每日都倒數緊聖誕、除夕佳節嘅來臨!! 阿根廷風格紅磚扒房“La Parrilla Steakhouse”趁住歡樂節日，推出7道菜「節慶限定分享套餐」，啱晒成班親朋好友一齊歡度聖誕，迎接新一年～呢度嘅深色木系、磚牆、吊扇打造出濃厚外國氣氛，一整排大玻璃窗更映透紅磚大館，相當浪漫，節慶期間仲有聖誕裝飾㗎。
歐洲紅磚小屋裝潢，置身異國氣氛。
窗邊座位好開揚，適合把酒談歡。
【節慶限定分享套餐Festive Season Sharing Menu】
佳節夜緊係要成枱美食先滿足喇!! “La Parrilla Steakhouse”嘅7道菜套餐可以自選2道前菜、3選1主菜、5選2配菜連埋甜品，由頭食到尾都有驚喜。
【開胃前菜Appetizers】
打開盛宴序幕由一系列豐盛前菜開始，有魷魚沙律／冬日節慶沙律／自家製阿根廷鹹味餡餃 (Empanadas)選擇。
沙律唔一定係淡寡寡，呢款魷魚沙律加咗藜麥、番茄外，仲有近期流行嘅心里美蘿蔔(watermelon radish)，青皮紅肉、甜中帶芥辣香好過癮。
魷魚沙律 Calamari Salad
色彩繽紛嘅冬日沙律就以香甜蔬果為主，有蘋果、南瓜、甜番薯、核桃同南瓜籽。特別鍾意南瓜同甜番薯，食落柔軟甘甜，大人小朋友都鍾意食！
冬日沙律 Winter Salad
一場嚟到，點可以唔體驗吓阿根廷style嘅地道前菜？自家製嘅鹹味餡餃可以自選安格斯碎牛肉／烤雞／波芙隆芝士配焦糖洋蔥。鍾意芝士鹹香嘅話推介波芙隆芝士口味，香脆外皮包住半融芝士，口感豐富又唔膩。
自家製阿根廷鹹味餡餃 House made Empanadas
【主菜Main】
主菜3選1都好豐富，提供牛肉眼扒／T骨牛扒／焗製三文魚選擇。“La Parrilla Steakhouse”作為專業扒房，當然設有自家熟成櫃。每款牛扒熟成至少7-14日，特別粉嫩同肉味突出。
鍾意油花豐腴啲可以嗌21日熟成肉眼扒，脂肪比例較高，烤到啱啱好入口juicy，搭配多款傳統阿根廷特色醬汁一齊食，好出色！
牛肉眼扒 Cowboy Steak
T骨牛扒嚟自牛腰脊部份，同時嘆到牛柳同西冷牛扒嘅部位。前者肉質幼嫩，後者油脂分佈均勻有咬口，一次食勻2種口感同味道。
T骨牛扒 T-Bone 1kg
海鮮控推介充滿蛋白質嘅三文魚，焗得啱啱好中間好滑嫩。配紅椒堅果醬(Romesco Sauce)，香甜微辛同主角三文魚好夾。加埋烤時蔬伴碟，係營養豐富又好食嘅組合～
香焗三文魚 Baked Salmon
【配菜Sides】
每款主菜都可以跟配2款配菜，5選2包括松露薯蓉／烤球芽甘藍／蒜香薯條／烤南瓜／沙律。
Truffled Mash Potatoes/ Roasted Brussels Sprouts/ Garlic French Fries/ Roasted pumpkin/ Green field Salad
【甜品Desserts】
甜品係令人留下深刻印象嘅最後一道菜，而呢度絕對唔會令人失望!! 3選2甜品有西班牙經典甜品Flan Casero／蘋果批／流心朱古力蛋糕。
Flan Casero賣相同布甸大同小異，分別在於Flan以蛋為主、牛奶為輔。入口香甜順滑，蘸上焦糖牛奶醬簡直係絕配！
Flan Casero
蘋果批加咗馬爾貝克酒(Malbec wine)慢煮青蘋果，食落清新酸甜，食晒成個都唔會好膩。而流心朱古力蛋糕趁熱食有流心效果，暖笠笠嘅朱古力漿加埋綿密蛋糕，係滿滿幸福感啊～
Green Apple & Malbec Tartelette
Molten Chocolate Cake
餐廳仲精心設計咗$288阿根廷葡萄酒Wine Pairing，分別為前菜、主菜同埋甜品搭配各款酒品，增強每道菜式喺味蕾嘅風味，愛酒人士可以試吓！
La Parrilla Steakhouse
地址: 中環雲咸街77號嘉兆商業大廈1樓
電話: 26378555
【親民價食牛扒界天花板】阿根廷牛扒拼盤+芝士焦糖洋蔥餃
“La Parrilla Steakhouse”一向主打牛扒界天花板—阿根廷牛扒，北角店更走親民價路線，抵食價錢就食到同中環店一樣咁高質嘅牛扒！餐廳空間感十足，紅磚牆搭配黑白格仔地磚同復古梳化位，好似瞬間穿梭到外國咁啊！
【節慶限定分享套餐Festive Season Sharing Menu】
趁住聖誕同除夕佳節，餐廳推出$498「節慶限定分享套餐」，食勻2款開胃前菜、1款主菜、2款配菜、1款甜品共6道菜，食物種類絕對唔會令你失望。
【開胃前菜Appetizers | 3選2】
前菜當然唔少得開胃沙律， “La Parrilla Steakhouse” 嘅沙律仲要超豐盛，冬日沙律有色彩繽紛嘅香甜蔬果如蘋果、南瓜、甜番薯、核桃同南瓜籽，配埋新鮮沙律菜一齊食好fresh!!
