十一假期,好多人黎到搵食,不過大家都好有共識,食完就起身走,所以都唔洗等好耐,10分鐘左右就有位。
叫左一份鮮蝦雲吞麵,另外叫左一份油菜。鮮蝦雲吞大大粒,有鮮甜既蝦,加上有包埋豬肉,雲吞皮又滑,再者一碗有五粒,份量足又好食😋麵既蛋香足而且爽口彈牙,湯都鮮甜,油菜大碟得黎甜,正常發揮。
值得一提係每台都有擺既醃蘿蔔,酸酸地帶爽口,既開胃又解膩,有機會一定要試下。
整體用餐體驗算唔錯,雲吞麵無超出印象中雲吞麵既範圍,不過都落係好食既區域。有五粒雲吞就係超出預期,CP值算唔錯。鋪頭細細,人頭湧湧,對I人如我,就唔多敢影個餐廳入面🫣上菜都快,大家食得又快,人來人往咁,都幾有香港特色。
鮮蝦雲吞麵 $44
蠔油菜心 $24
