和牛燒肉‧純

近排因為疫情下原本計劃三月飛一轉日本，結果無得去，朋友知道我好想食和牛，便介紹到和牛燒肉．純店舖，讚他們的和牛很岀色，我當然要去一解思鄉之情一入座見到擺位精緻井井有條野菜醋物屬開胃菜，新鮮爽口的生菜夾雜著紫菜都係健康之物再配上醋然後點左幾款和牛，店家會整合做一盤上枱的，並配上粟米、大菇、南瓜、青椒......特選日本產和牛肉眼(鹽燒)每面燒幾秒就食得配上白飯一齊食，和牛牛味很香口精選日本產和牛牛排肉雪花分布均勻，咬落去好多油脂，充斥在我的味蕾汁燒日本產和牛牛排肉較濃味牛舌爽口又抵食還配有野菜俾我地燒，可以中和和牛的油膩感日本珍珠米特別有飯香，食燒肉點可以無三得利啤酒日本和牛有信心保證店舖較為寧靜，可以俾我哋專心欣賞一餐日本和牛，店員亦很有禮貌…查看更多

日本封關都有一段時間，香港嘅燒肉店大多都有名無實，始終牛肉質素參差，想食都只能睇返旅行舊照望梅止渴🥺🥺朋友推薦呢間有15年歷史嘅東京過江龍燒肉，係由日本政府農業部轄下機構JA直營，所有和牛都經嚴格挑選同政府認可，保證純種、質素佳😳估唔到喺飲食業低迷嘅情況下反而喺尖東開咗分店，新界九龍人想食都就腳啲。設有不同醬料供客人選擇，好好品嘗美味和牛。最左邊嘅牛肉汁加入蘿蔔蓉，鹹甜帶香，尤其惹味。舖頭主打和牛，不同部位以至內臟都有供應，餐牌上亦有仔細說明每一部分嘅味道特點。先點沙律作頭盤，紫菜、青瓜片、生菜混合嘅沙律預先以沙律醋拌和，酸甜兼具，清甜爽脆又開胃。分別點咗三款不同部位嘅和牛同一款豬肉，因為偏好瘦肉，所以揀嘅位置都集中於油脂比例偏低嘅牛排、肉眼部位。肉眼部位肉量脂肪比例平均，口感嫩中帶豐富油香，不需大力咀嚼已經化開。牛排肉比肉眼厚身，雪花呈網狀，肉質較多，肉香亦較濃郁；口感稔身厚滑，有咬口，唔需要額外調味都夠味。上牛排肉油花較重，食落會軟身啲。五花腩肥瘦分明，本來怕太肥膩，但燒熟後反而好爽脆，又帶些許油煎嘅焦香，加上淋於肉上嘅燒汁更惹味。燒肉必配梅酒，呢款梅酒好清甜，無酒精苦澀味，好易入口。檸檬梳打加入檸檬片同果汁，味道酸甜清爽，梳打冰涼夠汽，正好一解肉膩🥴…查看更多

老友生日，而佢最鐘意食和牛，於是上網搵下資料，見到尖沙咀呢間「和牛燒肉·純」comment唔錯，於是就馬上打去book訂位！餐廳以和式裝潢為主，有種置身日本的感覺！餐廳內看到好多關於牛的資訊，包括牛不同的位置，來源地等！ 仲有好多不同地方既和牛認證，好專業坐低後，店員好快地遞上menu，仲為我地介紹，服務貼心！見到有份飛驒牛既menu，真係好想食呀！不過餐廳真係可以提供到好多唔同部位，唔同產地既牛牛，真係花多眼亂，最後都係交由生日果個話事啦！野菜醋物 未開始燒肉前，先黎個醋物！蔬菜非常爽脆清甜，配上酸酸甜甜既醋汁，好開胃又惹味，為我地一陣既大餐作準備！開完胃之後，終於到戲肉喇，好心急呀🤩特選日本產和牛肉眼嘩！塊和牛肉眼好大塊！師父已幫我地切好晒，好貼心！和牛肉眼紋路清晰可見，油脂分怖均勻燒好後十分香，肉味濃郁，而且油脂豐富咬落去入口即溶，肉質嫩滑鮮甜，沾少少海鹽已經好食到不得了，並唔需要其他調味料，質素非常高！特選日本產和牛牛排肉牛排肉係幾種肉入面，油脂最豐盛既，咬落去入口即溶既口感，真係冇得頂，用嚟送飯真係岩晒！肉味濃厚，肉質軟淋，真係唔捨得食晒佢！日本產和牛上牛排肉上牛排肉比較厚身，紋路清晰可見，肉色紅潤，油脂分布平均！雖然冇之前兩款牛咁多油脂，但肉質仍是軟淋，肉味都幾濃，質素絕不遜色！ 日本產豬五花肉看落好似好肥咁，但其實燒完後，油脂變得好香口，肉質好有彈性，口感又爽口又有少少油脂，加少少檸檬汁，可減少油膩感。值得一提就係碗白飯餐廳用既係日本珍珠米，粒粒分明飽滿，食落去每一啖都好香飯味，無論用黎配咩，都係一樣咁好食！食燒肉又點可以唔叫野飲，我地就叫左兩杯Suntory，一啖燒肉，一啖飯，一啖啤酒，超爽呀！…查看更多

