魚がし日本一 (AIRSIDE)

營業中

休息中

呢日去開AIRSIDE附近，順便去咗商場搵嘢食！呢間餐廳就喺地下嗰層，路過見到門口menu啲丼飯望落唔錯，決定試吓～餐廳面積唔算好大，全部都係吧枱位對住師傅～我哋叫咗呢幾樣💕#三味吞拿魚丼 $248粉嫩嫩嘅顏色，超吸睛！！有三款吞拿魚，每款各三片，全部都好新鮮！特別大拖羅，勁肥美，入口即溶🤤🤤#火炙漁夫丼 $208呢碗原來都有好多款刺身喺入面！有6款魚再加帶子！分別係金線鯛、梭子魚、黑鯥鯛、右口魚邊、大拖羅、鰹魚，灸燒過，香味出晒嚟，仲有啲應該係炸牛蒡絲喺面～每碗丼飯仲跟咗碗 #鯛魚茶漬湯個魚幾滑，湯香濃嘢飲叫咗 #荔枝乳酸梳打 $38#麻原酒造非常桃酒 $68 最尾仲叫咗#開心果味雪糕 $38淡淡開心果味，見到有啲開心果碎粒粒，食埋雪糕，完滿嘅一餐😌鍾意食刺身丼飯嘅要試吓呢間～

又一東京好店黎香港開舖，座位唔多，黎到要等一陣位。我地無叫出名嘅江戶前壽司，但叫左CP值幾高嘅丼飯，送足料鯛魚茶漬湯，好飲～三味吞拿魚丼 - 吞拿魚好鮮，當中大拖羅同中拖羅我覺得最好食，油脂較多滿口魚油香，飯底適量已加醬油、芝麻同紫菜，刺身份量十足，每啖都好豐富。火炙漁夫丼 - 好多種火炙海鮮，當中海鰻、帶子、吞拿魚最正，好香火炙味，一個丼飯一次過食到6種火炙海鮮，飲啖fresh嘅青森萍果汁，好relax～呢度飲品都真係唔錯，巨峰乳酸梳打乳酸味濃帶巨峰香，非常解喝。而是日雪糕$38竟然食到開心果濃郁嘅味道，令人驚喜。

魚がし日本一 味道評分:☄️(必食之選)>☀️>🌤>⛅️>💨☄️三味吞拿魚丼(配鯛魚茶漬湯) $248我估三款分別係火炙大吞拿魚腩、中呑拿魚同埋吞拿魚，前兩者的油脂帶來了順滑的口感，配搭淡淡的魚香，後者口感feel到條魚有肌肉好健康😂另外有較濃的味，三款各有千秋，但都好高質！強烈推薦鯛魚茶漬湯，新鮮有魚味，feel到有用心熬製😍☀️火炙漁夫丼(配鯛魚茶漬湯) $208如果你想一次過享受4款不同刺身，拆盲盒咁樣，就可以揀依個餐，今次有帶子、左口魚、大吞拿魚腩等等🥰好味！順帶一提，佢哋嘅壽司醋飯都好好食👏🏻☀️晚白柚果酒＜不加糖>（杯） $78☄️大信州蘋果梅酒 吟釀仕込（杯） $78食飯想配個小酒，店舖都有幾多日本果酒選擇，酒可選配冰、蘇打等好專業~辛苦的人生就需要一杯🥃白柚的甜度較弱，反而個酒感會重dd；蘋果梅酒的味道較濃，先是梅酒，後調是蘋果香，層次分明~☄️柚子雪葩

日本過江龍壽司店，主打抵食又當造的海產壽司及丼飯，除左定食外仲有平價版"廚師發辦"。提供時令食材，非常有驚喜!! 🍣- 廚師特選壽司 HK$398 🍱- 海膽壽司 ⚫🍣海膽鮮甜又綿密，沒有明礬臭味，非常好食!!- 昆布鯖魚壽司 🐟🍣鯖魚完全唔腥，經爽脆昆布芯醃製過後鮮味更突出!!- 深海池魚壽司 🐟🍣肉質清爽彈牙又超重魚油香氣!!- 赤蝦壽司 🦐🍣肉質超甜又結實充滿彈性，鮮度十足!!- 蜜柑鯛壽司 🐟🍣養殖時以蜜柑皮為飼料，入口淡淡的蜜柑香氣，非常清新美味!!- 活北寄貝壽司 🐚🍣非常新鮮，肉質爽口清甜，充滿貝類香氣!!- 蔥吞拿魚腩蓉手卷 🐟🍣紫菜有鮮味且厚度適中。- 中吞拿魚腩壽司 🍣- 池魚壽司 🍣- 金目鯛壽司 🍣- 伊佐木壽司 🍣\- 鯛魚茶漬湯 🍲

