想情人節有飛去外國錯覺，呢間阿根廷紅磚扒房“La Parrilla Steakhouse”好有外國小館vibe。外籍主廚更直接於阿根廷引入高質牛扒，無論視覺、味覺都好似飛咗轉歐洲咁啊。
“La Parrilla Steakhouse”中環店好有外國氣氛。
情人節套餐價錢
“La Parrilla Steakhouse”中環店: $888/位 “La Parrilla Steakhouse”北角店: $588/位 |
情人節套餐菜單
“La Parrilla Steakhouse”情人節套餐
只睇價錢嘅話，北角店比中環店平300蚊，CP值超高!! 不過菜式選擇就會少啲。但整體用餐體驗都好接近，同樣食到“La Parrilla Steakhouse”招牌阿根廷牛扒㗎。
開胃菜·選2款 吞拿魚他他 羽衣甘藍&茴香沙律 阿根廷餡餃(2件) 安格斯牛肉&柿薄片(中環店限定)
主菜·選1款 牛扒拼盤(Pampas Platter): 牛柳、肉眼、西冷牛排 (中環店)
牛扒拼盤(Pampas Platter): 封門柳、肉眼、平鐵牛扒（北角店） Cowboy Steak(中環店限定) 烤原條鱸魚
配菜·選2款 薯條 松露薯蓉 雜錦沙律 忌廉菠菜 麵包糠蘆筍(中環店限定)
甜品·選2款 朱古力咖啡慕斯(中環店限定) 阿根廷Churros 配焦糖醬 香蕉太妃批 芒果雪葩 配雲呢拿雪糕、新鮮芒果 |
【開胃菜·選2款】
除咗安格斯牛肉&柿薄片係中環店限定，其餘吞拿魚他他、羽衣甘藍&茴香沙律、阿根廷餡餅(2件) 都有得揀。
羽衣甘藍&茴香沙律
阿根廷餡餅(2件)
如果你係牛肉fans，當然好推薦你去中環店試吓安格斯牛肉&柿薄片，加咗法國有籽芥末更突出原始肉味!! 而阿根廷餡餅就最有地道風味，點菜時可以問吓員工有咩口味選擇。
安格斯牛肉&柿薄片(中環店限定)
一嚐安格斯牛肉嘅原始肉味。
吞拿魚他他就混合新鮮吞拿魚、牛油果、蛋黃醬同三文魚籽，口感味道都好豐富。
吞拿魚他他
一啖混合新鮮吞拿魚、三文魚籽，口感豐富。
【主菜·選1款】
“La Parrilla Steakhouse”係阿根廷扒房，嚟到點少得鋸扒啊!! 今次套餐仲有個牛扒拼盤(Pampas Platter)，一次試勻幾款肉位，絕對肉控福音!!
牛扒拼盤(Pampas Platter): 封門柳、肉眼、平鐵牛扒
而中環店先有嘅Cowboy Steak，係“La Parrilla Steakhouse”嘅頂級肉品之一，特別軟嫩多汁；越咬越有濃郁肉味。
Cowboy Steak(中環店限定)
如果想食海鮮嘅話，亦有烤原條鱸魚選擇。伴上新鮮香草、Criolla Sauce，味道酸爽同烤魚好夾。
烤原條鱸魚
【配菜·選2款】
“La Parrilla Steakhouse”環境好啱飲酒傾吓偈，情人節套餐可以揀2款配菜，當中薯條、松露薯蓉都好啱鋸扒飲酒。想健康啲，亦有雜錦沙律、忌廉菠菜、麵包糠蘆筍(中環店限定)揀。
多款配菜選擇
【甜品·選2款】
套餐可以揀2款甜品，好滿足到女生嘅甜品胃!! 當中梗係唔少得阿根廷Churros，配香甜焦糖醬好有幸福感。而另一款經典甜品香蕉太妃批亦有濃郁太妃糖醬、香蕉撞出甜蜜滋味。
阿根廷Churros
香蕉太妃批
濃郁太妃糖醬、香蕉撞出甜蜜滋味。
想甜品輕盈啲，亦可以揀朱古力咖啡慕斯(中環店限定)；或者芒果雪葩 配雲呢拿雪糕、新鮮芒果解解膩。
朱古力咖啡慕斯(中環店限定)
芒果雪葩 配雲呢拿雪糕、新鮮芒果
La Parrilla Steakhouse (中環店)
地址: 中環雲咸街77號嘉兆商業大廈1樓
電話: 26378555
La Parrilla Steakhouse (北角店)
地址: 北角堡壘街19號景文樓LG層
電話: 26623000