上海婆婆336 (iSQUARE國際廣場)

營業中

休息中

大概大半年前同啲舊同事嚟「上海婆婆336」聚舊食咗餐飯，大家都一致讚好。所以，今次同班團友聚舊，再翻兜「上海婆婆336」，除地點便利所有人之外，重點喺夠穩陣，讓大家實食得開心。不過，話時話，就喺大半年無食過上海菜，點知呢兩個月因唔同聚會，就接連食咗幾餐上海嘢。因為都嚟過幾次，都知環境格局，因為今次人多啲，成一行9人，印象上佢哋好似無乜大圓枱夠咁多人坐，故此，訂枱時都問問有無，原來佢哋嘅6人圓枱喺可以加大，咁就啱啱好啱啱晒我哋。魚籽煙燻蛋 $88冷盤嚟講，呢款煙燻蛋喺小弟推介俾朋友嘅必然之選，魚籽煙燻蛋賣$22 / 隻，次次嚟食都無失望，今次再試，亦喺保持水準。凝香嘅蛋黃入口綿綿滑滑，蛋香濃郁，又有淡淡煙燻味；加入脆卜卜嘅黑魚籽，增加層次感，更因色差嘅對比令賣相更好睇。無錫脆鱔 $102因為今次人多，就唔點拼盤，揀幾款特色冷盤俾大家試，脆鱔喺其一。咪睇佢外觀黑掹掹，又似為好似平常啲鱔肉咁軟腍腍，一咬就知幾咁脆卜卜，加上掛滿糖醋汁，酸香沉實，喺上佳嘅開胃冷菜。醉乳鴿 $102大家話醉雞食得多，醉鴿就未試過，所以，特登叫一客俾大家過吓口癮。一客嘅份量唔少，總次就夠大家都試到，入口感覺好爽，肉

舊同事搞飯局，通常都會搵啲曾經幫襯過嘅食店，因為大概都知道好唔好，免得累朋友中伏。大家想食食中菜，又就番大家住晌唔同地區，所以就想起「上海婆婆336」尖沙咀店，喺其中一家穩陣之選。我哋一行6人，剛好被安排一張小圓枱，方便傾偈。而始終喺星期日關係，目測有九乘滿，其實除咗食過知道佢哋做嘅滬菜唔錯之外，環境比一般中式酒樓好，無咁嘈炒，氣氛好啲，而且，啲枱櫈編排無咁逼吖嘛！四小拼（肴肉、小排骨、烤麩、脆鱔）$103由於小弟遲到，朋友就先點呢道冷盤邊食邊等，相片都喺由L君幫手影低。呢道喺小弟心水推介嘅冷盤前菜，一來可以一次過試到多款冷盤，二來脆鱔真喺好特別。賣相樣衰嘅脆鱔入口脆卜卜，酸香開胃；小排骨如平常食到嘅糖醋骨，肉質倒算做得鬆化；烤麩軟綿而吸滿醬汁，食落煙韌咬口；肴肉晶瑩的骰，口感爽滑有嚼頭。 魚籽煙燻蛋 $20 / 隻燻蛋又喺試過覺得好，推薦大家一試，我哋6個人，點3隻就啱啱好。賣相吸引，金黃半凝半黏嘅蛋黃，蛋香濃郁又有種溏心效果，配上鹹鮮黑魚籽，食味一流，而蛋白爽彈又略帶煙燻味，好食。雞絲拌粉皮 $68將雞絲、青瓜絲及粉皮跟麻醬拌勻，口感豐富，味道香濃，粉皮好軟滑，而且，師傅無手緊，俾

雖然係為慶生，其實期望不大，因為吃過的朋友都覺得一般。只是因為地點方便而壽星又想吃小籠包，又冇切餅費，所以試吓啦。價錢都唔平，所以叫多d粉麵填肚。限時個半鐘，打去時fully booked咗要walk in，但空置率甚高，所以過咗時都冇人理。人手不足，偶爾忍不住要自己加水。朋友説睇一間上海食市得唔得係睇佢小籠包掂唔掂。我個人覺得呢個336上海小籠包一般般啦。排骨擔擔麵，由於喉嚨痛唔敢食排骨，擔擔麵少辣所以吃了一口，好濃花生醬味，啱我喜好。黃金炒飯，睇相已經知會用無味的雪蝦，都冇乜期望。結果d蝦的確堅係冇味，不過個飯底有鹹蛋都還可。上海炒年糕，OK啦。上海炒麵，都係一般啦。魚籽煙燻蛋，都幾特別，OK醬燒茄子，我鍾意干貝賽螃蟹，我覺得只係食緊堆醋撈蛋白樟茶鴨，其實食落去只係overcooked的燒鴨，我朋友說似屋企d蠟鴨囉香蕉高力豆沙，50蚊4粒，𥚃面冇乜豆沙，我覺得唔值呢個價，唔好食。Overall: 如果食裝修食地段，都OK嘅。不過唔係outstanding的餐廳

