豐鍋雞煲 (京瑞廣場1期)

營業中

休息中

放工想想食下邊爐，係openrice搵到間叫做豐鍋，佢係喺石門京瑞廣場1樓，估唔到星期四夜晚七點半去，平日都要排隊，但係隔離啲店舖都唔係好多人，心諗係咪咁正呀。叫咗一個麻辣雞煲，香味難以形容，BB辣差不多等於譚仔三小辣，建議唔好叫太辣。之後重叫咗細既牛頸脊，十優狀丸，芝士紫菜響鈴同生菜。 芝士紫菜響鈴真係無得輸。直頭係想返黎食多次。個芝士，紫菜同響鈴夾到無野講。十優狀丸都好正，超足料，有五款丸，粒粒丸入面都有一粒粒唔同既食材，好似蝦丸就會咬到一粒粒既蝦肉，好爽個口感。其他野就正常水準。埋單746，唔算好抵食，但真係好好食。建議黎食一定要食個響鈴同丸！

石門好多野食黎到諗住搵好西食豐鍋招牌麻辣雞煲 半隻 BB辣 啊姐炒好左雞煲先上菜，雞件肉質嫩滑，份量足夠2個人食。鍋入面加左大量香料，香味濃郁惹味。食完雞件可以搵啊姐加湯打邊爐 餃餃陣 有鮮蝦雲吞，魚皮餃，韭菜餃同麻辣雲吞。最中意麻辣雲吞，同麻辣雞湯契合度好高👍 極品本地手切牛頸脊好靚既本地牛，肉片色澤好鮮紅，感覺好新鮮，每一片都有靚紋路，肥瘦比例岩岩好。食落口感嫩滑，牛味好濃 自創爆芝紫菜響鈴 (3件)原來響鈴都有咁多味道可以選擇~烚幾秒拎出黎，響鈴吸收左雞湯既味道，仲有豐富既芝士味~ 蔬菜藍有白菜仔，菜芯，油麥菜同生菜，幾新鮮玫瑰柚子 叫左熱飲，好大杯，同凍飲一樣大細~係柚子茶加左d玫瑰~ 藍蝶雪梨 好清新既組合，可以幫助清熱氣

今晚同屋企人去咗石門食晚飯，去到決定唔到食咩，一向上望，見到雞煲嘅招牌，就上去睇吓有冇位。我哋今次叫咗BB辣，4個人一隻雞啱啱好😊D staff 會係一邊攪拌好先攞上嚟，一上台就食得，幾方便。唔知係咪BB辣嘅關係，個汁就唔係太香啦。已經攪拌好嘅麻辣雞煲食完雞煲之後，我哋加水打邊爐，因為已經食咗一隻雞嘅關係，我哋冇叫太多野，就係叫咗碟牛肉拼盤同埋水餃。講返個牛肉拼盤，入邊有牛胸爽，牛脷，牛展，牛頸脊等。除咗安格斯牛肉同牛脷比較好之外，其他都有筋，唔係太好食😔個水餃就正常常不過不失。值得一讚，員工服務好好👍見我哋加咗兩次水，成樽水俾埋我哋😂

是日相約朋友同石門尋找美味雞煲，餐廳用上龍崗雞，肉質肥美軟滑，油份較香。四款口味當然選擇招牌的麻辣雞煲，而辣度有BB辣至大辣， 怕辣人士更可選擇無辣。雞煲用上秘製香料預先略略炒過， 加上薑塊、蔥段、芫茜及紫洋蔥等， 香氣撲鼻。店員不時為我們處理雞煲，相當貼心。醬汁掛滿雞件，吃起來相當惹味， 我們選擇了「BB辣」已經有一定辣及麻度。吃完雞肉， 可以加湯打邊爐，火鍋配料質素不錯。頂級安格斯牛肉油脂呈雪花紋， 顏色新鮮， 牛味濃郁。手打四寶丸有黑、白墨丸、鯪魚丸及蝦丸， 粒粒彈牙足料。芝士紫菜響鈴相當特別， 無論即食或放湯同樣美味。雜菜藍有很多不同款式的蔬菜，例如菜心、小白菜、唐生菜等， 大大一盆。玫瑰柚子蜜有淡淡花香， 也有柚子的酸甜味，解辣良品。