鮨宏

經朋友介紹，上星期晚上專程拜訪「鮨宏」品嚐Omakase😍位於北角及炮台山交界的「鮨宏」門口設計作風低調，一不留神就會錯過了。店內設計裝潢感覺舒適，而且只設置吧枱座位，讓每位客人都可以坐於席前細味箇中真味，但只係得8個座位，所以非常難book位😉師傅好好傾，但都會專業地介紹每道菜同食法，十分享受這一餐晚飯，好開心舒服👍 Dinner Menu $1,800/人晚餐Omakase包括先付、刺身兩點、煮物四款、茶碗蒸、壽司七貫、雲丹、揚物、卵燒、吸物及甜品🤩 🔹️お造り兩点1️⃣油甘魚選用左魚餃位，魚肉呈淡紅色，肉身油分高，口感好似拖羅，配以紫蘇花點綴，食落淡淡甘甜，每口都充斥魚油香氣。2️⃣北海道象拔蚌師傅將白象拔蚌切成條狀，不僅入口時嚼口更好，比起切成片狀更耐吃。象拔蚌味道濃厚鮮甜，口感爽脆利落，上面灑上海鹽，入口後便慢慢嘗到象拔蚌的甜味。🔹️煮物1️⃣松葉蟹師傅拆左一絲絲的松葉蟹肉出來🦀，食落啖啖蟹肉，肉質軟滑，鮮味濃郁，利用蟹醋的酸味帶出無比甘甜的蟹香味。2️⃣櫻煮八爪魚經過用醬油及茶葉慢煮之後顏色呈粉紅色🐙，慢煮後肉質顯得格外柔軟，非常鮮美。3️⃣鮟鱇魚肝慢煮後再以花雕浸泡一晚入味，及後再造成慕絲的效果，製造出綿密軟滑的口感，最後用金蓮葉包裹食鮟鱇魚肝，驚喜感滿分‼️👍🏻4️⃣蝦夷磯煮鮑魚磯煮鮑魚利用慢煮方式配上特製的醬汁浸泡🦪，再用鮑魚肝醬撈入壽司醋飯，更能突出鮑魚原有的鮮味。 茶碗蒸海鮮茶碗蒸口感滑溜，面頭放有三文魚籽，味道夠晒濃郁。 食壽司前比左一碟自家醃製嘅醋漬我地送口，味道新鮮甜美又清爽。 🔹️お握り鮨七貫1️⃣間八魚魚肉口感煙韌中帶有少許的脆感，味道肥而不膩。2️⃣北海道新鮮北寄貝師傅將北寄貝輕輕灸燒過，貝肉既香且鮮甜多汁，師傅拍一拍左個貝身，令肉質更爽口🤗3️⃣平靜魚魚質結實爽口，魚味濃郁，味道似油甘魚，非常清新😋4️⃣梭子魚魚質鬆軟鮮甜，魚皮油脂豐富，師傅將魚皮輕輕炙燒，從而將魚油迫出，令油香更突出。5️⃣白帶子師傅將白帶子切成一梳梳，肉質嫩滑柔軟，口感爽口，鮮味濃郁，好清甜。6️⃣北海道牧丹蝦牡丹蝦蝦肉肥美🦐，肉質綿軟中帶彈性，味道鮮甜爽口，真係好回味🤩 7️⃣大拖羅色澤鮮嫩的大拖羅佈滿精緻的魚油花紋，富天然魚油脂的甘香，入口即溶，完全不膩，鮮甜無比‼️ 🔹️雲丹札幌海膽飯師傅用上北海道札幌海膽，色澤為淺橙黃色而飽滿挺身，味道濃厚甘甜，回甘強，口感幼滑又creamy😍 🔹️燒物甘鯛立鱗燒 配鯷魚汁將甘鯛嘅魚鱗燒得豎起來，魚鱗炸得酥香清脆，魚肉則保持幼嫰細滑，配上師傅自家調製嘅鯷魚汁，即時提升鮮味。 🔹️卵燒玉子燒紮實豐厚的口感加上甜滋滋的味道，口味上也能吃到濃厚的蛋香。 🔹️吸物味噌湯 味噌湯味道很濃郁，裡面仲有烏冬，口感豐富。 