「澳洲龍蝦刺身」橙紅色蝦肉勁爽脆，蝦味濃又有淡淡海水味，味道特別濃。
想打邊爐又驚熱氣，揀有養生湯底嘅火鍋店就得啦！旺角「滾爺火鍋」全場湯底都係自家用50斤雞殼、豬骨、雞腳等熬煮，唔怕成口味精湯，而家仲有新開業優惠。
新開業優惠！
- 於晚市時段，讚好、留言及follow 餐廳facebook，即送細樽青島1支/汽水1罐 |
【免費二食】加拿大A級象拔蚌！
一入門口就見到魚缸好多游水海鮮，一定要試吓佢哋嘅刺身呀！私心大推「加拿大A級象拔蚌」勁鮮甜彈牙；象拔蚌膽仲可以免費二食，可揀 椒鹽/酥炸 做法，好啱飲酒。
加拿大象拔蚌好多肉，象拔蚌膽仲可以椒鹽/ 酥炸。
象拔蚌肉勁厚身大件，唔怪得咁彈牙。
2層樓高 設多間VIP房
1/F有VIP房，可以唱K+麻將，大圓枱。可間1席/2席/3席/4席/全層 都可以，按不同需要間房，詳情可以查詢店家。
養生清熱湯底 淡淡茶香
點諗到打邊爐都可以養生，坊間好少見到優遁草湯底—「養生優遁草鮮果雞鍋」。其實《本草綱目》早記載優遁草有清熱解毒、消炎散瘀之效，湯底同時加入雪耳、雪梨、龍眼等食材，相當滋潤。
優遁草湯底有淡淡茶香，淥肥牛、游水海鮮都好夾，特別係海鮮會鮮甜啲㗎。坊間少有優遁草湯底，打邊爐都可以清熱解毒。
勁清甜！清遠雞湯底
「秘製泰國椰子雞鍋」用泰國椰子、清遠雞、馬蹄等熬煮，清甜又暖身。一開始等湯底滾煮5分鐘，先飲碗熱湯暖胃再打邊爐好正。而且湯底本身已包 半隻/原隻 清遠雞，加埋椰肉解解膩幾抵食。
湯料有成隻雞好抵。
牛味特濃！新鮮本地牛
鍾意肉味濃嘅一定要試「新鮮本地手切牛小排」，真係每日新鮮運到㗎！同場都有美國安格斯頂級牛—封門柳、牛頸脊、肥牛。
一睇就知新鮮嘅飽滿肉色，輕輕一滾就食得。
粉嫩手切牛，牛味特濃。
自家手打滑 鋪滿蟹籽！
呢度仲有多款手打滑，「爽口手打鮮蝦滑」、「彈牙手打蟹籽墨魚丸」、「手打鮮牛滑」等，都係每日自家製。
手打滑鋪滿蟹籽，卜卜爆開更有口感。
即叫即炸小食 必試蝦膠皮蛋
呢度樓高2層，一班人喺2樓打邊爐好有隱私度～飲啤酒配埋即叫即炸小食幾有氣氛。
「深海炸彈」係手打蝦膠+皮蛋，三重口感好過癮。
「金磚脆皮豆腐」外脆內嫩。
