Bayfare Social

嘿，美食愛好者們，西班牙菜粉絲們！今天我要帶你們品味一場西班牙美食的盛宴，我特地選擇在Rosewood酒店慶祝朋友的生日。這次的頭盤是西班牙豌豆湯和韃靼牛肉，主菜包括西班牙波士頓龍蝦大鑊飯、墨魚汁大鑊飯以及經典的平鐵牛排。最後以朱古力蛋糕作為結尾，讓我們一同探索這場幽默風格的西班牙美食之旅吧！餐廳環境：進入Rosewood酒店的西班牙菜餐廳，你會被它優雅而熱情的氛圍所迷住。裝潢充滿了西班牙的元素，如瓷磚牆面、色彩繽紛的壁畫和充滿活力的音樂，讓你彷彿置身於西班牙的街頭小酒館。餐桌上擺滿了傳統的西班牙菜餚，散發出誘人的香氣，讓你立刻感受到西班牙的熱情和活力。食物評價：這家西班牙菜餐廳的菜品充滿了正宗的西班牙風味，每一道菜都讓人驚艷。以下是我特別推薦的幾道菜品：1. 西班牙豌豆湯：這道頭盤以新鮮的豌豆為主角，融合了西班牙獨特的調味料和香料，味道濃郁而清爽。每一口都能感受到豌豆的鮮甜和湯的滋味，令人回味無窮。2. 韃靼牛肉：這款傳統的西班牙冷盤絕對能夠滿足你的味蕾。韃靼牛肉以嫩滑的牛肉片為主，搭配新鮮的香草和橄欖油，口感鮮嫩多汁，入口即化。搭配新鮮的生菜和酸橙汁，味道更加美味。3. 西班牙波士頓龍蝦大鑊飯：這道主菜絕對是一場味覺的盛宴！大塊的波士頓龍蝦與米飯和番紅花調味料完美融合，每一口都帶來濃郁的海鮮風味和米飯的香氣，令人難以抗拒。4. 墨魚汁大鑊飯：這道菜以正宗的墨魚汁為基礎，搭配著色鮮豔的海鮮和嫩滑的米飯，呈現出一道令人驚艷的大鑊飯。墨魚汁賦予米飯獨特的風味，海鮮的鮮甜與米飯的口感完美結合，讓人回味無窮。5. 平鐵牛排配薯條（Flat Iron Steak）：這款平鐵牛排雖然相對較少人留意，但肉質柔軟，肉味濃郁。它是牛三角肩封上的肉位，僅次於Tenderloin的嫩滑程度，卻比Tenderloin平價許多。只需煮至五成熟，就能展現出令人驚艷的口感和美味。如果將厚筋的部位裁走，它的味道和口感更加出色。甜品評價：作為一頓完美的晚餐的結尾，我們享受了一份朱古力蛋糕。這款甜品以濃郁的朱古力味道為主，搭配著柔軟的蛋糕體和絲滑的朱古力醬，每一口都是甜蜜的享受。這個甜品不僅美味，而且色彩繽紛，絕對是一個充滿刺激的結尾。總結：Rosewood酒店的西班牙菜餐廳給我留下了深刻的印象。從獨特的餐廳環境到美味的食物，再到周到的服務，一切都讓人愉悅。特別推薦他們的西班牙波士頓龍蝦大鑊飯和墨魚汁大鑊飯，以及平鐵牛排，這些菜品絕對能帶給你一場美味的西班牙美食之旅。無論你是西班牙菜愛好者，還是想要嘗試新風格美食的人，這裡都是一個絕佳的選擇。別忘了以幽默標題的朱古力蛋糕作為完美結尾，這將是一場難忘的用餐體驗！…查看更多

