一休(居食屋)日本料理 (38廣場)

營業中

休息中

今日收工同朋友約左係旺角食飯，朋友想食日本野，見我地又近朗豪坊，一於去試下樓上舖既居酒屋😂平日夜晚唔會太多人，可以靜靜地傾計我地嗌左一份三文魚刺身（十切）三文魚好新鮮，好食身為三文魚控既我地，當然要嗌個三文魚加州卷！呢個啲三文魚雖然無刺身咁新鮮，但依然好食！咁凍既天氣，當然要嗌個烏東暖下個肚我地叫左個蕃茄牛肉手打烏東烏東好彈牙好好食，但個湯底就爭少少，濃多少少就好！最後，就係和牛芝士紙火鍋🍲和牛放落芝士鍋，入口即溶，好食！推介總括黎講，呢間居酒屋性價比都幾高，地點方便，下次再同朋友黎試先

• 一休日本料理• 旺角山東街38號38廣場1樓加洲卷,包得幾好,夾起唔易散!!!三文魚籽+蟹籽,依兩款咬落極有口感既壽司走埋一齊,真係食完又想再食!!!一休海鮮沙律,每日都有一款優惠,當晚就係星期一,做緊依個沙律優惠只需$38!!!青瓜卷,簡單清新!!!蟹棒卷,啖啖肉蟹柳卷,簡單好味熟蝦同甜蝦組合成既甘卷!!!依到叫生蠔食好抵食!!!生蠔好肥美又夠新鮮!!!自選精選壽司,鐘意食幾件同點配搭都得!!!

我昨晚同我男友去食， 叫左個二百幾嘅刺身船同埋煮蜆， 本來我男友想去樂天大喜屋， 但係我唔想夾硬狂食， 所以我叫我男友去呢間， 叫少少野食唔使撑飽個胃， 點知魚生唔新鮮， 蜆好難食， 最主要都係唔新鮮.... 半年前食過ok, 估唔到會變到而家咁， 可以blacklist, 唉p.s. 上次同我去食嗰個朋友已經同我講過啲野差左好多， 不過我唔信， 諗住差極都有個譜， 唉我男朋友本來叫我影相， 通常去親食野都會影下啲野食 但係我真係影唔落手， 但係我都好後悔， 應該影， 放上黎比大家睇下

想食壽司最鐘意去一休，已經黎過一休好多次。每次都保持水準，決心要為佢寫返篇食評👍🏻👍🏻👍🏻佢既signature應該係食滿$100可以優惠價十片三文魚刺身，每次都係好味，新鮮👍🏻壽司都唔貴，又好食7:30pm前落單都有85折，所以好抵食😍辣味三文魚軍艦、帆立貝壽司、花之戀都係每次必點！卷物方面，最愛海膽帆立貝卷❤️薄切牛舌勁香，好味！送飯好正！平日每日都有唔同既特價食物，有刺身小食等等

同小胖男友約左另一pair情侶去旺角飯聚 今次輪到佢地發辦揀食咩朋友帶左我地去朗豪坊附近一間樓上日本餐廳 價錢中價 幾抵食叫左個壽司拼盤 百零蚊就有拖羅,和牛,帆立貝,鮑魚仔等12件壽司 抵食過散叫絹豆腐沙律 份量勁多 胡麻醬配豆腐 口感清新大阪燒 熱辣辣 面頭有好多"郁郁粉"(木魚碎) 炸雞軟骨粒一啲都唔油膩 炸得好好 點沙津醬最好味另外仲叫左雞中翼,羊架同北海道直送既燒原隻魷魚筒黑松露帶子炒飯 炒得乾身同幾香 散發陣陣黑松露味天婦羅蕎麥麵幾抵食 $68有齊冷蕎麥麵同天婦羅 有2隻天婦羅蝦 2件青椒 1件蕃薯 如果有埋南瓜就更好了食咁多野人均都係$150 幾抵食

今晚是假期，所以提前預約了吃日式料理。6點左右，餐廳不算多人，有兩排卡位，我們坐卡位，還算舒適，而環境亦不錯。種類選擇頗多，點了壽司🍣拼盤（花），圖片與實物不會相差太遠，但其中一塊是日精選壽司是蟹柳，有點失望。香草燒雞翼不過不失，但味道稍淡。牛油果🥑軟殼蟹卷賣相美觀，軟殼蟹炸得香脆，不錯。豚肉炒野菜有驚喜，豚肉片頗多，椰菜及紅蘿卜很爽，冬菇及金菇很滑。壽司還是單點好，帶子壽司好吃，啖啖肉，三文魚壽司亦🉑️。唯一美中不足的是叉燒拉麵，叉燒太肥，拉麵🍜質地有點像公仔麵。聖誕🎄的晚上不是吃火雞，亦可以吃得滋味。

