友拉麵

營業中

休息中

23-12-2023 (Sat) )同老公,亞姨整咗嘢就食晏先,去邊喥食？老公建議小雨天(https://www.openrice.com/zh/hongkong/r-%E5%B0%8F%E9%9B%A8%E5%A4%A9-%E8%8D%83%E7%81%A3-%E6%BB%87%E8%8F%9C-%E9%9B%B2%E5%8D%97-%E7%B2%89%E9%BA%B5-%E7%B1%B3%E7%B7%9A-r611900),但我諗起之前食過嘅呢間(食評係2021年10月6日刊登嘅呢篇:https://www.openrice.com/zh/hongkong/review/%E5%85%85%E6%BB%BF%E6%97%A5%E6%9C%AC%E9%A2%A8-e4186657),問亞姨有冇食過日本拉麵?佢答未,話試吓.我話好貴㗎,$70.00-80.00一碗.佢又答冇所謂,試吓.好,咁我哋嚟啦,嚟到時冇晒bar枱,得兩張雙人枱,咁分開坐,我同亞姨坐一張,教佢揀嘢食.佢揀咗$78.00嘅魚介拉曲麵,麵嘅硬係普通,我就要$88.00嘅黑蒜油札幌味噌曲麵,硬度要軟.再要一個$28.00

隱藏喺舊式商場嘅日式拉麵店，店內佈滿貓貓擺設同裝飾，啱晒貓奴🐱▪️魚介拉麵🍜湯底好濃魚介味，火炙豚肉有好多塊，肥瘦適中，經過炙燒好焦香。味玉係原隻，唔會浸晒啲蛋黃落個湯度。另外可以揀曲麵/直麵，曲麵會比較掛湯▪️櫻花蝦拉麵🍜滿滿嘅櫻花蝦，每啖都食得到，鹹香味十足▪️蜜糖芝麻雞翼🐥雞翼好脆，入面juicy，面頭淋咗蜜糖，甜甜哋，加埋芝麻好香▪️黃金丸 (地瓜+香芋)🍠地瓜皮包住香芋，外脆內軟友拉麵📍荃灣西樓角路202-216號昌寧大廈1樓53-54號舖

朋友話未食過呢間，咁啱去開呢頭，順便帶佢黎試下。舖頭好多貓貓裝飾同掛畫😻日系感滿滿🐱蔥山拉麵🍜 $86對上一次食已經覺得爆蔥好正，成坐山咁勁吸睛🫶🏻所以今次都係揀番佢，曲麵比較似香港常見嘅拉麵，麵條較滑，湯底相對冇咁濃，但食完個口就會keep住強烈嘅蔥香味。豚肉微微焦香，肥瘦均勻🐱櫻花蝦拉麵🦐 $88麵質揀左直麵，比較似平時食開嘅日式拉麵質感，較有口感，啖啖都食到櫻花蝦，湯汁偏濃味，份量極多！加埋原隻溏心玉子，性價比高👍🏻🐱黃金丸🍠 $28入面有香芋餡嘅地瓜球，香甜軟糯😋🐱靜岡蜜柑碳酸汽水🍊$24見到必嗌嘅日本汽水，果汁感重😆🐱紅茶花伝蜜桃紅茶🍑 $16味道清甜，淡淡茶清香

🕖時段-星期三夜晚7:30去到入面約6成滿 入座後都聽到keep住有人叫外賣 (不過拉麵應該要堂食夠熱先好食!) _▫️魚介拉麵 $78湯底香濃 拉麵揀左直麵偏硬 幼身同口感實啲 (好似好少見拉麵店有得揀直麵同曲麵) 拉麵配2大塊火灸豚肉 肥瘦適中 薄切偏淋好易夾開 咬落食到火炙焦香🤤正! 上面仲有好多魚介味(醬?) 比普通叉燒味多個層次👍🏻溏心蛋(味玉)原隻上🥚煮得啱啱好入面超流心! 醬汁醃入味啲更正😋_▫️黃金丸(地瓜+香芋) $28係我好鐘意既一款小食! 之前去食放題/台式火鍋都有食過但入面個餡勁少同空心無咩分別🥲 嗌之前都諗緊會唔會又中伏 點知一咬入口係滿滿既香芋😍外皮又香脆 推介💡 _🍽環境小店有16個座位 兩排單邊枱 中間兩張2人枱 啱兩三個人或一人獨食🤪多人一排坐既話比較難傾計餐廳有好多貓貓既裝飾🐱🐈 🐈‍⬛ 木筷子都好靚😹整體好滿意 感覺係一間用心小店😺值得一試👍🏻

Lunch時間唔知食咩好，就搵左間拉麵試下，門面都幾和風，入面就佈置左好多好貓貓掛畫同裝飾，超可愛😻見到餐牌有個蔥山拉麵，身為蔥控嘅我諗都冇諗就叫左🤩☀️蔥山拉麵 🍜 $83一黎到就覺得好滿足，爆多蔥粒，聞落已經好香，每一啖都食到滿滿嘅蔥。蔥嘅味道平衡番成碗拉麵嘅油膩感，食落唔會好滯同油，拉麵揀左曲麵，質地都算彈牙，亦都做到掛湯。配料已經有叉燒、溏心蛋同紫菜。叉燒好淋，肥瘦適中。溏心蛋亦都有流心效果，整體唔錯☀️黃金丸（地瓜+香芋）$28同放題食果啲差唔多，外皮少少脆，入面軟淋淋好似年糕嘅口感，有成5粒都幾抵食☀️山梨葡萄🍇 $24平時多數飲開白提子或者桃，今日想試下其他揀左提子😆，提子味好重，唔洗多介紹！成個系列都好正💕

近日去咗荃灣一間拉麵店食lunch。櫻花蝦拉麵 $88 (8/10)呢度嘅拉麵係有兩種可以選擇，直麵/曲麵，我就揀咗曲麵。我通常食麵第一啖係會試咗個湯底先嘅，呢碗櫻花蝦拉麵嘅湯底濃而不膩，唔會食完好口乾，唔錯。呢碗拉麵都有幾多料㗎，除咗櫻花蝦之外，仲有我鍾意嘅蔥、味玉、兩塊豚肉、兩塊紫菜、竹筍。拉麵點可以冇味玉呢，味玉即係溏心蛋，呢度嘅味玉係流心㗎，食完真係好療愈☺️兩塊豚肉被火炙過，咬落口有火炙過嘅香味之餘又唔會好乾，仲仍然好腍，唔錯。我平時都鍾意食竹筍，呢度竹筍咬落爽口清甜，唔會有渣。每啖曲麵都索滿晒湯汁，櫻花蝦連埋湯一齊食更香，想食脆脆嘅紫菜就要食咗先，否則腍咗口感冇咁好。整體嚟講係一碗好食嘅拉麵。黃金丸 $28 (8/10)食完鹹嘢到食甜嘢喇😄黃金丸其實係地瓜+香芋外層塊皮係地瓜，地瓜入面包住嘅就係芋泥，咬落去甜甜地外脆內軟QQ的，幾好食😋總結：食物方面都唔錯。特別想講，呢度嘅筷子幾靚，仲係特別包裝過㗎，(用料唔係一般外賣嗰啲平價即棄木筷子喔)，比到人有一種乾淨衛生嘅感覺。