-{二訪瑰麗酒店西班牙菜🥘}🤤M size Bone Marrow Paella 🤤 ($380)一上枱已經聞到好香😍撈埋牛骨髓嘅肥肉 每粒飯都癡住牛嘅油脂香🥰再加上牛臉肉軟腍嘅肉質 突破味蕾同嗅覺嘅享受😙👖褲評: 9/10🤤 Steak Frites 🤤 ($348)好抵食嘅鐵平牛扒😆肉質軟腍 好易就咬開🥳而且邊邊嘅位置都唔算硬😛細著條夠香脆😚👖褲評: 8.5/10🤤Churros🤤 ($110)比平時嘅再內部軟啲 外皮就少少脆嘅質感 份量好多😂😂而朱古力醬唔甜偏苦我食食下冇再點😂😂👖褲評: 8/10另外試左龍蝦湯🤓好濃郁又係必試😙整體好高質🥰環境 食物 服務都好好 性價比非常高😛性價比: 8.5/10服務: 9/10環境: 9/10🚩 Bayfare Social 🚩地址: 尖沙咀梳士巴利道18號香港瑰麗酒店5樓 #fuudjai #fuudjai西餐 #fuudjai尖沙咀 #rwjourneys…查看更多

🍴Pulpo a la gallega ($195)用Paprika同橄欖油調味既八爪魚 彈牙得黎唔會太硬 下面既薯蓉亦都吸收左八爪魚既鮮味 🍴Tottilla de patatas ($175)傳統西班牙薯仔蛋餅 外脆內軟 上面鋪左唔少Iberico Ham 火腿既油脂同咸香夾埋底下既薯仔蛋餅實在好好味🥰🍴Steak Frites ($348)牛扒我地叫左7成 感覺有少少過熟 可能叫5成就岩岩好🤣 不過塊牛扒本身都無乜脂肪 肉質較實 肉味亦都唔太濃 個人覺得普通 不過幼身既薯條炸得幾好食雖然今次只係試左三款菜式 但係兩款tapas都好好食😋 餐廳走casual dining路線 多數座位都好闊落 坐得幾舒服 仲有睇到海景既梳化位 氣氛幾好 好適合朋友聚會同慶祝🥰…查看更多

🇪🇸Rosewood高質西班牙菜🇪🇸酒店環境一流就唔洗講，想食西班牙菜慶祝嘅話幾推介bayfare social，古典英式裝修，氣氛舒服，侍應服務貼心，食物質素又對得住價錢😎同新開嘅bluhouse比較會更推薦依間👍🏻 —— Ham Tortilla Omelette $175表層鋪滿Parma Ham，鹹香四溢，同薯仔蛋餅配埋食十分夾👍🏻建議起碼3人食就唔會太漏—— Octopus Tapas $195西班牙菜必叫tapa😎大量章魚下面仲鋪左層薯蓉，口感彈牙，微辣調味好食🤩薯蓉滑到好有驚喜!!—— Steak Frites $348牛扒鮮嫩多汁，肉味濃郁，煎至指定嘅生熟程度👍🏻再豐富啲沾上牛油汁，更帶出牛肉香味😋—— Seafood Paella $350海鮮份量唔少，有齊蝦、蜆同魷魚；米飯嘅生熟程度唔易控制，而佢煮得恰到好處，柔軟又唔會過黏，散發淡淡鮮味👍🏻—— Hazelnut Gelato $78唔好睇少佢細細球，榛子味嘅gelato超好食🤩🤩一細啖已經成個口都係榛子味，好rich!!!—— Churros $135比想像中更大條😂炸嘅時間掌握得啱啱好，食到好淡好淡就黎燶嘅焦香，反而更好食👍🏻仲要配上黑朱古力醬，食到停唔到口😍 🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍Bayfare Social (#尖沙咀)尖沙咀梳士巴利道18號香港瑰麗酒店5樓…查看更多