🔹️甜品師傅知道朋友生日，所以整左生日版本的甜品🎂🎉仲插埋生日牌，好貼心❤️1️⃣鮮橙果凍師傅自家製的‼️鮮橙味道濃郁，一口咬落去，真係好似食緊橙，甘甜清香，非常清新解膩🍊2️⃣士多啤梨芝士蛋糕呢款都係師傅自家製的‼️酸甜士多啤梨味道混和芝士，配搭雖簡單，但卻非常美味可口，仲無用任何食用色素架🍓3️⃣蜜瓜蜜瓜網紋美，青色瓜肉果肉清甜多汁。 ⭐️整體食物質素高又新鮮，也看得出廚師在設計菜式和安排上的心思。…查看更多

#MC帶你去北角.應該係同區最高質嘅廚師發辦（Omakase），環境舒適且較清靜，慶祝生日週年紀念約會之選。➖➖➖➖➖➖➖➖➖➖➖➖➖➖➖✨ 鮨宏.「鮨宏」採用傳統和風簡約設計，柔和色調配以半開放式的座位設計，充滿日本風味。而且，座位只有10個，環境舒適且較清靜，可以欣賞師傅料理手法，又可與師傅互動暢聊，氛圍感極佳。➖➖➖➖➖➖➖➖➖➖➖➖➖➖➖🥢 宏‧廚師發辦｜$1,800/人.以時令食材炮製盛宴，當中晚市「宏」廚師發辦最為豐富，有23道菜色，包含前菜、刺身、壽司、熱食、玉子燒、湯和甜品！亦因為當月時令食材會有所不同，因此沒有指定食物。➖➖➖➖➖➖➖➖➖➖➖➖➖➖➖🥢 平政魚刺身.平政魚肉質鮮甜爽彈，口感清甜帶油香，但油份唔會過膩，鮮味、酸度和甜度都十分平均。➖➖➖➖➖➖➖➖➖➖➖➖➖➖➖🥢 華漣生蠔 ✨新鮮當造✨.蠔味清新，海水味偏淡，肉質結實而且肥美，食落爽口清甜。➖➖➖➖➖➖➖➖➖➖➖➖➖➖➖🥢 松葉蟹肉 ✨新鮮當造✨.蒸熟拆肉後，連同蟹殼一起完整送上。一絲絲蟹肉與蟹膏煮成嘅汁撈勻一齊食，啖啖蟹肉，味道清甜，好幸福！➖➖➖➖➖➖➖➖➖➖➖➖➖➖➖🥢 北海道象拔蚌刺身 ✨新鮮當造✨.象拔蚌厚度十足，口感滑溜爽脆，非常新鮮！➖➖➖➖➖➖➖➖➖➖➖➖➖➖➖🥢 櫻煮八爪魚 ✨招牌菜色✨.櫻煮八爪魚烹調耗時最長，需要以慢煮嘅方式烹製，最能食得出師傅嘅專業及功夫。八爪魚先經按摩一個鐘，再配以清酒、茶葉、蔬菜慢煮三個鐘。口感軟腍煙韌，又不失咬口，味道清香，絕對係誠意之作。➖➖➖➖➖➖➖➖➖➖➖➖➖➖➖🥢 即燒鰻魚.師傅用上多重工序處理鰻魚，食落無腥味、無泥味，口感十分酥脆，咬落柔嫩嘅去骨魚肉，不得之了！➖➖➖➖➖➖➖➖➖➖➖➖➖➖➖🥢 鯛魚白子.有別於坊間一般煮法，師傅特意以天婦羅形式烹調白子。意料之外，好特別嘅口味，外層酥脆香口，內裡白子口感綿密柔滑，非常creamy，撒上海苔粉，簡單調味已經好惹味。➖➖➖➖➖➖➖➖➖➖➖➖➖➖➖🥢 鮟鱇魚肝 ✨招牌菜色✨.以古法蒸製方式而成，口感軟腍豐腴，油脂柔嫩香醇，再配以用小麥而成嘅麵豉，非常契合。➖➖➖➖➖➖➖➖➖➖➖➖➖➖➖🥢 磯煮鮑魚.鮑魚經過慢火炆煮，肉質柔嫩口感鮮甜，配以鮑魚干醬撈勻醋飯，飯粒吸收鮑魚嘅精華，整體味道香味濃郁，滋味非常出眾。