小越廚

營業中

休息中

東南亞菜一向都係我首選喺荃灣呢間小越廚已經食過幾次，每次食完都覺得唔錯，而且經常都有好多人排隊幫襯，除咗店員招呼好之外當然食物都有咁上下質素同水準。我哋今次叫咗個三人套餐選擇咗火山排骨炭燒豬頸肉肉碎生菜包越南火車頭河粉另外叫咗兩杯龍眼冰一款飯後甜品椰汁芒果糯米飯三人套餐分量其實都幾多，食完之後超飽超飽，眼見好多人叫火山排骨，味道做得確實係唔錯，個汁好好食，排骨肉質都好嫩口，豬頸肉都係我哋好鍾意食嘅，一塊塊好香口，必叫菜式之一，火車頭河粉有牛三寶生菜包肉碎有啲辣，但味道十分唔錯，芒果糯米飯分量亦都唔少，芒果好香甜，黎到都要試下，龍眼冰好清甜好解渴，大大杯勁好飲，下次黎到都要再飲，餐廳近荃灣廣場，位置都幾好搵，店員服務都好好，餐廳價錢性價比好高，所以下次黎荃灣都會選擇

呢間小店主打越南菜，但加入咗其他東南亞食材元素，創作出各款東南亞風味嘅菜式。小店仲提供二人餐，包兩款粉麵飯或咖哩，三款小食，或者加$50轉兩款升級小食，同埋兩杯飲品，真係幾抵～▪️泰式海南雞飯🐔🍚都有幾多海南雞，唔會好多肥膏，食落好嫩滑。薑黃飯幾香，唔會好油▪️招牌火車頭湯河粉🐮🍜有唔少牛肉、牛筋、牛丸，好足料。湯底係牛骨清湯，濃郁得嚟唔會話鹹，加埋啲胡椒同辣椒，味道更有層次▪️泰式燒豬頸肉🐷好大份，豬頸肉都幾厚，肥瘦適中，仲燒得好焦香▪️越式蔗蝦🦐蔗蝦外皮炸得好香脆，食落彈牙，配上泰式酸辣醬，更惹味▪️牛油果奶昔🥑🥛奶昔打得好幼滑，飲落好香牛油果味，仲要好大杯，值得一試▪️龍眼冰🧊好清潤嘅感覺，同埋唔會好甜，入面仲有好多大大粒嘅龍眼肉小越廚📍荃灣享和街49號都城大廈地下D號舖