魚がし日本一 (AIRSIDE)

原來呢個係喺1989年成立既品牌，喺日本有30間分店ga，舖頭名帶有日本最佳魚產既意思，秉承住「七鮮」既原則，講求新鮮，即席切割、煮、焗、炸、燒同壓～ 而且用開放式壽司🍣吧檯設計，雖然只可以同時容納15位客人，反而有日式小館既風味～ 食物變化幾多都唔錯～(5 😍 係滿分，🤩係半分）火炙漁夫丼 🍣🍚 - $208 (好味指數：😍😍😍😍)我向來都幾鍾意食炙燒海鮮🔥，所以今次試下呢個飯🍚🤩 首先上面有燒過🔥既帶子⚪️，質感軟嫩，味道清甜，仲有6款魚🐟tim~ 金線鯛🐟比普通鯛魚更加鮮甜，肉質緊實～ 梭子魚🐟鬆軟鮮甜，魚肉油分少但魚皮油脂豐富，反差令到鮮味更加突出～ 黑鯥鯛🐟肉質細嫩彈牙，肥美清甜～ 右口魚邊🐟肉質嫩滑，油脂豐富～ 大拖羅🍣夠曬肥美，入口即化～ 鰹魚🐟魚味同煙燻味濃郁，幾有咬口～ 口感豐富幾正🤤同時配左個鯛魚茶漬湯 🐟🍵🥣，有清香既茶味🍵，味道鮮甜，亦有埋軟嫩鮮味既鯛魚刺身🐟同埋少少飯🍚，飲完暖笠笠咁😌三味吞拿魚丼 🍣🍚 - $248 (好味指數：😍😍😍😍)跟住就食翻個原汁原味既刺身丼，一下可以試曬赤身🍣、中拖羅🍣同埋大拖羅🍣，赤身 🍣 脂肪比較少，魚味香濃，肉質細膩結實～ 中拖羅 🍣 就介乎於赤身同大拖之間，肉質細嫩又有拖羅既油香，魚油甘香同濃郁魚味並存～ 而大拖羅 🍣 會再淺色啲～ 脂肪分佈到好似雪花❄️咁，有豐腴油脂既甘香，入口即溶🤤 另外一樣配左個鯛魚茶漬湯 🐟🍵🥣幾好😌青森100% 蘋果汁 🧃- $38 (好味指數：😍😍😍😍)蘋果🍎香味濃郁，清爽芳香，酸酸甜甜，果味自然幾好飲～九州甘王草莓乳酸梳打 🍓🍹 - $38 (好味指數：😍😍😍😍)香氣撲鼻，味道香甜，另外因為有乳酸就有啲微酸，配埋有刺激感既梳打🍹幾唔錯～雪糕 🍨 - $38 (好味指數：😍😍😍😍🤩)今次既雪糕🍨係宜家大熱既開心果味🟢，雖然望落比較淺色，但味道濃郁醇厚，入口回甘，唔會好甜，口感細緻creamy, 亦有幾香濃既奶味🥛，好食😋好味指數：😍😍😍😍推介指數：😍😍😍😍…查看更多

最近同屋企人去咗啟德嘅日本過江龍餐廳「魚がし日本一」食海鮮蓋飯，所有海鮮均選取來自日本無污染海域的食材，每日由當地市場新鮮直送至香港。餐廳環境裝潢風格行日系簡約風，所有座位均為吧枱座位，可以全程欣賞師傅製作食物嘅過程。最得意嘅係燈罩居然係魚仔豉油樽設計，幾可愛。另外，每個座位擺放有日本抹茶粉、熱水自助機、日式豉油、壓縮濕紙巾，設備齊全，最估唔到Order酒Items時仲有埋On the rocks、Add soda water的選項選擇，非常專業。*此餐廳收取全單10%服務費。三味吞拿魚丼（單點$248），大拖羅刺身肉質色澤粉嫩、油花滿佈，口感厚實；中拖羅刺身油花分佈呈雪花紋；整餐飯最令我驚艷的是赤身刺身，赤身刺身肉質色澤鮮紅，完全沒有筋位，脂肪含量較少，但口感柔軟，魚味厚重，層層漸進地品嚐三款吞拿魚刺身，口腔充斥着滿滿的魚油；配料包括有日本茶漬醃蘿蔔、日式醃甜薑、紫蘇葉、芥末；珍珠米配以飯素、赤醋飯，味道更佳。火炙漁夫丼套餐（單點$208），火炙大吞拿魚腩刺身，刺身經過火炙之後，魚油更加豐富，但油而不膩；炙燒焦糖脆邊左口魚裙邊刺身，魚油被逼出，食落入口即化；火炙金目鯛刺身，肉質半生熟，魚油油脂味濃；火炙帆立貝刺身，好大粒，味道鮮甜；配料包括有日本茶漬醃蘿蔔、日式醃甜薑、紫蘇葉、炸蔥絲、洋蔥粒、香蔥粒、芥末。2客鯛魚茶漬湯（跟餐$0），在鯛魚刺身上淋上熱茶湯，魚肉微微熟成，內有香蔥、珍珠米、五色米通，鯛魚高湯飲落帶有鯛魚骨、昆布、煎茶的味道。開心果雪糕（2客$76），口感幼滑，味道濃郁，內有開心果仁籽碎末。麻原酒造非常沖繩酸桔仔果酒配梳打水（單點$78），內有方形大冰塊，採用大量酸桔仔製作，味道酸溜。青森100%蘋果汁（單點$38），味道清甜。2位抹茶（跟餐$0），抹茶茶味濃厚。…查看更多

