一休(居食屋)日本料理 (38廣場)

營業中

休息中

係旺角區食野唔一定貴，今日午餐黎左呢度食，雖然係樓上舖，但位置都容易搵。睇餐牌裡面食品款式都可以，而價錢都好大眾化。呢個特盛海鮮飯個樣都幾骨子，每款魚生都有D。蕃茄鴨胸烏冬，D甲鴨胸肥瘦平均，有咬勁。烏冬彈性夠，不粘口。芝士年糕咬落外脆內軟，裡面芝士夠熱夠溫度，會係口中有少許咀嚼性而且不粘牙。我最鍾意明太子雞翼無骨果個口感，可以大大啖咬落去，明太子顆粒係口腔入面滾動。蒲燒鰻魚有種醬料既烤焗味，熱食時口感最特出，咬落挻身而柔軟，魚肉質地鑯細無骨。呢個價錢，食品算唔差了。