“La Parrilla Steakhouse”充滿歐洲小屋氛圍。
如果你都係選擇困難症嘅人，想鋸扒，呢間阿根廷扒房“La Parrilla Steakhouse”就啱你喇。呢度平時主打阿根廷牛扒，定期搜羅唔同肉位靚牛。
窗口位以壁畫配上紅磚，好有格調。
點解扒房塊扒會好食啲？除咗會引入靚牛扒之餘，佢哋自設高溫扒爐都係重點。利用高溫猛火鎖住肉汁，牛扒外層焦脆；內裡肉質粉嫩juicy。“La Parrilla Steakhouse”更貼心提供6款醬汁，一塊扒可以食到幾種風味。
前菜//
想食清啲，前菜有—吞拿、八爪魚，再以秘魯經典煮法Ceviche處理，利用食材香料將海鮮「醃」至半熟。味道微酸清爽，同時保留到鮮味同口感。Tuna Ceviche就用柚子汁醃吞拿魚，魚肉軟嫩，又有淡淡柑橘香味；Octopus Ceviche則以日本柑橘醬油將八爪魚「醃」至半熟，口感好彈牙㗎。
Tuna Ceviche有滿滿柚子汁，好啱夏天。
Octopus Ceviche嘅八爪魚好彈牙。
前菜想食得健康啲，雜菜沙律就放滿superfood—藜麥、牛油果喇，連埋石榴一齊食有多重口感。
Quinoa Salad集合滿滿superfood好健康。
主菜//
阿根廷牛扒—平鐵牛扒Flat Iron、斧頭扒，各有風味。平鐵牛扒Flat Iron一向出名肉味濃，肉質紮實帶嫩。今次更以Dry-aged 14日處理，利用牛肉天然酵素分解纖維，食落比一般平鐵牛扒鬆軟。推薦揀4成熟，真係愈咬愈有肉味。
Flat Iron好大份量！
幾個人share嘅話，揀斧頭扒CP值最高。你睇吓呢件斧頭扒幾大件就知！而且呢度有專業扒爐，就算咁厚嘅斧頭扒都唔會燒到乾噌噌，切開入面仲係好粉嫩㗎。
Tomahawk Steak斧頭扒厚肉大件，幾個人share CP值好高。
扒房特設專業扒爐，就算咁厚嘅扒都燒到好juicy。
牛扒全部都咁大份量，想揀啲無肉料理都得㗎。雖然呢道粗管意粉無肉，但完全唔單調。粗管外型勁掛汁，香香辣辣好惹味。
Rigatoni Picante粗管意粉係素食選擇，香香辣辣好惹味。
Side Dishes//
西班牙人食飯有好多細細碟嘅side dish用嚟佐吓酒。想健康啲可以揀Grilled Seasonal Vegetables烤時令蔬菜，順便解解肉膩。
(左)Grilled Seasonal Vegetables烤時令蔬菜，解解肉膩。
(右)Potato Au Gratin法國經典料理芝士焗薯仔，有種停唔到口嘅魔力。
另外仲有經典法國料理Potato Au Gratin芝士焗薯仔，聽落係好簡單嘅料理，但你真係估唔到巴馬臣芝士、忌廉、薯仔加埋一齊焗係咁夾，每啖都好creamy焦香，真心會一食就唔想停。
La Parrilla Steakhouse
地址: 中環雲咸街77號嘉兆商業大廈1樓
電話: 26378555