炭兎

呢間灣仔店超有氣氛，日本人主理，食物又有質素，好岩feel～我地今次又食豪左，鐵盒燒牛蠔加左拉克萊特芝士落3隻蠔！無芝士確係食到好突出嘅鮮味，有半溶芝士就會加上咸香味道，睇住由燒到熔芝士嘅過程，真係會流口水！日式洋食屋嘅義大利前菜 - 炙燒和牛卡爾帕喬，今晚真係整得好好食，外層燒香、肉嫩無筋，配洋蔥檸檬汁，酸酸地好醒胃～一口size嘅薑葱醋鯖魚卷好perfect，裡面有薑、蔥、醋鯖魚，又酸又辣又juicy～呢度嘅串燒、燒魚係好正，可以睇到傳統嘅爐去燒，比普通火槍燒更香。另外，呢度入貨嘅明太子質素好日本地道，甜辣鮮恰到好處～所以鰯魚（沙甸魚）伴明太子、鹽燒鷄肝、芥末鶏柳、鶏腿肉，都好味～特別嘅山芋（淮山）明太子鐵板燒，又滑又黏之餘有明太子獨有嘅鮮辣味，仲有墨魚粒增加口感，唔係度度有。仲有個呢度signature嘅栃尾油炸豆腐，係新潟縣中央的小鎮栃尾歴史悠久嘅鄉土料理，師傅將呢款油豆腐上而加上吻仔魚，好似壽司咁好吸引，配上薑茸更好味。摸住杯Calpis Soda傾計都好暢快～…查看更多

趁住假期前嚟日式居酒屋食好嘢🥰當朋友話出面嘅餐廳好靜嘅時候，呢度仍然係非常旺場，座無虛席，足見佢嘅人氣同受歡迎程度，質素有一定嘅保證，居酒屋嚟講好高質🫶🏻▪️鐵盒燒廣島生蠔 6pc $240 +拉克萊芝士$48一入門口已經見到生蠔陣，唔同產地嘅生蠔用冰鎮住。生蠔睇住師傅即開，夠晒新鮮，粒粒都飽滿肥美，鮮味十足。其中三隻加咗芝士，將原條拉克萊芝士燒到半溶，夠晒邪惡😋▪️鰯魚伴明太子$118鰯魚亦即沙甸魚，附上大大條明太子，味道鹹香微辣，連埋蔥一齊食，平衡咗魚腥味，作為下酒菜非常適合▪️炭燒雞$168一口雞粒選用名古屋交趾雞，肉質有彈性，用鐵板上，燒得好香，帶炭火香味，配少量七味粉醬，惹味▪️鵝肝伴法國麵包$128 鵝肝口感幼滑味濃，無論係搽落麵包定係梳打餅上面都咁夾，難怪喺舖頭招牌菜▪️明太子芝士蛋卷$108推薦大家必食呢個蛋卷！一切開就已經流晒明太子同埋拉絲芝士～蛋卷口感嫩滑，味道濃郁💜▪️自家製明太子$88 明太子下面放咗醃蘿蔔，鹹鹹酸酸，佐酒一流▪️三文魚茶漬飯$58其他食物都偏濃味，所以主食揀咗茶漬飯清清地，味道正路▪️自家製法式栗子蛋糕$128栗子蛋糕都係睇人哋推介所以想試，即叫即整。睇住栗子蓉一絲絲咁唧出嚟，入面包住一球雪糕，底就係楓糖Pancake，層次豐富，綿密香甜…查看更多