冬天除咗打邊爐，就是燒肉，放工去左食最愛的「和牛燒肉 純」，環境舒適、寬闊～出咗糧當然要食好野啦，可以單點，亦有套餐選擇～先送上野菜醋物，用沙律醋，好fresh又開胃～食肉控的我們點了四款不同的牛、豬～推介「特選日本產和牛肉眼」望到已經垂涎三尺，大大片，油脂分布均勻，燒完之後牛味香濃，入口即化，令人回味無窮～「日本產和牛排肉」油脂相對較底，肉質幼嫩、有咬口「特選日本產和牛牛排肉」肉質幼滑，紋理分布均勻，入口肉汁juicy~「日本產豚肉眼」第一次食豚肉眼，又幾好味喎～最後再加點左「柚子胡椒豬頸肉」，入口淡淡的柚子香味，好清新、嘢味～除咗燒肉，仲有其他日式食物，「碎牛肉刺身石頭鍋飯」，材料豐富，仲有飯焦添～威士忌梳打配美食…查看更多

今晚又嚟食好嘢啦🥳🥳 一睇到飛驒牛就只係食靚🐂啦如果唔知乜嘢結係飛驒牛，可以睇睇👆食靚牛之前，都要食返啲健康嘢，打下底先~個醋唔太酸，又夾雜左d紫菜，幾好幾好嘢食到齊啦🥳3款牛加1款豚肉呢個因為已經有汁喺上面，所以食唔到佢原味，亦係3款牛比較遜色既一款啲脂肪分佈幾吸引，入口亦鬆軟呢個係三款牛最推介最好味既一款，入口超鬆軟，勁香牛味🤤 肥得嚟又唔會膩🤤🤤話說我哋一開始就燒呢個豚肉搞到個網燶咗😅店員好好人換過碟俾我地😘 仲提醒我哋一開始係要燒厚嘅肉等佢啲油脂滋潤咗個網先自己控制幾成熟，食幾成，自己話事😎又要扮下日本，嗒返杯梅酒🍶兩個人食飛驒牛既價錢🤗…查看更多

工作原因所以不是很有時間經常飛出去玩。但由於之前去過日本，食過真正當地人和牛後就深深迷戀 和牛這樣美食><近排見到網上說這餐廳有 <直送 A4日本和牛>，馬上約朋友來回味下haha~首先一入去環境好舒服，有點似日本居酒屋間隔，位置比較寬闊舒適。暫時可以感覺自己置身日本旅行一樣，放鬆心情~~而空氣中已經有超濃的燒肉香味，令人食欲大增，好期待^^首先由份調味醬汁：燒肉汁、檸檬及海鹽，與日本的食法很相似，是可以將和牛味道更提升。order 1 set後，原來會包括 餐前沙拉：野菜醋物 及 白珍珠飯。沙律是配上柚子醋的，酸酸甜甜~令人一下子好開胃^^**PS:好多人都5明點解日本人每次燒肉一定要配白飯~但當你試過才會明白，和牛油脂好肥美，要有白飯才能把和牛油鎖緊並且減少肥膩感呢度真係一分錢一分貨，全部肉類都是日本直送的高質牛肉，真心覺得比外面所有餐廳都更好味更有信心保證。特選和牛雪花紋路很漂亮，明顯是高質牛肉。每一口都令到我同朋友愛不釋手，好令人滿足呀！ 呢度重有不同等級選擇，連絕小的飛驒牛都有><當然價錢就會高小小，但滿足感令人覺得物超所值！特選日本產和牛肉眼 <本人最愛，每一口都滑溜順口，口感十足>特選日本產和牛牛排肉日本產和牛上牛排肉日本產豬五花肉<想不到豬肉片都可以好味過平時好多，ㄧ嚐再嚐！>飲品方面，當然跟下正宗日本人點下酒來配燒肉。*SUNTORY DRAFT BEER，口味偏甜，小小果香，非常適合女生飲*青蘋果汽酒， 怕酒味的選呢個就最適合不過了！…查看更多