同朋友慶祝生日100分嘅餐廳！🫶🏻⭐️Octopus Tapas生熟點剛好 唔會韌☺️⭐️Seafood Paella4個人食必須要叫L size用鮮蝦同貝類 仲有蛋黃醬 一齊食好出色⭐️Steak Frites叫咗Medium 咬落有肉汁 唔會韌😋⭐️Mac & Cheese雖然好邪惡好heavy 但真係好好食呀！⭐️Cava Brut Reserva(White)比較易入口嘅白酒👍🏻⭐️Churros係好煙韌嘅Churros 平時好少食肉桂都覺得好食⭐️Apple Crumble呢個蘋果批都好好食 呢間絕對要encore周邊好多朋友都鍾意食肉桂 我諗我開始無咁抗拒了～…查看更多

大癲級西班牙菜，食材高質，煮法side dish非常配合，環境服務一流，perfecto🤌～・・・・・・・・・・・・・・・・・・・・🐙 Pulpo A La Gallega (啫係Octopus Tapas) HK$195・味道：清淡八爪魚加咗小許辣粉，仲吊出鮮味，配埋底下薯蓉薯仔粒，唔錯～・口感：八爪魚爽彈，冇牙呀婆口嘅肥波都咬到。薯蓉係半smash半薯仔粒，幼滑得嚟又可以配八爪魚咬吓。🍣 Tuna Tiradito (啫係Tuna Tata) HK$220・味道：新to the鮮🤌！本身個料好食就唔使整色整水都夠抽㗎喇～・口感：上面個三塊空氣餅唔知jm9😅，硬要評一評就係都幾有麥香，不過本波覺得有蔥就夠喇。🍛 Seafood Paella M size HK$350 👍 ・味道：好癲喎喂💥！每粒飯都索滿海鮮汁，蝦再甜啲就好了，有粒蜆有沙拖低平均分sad，魷魚最正。有pat醬幾重咸香味，加埋啲飯食又係另一個味，咸鮮飯粒加鮮甜海鮮，多重層次woo😏～・口感：睇落以為啲飯乾過沙漠，點知每粒都juicy jucy。粒粒分明又夠濕度，大癲。蝦爽脆基本啦，蜆都夠厚肉，魷魚爽彈本波食到jap jap聲，嘻。**M size以為好細，點知個pan目測都至少8吋🤯，兩三人夠食的！但海鮮份量少，孤寒咗啲⋯ **🥩 Steak Frites HK$348・味道：用Flat Iron但牛扒叫5成，上到嚟係7成⋯過熟少咗肉味🥲。上面個香草牛油多餘，牛油味香草味都冇，對件扒起唔到任何作用🤡。另一兜醬都一樣，廢。薯條吸咗啲牛扒精華零舍正。・口感：過熟有啲嘥咗舊flat iron，但塊扒本身好高質所以煮衰咗都仲係嫩口，同埋吋半扒唔韌加上flat iron本來多筋都冇食到一條，扒類處理做得不錯。係薯條偏幼食得冇咁開心。❤️‍🔥 Churros HK$135・味道：0甜肥波怒啪兩條，表面糖粉mix咗肉桂粉所以食落微甜，唔鍾意肉桂嘅朋友都食到，淡淡肉桂味易入口der～不過牛油味就唔出，某程度上對肥波嚟講係好事，減輕罪疚感XD。個朱古力醬係黑朱，重覆多次係黑朱，0甜黑朱，本波已滿足namaste🙏・口感：表面脆口入面軟熟，新鮮即炸但好細心會等到啱食用溫度先上枱，暖暖哋咁，yum yum。🍹 Blood Orange Mocktail HK$100 ・味道：偏甜但橙味幾重，OK啦。🥤 Raspberry Milkshake HK$88・味道：甜呀，同時紅莓味都重嘅唔係得人工糖漿甜。外國奶昔就必備爆血管厚cream嘅，本波skip🤭。・口感：0冰粒，smooth～・・・・・・・・・・・・・・・・・・・・🤰性價比：高～🤰9衝度：9衝～🤰結論：人均七舊水食到高質五星酒店西班牙菜，食得過，絕對有next time。・・・・・・・・・・・・・・・・・・・・環境：闊落舒服呢啲基本酒店餐廳配備有齊，枱櫈夠大。枱與枱之間闊到可以放多枱，空間度極高，雖然避免唔到三個飲醉酒嘅女人笑聲蓋過全場嘅嘈吵情況-_-。不過我坐嗰邊近戶外嘅室內位偏喑，情調太多，能見度太低😶‍🌫️。枱燈非常重要，猶如漆黑中嘅明燈💡。講咁多，唔該較光返小小🙏⋯⋯服務：可能見我哋book枱係慶祝目的，安排咗近海景位，非常細心。梳化位舒服，唔係啲坐到淋哂個下巴對落就係枱嘅高度XD。麻煩侍應影相都冇托手踭，仲要識攞光位就角度影，pro🫡！*需要上網book枱㗎！…查看更多