➖➖➖➖➖➖➖➖➖➖➖➖➖➖➖🥢 茶碗蒸.茶碗蒸口感細嫩滑溜，而且有多款海鮮配料，包括有海膽、三文魚籽和帶子，表面平平無奇，內裡用料十足。➖➖➖➖➖➖➖➖➖➖➖➖➖➖➖🥢 壽司.師傅即席準備八款精選時令壽司，包括有左口魚、活赤貝、深海池魚、牡丹蝦、活帶子、吞拿魚赤身、中拖羅以及大拖羅，全部都好新鮮肥美！.1️⃣ 左口魚︰魚肉結實肥美，鮮味甘香2️⃣ 活赤貝︰鮮甜爽脆，鮮味十足。3️⃣ 深海池魚︰清爽口感帶微微油脂香4️⃣ 活帶子︰𠝹花帶子，味道鮮甜5️⃣ 牡丹蝦︰配上濃味蝦膏，肥美鮮甜6️⃣ 赤身豉油漬︰肉質油潤軟滑，魚味濃郁甘香7️⃣ 中拖羅︰赤身同中拖羅之間嘅魚肉,油脂均衡8️⃣ 大拖羅︰魚油感好濃厚，肥而不膩.➖➖➖➖➖➖➖➖➖➖➖➖➖➖➖🥢 海膽熱狗.超級慷慨嘅海膽份量！馬糞海膽味道鮮甜，口感細膩軟滑，入口即溶好Creamy，超級滿足。➖➖➖➖➖➖➖➖➖➖➖➖➖➖➖🥢 玉子燒.玉子燒口感鬆軟柔嫩，蛋香濃厚，滋味滿分。 ➖➖➖➖➖➖➖➖➖➖➖➖➖➖➖🥢 海帶魚湯.海帶魚湯代替了熟悉嘅麵豉湯，而且魚湯內配有稻庭烏冬，非常有心。➖➖➖➖➖➖➖➖➖➖➖➖➖➖➖🥢 精緻甜品.最後，一次過送上三款甜品（蜜瓜、芝士蛋糕、香橙果凍）作為總結，甜而不膩，十分滿足。三款甜品中，香橙果凍最為特別，口感彈牙嘅橙肉果凍，香甜帶有淡淡果酸，清甜又開胃，去油解膩！➖➖➖➖➖➖➖➖➖➖➖➖➖➖➖🥢 水果酒.除咗一般燒酒、清酒外，師傅亦有自家釀製果酒，口味有八香果、菠蘿、士多啤梨及梅酒。➖➖➖➖➖➖➖➖➖➖➖➖➖➖➖🥢 餐前小菜.餐前會附上三款日式地道小菜，清新又開胃。➖➖➖➖➖➖➖➖➖➖➖➖➖➖➖…查看更多

最近工作忙,成日都想食好嘢慰勞下自己~今日去咗北角一間好有溫度嘅omakase🔪~除咗食咗好多師傅精選嘅靚海產,仲了解咗佢哋背後嘅巧思💭~頭盤係華漣生蠔🦪,係時令最靚嘅蠔~比較爽身,海水味唔重比較甜,配少少酸汁已經好好食😋😋~然後有kanpachi,雖然係白身魚,但食落口都係好肥美~不過食落又有少少柑橘味咁🍊,好清新~然後又食咗虎河豚白子🐡,真係我第一次食白子!樣子睇落好似燒棉花糖咁🍡,食落口亦非常軟綿綿~佢嘅皮帶有特別嘅香味,加埋少少鹽燒就已經好好食🧂~另外,仲有金鯛松立燒🔥,肉質嫩滑~但個皮燒到好脆,啲魚鱗仲一塊塊咁立起,所有咁特別嘅形態🤩~而另一樣好特別嘅食材就係鮟鱇魚肝🐟~嚟到季節尾嘅時候,因為比較多膏,就呈現帶橙色嘅形態🧡~佢嘅口感有如雪糕咁軟滑🍦,但又好香濃~因為食太多會滯,所以小小一片,享受佢嘅豐腴口感已經好足夠💯~壽司部份有深海大池魚,赤貝,梭子魚等🍣~佢嘅火炙金目鯛有火炙嘅焦香,肉質比較爽🐠~師傅亦安排咗赤身豉油漬,估唔到咁軟滑,入口即溶~而用豉油漬仲令佢可以保持鮮紅色澤,唔怕氧化👍~跟住係赤身同中拖羅之間嘅肉,唔係太重油份~但嫩滑程度實在係用舌尖一壓即化👅!