不經不覺，上一次光顧依間餐廳已經係差唔多四年前。呢四年變化真係好大，而我亦由二人世界「進化」為三口子的幸福小家庭！言歸正傳，「和牛燒肉‧純」位於尖東正中心，由港鐵尖東站出發約十分鐘就到，唔算難搵。唔講唔知，「純」原來已經喺東京開業15年，喺千田同都港區都有分店。呢度標榜只售賣高級日本和牛食材，「不時不食」供應好似佐賀、宮崎、飛驒等地既和牛品種，一切以優質行先！野菜醋物 ($78)︰非常開胃的餐前小食！紫菜同埋雜菜混合埋酸汁同日本醋一起入口時夠晒醒神，作為正餐前的點綴實在最適合不過。巨峰梳打 ($55)︰巨峰梳打非常之易入口，甜甜地非常適合食和牛時淡化口腔既油脂感。檸檬梳打 ($55)︰相對巨峰梳打，檸檬梳打比較清淡，而且無前者咁甜。由於用上新鮮檸檬，清新的感覺特別與眾不同！特選日本產和牛肉眼 ($550)︰貨真價實的「Made in Japan」肉眼只需要放喺爐上面燒約三十秒至五成熟左右即可食用。肉質非常鮮嫰易入口，而且肉既紋理同脂肪比例剛好，整體質感唔錯。不過，整體感覺好似略為肥左少少，對於鍾意食D較瘦既肉既朋友可以over左，但間唔中一次無所謂啦！特選日本產和牛牛排肉 ($320)︰呢個和牛牛排肉比較適合我既口味。整體肉質雖然相對較瘦，但雪花既比例卻因為咁而相對洽到好處，比較適合鍾意食相對乾身D同埋怕肥膩既朋友！日本產和牛牛排肉 ($120)︰「性價比」十足！肉質當然無$320既「特選」咁優質，不過一分錢一分貨，百幾蚊有咁既質素絕對係喜出望外！牛舌 ($108)︰簡簡單單，幾乎沒有經過任何調味的牛舌只需要燒數十秒便可食用。雖然簡單，但「less is more」令牛的鮮味更容易地感覺得到，是眾多不同種類的牛肉以外的另一選擇。總括黎講，呢度全部「Made in Japan」既高級和牛食材喺質素上絕對無庸置疑。不過我最欣賞既係佢地對待食材既態度，十分認真講究唔在講，我最respect既係佢地非常耐心咁向每一位客人介紹牛既唔同部份，務求令所有人都搵到最適合自己既食物，唔會只係專注「Hard Sell」最貴既食物就算，呢點絕對要俾個like佢！…查看更多

