一休(居食屋)日本料理 (38廣場)

營業中

休息中

今日假期同男朋友約咗係旺角睇戲，睇完戲男朋友話想去居酒屋度食飯撐枱腳然後再search下有咩好食啦，見到呢間一休日本料理食物好吸引， 就嚟試一試先第一時間必點刺身先啦！每逢食日本野同男朋友都係最愛食厚切三文魚腩-同張相一樣架全部都好厚好肥！入口充滿油香！帶子刺身-好鮮甜粒粒都好厚架細板海膽-海膽好新鮮呀好香奶味！配上紫菜真係好夾！赤蝦刺身-非常厚肉！男朋友大愛燒牛舌-好香燒得啱啱好大蝦天婦羅-每次去到居酒屋都會叫，因為真係好好食㗎，配上蘿蔔蓉、青檸汁、天婦羅汁而且呢度炸粉不會太多！三文魚親子飯-食丼總係會有特別嘅日本風味！加上日本豉油，好味！自己仲可以加少少酸薑添！總括嚟講，食物質素高，價錢抵食，絕對值得一試！

今日同埋男朋友媽咪一行三人，去咗旺角行街，然後行行下男朋友媽咪話好想食日本野，由於我哋下午都食咗少少野，所以都唔係好想食放題，然後經過呢間一休居酒屋，就決定去試吓先因為網上嘅食評都唔錯！喺雅蘭側門對面上2樓。座位全部都係以卡位為主，坐得舒適一打開餐牌，就被刺身類吸引嗱嗱聲order先！三文魚肥腩刺身-入口油香肥美！帶子刺身-新鮮厚肉海膽刺身細板-鮮甜重奶味，完全吾腥三人一板細板都夠食壽司類別都好吸引呀！！蟹籽壽司-新鮮脆卜卜火焰胡麻蝦壽司-估唔到配上胡麻汁又幾襯鐵板燒羊架-肉質夠嫩又juice！推介大蝦天婦羅-炸粉唔會好多啱啱好！後面嘅裝飾都食得㗎！好食！總括嚟講，呢間選擇多，又底食，食物新鮮！有時唔想成日食放題都可以黎一試

今日特登去食日式料理，香港一般專門食日式料理嘅都好貴，呢間我覺得性價比唔錯，所以就再去幫襯啦！今日我哋六點鐘就到啦，因為有八五折季節限定，我點左加拿大海膽壽司個碟好靚，日本料理真係連擺盤都好精緻。加拿大海膽壽司：加拿大海膽比馬糞海膽鮮甜得多，而且唔吝嗇！食完好想再食壽司拼盤（戀火）$198有14件sushi, 都真係唔貴！ 仲要有鮑魚、和牛、海膽最特別係和牛壽司，個色同花紋引人入勝，食落幾滑，但唔似食緊牛，哈哈媽媽見到就即搶走件鮑魚啦， 佢話好爽,唔難咬，d汁幾好味蒜片和牛粒$68上枱時發出吱吱吱嘅鐵板聲，好多蒜片係鋪係面。和牛粒好入味，肉質又唔老牛舌，加幾滴檸檬汁爽彈，好香燒汁味再次黎食依舊好滿意！

星期日晚同朋友睇戲，睇完當然會係附近食埋飯啦。見到山東街有日本料理食，就決定上來試下喇。雖然已經幾晏下，但客人都唔少。MENU都幾多野揀，有睇落勁豪華的刺身拼盤，壽司、丼飯、鳥冬、小食都應有盡有。特別的是刺身拼盤（松）$228重頭戲！每次食日本野見到刺身拼盤就最開心有赤蝦2隻、吞拿魚3片、三文魚腩3片、劍魚腩3片同埋海膽半板。三文魚腩勁肥美，同埋海膽雖然係半板，但份量絕對唔細，200幾蚊真係好抵食!天婦羅海老卷$98呢個最初係因為賣相而揀，一碟有兩款卷物，影相都靚。點知原來勁好食!加左青瓜絲口感爽脆，而牛油果就好creamy，炸蝦夠香口，而芒果就好香甜，兩款都好味，就算係咪影相都要食啦!和牛芝士士火鍋$88呢個係一人份量火鍋，湯底加左邪惡芝士，夠哂香口。肉份量雖然唔多，但肉味其實幾濃，加埋芝士湯底，其實唔太需要點汁。三文魚海膽飯$72雖然刺身拼盤已經有三文魚同海膽，但係都要再嗌呢個丼，因為實在太鍾意喇！火焰海膽帆立貝卷 （6件） $65第三份有海膽既菜式喇！期間限定嘅卷物當然都要試下啦，帆立貝好鮮甜，海膽火炙之後更加香，幾好味ga!如果唔係太飽，其實仲有好多想試。整體來說是很滿意的一餐

Tonight we were honoured to be served the most amazing Japanese restaurant I have ever visited.As soon as I strode through the welcoming open archway of the dining area, my mouth hung wide open. I was speechless. The opulent interior design made me feel insignificantly tiny in comparison.This is the mouth watering salad we had the chance to sample. The vegetables were as crisp as potato crisps and the seafood was literally melting in my mouth!Sashimi was also very nice with a reasonable price.Th