/炭兎 🇭🇰/#sa灣仔篇 ➖➖➖<前米芝連日本師傅主理居酒屋🏮推薦鐵盒燒廣島生蠔> ➖➖➖間唔中都鍾意去日式居酒屋食野～有見過佢地嘅蠔覺得幾飽滿 終於一試！ 店員師傅都有日本人 其中由前米芝連日本師傅主理除咗蠔亦有多款時令海鮮、串燒、丼飯等 環境方面木系設計 座位幾寬敞舒適🙆🏻‍♀️亦有吧枱位置～ 整體食物都唔算好貴 尤其推薦蠔、和牛丼飯同天婦羅 Menu 都多選擇 有選擇困難嘅我都揀左一陣➖➖➖1️⃣鰯魚伴明太子 $118 第一次食呢款魚 有少少似秋刀魚/多春魚嘅感覺鰯魚調味岩岩好 外皮微脆另配原條明太子 個人覺得有少少咸 ～➖➖➖2️⃣ 栃尾油炸豆腐 $78 呢款豆腐較似油揚 即腐皮😚面頭都幾多白飯魚同香蔥 幾惹味但有少少乾～ ➖➖➖3️⃣ 半打 鐵盒燒廣島生蠔🦪 $240 🌟 (另加芝士$48）蠔肉每隻都好飽滿 脹卜卜😆幾新鮮唔腥 會有清酒味 另外加$48 可以要拉克萊特芝士其中三隻加上半溶芝士 店員會親自係你面前刨 想食蠔嘅鮮味原味會更好👍🏻➖➖➖4️⃣ 山芋明太子鐵板燒 $78 會食到淮山蓉 同明太子嘅咸香 仲有八爪魚🐙明太子無鰯魚嗰款咁咸 用上鐵板保持到温度 中間仲有個蛋黃～ 如果淮山再爽口啲就好整體較為黏 ➖➖➖5️⃣ 薑䓤醋鯖魚卷 $98 有塊昆布葉卷住鯖魚同薑蔥略嫌姜醋嘅酸味太重🤣所以唔太食到魚味➖➖➖6️⃣ 天婦羅盛合 $168 🌟 有蝦、茄子、番薯同菇🍠 全部都好香脆唔會腍左🙆🏻‍♀️不過蝦嘅粉漿會較厚 硬脆質感 其實口感係唔錯，但係覺得可以再鬆化啲➖➖➖7️⃣ 博多和牛飯$128 🌟和牛份量頗多 油脂豐富但不太油膩 肉味香濃☺️飯嘅份量岩岩好 可以share 食多啲野🫶🏻➖➖➖8️⃣自家製栗子蛋糕 $128即平時嘅蒙布朗 栗子蓉稍甜 亦會有粒糖漬栗子作為裝飾入面會有海綿蛋糕同埋雪糕栗子味唔算好出 反而有少少似咖啡味➖➖➖📍 炭兎 @sumito.hk 灣仔皇后大道東202號QRE Plaza 6樓…查看更多

🥩炙燒和牛卡爾帕喬 ($188)呢款係和牛刺身嚟，和牛好鮮嫩🥰入口軟熟，唧埋檸檬汁一齊食好開胃😆🦪鐵盒燒廣島生蠔 ($240/半打)+🧀拉克萊特芝士 ($48/3pc)鐵盒燒生蠔係呢到嘅招牌，必點！火侯控制得剛剛好🤩唔會過火侯令到生蠔乾柴柴，每隻生蠔都脹卜卜好飽滿，而且呢到啲蠔仲可以加芝士🧀️加左3隻有蠔嘅鮮味之餘再多咗層咸香，芝士控唔好錯過呀😍🍢芥末雞柳 ($42)呢款雞柳串燒用嘅芥末有別於一般攻鼻嘅芥末☺️佢係只有少少攻鼻，但又帶點芥末嘅香，可以將串燒嘅鑊氣吊返出嚟，食落口冇咁寡🥰啲雞柳都好嫩滑😍🍢海膽雞柳 ($42)呢款海膽醬雞柳，雞柳層皮燒得比較焦香，咬落口有少少焦脆感，搭配埋海膽醬，感覺新鮮好正🥰🥠栃尾油炸豆腐伴魩仔魚 ($78)呢款炸豆腐面頭鋪咗大量白飯魚仔同香蔥，連埋炸豆腐一齊食口感幾得意🤣豆腐炸得好乾身，唔會覺得油笠笠～🍳山芋明太子鐵板燒 ($78)山芋泥整得好綿密，再將佢同明太子醬、生雞蛋撈埋一齊，食落口好滿足🥰整體味道好濃郁，而且滑捋捋好好味🤤🍳燉牛舌伴蛋 ($68)牛舌燉得好腍，口感唔錯，而且入邊仲有芝士同溫泉蛋，加埋一齊味道幾夾😋而且牛舌份量都唔少，呢個價錢性價比好高👍🏻…查看更多