最後係好靚嘅黃膽同埋更高級嘅食昆布大嘅海膽~向來覺得海膽腥嘅我,第一次感受到海膽原來係咁甜美😍😍😍!呢個omakase食到嘅品項實在太多~而師傅嘅介紹令我對日本海產有更多認知🥰~佢仲會自家製啲水果酒,尋晚就俾我哋試咗百香果同柑桔酒🥃~仲不藏私咁話我哋知點整~我就比較喜歡甜嘅百香果酒🍋‍,亦係師傅新研發嘅~同埋呢間店實在好有溫度🌡~因為一般omakase都係廚師決定食咩,最多避開你唔食嘅~但呢度嘅師傅係會因應你喜歡食咩,而推介俾你食😋~呢晚座上有位熟客,師傅就會為佢特別安排佢喜歡嘅❤️~但就算唔係熟客,只要訂位時話俾師傅知📲~你鍾意食肥美嘅定係瘦身嘅,師傅都會精心為你安排~咁好嘅嘢食,又學到咁多嘢,攪到我好想快啲再嚟食過😋~…查看更多

北海道冰見寒鰤魚三味賣相：🐧🐧🐧🐧🐧味道：🐧🐧🐧🐧🐧鰤魚口感細膩，風味鮮甜，盡現冰見的冬天滋味。鰤魚後背清爽，可嚐到魚身的甜味，腹部則充滿美味的脂肪，甘香又可口。長崎小長井蠔賣相：🐧🐧🐧🐧🐧味道：🐧🐧🐧🐧🐧生蠔超鮮嫩極肥美，入口啖啖肉，滑溜又潤喉。師傅特意配上水果蕃茄醬汁啫喱調味，令蠔的鮮味更出眾，整體更清新。櫻煮日本空運石爪八爪魚賣相：🐧🐧🐧🐧🐧味道：🐧🐧🐧🐧🐧八爪魚先經按摩一小時，再以清酒、茶葉、蔬菜慢煮三小時，製作非常用心有誠意。食落軟腍中不失煙韌，味道鹹鮮中帶有茶葉的清香，不愧為鎮店之寶。鮟鱇魚肝賣相：🐧🐧🐧🐧味道：🐧🐧🐧🐧🐧魚肝以古法蒸製，食落口感綿密滑順，油脂柔嫩香醇，不愧為「海中鵝肝」。師傅特意為魚肝配上金山寺味精麵豉，鹹甜滲半的滋味與魚肝非常契合，驚喜之選。銀鱈魚白子天婦羅賣相：🐧🐧🐧🐧🐧味道：🐧🐧🐧🐧🐧有別於常見的白勺煮法，師傅特意以天婦羅形式烹調白子，令外觀味道更易被接受，非常貼心。天婦羅新鮮即炸，外層酥脆香口，內裡白子口感滑嫩，入口即化，配上特調的忌廉洋蔥汁，滋味更豐盈。香箱蟹賣相：🐧🐧🐧🐧🐧味道：🐧🐧🐧🐧🐧蟹膏、蟹籽多得滿瀉，非常足料，與蟹肉三者完美拌勻，連蟹殼一起完整送上，超級吸引。蟹肉肉質纖細，味道清甜，蟹膏蟹籽味道濃郁出眾，鮮美無比。表面另加上紫蘇葉，更添清香。磯煮鮑魚伴肝醬醋飯賣相：🐧🐧🐧🐧🐧味道：🐧🐧🐧🐧🐧鮑魚以醬汁和昆布慢火炆煮，讓鮮甜香美的醬汁完美裹著鮑魚，同時保持鮑魚肉質鮮嫩彈牙，上枱前再淋上濃郁的鮑肝醬汁，滋味滿分。隨鮑魚特意附上一片金蓮葉，讓客人享用鮑魚醋飯後食用，類近芥末的辛香滋味十分過癮。燒鰆魚賣相：🐧🐧🐧🐧🐧味道：🐧🐧🐧🐧🐧鰆魚厚肉又肥美，蘊含了豐厚的魚脂，入口魚油的甘香滿溢，口感滑嫩細緻，經炭燒的外皮焦香薄脆，與名氣更高的鰤魚相比亦毫不遜色。茶碗蒸賣相：🐧🐧🐧🐧🐧味道：🐧🐧🐧🐧🐧茶碗蒸蒸蛋口感細嫩滑溜，入口即化，昆布鰹魚高湯的鮮與雞蛋的香交纏舌尖，令人回味無窮。