我朋友早左來到旺角搵地方食飯，佢見到好多人聚集在旺角一休日本料理的樓下,等緊𨋢上樓食野，於是加左印象分都想入去食晚餐試試看。先來一個黑松露帶子炒飯, 炒飯一上桌充滿黑松露香氣，有好多帶子粒混合著炒飯，及帶子清新可口，再加上黑松露味令人特別開胃。好香草三文魚薄餅，這煙韌簿餅是以簿切煙三文魚作主要餅面上配料，而面上另外鋪些栗米粒椰菜絲及蕃茄粒等，再加些香濃沙律白汁醬於面上，便成了一塊雜錦日式簿餅，保證吃落滋味十足。一面食飯一面飲日式波子汽水飲落冰凍解渴。

同朋友行完旺角朗豪坊，經過山東街見到很多食店廣告牌，見一休日本料理，是提供好多款式的日式料理膳食，都好奇地去食晚飯。黑蒜油蝦球拉麵，是以黑蒜油撈豬骨湯作湯底，十分惹味，而主要餸料則是幾隻大蝦、蟹柳條片、熟蛋、蔥菜粒及栗米粒等，再加上香滑具彈性嫩熟的拉麵，在熱辣香濃湯底醃味下，成碗麵食過都印象深。汁燒魷魚筒，是個燒大魷魚筒，燒成後將之切成多個魷魚圈，再加些香濃燒汁上去，成碟燒魷魚圈食落煙韌質爽美味無窮，吃過都想講好味。

同朋友去咗旺角一間居酒屋，因為居酒屋好有日本感覺地方唔太起眼因為要上樓，佢個名係我以前睇開一套卡通片裏面嘅主角，而且七點半之前落單都會有折扣居酒屋食物嘅款式比起大型嘅日式連鎖餐廳選擇多好多，價錢都幾合理牛油果軟殼蟹卷大大份落足料，牛油果嘅香味好濃軟殼蟹亦都係好香脆我哋都叫咗一啲平時小有嘅壽司，鮑魚壽司係其中一款加拿大海膽壽司不得了，粒海膽仲大過舊飯而且食落真係新鮮，冇苦味同腥味呢個我真心覺得抵食帶子壽司都好新鮮，大大粒帶子一分錢一分貨，出邊嗰啲比半粒你蒜香鐵板一口牛 ，熱辣辣牛肉啱啱好好軟熟和牛芝士紙窩 窩個芝士味好香，和牛嘅質素都正既不過份量男仔就唔夠食其實呢間居酒屋食物嘅款式真係好多有串燒、仲有烏冬，真係好多選擇而且價錢都好有性價比，值得一試

今日心情靚靚因為考車牌ok咗，多個月的緊張心情，終於鬆一口氣，於是約埋好友一起吃晚飯慶祝，大家一致贊成到旺角一休日本菜館，佢嘅食物質素都幾有水準，價錢又實惠。海膽手卷＄40，貴價嘅海膽真係唔差，甜蜜又甘香，滑捋捋，配上粒粒渾圓嘅日本米，裹著一片香脆嘅紫菜，·整體配合得非常可口。和牛芝士紙火鍋＄88和牛鮮味非凡，細緻嘅雪花紋理晶瑩通透，在鍋裏稍為 燙燙，香濃嘅芝士湯鍋融合和牛嘅鮮甜肉質，我倆都急不及待放在口中，即感覺到 汁液充滿口腔，味道非常匹配。大阪燒＄42香噴噴嘅大阪燒，面層香脆，內心軟綿綿，裏面多種嘅食材配搭均勻，口感豐富。蟹子海膽炒飯＄78份量十足嘅炒飯，飯身炒得夠乾爽，海膽軟綿鮮甜，充斥著整碟炒飯，加上蟹子脆卜卜，完美嘅配搭非常好吃。 加＄18芝士蛋糕最後食甜品都有驚喜，超濃嘅芝士味道，香氣逼人，又滑又甜蜜，今個晚餐令我心情靚上加靚，日後我都會繼續再來幫襯。

一休位於朗豪坊附近的38廣場，會發現這間餐廳的原因是某次朋友說想吃日本菜，但不想太貴，搜搜openrice覺得這間價錢可以便作了第一次嘗試。 亦由於第一次感覺不錯，今天便帶媽媽來試試看。 ▼一休每天都有特價Menu，雖然上面寫著需要7:30前下單，但當天職員指7:30後也可以，建議可以下單前可以先問問。 ▼餐廳提供的料理相當多元化，由前菜、小食、刺身、壽司、炸物、鍋物、一品料理等都有。▼優惠價$40 的 三文魚刺生(十片）非常超值！每片都是厚切而且也算大片！雖然魚香只屬一般，可是以這個價錢真的很抵很抵很抵！ ▼分別點了特價 厚切三文魚壽司 和 辣味珍寶赤蝦壽司 (各$9件）、火灸芝士帶子壽司($16件) 和 油甘魚腩壽司 ($18)。飯粒較黏，醋味不算濃，刺身都算新鮮，三文魚夠厚切，帶子也很大一片，只是說是大分縣直送的油甘魚腩沒有想像中的肥美！ ▼鮮茄濃湯海鮮鍋 ($58) 雖然嚴重圖文不符，但其實圖中的材料都確實在鍋裡！有帶子、青口、魷魚，豆腐、金菇、大蔥等等，湯底蕃茄味雖然是由茄膏開成，但加上海鮮味道尚算鮮甜，兩個人食，每人可以分到兩大碗，是暖胃之選。 ▼鐵板帶子牛油燒 ($58)