༺ 炭兎 ༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎ ➳ 炭兎𖠚ᐝ 拖羅葱花卷($88)𖠚ᐝ 栃尾油炸豆腐($78)𖠚ᐝ 薑葱醋鯖魚卷($98)𖠚ᐝ 鰯魚伴明太子($118)𖠚ᐝ 燉牛舌伴温玉蛋($68)𖠚ᐝ 鐵盒燒廣島生蠔($240)𖠚ᐝ 山芋明太子鐵板燒($78)𖠚ᐝ AJIMU Glass($68)⚑ 灣仔皇后大道東202號QRE Plaza 6樓☽‎⋆.•* ¨¨¨¨¨¨¨¨¨食後感¨¨¨¨¨¨¨¨¨*•.⋆☽‎➳ 拖羅葱花卷($88)➳ 薑葱醋鯖魚卷($98)六件拖羅卷物上面舖了許多綿綿的拖羅蓉，超滿足🥰醋鯖魚卷以昆布包住鯖魚及子薑，味道很清新，不會太酸～ 很特別的配搭😆➳ 鰯魚伴明太子($118)➳ 山芋明太子鐵板燒($78)香港很少見的原粒明太子😍味道微鹹鮮甜！沙甸魚燒得很好吃！鐵板燒的明太子味更甜，內裏有魷魚和半熟蛋😙➳ 鐵盒燒廣島生蠔($240)➳ 加配 拉克萊特芝士($24)廣島蠔在鐵盒入面蒸熟，每一隻都十分飽滿 又鮮甜🥳額外加了芝士，可惜當天芝士唔夠熱，沒有融下來的畫面🙈➳ 栃尾油炸豆腐($78)➳ 燉牛舌伴温玉蛋($68)油豆腐炸得好乾身，而且有許多白飯魚🐟牛舌味道偏甜～➳ AJIMU Glass($68)節日限定優惠，氣泡酒味道不錯，性價比高🫧☽‎⋆.•*¨¨¨¨¨¨¨¨¨餐廳環境¨¨¨¨¨¨¨¨¨*•.⋆☽餐廳有開放式設計的廚房，一進入店舖有很多海鮮展示～平日晚上也有很多人到店用膳，很有氣氛🍻…查看更多

位於灣仔QRE Plaza的炭兎由前米芝蓮餐廳日籍師傅主理，供應多款傳統及創意日式料理，更設有傳統圍爐裏即燒喜之次等料理～⧐ 前菜 HK$40 ⧏甫坐下不久，店員會端來數款前菜供你挑選，可以選擇喜歡的前菜，我們選了蟹肉蟹膏和蕃茄仔～蟹膏非常香濃，與蟹肉混合後令味道更為提升·͜·蕃茄仔是平日吃不到的鮮甜，非常清甜開胃.ᐟ⧐ 鰯魚伴明太子 HK$118 ⧏鰯魚就是我們日常都會吃到的沙甸魚，沙甸魚外皮燒得很香，裡面肉質仍能保留鮮嫩多汁～沒想到原來與明太子是這樣合適的配搭，食法新穎，很有新鮮感·͜·⧐ 栃尾油炸豆腐伴魩仔魚 HK$78 ⧏這是我這晚很喜歡的一道菜，油炸豆腐外皮香脆而裡面非常Juicy～頂部放上多到快要滿瀉的白飯魚，簡直是視覺的享受.ᐟ白飯魚味道帶點鹹鹹的，與油炸豆腐很夾♡⧐ 山芋明太子鐵板燒 HK$78 ⧏將中間的蛋黃與山芋和明太子混合起糊狀後，黏黏糊糊的很易入口，味道也很不錯～底部的更因為鐵板燒的關係而變得香香脆脆這是以前沒有吃過的菜式，感覺很新穎ദ്ദി ·͜·⧐ 薑蔥醋鯖魚卷 HK$98 ⧏鯖魚卷中加入生薑和蔥，能辟除鯖魚本身的腥味，味道清新爽口，鯖魚肉質結實，卷裡更加入紫蘇葉，其獨有的香氣令卷物更為特別～⧐ 鐵盒燒廣島生蠔(半打) HK$240 ⧏選用日本廣島蠔，每隻都又圓又大顆🦪加入清酒並用鐵盒蒸9-10分鐘後能便可以食，廣島蠔漲卜卜的非常新鮮，保留了原汁原味的味道～更可以HK$48(3pcs)追加半溶的拉克萊特芝士🧀增添了奶香和咸香味道，一次過享受雙重滋味.ᐟ⧐ 免治雞肉棒 鵝肝醬 HK$58 ⧏免治雞肉口感細緻鬆軟，不用花太多力去咬，配以幼滑的鵝肝醬，令味道更昇華到更高層次～實在是非常奢華的享受♡⧐ 雞頸肉 (味噌) HK$38 ⧏⧐ 牛舌 (鹽燒) HK$48 ⧏雞頸肉屬於不太常見的部位，配上味噌很惹味，起初還怕雞頸肉會很膩，原來它的口感十分清爽.ᐟ牛舌選擇了鹽燒，好久沒吃到厚切牛舌了～爽口的厚切牛舌是每次食串燒都必點的♡⧐ 雞皮包雞胸肉 HK$42 ⧏⧐ 牡蠣五花肉卷 HK$38 ⧏兩款均可選鹽燒或汁燒，我們選擇了後者·͜·雞胸肉肉質嫩滑，大蔥吸收了醬汁味道更有層次，雞肉與大蔥的配搭非常合適♡五花肉包裹著牡蠣，一次便能品嚐兩款美食～⧐ 桃梅酒 HK$68 ⧏⧐ 糸島甘夏之酒 HK$68 ⧏桃梅酒帶有香甜的桃子味，梅酒味道亦很重，喝下去先是撲鼻的桃香，慢慢便滲出梅酒香氣～糸島甘夏之酒充滿香濃的的橙汁味，很易入口橙香非常清新，與食物很搭的酒～…查看更多