老公生日, 始終要賀一賀, 來個生日飯, 由他選擇餐廳. 近來牛的朋友出左事, 先剔除今年的生肖. 而老公想特要別的美食, 食物範圍又縮小了, 最後老公選擇了尖東的和牛. 這家有JA全農認証. <JA全農> = 日本全國農業協同組合聯合會, 是日本政府所屬的組織, 負責收集農產品及海產, 並兼任當地及海外的供應商.  這家有JA認証的和牛店, 各和牛銘柄皆有. 今晚就豪一次!  雖然提早几天訂位, 平日晚上也要跟其他客人撘枱. 生意真好!!!  可是老公遲放工, 即是遲到, 自己一人就等了很長時間, 幸好有店內WIFI. 就因為搭枱, 知道別人所選的款式, 而職員也詳細向該客人講解如何享用和牛, 所以心中也有個底. 主角到達, 點菜後, 美食很快呈上了. 食和牛前, 先來一份菜, 感筧覺較健康.日本產和牛上牛排肉肉質纖維和筋膜為主, 肉紋較多, 但有脂肪交雜, 可以保持肉味和牛脂味. 因為厚身, 所以想增加燒的時間, 迫出油脂. 特選日本產和牛牛排肉  牛排肉跟上牛排肉都是相似厚度, 相似結構, 但牛排肉的脂肪比例較多. 每一組肌肉纖維都有脂肪包圍呢!!    先試原味, 以脂味和甜味比上牛排肉更濃, 口感上較脆身. 沾檸檬汁加海鹽可中和那油膩感. 特選日本產和牛肉眼 老公所點三款和牛中, 肉眼價格最高. 紅少白多, 跟平時西餐牛扒的紅多白少的Rib Eye有分別.  白多脂肪多, 最鬆軟, 帶甜味, 加上肉眼夠薄身, 容易燒熟, 可保肉質軟綿綿.  另外也點了薄牛舌. 縱使有美味和牛, 也喜歡來一碗白飯. JA認証日本店用米, 應該是有飯味的靚米.  白飯有更重要的功能 : 延長享用和牛的時間!   單單咀嚼和牛, 咬几下就吞下去, 都是几秒的事. 靚靚和牛, 卻只得几秒的享受, 實在可惜. 白飯, 要多時間咀嚼, 味道為中庸之物, 不會影響到其他食物的原味, 是百搭的食材 . 好似海膽刺身配飯, 芝士配乾果餅乾一樣, 就是為了延長味蕾享受的時間. 和牛油花超多, 單食真的很油膩. 而和牛跟白飯一起, 可消除和牛油膩的缺點. 白飯沾上牛脂, 還有一種甘香.  個人覺得似元朗豬油撈飯的和牛版本 ! 食燒肉, 飲啤酒. 老公要啤一啤!  老公看到啤酒餐牌有<SUNTORY>三得利就二眼發光! SUNTORY The Premium Malt’s Draft三得利生啤     自己點了凍檸茶. 我的生日快到了, 到時也要食和牛. 你食左几多, 我食返咁多, 仲要比你更多, 這才叫公平! …查看更多

就算岩岩去完日本，朋友約食和牛燒肉一樣抗拒不了。今晚朋友帶我去尖沙咀噴水池附近既希爾頓大廈，原來上一樓就有一間專食和牛燒肉既餐廳。門口見到MENU上唔同種類既牛已經流哂口水，入到去見到玻璃櫃入面放左唔同地方頒發既獎項/証書，感覺更有保証。晚上時段到訪，好在朋友有Book位，見住客人一枱又一枱咁入，人氣都唔弱。值得一讚，以燒同餐廳黎計，座位舒適，抽風都做得幾好，唔大油煙。餐廳主打和牛，所以我地目標都好明確主攻牛為主。一打開MENU，眼見唔少盛合都好吸引！另外仲有唔少內臟/豚肉/雞肉/海鮮/刺身/鍋物作選擇。每一份點選既肉類份量都剛剛好，加上少少油脂，達到Perfect既地步！所有和牛質素同我係日本食既都有得fight！新鮮之餘，同質入口即溶，配一口白飯油脂感會無咁重。只外醬汁有三款：醬油、檸檬汁、海鹽，不過唔沾醬其實牛味都夠重。我個人會比較喜歡海鹽加上檸檬汁，會較為開胃。另外當然唔少得飲品！燒肉配啤酒是常識吧！Drink Menu選擇多，啤酒、燒酎、梳打、汽水全部都有。多人既話Order枝大既日本酒一樣可以。 ______________________________🔸 特選日本產和牛肉眼 $550🔸 日本產和牛三角牛排肉 $350🔸 特選日本產和牛牛排肉 $320🔸 日本產豬五花肉 $98🔸 白桃汽酒 $55🔸 沖繩ORION生啤 $50．by VIN環境分數: 8.5/10食物分數: 9.5/10…查看更多