茶碗蒸內同時附有多款新鮮海鮮，包括有墨魚仔、海膽、三文魚籽等，非常高級。壽司八貫賣相：🐧🐧🐧🐧🐧味道：🐧🐧🐧🐧🐧師傅即席準備八款精選時令壽司，包括有間白魚、赤貝、池魚王、牡丹蝦、活帶子、吞拿魚赤身、中拖羅以及大拖羅，全部新鮮亮麗非常吸睛。🐧 最喜歡當中的牡丹蝦壽司，鮮甜爽滑的蝦肉上伴以經香炸處理的蝦膏，濃厚的蝦味令人回味無窮。海膽卷賣相：🐧🐧🐧🐧🐧味道：🐧🐧🐧🐧🐧海膽卷內採用了分別來自北海道和札幌的海膽，非常有誠意。海膽味道甘甜，質感細膩，幾乎入口即溶，濃郁的滋味令人難以忘懷。布甸玉子燒賣相：🐧🐧🐧🐧🐧味道：🐧🐧🐧🐧🐧玉子燒由新鮮雞蛋伴以磨碎魚蓉，慢火細煮一小時製作而成。期間師傅持續守候在則，確保玉子燒表面零氣泡，超級有心機之作。玉子燒口感猶如布甸一般，細滑又富彈性，食落甘甜中帶有濃濃蛋香，滋味非常出眾。長崎縣燉水魚湯賣相：🐧🐧🐧🐧🐧味道：🐧🐧🐧🐧🐧師傅特別準備了來源自懷石料理的燉水魚湯，取替慣例的麵豉湯，非常有心🥰 湯品以清酒、昆布、薑等食材慢火煲製，飲落暖笠笠非常袪寒，冬日良伴。士多啤梨蛋糕、芋治抹茶慕絲、橙果凍賣相：🐧🐧🐧🐧🐧味道：🐧🐧🐧🐧🐧甜品同樣由師傅親手料理製作，食落清新開胃，甜而不膩，非常出色。當中以懷石方法製成的橙果凍最為特別🥰 果凍用盡鮮橙所有部位（包括橙皮）打造，入口橙香滿溢，清甜又開胃，誠意之作。🐧❣️餐前會附上四款日式地道小菜，清新又開胃。環境：🐧🐧🐧🐧🐧餐廳採用傳統日系簡約設計，日本風味十足。半開放式的座位設計，令客人可邊欣賞師傅料理食品，邊享用餐點，更可與師傅互動暢聊，氣氛極佳。🐧❣️餐廳設有可外借獨立洗手間❣️🐧❤️結語：師傅料理極富心思誠意十足，衷心推薦👍👍👍…查看更多

說來有趣，這棟商廈我每星期都來，但都沒有留意到這裡有一間omakase，直到朋友說這裡的廚師發辦很有特色，我才第一次來，主廚馮師傅認為除了食材的新鮮，料理的獨特性也很重要，所以這裡的套餐很多都令人印象深刻，要性價比的話，午餐最便宜喔。🔹三文魚籽凍第一道菜是賣相小巧精緻的的三文魚籽凍，上面有鮮味滿滿的蟹肉，一口吃下去完全能感受到海鮮的鮮味呢。🔹水雲這個沖繩水雲有醋調味，配合加了木魚水的鰹魚湯底，味道酸酸甜甜，很開胃又有爽口～刺身🔹鰆魚 🔹象拔蚌 刺身第一道讓大家味蕾慢慢調整，將鰆魚的面層燒到金黃逼出油份，瞬間聞到好香煙燻味，入口飽滿卻不肥；至於我最愛的象拔蚌是北海道產，把紫蘇花灑上去一起吃最後再加點鹽，完全感受到它的爽和實在，紫蘇花濃郁大加分，wasabi加鹽這個組合很能帶出象拔蚌的鮮，推薦！🔹鮟鱇魚肝來自鳥取縣的鮟鱇魚肝用慢煮的方法製作，慢煮的湯底用了昆布蔬菜，入口的時候口感像吃芝士蛋糕般，卻有魚的微鹹．