同好友食團年飯梗係去灣仔新開了一間由前米芝蓮餐廳日藉師傅主理「圍爐燒」的居酒屋－炭兎 SUMITO！🐰餐廳裝潢以型格為主，擁有開放式廚房，門口右手邊主理圍爐燒及爐端燒部份，將串好嘅魚類、海鮮插在備長炭的四周，係香港確實係較少罕見！🖤建議大家可以提早預約吧台，近距離觀賞師傅們係爐火旁嘅精湛廚藝，一次過可以品嚐到最地道嘅圍爐燒、爐端燒及各種時令生蠔、刺身等日本料理。🐰左手邊設有有酒櫃多款清酒、啤酒、high-ball、sour等及生蠔區，作為居酒屋嚟講的確係較多酒類選擇。🖤另外餐廳更把日本的居酒屋文化推廣到香港每當燒好一條「喜知次」，師傅便會揮起鼓棒擊鼓，真係超級有氣氛。🐰可惜當晚未見到有客人燒喜知次。咁下次我就去燒啦。—今次我哋就揀咗坐卡位，主要目的係我哋想多啲空間擺放食物—✨鐵盒燒廣島生蠔$420/12pcs🐰用咗較大size廣島蠔，放入鐵盒裡燒，燒完都每一粒都係脹卜卜。建議先食一啖係原味，入口鮮味滑嫩，既保留廣島蠔嘅海水味，又食到鮮味！芝士控更可追加熱熔芝士（$48/3pcs）～🖤然後再按自己個人口味再特別調製，設有調味盒子裏面有檸檬、辣汁醬、芫荽。✨白姜醋鯖魚昆布卷 $98薑蔥醋鯖魚卷，入面嘅子薑簡直就令到條魚美味十足✨山芋明太子鐵板燒 $78山芋蓉上面有明太子，中間一次開就會見到蛋漿流出來，裡面有章魚粒，口感十足，夠鮮夠甜✨枥尾油炸豆腐伴魩仔魚 $78油炸豆腐旁邊有個薑蓉，建議先放落去醬油再一齊進食，或者在上面加上白飯魚仔一齊食，感覺幾得意✨鰯魚伴明太子 $118今次我哋就揀咗鰯魚（沙甸魚），以免放上大量嘅洋蔥絲和明太子，就咁食沙甸魚又可以，夾埋一齊食又係另一種享受，中意食魚嘅朋友仔一定要試✨【備長炭炭燒】✨✨雞腎、牛舌、雞腿肉、免治雞肉棒鵝肝醬真係炭燒出嚟嘅特別好食，全部都值得推介，有炭香味又保留到肉質嘅鮮嫩～✨夾餅紅豆雪糕 $38夾餅好脆卜卜脆口，配紅豆蓉+雲呢拿雪糕，一個又點夠呢🤣🍻Agara Craft Yuzu Ale $88/bottle 兩款味道都不錯，但係柚子味嗰一款個底係會有柚子粒粒，真係好清新—Overall 嚟講，人均消費5xx，能你感受到日式居酒屋文化，又可以觀賞圍爐燒，真係gathering 首選，價錢相宜，氣氛冇得頂！當日大部份嘅顧客都係日本人同埋外國人為主，你就知咩料啦～ 除咗上述嘅食品之外，更有牛腸鍋和炸物同埋壽司刺身等，真係滿足晒我哋多心嘅要求！ 新年、情人節未諗到一個啱嘅地方，不妨一試🐰炭兎🖤.如果大家中意俾個like支持下🤟🏽 𝗖𝗶𝗮𝗼..…查看更多

