劉森記麵家 (褔榮街)

放假睇完風林火山,又出去搵野食。今次plan好去深水埗搵食,一共有4間餐廳。第一站,劉森記麵家。依家店出名係依然堅持人手打竹昇麵,蝦子撈麵同鮮蝦雲吞麵都係招牌菜。十一假期,好多人黎到搵食,不過大家都好有共識,食完就起身走,所以都唔洗等好耐,10分鐘左右就有位。叫左一份鮮蝦雲吞麵,另外叫左一份油菜。鮮蝦雲吞大大粒,有鮮甜既蝦,加上有包埋豬肉,雲吞皮又滑,再者一碗有五粒,份量足又好食😋麵既蛋香足而且爽口彈牙,湯都鮮甜,油菜大碟得黎甜,正常發揮。值得一提係每台都有擺既醃蘿蔔,酸酸地帶爽口,既開胃又解膩,有機會一定要試下。整體用餐體驗算唔錯,雲吞麵無超出印象中雲吞麵既範圍,不過都落係好食既區域。有五粒雲吞就係超出預期,CP值算唔錯。鋪頭細細,人頭湧湧,對I人如我,就唔多敢影個餐廳入面🫣上菜都快,大家食得又快,人來人往咁,都幾有香港特色。鮮蝦雲吞麵 $44蠔油菜心 $24…查看更多

今日午飯想吃雲吞麵，經過福華街時，見到劉森記有好多人排隊，於是我都跟著排。幸好，輪候的時候不算太久，十分鐘左右便可以入座。餐牌種類多不勝數，最黎決定一試鮮蝦雲吞麵。蝦子麵唯有下次再試！另加六元有樽裝可樂一枝，可樂是雲吞麵的好伙伴。麵的份量比我相像的多，麵下面是雲吞，即是說，雲吞先煮好後，才煮麵的，使麵質不會因為湯的熱力變得腍身。雲吞不算太大粒，但味道最勝，雲吞的餡料不是一般的味道，鮮蝦爽口彈牙，加上少許的豬肉，另外再有一種特製的醃料，增加了雲吞的味道。一碗有五粒，份量頗多。$27 可算物有所低，排隊亦是值得。 …查看更多