今晚去咗位於啟德Airside G/F 日式丼飯 🍱🍱🍱 店以新式居酒屋裝修，加上全Bar枱位設計，一路望住師傅整 👀👀👀 一路等食, 睇到好開胃 🤣🤣🤣Waitress帶完位坐低後就可以QR code落單 📲📲📲 我哋二人前，點咗以下食物 ： 1️⃣ 飲品 🍹🍹🍹- 蜜瓜乳酸梳打 🍈🍈🍈 甜甜蜜瓜味 👍👍- 柚子酸酒 🍋 可選 on rock 🧊 或 mix soda water (店員推介），我哋試咗on rock先，有大方冰都好酸🤢 最終要加返soda water 😋😋😋2️⃣ 正餐 🍱🍱🍱- 火炙漁夫丼 🎣🎣🎣 火炙帶子、鯛魚、左口魚 😋😋😋 鯛魚刺身就食得多，原來火炙多咗份焦香仲好味 😇😇😇 今餐推介 ⭐️⭐️⭐️- 三味吞拿魚丼 🐟🐟🐟 赤身、中拖、大拖各3片，層層漸進，又夠新鮮 😋😋👍跟丼飯有個鯛魚片茶漬湯飯 🫕🫕🫕 香濃魚湯配飯幾好味，配上鮮魚片 👍👍3️⃣ 甜品 🍨🍨🍨自家制開心果雪糕 x2 🍨 一般，開心果味偏淡，有香冇味，奶甜比例過高 😐😐整體除咗甜品差少少，其他都好滿意 😋😋😋…查看更多

呢間日本餐廳喺Airside都算異數，長期都唔太需要排隊，所以今日特意一試。個店舖面積好細，坐得唔舒服，服務就可圈可點，衛生狀況就正正常常，好處係可以即時見到師傅製作壽司嘅流程。我同另一半就叫咗一客十件廚師發辦的壽司拼盤，以及一客雪場蟹肉丼，另外再加咗一件海膽軍艦以及象拔蚌壽司，而壽司拼盤以及蟹肉丼會再附送一碗麵豉湯。所有食物都非常新鮮，味道一流，尤其係個雪場蟹肉丼，係出奇地好食，非常值得一試。至於另外加嘅象拔蚌壽司味道可口，又唔帶腥臭。最後個海膽軍艦我嘅另一半係有讚冇彈。雖然最後食咗都接近$800 ，價錢都略貴，但係我覺得呢間低調嘅日本餐廳值得更多人光顧。…查看更多

今日去咗間日式小店試咗兩款丼飯，真係好正！ 三文魚夠晒肥美，魚籽多到爆，一粒粒咬落去卜卜聲，配埋醋飯食超夾！油甘魚片夠新鮮，口感滑溜溜，個洋蔥醬甜甜哋，同魚生出奇地夾，食完成個口腔都係魚嘅鮮味。 最正係跟餐有鯛魚茶漬湯。食到最後將剩餘嘅丼飯倒入鯛魚高湯，瞬間變成豪華版茶漬飯！湯底用鯛魚骨熬製，清澈鮮甜，加入紫菜、芝麻同蔥花，熱呼呼咁食落去，既暖胃又解膩。最驚喜係湯裡仲有幾片薄切鯛魚肉，鮮味十足。 價錢合理，食材新鮮，下次一定會再幫襯！ …查看更多