很好吃～🔹蠔這裡的蠔食法特別，將新鮮飽滿的瀨戶蠔加上麵豉醬燒到五成熟，入口的時候醬料甜甜的很開胃，加上蠔海水味十足，入口爆汁！🔹八爪魚（招牌）席上很多人都是多次到訪，大家都很了解這是店的招牌菜是式，這道櫻煮八爪魚製作步驟繁複，之前需要為八爪魚進行多小時的按摩，之後再用蘋果和茶葉做湯底用來煮它，上桌的時候八爪魚已經非常鯰，飽滿的口感就像豬肉般，最後喝清澈甘甜湯，真的令人眼前一亮。🔹磯煮鮑魚這道鮑魚賣相可愛，原來上面的金蓮葉不只是裝飾，先吃甜甜的磯煮鮑魚，然後把鮑魚汁和壽司飯一起吃，最後吃有著wasabi功效的金蓮葉，反而有種清新的感覺，鮑魚汁的濃郁味道被拉平了。🔹櫻花蝦茶碗蒸櫻花蝦的強烈鮮味讓茶碗蒸味道更豐富，這個蛋蒸得很透徹到位，也剛好做到中場休息的功效，暖暖胃。壽司🔹真鯛　🔹赤貝真鯛魚肉剔透，沒有腥味，如口棉滑同時感受到柔和的豐腴感；爽口彈牙的赤貝向來都是我最愛，這個加了酸柑汁，很清新，口感都更鮮明！🔹紫菜牙帶魚天婦羅這是我另一道眼睛發亮的菜式，牙帶魚用天婦羅的製作方法，出面包著脆脆紫菜，入口完全是薯片般脆，牙帶魚好粉同時又脆，加上調味剛剛好，可以的話我還真的是想吃多一件！🔹鰤魚 🔹活帶子🔹甜蝦鰤魚呈粉紅色代表是當造時期，入口油脂慢慢滲透出來，加上wasabi吃很搭配,下面的壽司飯調味了，吃起來就更方便；至於活帶子師傅特別切割成花形讓味道更突出，吃之前他即席刮岩鹽去吊味，確實讓帶子變得更甜，最後加點青檸，爽口感都出來了。🔹拖羅 拖羅一般都是肥美油脂豐富，這都不例外，不過市府上面加了不會太鹹或太搶鏡的米紙鹽，讓你更能品嚐拖羅入口即溶的質感。🔹海膽為了讓入口的口感更有層次，師傅特別用了兩種海膽放在脆脆的紫菜中，一口吃下去完全感受到海膽的飽滿鮮甜，我喜歡下面有少少壽司飯輔助，味道更豐富。🔹玉子燒師傅即場製作玉子燒，讓你看到如何製作一層又一層的玉子燒，蛋漿加了鰹魚汁讓但甜中帶一點鮮味，它的甜味特別突出，口感鬆軟，好有層次！甜品:🔹日本蘋果蛋糕 🔹日本咖啡凍  🔹橙果凍這個omakase其中一個賣點就是有自家製的甜品set，是set！😍蘋果蛋糕選用王林蘋果，比較有口感，有點像滿佈蘋果的蘋果批，芝士酸酸的和微甜的蘋果肉很搭配，口感綿密；我自己最喜歡咖啡凍，上面白色的是模仿奶泡的煉奶，下面是用了培煎咖啡來弄的無糖咖啡凍，它很挺身有咬口，煉奶不會太甜，好喜歡❤️最後吃柔和彈牙的橙果凍，有清味蕾的作用，酸酸的容易入口。…查看更多

