今日難得放假，帶屋企人去西貢行吓食吓，買下海鮮。行得耐好攰啦，行到去西貢嘅MW hotel，見到MSquare餐廳，感覺好舒適，所以我哋就入咗去。餐廳環境開陽，設有落地玻璃，日光可以映照到成間餐廳，非常舒適。座位寬敞，設有大螢幕，可以讓食客睇到唔同嘅球類活動頻道，想像到晚上嘅話應該係好有氣氛。餐廳外係一條好長好靚嘅海濱長廊，可以飽覽到整個海濱景色，用餐後慢慢散步，非常悠閒。🩵Lobster Brioche Roll $210呢一道美國龍蝦牛油軟包，超級吸引！以自家製嘅牛油軟包，夾住龍蝦肉及檸檬胡椒沙律醬。牛油軟包焗到脆卜卜，牛油味超香，外脆內軟。龍蝦肉厚實，啖啖肉，充滿肉汁及鮮味。檸檬胡椒醬，酸酸甜甜，同龍蝦肉非常夾，口感相當豐富，胃口大增。伴碟嘅沙律菜新鮮，平衡返龍蝦包嘅油膩感，帶有清爽感覺。🩵Mussels Pot $176以茴香，洋蔥及忌廉煮嘅藍青口，香味四溢！藍青口份量十足，只係嗌咗半份，都咁大鍋！青口口感香滑，肉質爽口，帶有鹹香味道。伴碟嘅長條型麵包煙煙韌韌，好似薄餅嘅口感，沾上忌廉汁同吃，非常滋味。🩵Tiramisu Pancake $139兩層嘅班戟非常厚，入口充滿蛋香，質地軟綿綿，好似疏乎厘一樣，非常輕盈。面層灑上朱古力咖啡粉及燕麥松子仁，令到口感帶有香濃香脆嘅感覺，好味到暈~ 另外配以咖啡糖漿，啱晒好甜者，隨時加上。🩵Super Oreo $72呢一款Oreo嘅曲奇奶昔，非常邪惡。香濃奶滑，充滿曲奇香味，又唔會太甜，啱啱好！每一啖飲落有香脆曲奇碎碎，為奶昔增添多重口感。…查看更多
。 由西貢碼頭沿海濱長廊行過嚟餐廳都好方便，仲可以欣賞下靚海景，感覺非常舒服。嚟嘅原因都喺環境，裡面地方頗大，枱與枱嘅間隔又好闊落，加上超高樓底，所以，空間感好強
，讓人可以好好放鬆。 一室以白色為主調，再襯以木系傢俱，無論梳化椅，抑或藤椅，都好舒服，加埋少少盆栽點綴，好有悠閒感
。對海濱一邊入口全喺落地玻璃窗，相信日頭嚟，陽光射入室內，感覺更清爽。 此外，四面又設有大電視或投影，不斷播放唔同嘅運動比賽，有英超就啱晒我啦。仲有就喺餐廳一角，設有張美式桌球枱、高爾夫球體驗、枱上足球機、電玩遊戲機……等等，故此，見到唔少喺親子客，而食完飯又可以過嚟比試吓。餐具、餐紙、餐碟、白開水早早就放喺枱上，自由取用，唔使煩侍應咁多。 食物方面有好多選擇，大大個餐牌列晒各大類別食物，如主打嘅燒烤類同薄餅，仲有一系列特色薯條、沙律、小食、意大利麵、意大利飯、全日早餐……等等。 飲品方面選擇亦多，由一般啡茶、汽水，到奶昔、生啤、汽泡酒、紅白餐酒、雞尾酒……到多種烈酒，都一應俱全。而深受女士喜愛嘅甜品，就有另一組餐牌，主要都喺啲窩夫同梳乎厘班戟，圖文並茂，看上去甚為吸引
Chocolate Milkshake $64、Strawberry Milkshake $64、Ginger Ale $32、Lion Rock (Draught) $78