位於Rosewood靚靚高級酒店嘅餐廳同時都係唔少人慶生選址嘅地方🎉🥳唔同人對Bayfare Social都有唔同嘅講法價錢相對上對比其他酒店嘅西餐係親民 係比較平👛💰但對於我黎講會係一個去過一次唔會再去下次嘅餐廳唔知係咪因為期望值太高嘅原因 最主要都係覺得無咩特別 加上環境覺得好一般般😮‍💨有種係food court嘅感覺*✨想食想去Bayfare Social就記得要上網book定位Walkin幾乎都唔洗皆意食到*❣️Seafood Paellas $300/Medium $450/Large係一個西班牙海鮮飯🇪🇸幾乎每個人黎Bayfare Social必食嘅菜式兩個人食的話medium真係足夠本身睇相仲以為係飯焦 但食落又唔係喎成個飯都可以話係偏鹹 不過啲海鮮就真係大大舊❣️Steak Frites $280呢個Steak Frites可以話係男朋友最期待嘅菜式一向好鍾意食牛扒嘅佢點會放過🐮唔佢我都唔知原來牛扒上個舊牛油係咁值錢🧈塊牛油係真得香口 但塊扒就...唔可以講話出色都真係好普通嘅感覺🥺❣️Churros $85男朋友好有心係落booking個陣remark左寫碟但最後staff都係無留意到個remark😇都係男朋友要再講 要再提一聲🫠🫠🫠係有啲失望 估唔到咁大品牌嘅酒店西餐會有咁嘅失誤不過Churros係好食的🫶🏻❤️外脆身 內煙韌 仲俾左好多朱古力醬你點🍫…查看更多

-一聽到Rosewood個名千祈唔好嚇親絕對係一間性價比超高嘅餐廳👍🏻價錢合理之餘，食物質素都ok/Seafood Paellas(M)西班牙海鮮飯，海鮮都算新鮮但今日啲飯有少少生熟度不一有啲硬有啲軟，但程度可以接受要襯熱食👍🏻/Steak Frites超讚嘅一款必試菜式牛扒大塊，配搭自家製有香草蒜味嘅牛油味道好夾好回味👍🏻薯條係幼薯條，感覺會唔夠喉😆/Txipirones有小魷魚嘅一款熱食Tapas再配上一隻流心蛋，大滿足/Tuna Tartare另一必食菜式推介吞拿魚魚生切粒，再加上調味超級鮮味，一碟係絕對唔夠食😝/Chocolate Milkshake Raspberry Milkshake 奶昔超大杯，仲有另一款Vanilla充滿奶味，啱晒大人小朋友飲👍🏻/餐廳有分高枱同梳化位訂枱果時記得remark寫低…查看更多