友人生日，當然要食餐好既 ^_^佢喜歡食燒肉、又愛吃牛，所以我就選了這店。雖然在加連威老道，但不是那條「加連威老道」，是在尖東，近噴水池旁的大廈內。餐廳有不同角落，有些可自成一角。沒想到有很多人在用餐，而且大多數是日本人或在附近工作的人。這店主要食和牛！所以我們點了「特選日本產和牛肉眼 」、「特選日本產和牛牛排肉」及「日本產和牛肩眼」。這些有得選擇汁燒或鹽燒，我們全都選擇了鹽燒。前菜，沙律，清新好味！特選日本產和牛牛排肉及日本產和牛肩眼，油脂分佈平均，肉質非常柔軟，牛肉味十足 特選日本產和牛肉眼，肉質嫩滑，入口即溶，非常好味 我們再點了飲料，威士忌及白桃梳打！友人愛飲酒，威士忌就最岩配燒肉！白桃梳打味道清香，鮮甜，好味 …查看更多

俗語有云：「好歌不厭不回聽」，對我來說，好牛同樣不厭百回吃。最近的某一天，我又到了「和牛燒肉 純」吃晚餐，沒有多想，除了喝的不是清甜的「蘋果汁」或上次喝的「白桃梳打」，而是不常喝的鮮榨「橙汁」外，吃的和上次一樣，照辦煮碗，都是上次來吃過的「特選日本產和牛肉眼」（$550）、「特選日本產和牛排肉」（$320）、「日本產和牛上牛排肉」（$205）和「日本產豚肉眼」（$98）四拼。四者中，最貴的「特選日本產和牛肉眼」和「特選日本產和牛排肉」雪花分佈均勻，牛味突出，嫩滑的牛肉，豐富的油脂經爐火燒過之後，香氣四溢，入口幾近化開，整個嘴巴滿是可口的味道，仍然最能讓我這個老饕感到滿足。「日本產和牛上牛排肉」雖然肉質沒有前兩者那麼突出和油脂豐富，也還不錯。相對來說，「日本產豚肉眼」無非是和牛的陪襯，就難免被比下去。一個滿足的晚上，一頓美味的晚餐，就是這麼簡單。…查看更多

看著如大理石雪花紋理的日本 頂級和牛，每片都擁有著獨特的雪花紋，就如人類的手指紋一樣，不可人工複製。每片和牛就像天然的藝術品一樣，令人賞心悅目。和牛脂肪如雪花般均勻分佈，色澤亮麗，無怪乎成為不少人的至愛心頭好。日本的和牛，在飼料和牧養過程都受到嚴格的品質控制，油花分佈均匀細緻，肉質鮮嫩軟滑，有著「入口即溶」的口感。和牛燒肉.純，是一間用100%日本產和牛燒肉店，純種和牛來自佐賀、宮崎、飛驒、鹿兒島、櫪木、長崎、熊本等地，不時轉換。拼盤：特選日本產和牛肉眼 （$550）日本產和牛牛排肉（$320）日本產和牛上牛排肉 （$205）日本產豚腩肉（$98）特選日本產和牛肉眼 （$550）👍👍👍👍👍肉眼部位的肉質細緻，是牛肉部位中最高級的部位，脂肪分佈平均，肉質鮮嫩味濃。這塊和牛肉眼油花豐腴，就像大理石紋般，把肉放在爐上烤至大概五至六成熟，外面燒至微微焦香，內面則鮮嫩多汁，油香四溢，入口即化，油香在味蕾游走，配合日本產的白米飯一起吃就最適合。日本產和牛牛排肉（$320）👍👍👍👍👍這是日本產和牛牛排肉，肉質細膩又軟滑，油脂比肉眼少，但肉味濃郁，只要略燒表面至金黃，可隨著自己口味點些醬汁同吃，但我就比較喜歡原汁原味，真正享受和牛的真味，絶對是令人再三回味。日本產和牛上牛排肉 （$205）👍👍👍👍👍這個和牛上牛排肉，紋理平均，油花分布均勻，肉質比較有彈性和質感，油而不膩，肉味濃厚，齒頰留香，三種不部位的和牛，各有千秋。日本產豚腩肉（$98）👍👍👍👍👍一層肥一層瘦的五花豬腩肉，放在烤爐燒一會，油份已被迫出，把肥膏部份燒至微焦，食落一點都不覺有飽滯感，而且肥肉還帶點爽口，沒有肥膩的感覺，價錢又實惠。白飯（@$30）👍👍👍👍👍日本產的白飯具獨特的口感和香氣，飽滿的飯粒，入口香甜軟糯，配合油份豐富的和牛就最夾了。豆腐沙律（$98）👍👍👍👍清新的豆腐沙律，配合芝蔴沙律醬，是一個開胃的前菜。三種調味料：燒汁、檸檬和海鹽，可按個人口味或喜好作適量調味。巨峰汽酒（$55）Ginger Ale ($38)👍👍👍👍燒烤配涷飲，十分配合。巨峰汽酒的提子甜味很突出。門面餐牌…查看更多

