香港周圍都有和牛食，但想勻鑽啲食鹿兒島黑牛、岐阜縣飛驒牛……唔通真係要飛去當地先食到？「和牛燒肉·純」屬JA全農團體旗下成員，就開設咗正宗日本燒肉料理餐廳，並於2013年登陸香港係首間海外分店嚟㗎，而家喺尖沙咀、銅鑼灣都有分店喇。
尖沙咀分店卡位極高隱私度，仲有日式敝門VIP房。
新開銅鑼灣店空間感十足，坐得舒服。
銅鑼灣店視野開揚，設落地玻璃窗及VIP房。
【限定飛驒牛套餐】飛驒牛祭開展！
作為日本大型供應商，當然更易於日本全國進口和牛啦。「和牛燒肉·純」更係目前香港唯一，直接從日本多個縣市進口各類和牛；以及每個月舉行各縣份和牛祭嘅餐廳，今年12月至明年1月就係飛驒牛祭啦！提供多個飛驒牛套餐選擇，最最最吸引一定係可以食齊涮涮鍋+燒肉嘅特選飛驒牛豪華二人餐。
特選飛驒牛豪華二人餐有大份量飛驒牛，並品嚐涮涮鍋、燒肉兩種風味。
飛驒牛有幾吸引？
飛驒牛基因純正，係岐阜縣高山飼養14個月以上嘅黑毛和牛，優質空氣、水質造就特濃肉味，在第8回全國和牛能力共進會上更獲得日本政府・內閣總理大臣賞受賞。比起其他和牛，飛驒牛油脂分佈更細緻均勻，無論脂肪比例、肉香都係極高水平!! 真係會入口即融，油香餘韻留於口中㗎。
大滿足！涮涮鍋+燒肉
今次飛驒牛祭餐牌當中最豐富一定係特選飛驒牛豪華二人餐，一次過食到日式涮涮鍋+燒肉，品嚐兩種飛驒牛風味。自己仲可以揀料理次序，或者兩款一齊上晒又得。 而日本人多數會先食油香爆發嘅燒肉先，然後再食清雅啲嘅涮涮鍋。完美平衡和牛油香，又可以暖笠笠咁飽住返屋企。
日式涮涮鍋有好大塊飛驒牛，輕輕一淥就食得。
特選飛驒牛豪華二人餐$2,080
本日精選前菜拼盤3種 本日刺身 沙律 甜品
飛驒牛燒肉 特選飛驒牛厚切西冷 特選飛驒牛牛排肉 特選飛驒牛肩眼 牛舌
特選飛驒牛涮涮鍋 白飯(使用日本米) 本日餐湯 |
飛驒牛燒肉更厚切，原塊和牛扒有豐富油脂肉感。
飛驒牛以外，套餐仲有多款刺身、料理、甜品，非常豐富。
燒肉Fans召集！特選飛驒牛3種拼盤
想瘋狂食飛驒牛燒肉，可以揀特選飛驒牛3種拼盤。集合3款超厚切牛扒—特選飛驒牛厚切西冷、特選飛驒牛肉眼、特選飛驒牛牛柳肉，一上枱已經見到牛扒大理石油花超靚，即席體驗唔同肉位嘅吸引力呀。
飛驒牛3種拼盤，燒肉爆發豐富油香。
絕美和牛刺身！真正原始肉味
「和牛燒肉·純」直接由日本引入和牛，品質備受認可，絕對係安心享用和牛刺身嘅好機會。呢道日本產和牛刺身係最原始刺身，可以清楚睇到和牛雪花幾靚!! 直接蘸芥末豉油食，和牛口感軟綿綿，更有種獨特甜味，人生一定要試食一次呀。如果初嚐和牛刺身，亦可先試入門食法。將和牛刺身包住洋蔥絲，再蘸酸汁食，輕辛微酸都好好食。
日本產和牛刺身，可以望到大理石紋雪花好靚。
另一道日本產和牛他他刺身係最最最入門級食法，都係「和牛燒肉·純」最高人氣嘅和牛刺身嚟㗎。輕炙過嘅和牛刺身，外層仲會多咗層油花；內裡粉紅肉質則保留刺身軟綿口感，蘸埋酸汁仲好食。
日本產和牛他他刺身係最入門級刺身食法，輕炙過後更有油香。
日本人正式開動前，都鍾意飲杯啤酒、食啲前菜先。所以店家最新推出呢道和牛刺身3品，集合和牛刺身柚子啫喱、黑松露碎牛刺身、和牛刺身。擺盤精緻，於飯前一嚐多款和牛刺身滋味，絕對係高級開胃菜呀。
和牛刺身3品集合3款和牛刺身食法，完全係高級開胃菜。
每日飛機直送！刺身·壽司拼盤
食日本嘢點少得刺身壽司，「和牛燒肉·純」都有飛機直送魚材。大家爽食和牛時，又可以食吓魚生一解和牛膩感，絕對係極級享受。
刺身拼盤(5款)，係「和牛燒肉·純」高人氣料理之一。
壽司拼盤(5件)，食燒肉又想食啲飯，壽司拼盤份量啱啱好。
【午市套餐】小資女之選
午市都有高級和牛食!! 雖然無晚市原塊和牛扒咁震撼，但午市價錢平一半，和牛仲好厚切。
精選5色和牛定食 $380
只係$380就食到5款和牛肉位—特選和牛三角牛排肉、特選和牛牛排肉、和牛肩眼、和牛上牛排肉、和牛牛排肉，連埋前菜、沙律、湯、日本米飯，絕對大滿足。
5色和牛定食一次品嚐多款和牛肉位。
精選3色和牛定食 $280
另一選擇就有和牛上牛排肉、和牛肩眼、和牛牛排肉，同樣有多款配菜同日本米飯，相宜價錢一解和牛燒肉癮。
3色和牛定食，以相宜價錢一解燒肉癮。
和牛燒肉‧純 (銅鑼灣店)
地址: 銅鑼灣邊寧頓街8號HDH 中心7樓
電話: 28070103
和牛燒肉‧純 (尖沙咀店)
地址: 尖沙咀東部加連威老道96號希爾頓大廈1樓3號舖
電話: 27233868