和牛燒肉‧純

呢間餐廳由日本JA全農集團直營，和牛從日本多個縣市直接進口，所選用嘅和牛屬最頂級A4同A5和牛🎌最近以佐賀縣和牛主題製作燒肉料理🐂🐃特選和牛燒肉二人餐（$1680）💗前菜三款牛肉他他卷輕輕火炙，中間捲入蘿蔔絲，配搭醋汁同啫喱，微酸開胃🥕蟹肉茶碗蒸滑捋捋，啖啖都食到蟹肉好足料，再以冬菇同魚子醬點綴，更加鮮味🦀蘿蔔鮑魚屬於較清淡嘅開胃菜，鮑魚煮得Q軟彈牙，蘿蔔清甜無根🐚💗是日刺身章紅魚肉質爽口富彈性；拖羅口感肥美帶豐潤魚油香，最正係兩款刺身都係好厚切🐟💗時令沙律牛油果鮮蝦沙律加上粟米同車厘茄，搭配特調和風芝士醬汁，非常清新開胃🥗💗和牛壽司兩件生和牛壽司將和和牛剁碎成他他，放上炸京蔥絲，有肉味得嚟帶點清爽；火炙和牛壽司令醋飯吸收和牛嘅油脂香，肉香同米香完美融合🍣💗特選和牛西冷和牛西冷呈大理石油花紋理，建議烤至五成熟，特顯其肉質鮮嫩，食落肉味濃郁同時帶油膩香🥩💗特選和牛牛排肉特選和牛牛排肉係油脂最重嘅一款，肉質細膩而且入口即溶，整個口腔充滿油脂🤤不過食多幾片真係會膩🤣💗和牛上等牛排肉和牛上等牛排肉肉質柔軟幼嫩，帶細緻嘅脂肪分佈，非常邪惡🐮💗日式壺漬和牛牛排肉壺漬和牛排肉用特製醬汁醃製，食起嚟帶醬汁甜味，而且肉感較多好juicy🧉💗辛辣厚切豬腩肉選用熊本豬腩片，三層肉肥瘦相間，大火燒將油份迫出，非常焦香，加上用韓式辣醬醃製，微微辛辣好惹味🌶️💗蔥燒長條牛舌選用澳洲牛舌，爽脆彈牙嘅薄切長牛舌包住特製蔥鹽醬食好惹味👅💗海鮮釜飯店員即席將海鮮醬油倒入釜飯中拌匀，暖笠笠嘅釜飯香氣十足，入面仲有蝦、魷魚同帶子，吸收哂海鮮嘅鮮味🦐💗是日餐湯食咗咁多燒肉飲番一碗清爽淡雅嘅雞蛋湯，入面有蛋花、紅蘿蔔，冬菇、金針菇同蔥、洋蔥，有助解膩🍲💗是日甜品以冰涼清爽嘅柚子雪葩，同香甜多汁嘅日本哈蜜瓜為整餐飯畫上完美句點🍈…查看更多

🇯🇵特選日本產和牛肉眼&高級燒肉拼盤🐃拼盤有5款不同牛部位，每一種肉都有其獨特的風味，油花平均而且豐富，一睇就知 食落唔會韌。🥩特選日本產和牛肉眼係5款部位中 肉質比較有嚼勁，但唔會係出面食到好難咬開，鐘意肉感重嘅朋友仔 一定會喜歡呢個部位🥩日本產和牛排肉呢個部位係我最鐘意，油脂同肉50:50。肉質鮮美，帶有自然的香氣，配合微醺的燒烤火焰，瞬間提升了整體的口感🥩上牛日本產和牛牛排肉上牛排肉油脂再豐富啲，完全係入口即溶😳但食一塊已經夠晒😂🥩壺漬牛胸外腹初時見到咁大塊 以為燒完會好難咬開，點知係勁‘淋’身😳醃醬嘅味道調較得剛剛好，淡淡嘅甜味又無掩蓋左肉嘅味道🥩牛舌牛舌肉質滑嫩，牛香味絕對唔會比其他部位少再搭配新鮮的蔬菜，帶來完美的平衡。…查看更多