新年假期返了國內數天， 跟團吃了數天團餐， 回港後很想吃餐正宗高質燒肉。 朋友介紹book 了這間和牛燒肉。 上網看了這間和牛燒的介紹 ， 所有和牛都正宗源自日本全國農業協會旗下供應商及其餐廳， 此餐廳在日本東京有四間分店， 香港也引入了兩间。 絕對大有來頭 ， 此店所有和牛都是純種和取自日本如宮崎， 佐賀，飛驒，鹿兒島等等。 睇完店中的餐牌完全感受到當地推廣吃和牛的文化和知識。店內裝修和式簡緻，燈光柔和。 座位以卡位為主， 私隱度高。用上網紋燒爐絕對正宗比鐵板的爐烤得更好。每枱每位也準備好三款調味:有燒汁少少酸甜，中間是鮮檸檬， 最右邊有一些海鹽。先來一個野菜醋物。 沙律菜爽脆青甜， 配上酸酸甜甜的沙律醋汁， 胃口大開。和牛出場了， 來自唔同嘅部位， 顏色鮮明粉嫩，紋理清晰， 淨係目測都睇到非常有質素。我們試了幾款精選燒肉:左上是特選日本產和牛。 佈滿雪花，輕輕燒幾便盪出網紋， 入口鬆軟無比， 油脂豐膄， 肉味已被油香蓋過， 輕蘸些鹽會帶出較實在的肉香味。右上角是"日本產和牛上牛排肉"。 同樣油脂豐盛，這款肉香味道較為濃， 較剛才那款較有一點口 不過 肉質仍然軟腍，入口即溶。 來到這裏相信已經滿腔油花，不妨配白飯同吃， 平衡一下油膩。右下方的是"日本產豬五花肉"。 雖然幾塊五花肉都是薄切，但輕輕烤熟之後完全不覺得乾， 反而五花腩的油烤完被釋放了，顯得豬肉更香口， 肉味甘香。左下方是"特選日本產和牛肉眼"。肉眼部位一向是肉味較濃的部分。 今晚這塊肉眼扒最厲害之處是油花也分佈細密， 烤到七成熟就最good fit， 入口仍然是軟嫩細緻， 肉味香濃之餘更夾雜著豐盛油脂， 味道一試難忘，絕對是極品的享受!巨峰梳打 ，配燒肉都唔錯。另一款乳酸梳打帶有酒精， 味道清新之餘乳酸味更能中和油膩的感覺。今晚超滿足吃到純正和牛靚肉， 各部位都吃到其特色所在， 可謂過足和牛癮。…查看更多