真係好耐無黎一休開餐 有一排完全佢係我出親旺角既飯堂一休既日本餐絕對係平靚正之選坐低吾諗 一定要角切魚生飯 重拾那些年既回憶對黑洞黎講呢個飯量合格 一定食得飽面頭既魚生粒仲爆多 撈埋醬油真係可以秒清除左魚生飯 呢到既壽司款式都吾輪蝕我同朋友仔揀左D我地最中意食既幾款特別推介醬皇燒皇帝蟹棒壽司同火炙芝士帶子壽司燒一燒香氣四溢 加埋面頭個小小芝士醬PERFECT池如困中意食三文魚既話 厚切三文魚壽司會係吾錯選擇佢厚切口感十足 而且偏腩位比較肥美香口料理方面 我每次都ENCORE厚橈玉子一來我好中意食玉子 二來呢到既厚燒滿足到我既要求好大好厚 食落好蛋味$38/5件都吾算貴 仲要食完堅飽胃臨尾仲叫左支波子汽水 好耐無飲過 過下口癮$20眨下眼就清左

係旺角區食野唔一定貴，今日午餐黎左呢度食，雖然係樓上舖，但位置都容易搵。睇餐牌裡面食品款式都可以，而價錢都好大眾化。呢個特盛海鮮飯個樣都幾骨子，每款魚生都有D。蕃茄鴨胸烏冬，D甲鴨胸肥瘦平均，有咬勁。烏冬彈性夠，不粘口。芝士年糕咬落外脆內軟，裡面芝士夠熱夠溫度，會係口中有少許咀嚼性而且不粘牙。我最鍾意明太子雞翼無骨果個口感，可以大大啖咬落去，明太子顆粒係口腔入面滾動。蒲燒鰻魚有種醬料既烤焗味，熱食時口感最特出，咬落挻身而柔軟，魚肉質地鑯細無骨。呢個價錢，食品算唔差了。

補習完就嚟到旺角食晏，見一休價錢都幾相宜就入去食下啦😋 先嗌個虎蝦辣汁沙律($48)🥗有8大隻，好新鮮，配上特製辣汁非常惹味！沙律菜亦夠新鮮😆 之後點左三文魚壽司($18)&芝士蟹子軍艦($24)🍱蟹子好creamy! 值得一試:-D牛油果軟殻蟹手卷($28)亦好唔錯，蟹夠大隻，又脆口！特盛海鮮丼($68)好足料，三文魚肥美，玉子甜甜，配上壽司飯好味道！蕃茄鴨胸烏冬($62)好大碗下，湯幾重茄味，鴨胸有6大舊，仲要厚切😋😋 照燒雞肉串好惹味！送酒一流

• 茶壺海鮮湯。• 海鮮湯裏有青口.扇具.蝦仁,八爪魚,想不到小小的茶壺郤放得下那麼多配料!•茶壺海鮮湯奉上時還會附上一個有檸檬的茶杯,湯與檸檬的互補,令味道不腥而鮮甜!!• 炒鰻魚飯,熱騰騰,香味撲鼻,份量十足,味帶甜,加入了蛋.紅蘿蔔粒,蔥花等配料伴炒變得不單調更有咬口!!• 牛油果軟殼蟹圈• 牛油果跟軟殼蟹配搭新穎! 還有蟹籽跟沙律醬點綴,一口咬下口感十分豐富!!• 海膽手卷,海膽鮮甜不腥。• 甘卷,用了熟蝦和甜蝦制成的紫菜卷。• 美國泰勒生蠔。•生蠔新鮮,入口蠔味十足!!

門口十分當眼的擺設。店内環境帶和風格調,好多卡位座,坐得好舒適唔會迫迫挾挾!依間一休日本料理有生蠔叫,可以叫半打或兩隻,重可以用蒜蓉燒,任君選擇!!!生蠔夠新鮮,陣陣蠔香,價錢重超低食!!!前後叫左兩次共一打!!!冰鎮海鮮冷麵!!!又一滋味分享!! 冰鎮的冷麵湯入口透心涼,味道濃淡適中,海鮮十分豐富,三文魚,甜蝦,帶子,蟹棒,北寄貝,墨魚等等....冷麵 麵質爽彈!!!甘卷。甘卷做得很精緻,有些上面有魚籽跟熟蝦,有些上面有蟹籽跟甜蝦!!!海膽手卷,上枱後要即食否則紫菜淋左無咁好食,海膽份量多入口甘甜!!!