自己本身鍾意食日式燒肉，成日都想飛一轉日本，不過邊有咁多假期呢。於是便上網搜尋，睇到呢間日本和牛燒肉，評價不錯，於是就去試試。和牛燒肉拼盤套餐，一大盤高質靚和牛，價錢大約$1000，不過落份量都唔少，雪花紋理，十分吸引。燒肉是自己燒，放入烤爐，睇住佢慢慢滲出油花，燒到薇薇燶邊，感覺十分治癒，吃下去滿口油香，雖然牛肉味唔重，但油香從牛肉縫滲出，這就是日本和牛的味道🤩套餐入面還包兩個豆腐沙律，蔬菜口感清新，加入少少胡麻醬，味道不錯。餐廳內座位唔算太多，大約20張枱，亦有包廂，建議提前訂座。…查看更多

呢個飛驒牛A5燒肉拼盤真係超正🤩餐廳環境仲要好feel，約會慶生都好適合！每枱都有獨立空間，夠晒私隱👍🏻✨拼盤入面有齊幾款A5級飛驒牛🥰店員會先幫我哋整和牛多士🥳牛排肉 肉味濃得黎又juicy，配脆卜卜嘅多士冇得輸😋A5飛驒牛西冷夠哂香口、A5飛驒牛肉眼油脂分布勁均勻，烤完入口即溶厚切牛舌燒到邊邊微焦，中間又嫩又彈牙，口感一流！兩個人share呢個set，每款部位都食到，油脂香唔會滯，配埋佢個醬料，真係食完仲一路係嘴入面留住嗰陣牛油香🤤配啤酒一流🍻食埋個豆腐沙律夠晒清新😋返到屋企仲掛住個牛舌嘅彈牙feel，下次尖沙咀食燒肉一定再book！…查看更多

今次帶大家食一間超正宗高質日式燒肉餐廳，餐廳屬於日本JA全農集團旗下，由日本直接運送和牛到餐廳，而且定期都會由不同縣市引入特產和牛，品質絕對優質有保證，做到係香港都好似身處日本咁享受高質和牛盛宴☺️餐廳設有獨立包廂，私隱度高環境亦舒適，可以靜靜同朋友邊食邊暢談😌♦️豆腐沙律：選用日本豆腐，帶有香濃豆香味質感滑溜～配埋胡麻醬味道更清新開胃☺️🐄特選 A5 和牛西冷燒肉拼盤✨特選和牛西冷：西冷選用牛腰部，脂肪比例較均勻，適合注重健康人士～西冷好大塊，未食岩岩燒完已經聞到超濃郁油脂牛香味，而且肉質口感彈牙✨壽喜燒汁肉眼：職員一開始會幫你燒確保熟度燒至剛剛好，蛋汁由日本蛋打出黎，師傅將蛋汁打到好似起泡咁，薄切牛肉蘸落蛋汁，食落口感超綿密仲可以減低油膩感✨和牛肩胛肉：厚薄適中，油脂極豐富燒起黎油香感十足，肉質鮮嫩✨和牛上等牛排肉：呢款肉比起上面幾款肉更好味，脂肪相對較多，一咬落去牛汁咇晒出黎，口感最腍完全做到入口即化✨厚切牛舌：初時擔心咁厚食落會好韌，但結果完全相反牛舌口感有彈性，外層燒至微微脆口，同樣內裡充滿肉汁♦️茘枝燒酎梳打、桃燒酎梳打🍹：荔枝味飲落非常清新，而桃味飲落絕對唔似糖漿味，飲得出有新鮮水蜜桃味，酒精味唔重配埋梳打有助去除牛肉油膩感評分🖍️(滿分為5個🌕)抵食指數：🌕🌕🌕🌕🌕服務質素：🌕🌕🌕🌕🌕環境：🌕🌕🌕🌕🌕味道：🌕🌕🌕🌕🌕…查看更多