半年前初訪 “鮨宏”, 一戰難忘, 由於地理位置遠離主戰場, 又冇乜谷友推介, 算係 “隱世” 小店. 不尋常地, 見到 “開飯嘞” 唔少食評.🥢 餐廳設一張10人L型壽司吧枱, 中午只做一轉, 12-2pm, 提供廚師發板套餐, $880+10%, 包茶碗蒸, 麵豉湯, 三款刺身, 三款熟食, 八款壽司, 玉子燒, 三款甜品. 今日馮師傅一打七.📖 聽講馮師傅以前喺元朗名店 “鮨美澄” 工作, 唔少舊客慕名而來.🥰 老友 “傻肥” 非常喜歡熟食部分, 唔少隔夜功夫菜式, 包括鮑魚同埋八爪魚, 完勝其他鮨店嘅非壽司環節. 甜品又係加分位, 馮師傅自製多款甜品, 高質, 真係比起其他鮨店嘅 “蜜瓜” 有誠意.🍮 前菜: 三文魚子蟹肉凍. 老老實實, 冇乜特別.🌿 前菜: 水雲, 沖繩島. 即係海草, 以薑蓉調味, Ok啦.🐟 䲠魚. 進入戲肉… 燒脆魚皮, 口感脆似紫菜, 十分神奇, 肉質油潤, 係我食過最好食嘅䲠魚版本!🐚 象拔蚌. 非常爽口, 鮮甜. 驚喜之一.🐚 鮟鱇魚肝. 雪糕口感, 出色.🦪 蠔. 五成熟, 麵豉醬調味. 特別嘅, 就係有點 “中式”.🦑 櫻煮八爪魚. 用茶葉生果等嚟慢煮, 腍滑軟熟, 非常入味, 鎮店名菜之一.🐚 磯煮鮑魚. 鮑魚入唒味, 以鮑汁肝醬撈飯墊底, 好味嘅, 醋飯冇咁酸應該仲好食.🍥 茶碗蒸. 喺壽司同刺身之間出塲, 保證夠熱.🍣 真鯛. 正常.🐚 活赤貝. 爽甜.🍣 牙帶魚. 以天婦羅方式炸脆, 再加紫菜, 口感就係脆脆脆脆脆, 掂!🍣 鰤魚, 野生油甘魚. 當造, 我唔識欣賞.🐚 活帶子, 配岩鹽, 鮮甜.🦐 甜蝦. 膠口.🍣 大拖羅. 用 “米做嘅鹽” 嚟調味, 肥美, 亦品嚐到吞拿魚嘅甘香.🐚 海膽. 一啖食晒, 鮮甜, 澎湃.🍥 玉子燒. 蛋漿落咗鰹魚湯, 豉油同埋煮酒. 師傅即場表演, 精彩. 食落一般般.🥣 麵豉湯. 夠熱.🍎 甜品: 蘋果蛋糕. 保留到蘋果肉蘋果皮嘅口感, 正喎.☕️ 甜品: 日本咖啡凍. 一層日本齋啡, 一層煉奶. 味道非常平衡, 十分讚!🍊 甜品: 橙果凍. 橙味十足.🤗 總結: 馮師傅外型有趣, 介紹清晰, 有傾有講, 食物味道出色, 用餐體驗愉快.…查看更多

擁有超過10年日本廚藝經驗之馮師傅，剛進駐位置北角渣華道的『鮨宏』主理江戶前廚師發辦，花心思令食材發揮出鮮暖滋味，帶你走入江戶前讓味蕾遊走每段美食之旅。北角最近新開一間Omakase店『鮨宏』Hiroomakase，嚴選高級食材，由日本直送，高質價格中上，店內提供江戶前廚師發辦壽司料理，師傅擅長日本的熟成技術，海鮮經熟成及醃製處理後，風味佳而且味道更鮮甜。晚市價格為$1800，午市$680或$880兩個價格，包括沙律、時令前菜、茶碗蒸、3或5道刺身、湯、12件壽司、炸物及甜品。在訂位時已選擇好「福」$880之廚師發辦套裝當進入店內，還未坐好，直視已看到師傅準備好幾道菜式放在Bar枱上， 浩浩蕩蕩展示在眼前，食物就像排列好在迎接你的樣子，未食已感興奮！首先，師傅會送上漬物有日本長芋及青瓜，長芋清爽粉糯，青瓜酸酸味味，兩者醃製後別具風味，相當醒胃。