環境唔錯，係傳統和式裝修，仲有好高私隱度既座位。火炙吞拿魚沙律沙律醬同沙律菜係分開的，可以按自己的喜好加入沙律醬。蔬菜夠新鮮同爽脆，不過主角係火炙吞拿魚。吞拿魚外層經過火炙，令到油脂既美味更突出，吞拿魚本身係厚切，入口就有軟林既口感同火炙既香味。刺身拼盤（竹）刺身既質素同出面既放題有得比，件件都係厚切，新鮮肥美。拼盤有三文魚腩、吞拿魚、油甘魚、鱆紅魚同甜蝦，滿足哂食魚生既慾望。我特別鐘意油甘魚，一入口就食到佢豐富既油脂同魚肉既鮮味，甜蝦都唔錯，夠脆夠甜。蟹膏壽司的蟹膏非常濃郁，最特別係蟹膏下面係脆卜卜的蘿蔔絲，令到成件壽司冇咁膩之外，仲多左種口感。玉子既造型好得意，鬆鬆軟軟既玉子卷中包住米飯，上菜時玉子係溫熱的，甜度足夠，有蛋香，好食。大板燒真係勁香，入口有濃濃既醬汁同木魚絲味，餅入面有蔬菜同章魚肉，章魚肉好彈牙，好好食。

係旺角想食日本菜，就揀左係山東街嘅一休日本料理，價錢平實抵食難得放假就飲下啤酒relax下！除左Asahi，LEE到都有Sapporo 七寶札幌啤酒，$25支叫啤酒當然唔少得叫D佐酒小食！LEE碟係青芥辣八爪魚，辣辣地，生八爪魚粘粘地好有咬口另外都叫左碟唐場墨魚咀，炸得香脆，一食真係食唔停口，送酒一流主食叫左戀火壽司拼盤，都幾大碟，而且咩都有D！壽司幾新鮮！食完見有甜品推薦，LEE個係北海道栗子蒙布朗栗子蓉甜而不膩，加上濃郁GE奶油，好食！

話說以前係旺角番兼職既時候好中意落場周圍搵個安靜既地方食飯休息偶爾發現了呢間日本店午餐幾廿蚊一個set又有拉麵又有壽司於是就變左常客了今日就同朋友嚟聚餐回味下係樓下等朋友既時候有位姨姨派傳單大家都不妨試試嚟到當然要先睇餐牌啦不過食物選擇真係好多，眼花繚亂有機會都想食活北寄貝刺身紫色的很爽口，比紅色熟了的更可口【梳打】$18蚊一大杯百香果同青蘋果都好開胃事關我地傻左甘點到成枱食物串燒系列:【和牛粒串燒】味道甜甜的有點似豉椒炒蜆的醬汁其實廷不錯的不過個人比較中意淨係落鹽因為今餐的食物太多了炸物系列:【炸雞軟骨粒】非常好味，味道較出而且可口而且比起串燒更抵食，份量都好多加上頌有檸角俾你去油膩感其他熟食系列:【牛油炒雜菇】份量好多！幾乎食唔哂牛油味好香，雜菇當然夠健康啦【厚燒玉子】玉子很好味，不會太甜而且配的醬汁很好味配碗壽司飯一流啊壽司刺身系列:【和牛刺身（半客）】人生總要豪爽下同朋友點了和牛刺身！份量都算多可以明顯見到牛的脂肪分佈平均，很美店舖的酸汁很開胃食到牛味同時可以去油膩感可以按個人喜好加入 蘿白蓉、蔥、薑或芥末個人比較中意落少量蘿蔔蓉或芥末再配酸汁叫左甘多食物，當然要點一些開胃的【

日式居酒屋@旺角一口一粒炸墨魚咀, 脆卜卜滴啲檸檬汁點沙律醬超好食!$39 一客平靚正 😂wasabi 八爪魚好有光澤, 好新鮮!生嘅八爪魚好漿口wasabi 味道適中, 唔係好攻鼻同墨魚咀一樣係份量充足 😛好抵食點咗一板海膽都 OK赤蝦刺身有驚喜, 鮮甜大隻 😋人多就點咗個大份啲嘅壽司拼盤壽司拼盤有 14 件唔同款嘅壽司壽司拼盤最好就係咩都有啲握壽司, 軍艦壽司同花之戀都有我食咗三文魚腩壽司同磯燒鮑魚壽司,質素幾好鮑魚有彈性但幾軟, 唔 un

記得中學既時候有上過黎呢度食lunch，之後就一直冇黎食，個日經過見價錢仍然吸引就黎食佢既晚餐☺️見到有d季節限定，就叫左2款黎食⭕️火焰海膽帆立貝卷 $65有6大件，用料新鮮。海膽唔算多，帆立見幾厚肉又新鮮，成啖呑勁有口感，推薦！⭕️芥末魚生粒粒海鮮丼 $68見到呢個價錢就俾佢吸引左，用料極為新鮮！入面有魚籽，芥末八爪魚，海量三文魚腩，真係不錯。同芥末味唔算勁，比一般海鮮丼更為好味！ 之後就係menu簡多3樣野食⭕️火焰吞拿魚沙律 $42最surprise係呢個！呑拿魚唔腥，燒過更香，咬落有入口即融感覺！配上新鮮沙律菜，真係一流！加上呢個價錢，十分值得一試！⭕️鐵板牛油粟米 $38不是新鮮粟米，唔夠香，可以更好⭕️燒三文魚頭 $38幾好食，夠脆口，燒到魚脂出哂，不錯