【灣仔•炭兎】餐廳由前米芝蓮餐廳日借師傅主理🇯🇵居酒屋主打圍爐燒，提供蠔、刺身、爐端燒等日本料理🔸炭燒名古屋交趾雞 ($168)名古屋交趾雞是日本三大地雞之一🐓以其優質的自然養殖環境而聞名。師傅以秘制醬汁用大火炭烤過🔥讓炭火煙薰味滲入雞肉中。烤好後，雞肉放在燒熱的石板上，保持最佳溫度🥢入口雞肉口感彈牙，滋味柔滑，帶點炭香味，同時能感受到傳統的土雞肉味，令人回味無窮。🔸鐵盒燒廣島蠔（6只）($240)🧀芝士另加$48六隻又大又肥美的生蠔🦪加入sake🍶連殼放入鐵盒中，蒸9分鐘。其中三隻蠔加入了烤溶的拉克特萊芝士🧀增添了奶香和咸香味道，口感鮮美。另外三隻蠔可以搭配檸檬汁🍋Tabasco辣椒醬和芫荽等調味料，味道多樣。生蠔肉質鮮甜，口感豐滿。🔸山芋明太子鐵板燒 ($78)淮山的清甜味配上明太子的咸香味，並添加煙薰八爪魚粒🐙上菜時放於鐵板燒上，保持食物的溫度，軟腍的山芋配上帶有嚼勁的八爪魚，口感豐富。🔸自家制明太子($88)道菜以烤香的自家制明太子，搭配白蘿蔔片食用。咬下時，明太子脆卜卜，內部卻仍保持著咸香味道🍻非常適合配酒享用。🔸鰯魚伴明太子($118)鰯魚即沙甸魚🐟以圍爐燒方法，中間放置備長炭，把串好的鰯魚插在備長炭的四周燒烤，鰯魚的肉質綿密而滑順，帶有海水鮮味🌊再搭配濃郁的明太子，營造出豐富的口感。🔸串燒 ($38-$58)🍡免治雞肉棒以嫩滑的雞肉🐓配上鵝肝醬，令味道有所昇華🍡牛舌🐮烤得有嚼勁🍡肉質柔軟的五花肉🐷加上豐富的脂肪紋理，肉香味濃厚🔸福岡縣糸島鰆刺身 ($168)鰆魚的當造期為冬季❄️以冰水冷卻法處理過，令刺身肉質保持高鮮狀態🐠口感軟滑鮮甜，非常美味！…查看更多

要搵到一間爐端燒居酒屋，的確唔難，但要高質既，又唔係咁易，但係人海茫茫比我係灣仔呢間「炭兎」，佢地明白備炭長既重要性，陋支前離唔開雞肉呢個最佳拍檔，就讓我好似燒鳥一樣，就隨它飄搖…飄到天涯海角。👇🏻📌人 氣 推 介 - ▪️ 炭 燒 名 古 屋 交 趾 雞 - $168▪️ 鰯 魚 伴 明 太 子 - $118▫️ 先黎個「炭燒名古屋交趾雞」，呢個係日本當地三大地雞之一，師傅用秘製醬汁用大火炭燒過，所以食落肉質嫩滑得黎帶輕輕既smoky香，幾有驚喜；「鰯魚伴明太子」鰯魚其實係沙甸魚，肉質細密而且魚香甜美，面頭蓋住滿滿既洋蔥絲同埋明太子，夾埋一齊食，多左一份鹹鮮味，特別好食。▪️ 鐵 盒 燒 廣 島 生 蠔 - $240/6pcs▪️ 拉 克 萊 特 芝 士 - $48/3pcs▫️ 黎呢到必試呢個「鐵盒燒廣島生蠔」，staff用原隻廣島蠔連殼擺入鐵盒裡面，加埋sake，先燒後蒸，今次嗌左半打，每一隻size都非常肥大，食落肉質鮮甜；額外加左$48有3隻蠔加左「Raclette Cheese」，入口芝士香調起蠔既鮮味，仲可以配埋芫荽、檸檬、辣醬，鍾意食蠔既朋友一定要嗌！▪️ 鐵板明太子·芝士玉子燒 - $108▫️ 整多個「鐵板明太子·芝士玉子燒」新鮮滾熱辣擺係鐵板上枱，裡面做到流心效果，入口全部都係明太子，加上蛋香濃郁，大大啖配搭生啤或者Sparkling wine都一樣咁正！📌麵 食 - ▪️ 蒜香辣椒牡蠣·八爪魚 - $118▪️ 拿 玻 里 意 粉 - $98▫️ 覺得唔係好夠喉亦有麵食可以嗌，我同朋友一人一個，我就嗌左「蒜香辣椒牡蠣·八爪魚」，蠔肉絕對唔姑寒，份量交足貨，食落一樣咁鮮甜，意粉夠爽彈；而「拿玻里意粉」個蕃茄sauce非常濃香，加埋腸仔夠哂飽肚呀！…查看更多

