影片
更多
2020-10-12
2002 瀏覽
見天氣好似涼咗啲，所以星期日就去踩單車🚲，點知都係好熱。我同朋友由馬鞍山踩去科學園，所以第一站先喺馬鞍山食個午餐。我哋唔熟呢頭，上網見「WM Café & Bar」幾多好評就試下，加上又近起點。餐廳面積原來好大，人流不絕。環境亦唔錯，乾淨衞生😊。店員們全部都超好人同有禮貌，幫我哋拍多張枱擺嘢，又記得我哋叫咗甜品，食哂主菜後主動送上，服務細心，抵讚👍。餐牌大大張，早午茶晚餐全部都有成廿款揀，花多眼亂🤣，有選擇困難症嘅人又遇上麻煩。午餐價錢親民，平均$5X至$7X一份。餐湯預設一定有得揀忌廉龍蝦湯，唔駛額外加錢，出品仲要唔馬虎，幾濃郁🤤。另一款係是日餐湯－蕃茄湯🍅，味道偏甜少少，都OK。🍞跟湯嘅麵包原來好脆㗎！WM全天候早餐配牛油多士($73)，加煙三文魚($8)。早餐大大份，並將所有食材放上一個煎Pan造型嘅碟上面，感覺可愛😍。早餐唯一要揀嘅項目就係蛋🥚：黑松露炒蛋或者太陽蛋。全日早餐包括黑松露炒蛋、烤蕃茄、豬肉腸、煙肉、蘑菇、茄汁焗豆、粟米、煙三文魚同沙律菜。炒蛋香滑，而且黑松露醬好香；個人鍾意佢有埋蘑菇🍄同粟米🌽，最後食埋塊多士麵包就一定飽哂！美國BBQ烤手撕豬菠蘿芝士漢堡配薯條($
見天氣好似涼咗啲，所以星期日就去踩單車🚲，點知都係好熱。我同朋友由馬鞍山踩去科學園，所以第一站先喺馬鞍山食個午餐。我哋唔熟呢頭，上網見「WM Café & Bar」幾多好評就試下，加上又近起點。
餐廳面積原來好大，人流不絕。環境亦唔錯，乾淨衞生😊。店員們全部都超好人同有禮貌，幫我哋拍多張枱擺嘢，又記得我哋叫咗甜品，食哂主菜後主動送上，服務細心，抵讚👍。
餐牌大大張，早午茶晚餐全部都有成廿款揀，花多眼亂🤣，有選擇困難症嘅人又遇上麻煩。午餐價錢親民，平均$5X至$7X一份。
忌廉龍蝦湯
27 瀏覽
0 讚好
0 留言
WM全天候早餐配牛油多士
$73
33 瀏覽
0 讚好
0 留言
全日早餐包括黑松露炒蛋、烤蕃茄、豬肉腸、煙肉、蘑菇、茄汁焗豆、粟米、煙三文魚同沙律菜。炒蛋香滑，而且黑松露醬好香；個人鍾意佢有埋蘑菇🍄同粟米🌽，最後食埋塊多士麵包就一定飽哂！
美國BBQ烤手撕豬菠蘿芝士漢堡配薯條
$63
40 瀏覽
0 讚好
0 留言
漢堡包大小剛好🍔，厚度係可以讓我一啖食哂咁多層。麵包有烘過，所以口感偏脆，而唔係行鬆軟路線。我食漢堡係因為貪佢有🐷手撕豬做餡料，豬肉份量超多，湧哂出嚟，調味用上燒烤醬，相當惹味😋。同時，餡料仲有大大片菠蘿、蕃茄同生菜，成個組合超夾之餘，亦能平衡一下燒烤醬嘅濃烈。
檸檬芝士蛋糕
$12
15 瀏覽
0 讚好
0 留言
飲品方面🥤，我哋要咗凍奶茶同凍檸檬紅茶，味道正正常常，但留意番凍飲要加$4。
總括嚟講，呢餐係一頓休閑嘅週末滋味午餐🍽，定價合理、選擇多、食物質素不俗、環境衞生同服務都好好，各方面均令人滿意。我相信佢係馬鞍山附近一帶街坊嘅食堂，家庭聚餐最適合不過🈴️，用餐過程期間眼見唔少外賣訂單。
張貼