冬日沙律 Winter Salad
推介海鮮迷試呢款魷魚沙律，魷魚本身已經大大件夠鮮甜彈牙，香烤之後更加惹味。加埋香氣獨特嘅阿根廷番茜醬調味，作為前菜太正喇～
魷魚沙律 Calamari Salad
想體驗阿根廷正宗小食，一定要揀呢款自家製嘅鹹味餡餃(Empanada)，可以自選烤雞／波芙隆芝士配焦糖洋蔥口味。香口餃皮包住嫩滑雞肉，食落唔會好乾，成個配搭意外地夾。
自家製阿根廷鹹味餡餃 House made Empanadas
【主菜Main | 2選1】
主菜2選1有牛扒大拼盤／焗製三文魚選擇。同三五知己開心share最好就係揀牛扒拼盤(Pampas Platter)，食勻重量級500g T骨牛扒+多汁Ojo de Bife(肋眼牛排)，啖啖肉勁滿足！T骨牛扒結合肉質幼嫩嘅牛柳同油脂豐腴嘅西冷部位；而Ojo de Bife以豐富肉汁同肉味香濃聞名，完美感受到阿根廷牛扒嘅層次感！
牛扒拼盤 Pampas Platter
輕盈之選推介香焗三文魚，柔軟魚肉搭配濃厚嘅紅椒堅果醬(Romesco Sauce)同烤時蔬，更突出到三文魚嘅鮮同香！
香焗三文魚 Baked Salmon
【配菜Sides | 4選2】
配菜4選2包括松露薯蓉／蒜香薯條／烤南瓜／沙律。飲酒嘅話，揀松露薯蓉或者薯條都好佐酒。
(左上、左下) 蒜香薯條 Garlic French Fries、烤南瓜 Roasted pumpkin
(右上、右下) 沙律 Green field Salad、松露薯蓉 Truffled Mash Potatoes
【甜品Desserts｜3選2】
未食甜品點捨得走啊? 最後甜品可以3選2，分別供應流心朱古力蛋糕／青蘋果及馬爾貝克酒撻／阿根廷風甜品Flan Casero。
冬天總想食返個甜滋滋嘅流心朱古力蛋糕暖吓肚，朱古力蛋糕好鬆軟，中間仲有暖笠笠嘅流心朱古力漿，甜而不膩而且好rich。
流心朱古力蛋糕 Molten Chocolate Cake
青蘋果及馬爾貝克酒撻以馬爾貝克酒(Malbec wine)慢煮青蘋果而成，入口清新酸甜帶微微酒香，並以鮮奶油同香烤杏仁片點綴，相當精緻。
青蘋果及馬爾貝克酒撻 Green Apple & Malbec Tartelette
阿根廷風甜品Flan Casero賣相同布甸好似，不過入口蛋香比較濃厚。
阿根廷風甜品 Flan Casero
餐廳仲精心設計咗$288阿根廷葡萄酒Wine Pairing，分別為前菜、主菜、甜品搭配各款酒品，增強每道菜式嘅風味，愛酒人士可以試吓！
La Parrilla Steakhouse
地址: 北角堡壘街19號景文樓LG層
電話: 26623000