這間日本過江龍立食壽司專家首間海外分店登陸香港，選址九龍啟德AIRSIDE，主打結合傳統壽司攤概念的立食文化，海鮮食材均來自日本無污染海域，每日由當地市場新鮮直送香港。店內環境寬敞舒適，以天然原木為主調，採用開放式壽司吧檯設計，更有兩款性價比高的廚師發辦料理套餐分別有十一及十二道菜，亦有外賣壽司服務，體驗親民且正宗的江戶前立食壽司。鯛魚茶漬湯細緻柔軟的鯛魚刺身，倒入熬煮的鯛魚高湯，鮮甜無比。北海丼 - $258大大隻赤蝦細嫩鮮甜有點黏口；肥而不膩的三文魚腩爽滑香潤；雪白肉厚的帆立貝爽滑彈牙；蟹肉絲鮮甜清爽；爽脆的三文魚籽一咬噴汁；鮮黃色的海膽肥美飽滿，軟滑即溶；日式白蘿蔔漬、青瓜、青檸及酸薑解膩。火炙壽司盛合 - $248金扇鯛有著甘香的魚油；右口魚邊比起左口魚更高級，魚油非常豐富；拖羅脂肪分佈好像雪花般，富天然魚油脂的甘香，入口即溶，柔和微辣的三升漬很有香氣；厚肉爽身的帶子配鮮味的紫菜醬。精選雪糕是日為日本開心果雪糕，幼滑細膩有著獨特濃厚的堅果香。晴王麝香葡萄炭酸有汽水 - $38擁有豐富的葡萄香氣及甘甜，香甜又清爽。宮崎縣日向夏汽酒 - $48使用宮崎縣產柑橘及日向夏製成的果汁，只

於日本擁有近30間分店的魚がし日本一，一直致力結合傳統壽司攤概念的立食文化，旗下首家海外分店亦剛登陸香港新地標啟德AIRSIDE。店內面積不大，採用開放式壽司吧檯的設計，天花懸掛著魚形豉油燈，別有一番趣意玩味，除了立食之外，亦可將座椅拉出就坐。坐在吧檯就可親眼見證師傅精湛的刀工，跟師傅直接交流。餐廳同時配備風格多元的清酒系列，可品味清酒配餐之妙。店內設有自動洗手機，方便又衛生。枱上還有抹茶粉，可以自斟自飲。菜單設有單件壽司選項，另有套餐和丼飯選擇，點選套餐更可以九折優惠追加單件壽司。香港店的海鮮食材如魚類及貝類，均來自日本無污染海域，每日由當地市場新鮮直送到店。北海丼 $258集合多款新鮮時令魚生，包括海膽、甜蝦、蟹肉、帆立貝、三文魚和三文魚籽，鋪滿丼物面層，用料十足，賣相色彩繽紛提起食慾。海膽充滿甘腴鮮味，三文魚籽色澤晶瑩亮麗，粒粒脆感瞬間在嘴裡爆開鹹鮮滋味。絲絲蟹肉雪白細膩夠鮮甜，蝦肉味甜帶QQ彈性，鮮爽無比。刺身級帆立貝大粒肥厚，肉身光滑細緻，品嚐海洋最純粹的美味。大片厚切的三文魚顏色鮮亮，脂肪條紋清楚利落，魚肉豐腴細嫩。附上一碗鯛魚茶漬湯，鯛魚片味道清雅，將溫熱清湯融合一口米飯

又再黎到啟德AIRSIDE，今次試左新開既由日本開到黎香港既魚がし日本一，一入商場地下果層就見到，雖然係主打立食壽司，不過都有椅坐低，但坐低個位就窄左少少，企係度食反而覺得舒服d。今次揀左火炙壽司盛合 $248 一碟盛合有四款火炙壽司：帆立貝、深海池魚、拖羅和左口魚裙邊，每款各兩件，款式由師傅依照當日食材而決定。拖羅以火炙形式逼岀魚脂香，令半熟的肉質軟綿，滿口都是魚油香氣。帆立貝加上醬油微微炙燒後，內裡仍然保持半生熟質感，既有醬油的甘甜，又能提出海產鮮味。深海池魚以清、甜、爽見稱，輕炙後帶有微微焦香，卻無損魚肉纖維，依然緊實爽滑。左口魚裙邊正是魚身最肥美的部份，所有壽司的飯粒早已塗勻醬油，調較好味道，讓客人可以即時入口。食完仲有一碗鯛魚茶漬湯，暖暖地好舒服。