送上漬物過後，正式開始江戶前之旅：先來一個「鮟鱇魚肝」味道鮮美，口感細嫩，醇厚甘甜，配上車厘茄漬物可作解膩，令口腔refesh。「水雲」水雲褐藻，清新爽口， 黏稠順滑，即跣入喉嚨，感覺勁爽。「日本芝麻小魚乾」脆香口感，惹味甜香，沒魚腥味，是一道很美味的小點心。「胡麻豆腐」這個外觀似豆腐， 卻並非用豆製。其實以純芝麻打成，經過濾去渣及油脂，再由師傅花費功夫製成豆腐狀，後輕炸而成。入口芝麻清香，外脆內軟，營養價值豐富。「平靜魚刺身」味帶清新，魚質結實爽口，配以小花點綴，很精緻。「白松貝」是北海道象拔蚌，肥厚有嚼勁，超鮮甜味美。「華漣生蠔 」外型細少，但肉質肥美結實，口感充滿彈性嚼勁，層次細膩，海洋鮮味及生蠔的鮮甜香濃。「磯煮鮑魚」 經炆後浸製15天，讓醬汁精華緊緊鎖在鮑魚內，味甜帶海鮮香。入口時質感柔軟有韌度，像軟心糖口感，每口咬下帶有少許粘著牙齒的感覺，如同年糕一般。以及配上一片將荷葉作裝飾，賣相可愛之極。「牙帶魚」剛炸好的牙帶魚熱辣辣，再包上紫菜，而且炸後牙帶魚外層形成酥脆似外殼，吃起來薄脆酥香，既保留了魚肉的細嫩鮮美。「蟹蒸蛋」原隻蟹鉗茶壺蒸蛋，蟹肉鮮甜，雞蛋滑溜，吃完後清一清味蕾再來下一道壽司之旅。「深海池魚」肉質細緻爽口，魚肉纖維幼細味道香甜。「北海道活帶子配魚子醬」肥美圓潤、鮮甜有肉汁細緻而濃郁，爽滑感和鮮味在口中綻放，加上魚子醬再提鮮，可說是鮮上加鮮，留香不退，讓人回味無窮。「金目鯛」油脂含量適中，肉質細膩，味道鮮美。「牡丹花蝦醬」蝦身顏色粉紅及通透，一看已知很高質。肉質較爽和漿口，師傅將蝦膏用火槍輕燒香，令味道更上一層樓， 甘香而且蝦味極濃，令人一試難忘。「墨烏賊」柔軟肉質令口感溫和之餘黏稠鮮甜 ，而且爽脆夠煙韌，及配以醋飯是江戶前壽司不可或缺的食材。「活北寄貝」超大件，味道甘甜，肉質肥厚，鮮度與口感覺絕對是一流。「牡丹花蝦醬」蝦身顏色粉紅及通透，一看已知很高質。肉質較爽和漿口，師傅將蝦膏用火槍輕燒香，令味道更上一層樓， 甘香而且蝦味極濃，令人一試難忘。「中拖羅」柔軟彈牙的口感及香濃的魚味。「北海道海膽」師傅遞上滿滿的海膽在我面前，非常澎湃，並以香脆可口的紫菜盛上，海苔香味和爽脆口感帶出海膽具層次且複雜的味道。味道鮮甜濃郁，甘味偏低。這高優質A grade 日本海膽，是當日omakase的重頭戲。澎湃過後來一個日本傳統家庭料理，「佃煮鮫魚」馬鮫魚夠魚油，油潤鮮嫩，魚肉結實但不鞋口，以江戶前烹調方法味道較為香甜。最後以「日式豆乳芝士蛋糕」作結，竟可在Omakase店吃到酒店級的芝士蛋糕，而且這甜品由馮師傅自己親自操刀，有驚喜。先講擺盤很有心思， 像藝術品般美，甜品主角是以日本豆乳與忌廉芝士組合，入口啖啖幼滑，味道清甜輕盈，一點罪惡感也沒有。整個江戶前之旅程都很滿意及完美結束，期待再訪的另一次體驗。…查看更多