見到有間新開既日本爐端燒 緊係叫埋個為食朋友一齊會一會佢啦 一入到去就見到有個沙池中間有備長炭 外面插住d魚棟係到燒 呢個畫面真係勁吸晴 係香港真係冇乜機會見到 因為要係室內用炭燒野又要攞牌 通風設備又要夠高規格先得♡是日生蠔🦪 $156本身我同朋友都好鐘意食生蠔 平時同佢去開蠔吧食 今次就一人叫一隻頂頂癮 隻蠔勁creamy 海水味唔算重亦都唔會有金屬味 真係有少少後悔一次過叫晒所有野 因為想叫多半打但野食落晒單 再叫就食唔晒 下次黎呢度再食時個叫野食策略要調整下先得♡鰯魚伴明太子🐟 $118鰯魚其實就係沙甸魚 就係用門口個沙池圍住備長炭咁燒 咁燒法真係有炭既獨特香味 魚表皮燒到微微帶乾 內裡仍然有充足既魚脂香 加上沙甸魚既細骨係可以食既咁就唔洗怕太麻煩要吐骨♡炭燒「名古屋交趾雞」🐓 $168交趾雞係日本當中一款好出名既品種 交趾雞肉質較彈之餘雞味亦都濃 好適合用黎燒或者火鍋 而今次就係食燒雞 廚師將交趾雞處理到一口size 之後就將佢放入個網盒到係備長炭上面燒 見到師傅一路shake一路燒 因為切到一口size 如果同一個位燒得耐就好易過火侯♡燒雞軟骨🐓 $38真係要去到日式料理店先會見到呢d大件既雞軟骨 咬落去仲係比較juicy 外面就微微焦♡燒雞肝🐓 $38雞肝超級濃肝味 可以一戰♡紫菜卷雞柳海膽醬🐓 $42紫菜配雞柳呢個配搭幾特別 海膽醬增添左一份鹹鮮既味道♡明太子茶漬飯🫖🍚 $58茶漬飯幾清 配搭埋明太子就令到個飯有個輕輕既鹹味係到♡ Sumito 冷麵 $148冷麵酸酸地幾開胃 有半隻溏心蛋同埋有d芽菜 拎到上黎以為就係得咁多料 原來個冷麵入面仲有好多舊角切魚生 又有八爪魚係入面♡生果忌廉 Mix $58♡夾餅紅豆雪糕 $38最後兩個甜品都做得幾好 生果忌廉配餅乾呢個可以一啖咁放一塊落口 口感極滿足 紅豆幾甜亦帶點糯既感覺 雪糕微融帶點滑 一糯一滑加埋個脆餅就一啖食落去有三重口感…查看更多

最喜歡新店探索，灣仔炭兔剛開業不久，但人氣很火，星期一晚也有不少人🦪日本牡蠣坐下來看到生蠔超新鮮，size 也不小，要了2隻，入口鮮甜，海水味濃，非常不錯👍🏻鰯魚伴明太子鰯魚被炸得酥香脆口，炭烤過的明太子味道更濃郁甘甜，2個搭配一起，絕了😋手握壽司10件，件件鮮味，壽司飯口感鬆軟自製肉丸，鵝肝醬肉丸炭燒，肉丸的香氣直撲嗅覺，與雞肝搭配，香氣翻倍橄欖油燉煮雞心肝很特別的菜式，雞肝creamy ，雞心Q彈，送酒一流香茶漬飯食咗咁多濃味的東西，來一碗清香又好吃的茶漬飯，為這餐完美收筆極上檸檬燒酒梳打日本燒酒配檸檬🍋 Soda，清爽可口…查看更多