今日在Rosewood staycation, package包$780飲食券。聽聞這間餐廳口碑好好，於是入住幾日前在酒店官網上book位，可惜lunch 時段已經full了，唯有book 了14:00。我是由酒店去餐廳，所以直接撘lift去5樓便到達。如果由K11 MUSEA 商場去餐廳，便要去到商場5樓，再跟指示牌上去Rosewood hotel行，因為入酒店一定要經過這間餐廳入去的。餐廳環境開揚，有分酒吧高櫈區，甜品區，開放式廚房區。我們幸運地被安排坐梳化所以感覺寬敞舒適。我們點了：sea food platter(M) $580 - 海鮮拼盤賣相好吸引有3隻生蠔(新鮮爽甜)，半隻龍蝦(蝦鉗已經處理到容易食龍蝦啖啖肉)，3隻凍蝦(肉質爽口)，2隻帶子(切粒已調味，醬汁微辣惹味)Steak frites$280 - 牛扒點了七成熟，並已切好上枱，好窩心牛扒肉質嫰易咬，但略欠牛味。薯條炸得香口Paella of the day(S)$140 - 西班牙海鮮飯見多人食，所以點了細size 試試。不過本人覺得賣相普通，衹有蝦及蜆各2隻。欠缺傳統西班牙海鮮飯有豐富海鮮感覺而且知道燉飯會淋身，但這個飯口感偏淋，味道一般飲品Berries cooler$100 - 中伏賣相一般不特止，重好酸，難飲Blood orange lemonade$100 - 味道中規中矩，無驚喜!有加一收費，但以這個價錢來說服務好一般好彩可以用優惠券。…查看更多

早前睇YouTuber介紹呢間餐廳，心諗Rosewood都有平民嘅西餐？🤔一於男朋友生日去試吓🤣餐廳裝修都幾靚，唔係fine dining感覺，但反而有啲bar枱，令人覺得有啲chill😚我哋坐嘅位置唔錯，梳化位，後面仲睇到少少海景添😆首先就叫咗兩個前菜，Tuna Tartare ($180)🐟好鮮味，加埋啲汁撈埋酸酸哋，好好味好開胃～另一個叫咗Txipirones Baby Squid ($120)🦑呢個幾有驚喜，起初覺得都冇咩特別丫，但係將蛋拮爛，撈埋一齊食係非常好食～有種creamy嘅感覺，而啲魷魚仔都好爽口啊！主食方面，唔可以唔叫嘅梗係Mac & Cheese ($120)🧀啦！呢個啲芝士真係超多超濃厚！所以都真係好漏架，一定要最少2/3個人share～不過食耐咗會覺得佢過鹹，可能芝士真係太多🤣另一個主食叫咗Steak Frites ($260)，覺得呢個質素同埋喺Rosewood入面，呢個扒算幾抵～呢個係Flat Iron嚟，上面嘅牛油好香，牛扒唔算好大塊，但牛味濃郁，亦算軟淋～薯條係幼薯條，正常水準😋配合呢個環境，男朋友就叫咗杯Sangria ($130)🍷我唔太飲得酒，就唯有飲Passion Fruit & Thyme Lemonade ($100)啦🍹味道好清新，消返啲油膩感🤭最後叫咗個Apple Crumble ($80)🍎仲加埋個生日牌比男朋友添☺️呢個牛油味好香，蘋果略酸，但都幾好味😉雖然最後埋單都要～$500一個人，但餐廳好有格調，侍應服務亦都好好～我覺得性價比都幾高呀😌👍🏻…查看更多

