琴日同男友食pre-bday dinner，帶咗佢去一間位於中環蘭桂坊嘅意大利餐廳食嘢☺️ 內裡環境相當有格調，氣氛chill得嚟又有點高級嘅感覺，嘢食亦相當唔錯，等我即刻嚟介紹一下😗首先，第一道菜已經相當有驚喜🤓 佢嘅賣相好精緻，面頭鋪滿咗一堆魚子醬，中間嘅夾層係帶子刺身，而最底層最特別，竟然係由蜜豆組成嘅奶凍，無諗過呢三樣嘢竟然咁夾，鹹香嘅魚子醬配上鮮甜嘅帶子同清新嘅奶凍，互相融和得啱啱好，好impressive🤩另一道前菜我哋嗌咗蝸牛，擺盤同樣好精緻！蝸牛烤得小小外脆內軟，仲充滿住香草牛油味，配搭埋面頭啲脆脆同埋啲細細粒嘅白色珍珠，口感十分豐富，呢個配搭的確係幾新鮮嘅食法🤤呢個意粉相信啱哂鍾意食龍蝦嘅人☺️ 有兩大舊龍蝦肉同一隻箝，龍蝦口感爽口彈牙，雖然煮過嚟，但都依然保持到鮮味！扁意粉本身texture偏軟身，仲以為食落會好腍，點知又幾爽口，配埋濃郁嘅龍蝦汁，非常唔錯😋另外仲嗌多咗個lasagna🤣 但絕對無做錯決定，皆因呢度嘅lasagna真係好唔錯！一上到嚟已經勁香，啲肉醬煮到好惹味，加上厚厚嘅芝士，所有配搭都好邪惡，但我同男朋友都好enjoy🤪最後呢道菜式同樣相當值得介紹🙌🏻 因為佢係以米蘭獨特烹調方式而製成嘅炸牛仔扒，聽店員介紹製作繁複，係要以滾油慢慢淋熟佢😮 因為係用上未長大嘅牛仔，所以肉嘅顏色會特別粉嫩，而口感亦好嫩口，第一次試，好新鮮，點埋個牛扒醬，perfect match！另外，side dish仲叫咗西蘭花苗($98)，以辣蒜油炮製而成，好惹味，而西蘭花苗亦勁腍，好推薦👍🏻雖然已經食到好飽，但最後點都要嗌返個甜品嘅😎 嗌咗個心太軟，朱古力味好濃郁，配埋甜甜哋雲呢拿雪糕，即刻中和返個味蕾，不過如果入面再流心啲就更好啦🙌🏻而當晚我哋嗌咗兩杯cocktail，一杯係叫heritage，另一杯就叫art，兩杯都係由Vermouth做個底，Heritage飲落偏甜啲啲，啱女士飲多啲；Art嘅酒味濃郁啲，但男友都覺得幾好飲👍🏻總括而言，呢間意大利餐廳食物好有驚喜，好多食法都係第一次試，特別係個米蘭牛仔扒對於我哋嚟講真係好新鮮😆 而環境亦非常有情調，由於餐廳位於24樓，坐近窗口位或者坐出面嘅大露台仲可以俯視成個中環嘅夜景😍同你一齊搵更多好嘢食😋…查看更多
