牛油燒黎到有點失望，唔似係鐵板燒既味道，就是入口似煮熟帶子再淋上牛油。鐵板帶子牛油燒 $68蒲燒幔魚飯以日本紅色便當盒盛載，日本軟硬道剛好，幔魚有半條 size, 好多幔魚汁，魚肉唔算厚，不過都軟淋，味道不錯。蒲燒幔魚飯 $88

餐廳正正係朗豪坊對面街，平時出旺角行街呀，買野，見friend呀黎依到食都好方便。上一樓之後全層都係佢地嘅～內部裝潢都花左啲心思，見都都擺左啲日本酒呀、日本燈籠呀同埋公仔。一入到去都已經好有feel。三色魚生飯＄72份量都好大，下面啲飯都有一碗幾兩碗。三色魚生飯裏面有吞拿魚刺身、三文魚刺身、劍魚腩刺身依三種刺身。三種嘅刺身都分別有二片，都幾好！三文魚嘅口感絲滑細膩，加埋塊紫蘇葉，刺身食落去更香滑。 好鐘意紫蘇葉佢嘅香味好獨特，食日本刺身就係要配埋一齊食。和牛粒串燒（2串）＄68和牛好大粒，好似有兩隻手指子公咁厚！餐廳將和牛煎燒到三成熟，如果習慣食熟啲嘅朋友都可以提出整熟少少。串燒有埋略略煎過嘅白洋蔥同埋青椒。但人偏好和牛同青椒嘅配搭多啲。洋蔥嘅辛辣味我唔食得慣，不過正正就係依隻味可以更加突出和牛嘅香。鵝肝壽司＄40鵝肝嘅質地細膩，食落去好鮮美！ 火炙黑松露帶子壽司＄22黑松露嘅香味可以話帶出左帶子嘅鮮味。 刺身拼盤（竹）＄188 有三文魚腩、吞拿魚、油甘魚、鱆紅魚、甜蝦。 特別要提油甘魚刺身！佢咁甘香實在一啖咬落去就感受到佢嘅甘香，成個口都充斥住佢魚油嘅香氣！魚質好好。

鹽燒花魚 $88花魚真係超好味，夾開的魚肉嘅時候啲魚汁湧晒出嚟好Juice而且食落好滑，冇腥味。用鹽燒完之後鹹鹹地，加埋魚嘅鮮味，唔使加豉油都好好味！亦附上檸檬同埋蘿蔔蓉，可以加埋落個豉油汁一齊食。鹽燒厚切牛舌串 $68一嗌就有兩串牛舌，一串有三舊牛舌。上面加咗粒粒黑胡椒一齊燒，好juicy。食落帶有咬口。刺身拼盤 （松）$268壽司拼盤擺盤擺得好靚，同款刺身分開一堆堆。赤蝦食落好Creamy、鮮味。三文魚魚腩見唔到啲油脂同肉分間平均，仲要切到好厚，識落好滿足。海膽半版會加埋紫菜，識落冇苦味，好鮮甜，口感Creamy。仲會有一塊紫蘇葉加埋刺身一齊食，同啲刺身好夾。

食物款式極多大部份都係$100以下基本上可以毫不顧忌咁叫刺身嘅質素都唔差，而且唔會切到好薄煮食嘅壽司飯同鍋物都係又平又大份建議唔需要每人一個主菜反而可以叫多些小食另外，晚市既一至日每日都有啲特別優惠$70 牛肉壽喜燒就係我嘅最愛