每年由7月尾開始就會係咁慶生🥳因為我地全家都係獅子座🦁媽咪鐘意食西式菜，月頭時帶埋屋企人去食西班牙菜😎今次已經係我第2次幫襯，因為CP值太高了！餐廳位於Rosewood酒店入面，環境高級靚仔。有2個門口，分別由K11 Musea入又得，係酒店大堂入又得。價錢相當貼地，與一般西餐廳差不多，但能夠享受酒店質素。食物味道唔錯，賣相無刻意賣弄，有Daily Dish時不時會變下。碟頭份量適中偏小，3-4人食可以叫多幾款Share食。職員服務好，有禮貌，有酒店水準。👍🏻訂座時告知慶生，餐廳會於上甜品時加上蠟燭同生日牌，不過無得寫名。如果有得寫名，會係一個加分位。😛＊－。－。－。－。－。－。－。－。－。－＊🔘Ham Croquettes $70🔘Prawn Tapas $140🔘Braised Short Rib $180🔘Paella of the Day (Large) $180 - Prawn & Octopus🔘Steak Frites $240🔘Rose Cote de Provence Miraval $98/glass🔘Cheese Cake $70🔘Tart of the Day $70 - Pineapple & Coconut Napoleon＊－。－。－。－。－。－。－。－。－。－＊…查看更多

𝘽𝙖𝙮𝙛𝙖𝙧𝙚 𝙎𝙤𝙘𝙞𝙖𝙡/ Lunch Fine Dining in Feb /Again. Never get tired of the Spanish cuisine. Especially the hot tapas - prawn, this one went beyond my expectation! Steak Tartare is also one of the must-try dish, mixed with mustard, anchovy and parmesan. Super flavourful and so goooood! I would definitely come back to try other dishes and GROM💕 next time🤤（首先.. 果陣坐既位係完全背光 搞到啲相既色都灰灰暗暗 已經盡力調番色 都係怪怪的😭）🍷Sangria🦐Hot tapas - prawn🥩Steak Tartare🥘Seafood Paella🥩Steak Frites牛扒係完美既Medium 🤌🤌肉質好腍同好香 連個side dish 薯條都好好味🙀🙀（平時唔好食薯仔野既林芝蓮都停唔到口）Overall 全部野都好唔錯✨✨係5星期酒店餐廳食 服務好+體貼 食物高汁 餐廳環境極好view 價錢都affordable 黎講 呢間CP值係真心唔錯…查看更多

呢日小弟同朋友去食生日飯～地點緊係壽星話事啦～～朋友就揀左呢間係Rosewood入面嘅Bayfare Social🤩雖然我哋一早已經揀好咗呢間餐廳，但係佢每日只係留左好少位俾人book，好好彩當日去到walk in仲有位👍🏻👍🏻Tuna Tartare - $150呢個吞拿魚他他好Fresh！中間仲落咗好多牛油果粒落去，口感更加豐富，感覺都健康好多！Rigatoni - $135 (L)好鍾意呢間餐廳啲意粉可以俾你揀份量，咁就可以試多啲唔同嘅嘢😋但係因為嗰日朋友好肚餓所以呢個Rigatoni 就叫咗大份😆份量比想像中多～同埋啲芝士奶油味好香濃，食起上嚟又唔會太膩，唔錯唔錯👍🏻👍🏻Steak Frites - $240塊牛扒好多肉汁！不過肉質略為有啲un，同埋肉味唔夠，味道差dd～伴碟嘅薯條就好好食😋不過食到最尾剩返嘅薯條加埋塊牛扒心出嚟嘅油就變得好油膩。雖然整體都算唔錯，但係小弟就覺得呢個唔係必叫之選～Churros - $70見到個Menu有Churros 小弟同朋友就二話不說諗都冇諗就嗌咗！值得一讚嘅係佢係新鮮即叫即炸😍😍由於負責甜品嘅櫃檯就係小弟同朋友身後面，所以我哋係可以睇到晒成個製造嘅過程🤣由於新鮮炸起，個外表好香脆👍🏻👍🏻不過沾上嘅肉桂糖粉略為唔夠肉桂味，如果個味可以再突出啲就更加好👍🏻之前小弟見呢間餐廳喺五星級酒店入面應該價錢都唔平，但係原來價錢可以接受喎～而且啲侍應個個都好好禮貌👍🏻見到佢有啲位置係可以望到維港，希望下次再嚟食嘅時候可以坐嗰啲位置啦😂…查看更多