今晚收工夜咗，又唔想返屋企煮飯，於是在附近搵嘢食，旺角區好多選擇，想來想去都唔知食乜，最後都係去返我嘅至愛(一休)食日本菜，雖然有一段時間冇嚟，但佢仍然保留有一定嘅水準，還定時推介一些新嘅菜色給客人有更多選擇。壽司拼盤（戀火）$198 款式繁多嘅壽司盤，質素都保持高水準，每件都有自己 嘅特色，款款味道各不同，最顯眼就係佢個鮑魚，大大隻，絕無欺場，軟淋又鮮甜，其他的都沒有失色，全是新鮮食材，我非常滿意。叉燒拉麵＄56 鮮甜味濃郁湯底，叉燒肥瘦均勻，味道香濃又夠入味，唔乾身，又冧冧肉，拉麵夠爽滑，配上個濃湯一同進食，極之享受。加＄18芝士蛋糕仲有個芝士蛋糕，都係冇得輸，佢個甜品都做得好好食，尤其係鍾意食芝士嘅朋友一定唔好錯過，有極濃芝士，滑溜非常，甜味又做得恰當，呢個晚餐冇令我失望，下次我都會心思思會再來光顧。

辛苦左成日，今次三人之聚決定豪吃一番於是食左好多好多野，超級飽同滿足!壽司拼盤(梅)好多款式，各種魚都齊晒，可以一次過食晒唔同口味全部都好新鮮同大件，啖啖肉好滿足!香芒乳酪松葉蟹卷外層芒果甜甜地幾開胃，夾埋蟹卷食味道有層次令人食完想再食下一舊，感覺幾fresh和牛刺身如圖所示，和牛肥瘦相間，分佈非常平均而且片片SIZE都好均等，睇上去都好靚放落口係有種入口即融嘅感覺，口感同味道同時出到黎!炸雞軟骨粒大大碟好多粒雞軟骨，一上菜已經好吸引而且價錢平，一啖一粒，仲有充足嘅沙律醬沾黎食脆脆地又帶有口感，好好味整體黎講，服務態度唔錯，上菜速度都好快，值得一試

日本菜永遠吃不厭，今日就來到位於旺角山東街的一休吃日本料理。季節推介: 火焰海膽帆立貝卷(6件) $65非常抵食，又有帶子又有海膽，經火炙後味道更香呢！刺身拼盤（松）$228見到咁豐富的刺身拼盤實在不能抗拒，包括: 赤蝦2隻、吞拿魚3片、三文魚腩3片、劍魚腩3片、海膽半板。刺身好新鮮，冇乜雪味，大滿足！天婦羅海老卷$98雙龍卷，材料有：蟹柳、熟吞拿魚沙律、青瓜絲、深海大虎蝦、牛油果、芒果、飛魚子等等，配搭很清新，也很飽肚。和牛芝士士火鍋$88芝士湯底很「芝味」🧀，和牛份量雖然不多，質素卻很好，推介！三文魚海膽飯$72海膽份量比想像中多，三文魚又新鮮，挺不錯👍🏿出入旺角不妨試試😍

前幾日同朋友行完街之後，係旺角忽然想食日本野，但又唔想食放題，於是就試左呢間朗豪坊附近既日本餐廳一坐低見到有桃味汽酒，我就即刻叫左一罐。酒係日本牌子，好有日本的味道我地首先叫左個海鮮沙律，出奇既係海鮮分量同菜差唔多，配埋個醬食感覺好清爽我地仲叫左個玉子燒，蛋既熟度岩岩好，而且唔會太甜，幾岩我口味除左呢個小食之外，我地仲叫左廣島炸蠔。雖然蠔既size唔太大，不過好有蠔味，又好juicy黎食日本野又點少得刺身呢！由於同行有個朋友唔食生野，我地就叫左個細既拼盤share。拼盤一黎，我地已經覺得其實細既分量已經好足。刺身全部都係厚切之餘，仲要有好多塊主食方面，我地就叫左燒鰻魚、和牛火鍋同黑松露帶子炒飯。呢幾樣質素都唔錯。呢間野食物同價錢都幾好，地點又方便，下次同朋友食飯可以再黎：）