自從上次食完和牛燒肉‧純之後，真心覺得好好味，特別一讚係佢地嘅lunch set價錢合理而且非常高質素，因為呢度嘅肉類供應全部源自日本政府嘅所屬農業組織，農產經屠宰後再直接冷藏再運送嚟香港，同係日本食無分別！正宗日式燒肉店，地方整潔而且通風亦都好好，所以每次食完件衫都唔會有一陣味。其實呢度除左主打和牛燒之外，仲有刺身、沙律、壽司、壽喜燒等等，好多唔同種類嘅嘢食。所以食和牛之前，先食一客沙律做starter，有青瓜生菜等食落新鮮爽脆，加上紫菜碎及醋汁，沙律嘅醋汁令到胃口大增，非常醒胃，雖然份量唔多但係對我嚟講啱啱好。嘩～見到和牛拼盤就流哂口水啦，最喜歡就係拼盤會有蔬菜伴旁，可以食和牛時清下油膩感！真心推薦每次必嗌和牛肉眼，油脂豐腴入口即溶再加埋濃郁牛味，實在叫人欲把不能，每一口都覺得感覺相當幸福。油脂分佈極好，所以只需要燒一會就能夠入口，燒後只要加入少許鹽調味就可以帶出和牛嘅鮮味，食落完全無筋，轉眼間就已經融化，入口齒頰留香。牛排肉雪花同樣都好細密，所以個人覺得呢個和牛牛排肉絕對係超值之選，而且會比較有口感，食落實在好多！絕無欺場。上牛排肉肉質好厚身，而且紋理平均，燒後肉汁仍然能夠保存得好好，同樣好好食，所以我享用和牛燒肉‧純嘅和牛都唔喜歡沾任何調味，基本上簡簡單單加入少許鹽經已好足夠。薄切牛舌比起店內嘅厚切牛舌當然會比下去，但係以呢個價錢來說，份量上都算係幾足，不過牛味同樣幾濃郁下，唔錯。冬天食燒牛，當然少不了叫多個白飯食，真係好滋味！雖然呢度每個白飯要成HK$30，不過用日本珍珠米煮成，都係物有所值嘅，因為日本米煮成嘅白飯真係勁有嚼口同米香。再加埋同男友一人一杯嘢飲，呢餐真係好滿足，飲品清新解渴得嚟又唔算太甜，成餐飯由飲品至主食都好滿足！…查看更多

幾天前跟媽媽吃劣食，今晚為了一洗頹氣，帶媽媽去和牛燒肉純吃燒肉，不過鬧了一則笑話。坐車的時候，媽媽問我今天吃甚麼，我答燒肉，她以為是燒味的燒肉。我說不是，是日式燒肉，我怎會是燒味的燒肉，我哭笑不得。最後媽媽都很滿意我今晚的安排，吃得開懷大笑。個人覺得吃燒肉應該要甚麼都要試試看，貴的，便宜的，推介的，特別的，才能無偏差品嚐真正的美味。我選了特選日本產和牛肉眼，特選日本產和牛牛排肉，和牛赤身肉與熊本厚切腩肉。下單後，店員為我有奉上柚子醋沙律。柚子醋搭配生菜，蕃茄等蔬菜，吃起來非常輕爽。酸酸的醬汁帶點淡淡的醋味，十分開胃。而且咀嚼沙律後，嘴裡散發出淡淡的柚子香。和牛赤身肉入口即化，吃過後熱淚感動，讓追求口感極致的我無可自拔。有著漂亮的大理石紋的和牛赤身肉，油花分布均勻，肉質美味細緻不在話下。不同的熟度都滿鮮嫩好吃，中心部位的油脂燒熟點更香更有口感。每一款肉都很吸引，看看這油花分布均勻的特選日本產和牛肉眼，光看就讓人食指大動。和牛肉眼油脂含量不少，愈嚼愈香，五分熟單吃已非常好吃，七分熟的話很好咀嚼，也不影響嫩口的程度。無肥肉不歡的媽媽一看到這肥滋滋的熊本厚切豚腩肉，心中滿是大喜。有沒有看到，厚切豚腩肉的肥油不停的冒出來，雖然看似油膩膩，但其實肥肉部份吃起來很爽彈，一點都不膩口。而且燒的熟度剛剛好，肉質非常軟嫩。特選日本產和牛牛排肉取自於牛較有油脂，結實的前胸肉，牛排肉烤得越熟越香，有點天人交戰。媽媽很聰明的單燒一面，一面保留原汁原味，牛排肉跟和牛肉眼一樣很嫩口。另外，我們也試了兩面都燒至五至七分熟亦相當滋味，肉汁油脂往嘴裡送。當然我們不忘吃蔬菜，我們選擇最後才燒，這樣就可以吸盡燒肉的油脂。冬菇也燒得很嫩，我很少讚賞，當然都要媽媽燒得好。媽媽很喜愛巨峰梳打的清爽，而且消暑，酸甜度適中。至於我則愛日式的梅梳打，鹹鹹酸酸挺下火。…查看更多