魚蓉麵

大邊爐火鍋店在九龍城已開業20年，作為一家家喻戶曉的老字號，其悠久的歷史和口碑自然吸引了無數忠實食客。一直以來它都保持著優質的食材和服務，成為區內深受歡迎的火鍋店之一。冬瓜瑤柱湯底是店內招牌之一，冬瓜清甜爽口，入口即化，與瑤柱的海鮮鮮甜味道交織在一起，湯頭清澈鮮美。鮮嫩的陝西馬尾牛，肉質彈牙濃郁，充分吸收了湯汁的鮮甜味。鮮蝦水餃皮薄餡足，餡料中的原隻鮮蝦，彈牙爽口，配搭爽脆的木耳絲增添了層次口感。牛丸和墨丸的口感截然不同，前者Q彈多汁，後者爽脆鮮嫩，兩者搭配在一起，令人回味無窮。鮮腐竹滑而不膩，魚蓉麵條 QQ有勁，原來１份既份量有咁多，足夠２個人食用。店家的酸菜、茶醬等醬料調製得當，每檯都有１碟由乾蔥蒜蓉豆豉及辣椒調製而成的自家製和味醬，點肉和蔬菜有著另一番的風味。…查看更多

今次去九龍城唔係食泰國菜，而係打邊爐。呢間係一間精品火鍋店，餐枱顏色以淺白木色為主，牆身就用上灰色，再上吊燈，有風格之餘俾人感覺乾淨舒服。食物選擇多，淨係牛肉都有6款，菜嘅種類亦好多，差不多講得出嘅菜都有！海鮮類嘅食物亦都佔咗三份一個餐牌。值得一提嘅係佢好多特色食品，例如: 黑松露翠玉瓜餃、海鮮蛋角等，喺一般酒樓或者火鍋店係搵唔到嘅。我哋叫咗: 冬瓜瑤柱湯底、手切肉眼邊肥牛(例牌)、澳洲帶子、黑松露翠玉瓜餃、三秒腐皮、唐生菜同埋魚蓉麵，仲有竹蔗芧根水。湯底先上，打開見到一片片有造型嘅冬瓜，見得到係花過心思去處理食材，瑤柱雖然細粒，但係數量多到錨極都有！呷一啖湯，清清地，正好中和一陣食咁多肉類嘅肥膩。先嚟個三秒腐皮，待應擺上嚟嘅時候已經有香味飄過，我隻手唔覺意掂到腐皮嘅時候發現原來仲係熱嘅，證明係即叫即炸，外型同口感都保持喺最佳狀態！帶子上枱時我數過，有8粒！而且粒粒直徑大過個5蚊銀，肉厚，甚至開邊後，厚度都有翻咁上下。就算係急凍帶子都好，解凍時間過長都係會腥，但佢呢隻帶子完子無腥味，雖然不及新鮮帶子，但都有淡淡鮮味。手切肥牛比機切好，因為有一定嘅厚度先有口感𡁻頭，牛肉切到起雙飛，唔會失蹤於湯底𥚃。我哋仲叫咗火鍋店嘅特色餃，黑松露翠玉瓜餃。餃子熟咗之後，外皮呈半透明，餃皮薄嘅程度可想而知。咬落去餡料結實，黑松露嘅香味隨即一湧而上，估唔到黑松露同中式水餃係可以咁和諧地配合。魚蓉麵，原本以為係白色魚麵，吱出嚟先發現原來係鯪魚肉，鮮味 Level UP! 最後想講嘅係竹蔗芧根水，清清地唔會死甜，真係覺得飲完好清涼。估唔到打邊爐可以驚喜處處，一定會再去！…查看更多

打工仔惡夢星期一又到，慰勞自己好方法首選當然係食個long dinner就返男朋放工響九龍搵食又要易泊車，九龍城最好不過。從住附近嘅同事八卦得知呢間叫做＂大邊爐＂嘅火鍋店，聽落似係新潮啲嘅食店，同事話係泰菜同潮州菜以外嘅好選擇喎餐廳係一間樓上鋪，位置響城南道上面，入口有大招牌好易搵。好咗係平日，好快就可以安排入坐。空間幾闊落，冷氣都好足，平日可以坐耐少少。火鍋湯底同配料都選擇多，而宜味味都啱食，實在考起有選擇困難嘅我整體用餐經驗都好開心，除咗味味都好食，職員都好友善，主動換碟！又多一個好去處…查看更多

打完風，終於有涼風送爽的日子，嘴饞的我急不及待約埋三五知己去打邊爐。今次無去百多元任食的打邊爐店，反而挑選了有食評說用料新鮮的大邊爐火煱。最近的食安事件，真的讓我更注意吃下肚的品質。特別喜歡大邊爐的英名名稱「da BINO」，很玩味的名字。食店位於九龍城，雖然未有地鐵，但勝在位於香港中心點，區區去都算近，店內的裝潢偏黃色調，店內只有七、八張檯，環境不會太吵雜，很適合朋友坐低吹水。最驚喜是這裡的抽風系統，的確一流，平時去小X羊食飯，回到家整個頭髮和衣服的是肥羊味，而這次回到家完全沒有火煱味在身上，值得大讚。芥醬 (每位$12) 開火前先調好自己的醬料。大概有15款湯底可以選擇，我們嚐嚐蕃茄金瓜牛柳粒湯底 ($88)。湯底非常足料，牛柳粒在打邊爐中途食用，一樣爽腍，整個湯底味道清甜，不油膩，女孩子也可以點啊。打邊爐最重要的主角 ﹣ 手切肉眼邊肥牛 (例牌 HK$238)肥瘦剛好，沒有雪味，吃得出非常新鮮。非常推薦這道菜 - 滋補花膠仔 ($62)份量相當夠，幾十蚊，有人幫你買回來加幫你浸開己經物有所值，滾開後，嚼勁十足，超抵食，一點要點啊!三秒腐皮 ($56份)這道是店員的推介，試過發現真的值得試。把腐皮放在湯內數三聲 (我們都比三秒還少），再放入口，腐皮仍然鬆化，但出奇一點也不油。最驚喜的卻是這道魚蓉麵 ($38)，平時多在粉麵店看到，order之後，靠自己「唧唧」成麵條狀，魚味香濃，不會太滯，平時食開烏冬或即食麵的朋友，可以試下這個魚味的麵。da BINO 還有很多海鮮可以點，這個蟶子王 ($36隻) 先在湯底輕輕灼一灼，蟶子肉厚，鮮甜而爽口，喜歡海鮮的朋友不容錯過。平時打邊爐會叫的食物大都有提供，好似四寶丸、手打墨魚滑和蔬菜籃，整體食物質素頗佳，而且非常新鮮，飯後沒有飽滯感。另外值得一讚的是店員，大家都好有禮貌，照顧周到之餘，又不會企得太貼，讓顧客無晒私隱 ^_^而且檯與檯之間留有適當空間，唔怕要同隔離檯鬥大聲先聽到朋友講嘢啦。對女生來說，吃的quota很寶貴，應儘可能留給一些有質素的食物，da BINO的價位的是屬中上，這個價位算是一份錢一份貨啊。…查看更多