前排同女朋友喺朗豪坊行完街，佢話想食日本野，就上Openrice睇下附近有咩好嘅日本餐廳。我地最後決定黎呢間位於山東街嘅「一休」食。餐廳位置固然好方便，裝修亦頗舒服。餐牌選擇頗多，以下係我地當晚點左嘅食物：「肥牛壽喜燒」：好足料嘅一份壽喜燒，值得一讚嘅係啲肥牛好新鮮，而且壽喜燒嘅湯底唔會太鹹。「天婦羅炸蝦」：啲炸蝦炸得金黃香脆，蝦肉本身爽口彈牙，天婦羅汁亦調得幾好。「雙龍捲」：據店員介紹呢道雙龍捲係呢度嘅招牌創作卷物。店員一攞上黎就覺得賣相好吸引，而且好香。味道方面，我個人特別鍾意黃色、用左芒果嘅果邊，因為啲芒果好甜，配埋啲醬汁同入面嘅蝦好夾！「煎鵝肝壽司」：鵝肝份量好大，而且煎得熱辣辣，不過個人略嫌可能煎得太耐！「海膽軍艦」：海膽算新鮮，以呢個價錢可以食到海膽算好高性價比！「火炙帶子壽司」：帶子好飽滿，而且鮮甜味美！「蟹棒壽司」：賣相吸引，而且用嘅蟹棒好好味！總結：呢間餐廳總體用餐體驗良好，值得推薦！

呢間嘢入到嚟見到個裝修幾好，好有信心咁坐低，突然加咗服務員都即刻幫我哋安排中親子幫我哋搬張枱過嚟，心諗冇死啦裝修又好服務又好食物應該都好好嘅，魚生來講都可以，唔好話超級好食，嘢食來講全部都合格，但係就千祈唔好太有期望。

雅蘭對面有好多食肆，今日就嚟試吓呢間日本嘢！餐廳要上一層，有Lift搭，都好方便。餐廳內部裝修都幾靚，空間又大，同一大班朋友嚟食嘢都有位！坐低後，我哋先叫咗一客「燒帆立貝」（$68），呢碟都幾有驚喜，帆立貝有兩串，大大粒，配上甜甜哋嘅醬汁，更加能夠吊出帆立貝嘅香味。之後，我哋叫埋「大阪燒」（$48），燒餅好大個，嚟到時上面鋪咗滿滿嘅柴魚絲，十分誘人。店家好貼心咁預先切好咗四份，方便Share食！麵粉同蛋都好香口，口感鬆化，令人食唔停口！主食就叫咗一客「三文魚生飯」（$72），魚生都有七、八片，份量足夠，米飯較為實淨，撈埋一齊就好好食。另一客就叫咗「特盛海鮮丼」（$78），呢個價錢食到咁多種唔同嘅海鮮真係好抵！除咗三文魚外，仲有吞拿魚、油甘魚等等，種類繁多，特別鍾意佢嘅活蝦，大大條之餘，仲十分新鮮。跟餐可以配嘢飲，就叫咗一杯凍奶茶（$10），因為我係奶茶控，估唔到喺日本餐廳都可以飲到好香滑嘅奶茶！另一杯就配咗檸檬可樂（$12），佢係冰底、可樂分開上，咁就可以按需要調整冰度，食咗咁多嘢，再飲杯可樂，真係令人十分滿足！呢個價位可以食到咁多好嘢，抵到爛呀！

餐廳掛滿七彩繽紛既日式燈籠，木櫃上就擺左好多日本清酒樽，好有日本居酒屋特色，環境闊落，卡座讓食客有私人空間，啱晒同朋友嚟吹水。餐牌選擇有刺身/壽司定食、揚物、鍋類、丼飯、石燒、天婦羅、咖哩、拉麵、手打烏冬，午市套餐免收加一，於1點前離座仲有額外9折優惠，非常。唐揚墨魚咀：炸到金黃色，熱辣辣，新鮮酥脆，灑上檸檬汁，不油不膩。青芥辣八爪魚：彈牙有咬口，八爪魚配芥辣，攻鼻既感覺真過癮。火灸黑豚肉烏冬：豚肉燒得香口，配料有溫泉蛋、木耳絲、紫菜，烏冬掛湯力強，彈牙滑溜，湯底清甜。特盛海鮮丼：有三文魚、吞拿魚、熟蝦、𩶘魚、劍魚腩、魷魚、甘蝦、飛魚籽，全部都肥美新鮮，大滿足。總結，餐廳位置便利，食物有水準，店員有禮貌，性價比高。