平常放工後的晚餐, 不想煎炒炸, 就會想起上海菜, 亦自然會想起上海婆婆。 身處尖沙咀, 當然會選擇位於iSquare的分店。 iSquare分店較其他分店佔地廣, 左右兩邊分了不同區域, 同樣是以上海工業風為背景, 裝潢擺設亦見心思。七點前不算太多顧客, 安排坐於靠窗的卡位, 夏天日長夜短真好, 晚飯時間仍可享受日落的美景, 看著日落來用餐很寫意呢! 食店的茶芥$6/位, 喝著熱茶, 不用叫上其他飲品也可以。魚籽煙燻蛋 $18/隻自從第一次在上海的蘇浙匯吃過後, 就很喜歡這餐前小點。 破開半邊的晶瑩煙燻蛋, 賣相相當漂亮。煙燻味甘香, 咬開半凝固的流心蛋黃即湧而出, 蛋香加上魚籽鹹香, 又香濃又滑溜, 一小塊薄荷葉令煙燻蛋有一刻的清新。 好好食, 值得推介!蒜泥白肉 $70用肉片包裹著青瓜做成的小巧的骰冷盤 - 蒜泥白肉卷。蒜粒, 薄肉片跟青瓜這個組合的味道很配合。清新的青瓜令下面的醬油辣度和上面蒜蓉的濃度輕輕中和, 滿滿的濃郁蒜粒, 香味撲鼻很香口, 令人食慾大增。醬燒茄子 $62這碟很家常小菜的一味, 茄子煮得熱騰騰, 很腍軟入味, 而肉碎連同醬汁則濃香帶微辣, 醬汁稀稠度剛好,

以前都有食開上海婆婆...今日黎到上海婆婆336睇下有咩分別! 黎到係覺得哩度好大好大好大!好多好多好多位! 初時以為咁早已經full驚冇位! 原來第二邊仲有位既! 仲要有好多卡位坐得好舒服!6點幾已經坐滿左一邊~哩度好多好多食物揀! 花多眼亂呀! 哈哈! 除左正宗上海菜之外, 仲有好多上海特式菜! 我終於揀到喇! 我地一行2人都叫左好多野食! 真係好吸引! 四小拼(脆膳, 小排骨, 烤麩, 肴肉)4樣不同既冷盤! 我最鐘意係脆膳! 甜甜脆脆! 好好味! 而小排骨, 烤麩, 肴肉都好味呀! 唔好睇佢好似好小, 其實份量係好多架! 魚籽煙燻蛋18蚊一隻~我地叫左2隻! 佢既有點流心! 加埋魚籽好有口感! 滑滑既蛋白+流心蛋黃! 美味!另外哩度既湯可以叫侈牌或者每位用都得! 咁唔錯喎, 可以食多d款又唔洗怕食唔哂!所以湯方面我地叫左2款~砂鍋雲吞雞(位)同埋沙蔘肉竹燉螺頭(位)~沙蔘肉竹燉螺頭清甜帶甘~熱熱既湯加上佢既湯料~清甜! 砂鍋雲吞雞雖然叫(位)上, 但佢都好足料! 雞湯好好未呀!而佢仲有2粒大大既雲吞!雪菜炒粉皮好味呀哩個! 佢既粉皮又滑又嫩! 加埋佢好多雪菜! 好有口感之餘又好

晌香港食上海菜嘅餐廳多的是，不過，如果約朋友食飯，我會偏向揀啲食過嘅，因為質素大概知喺點，穩陣啲。其實，今次舊同學嘅飯局，地點都喺大家拋啲建議出嚟，選好嗰兩三間都訂位已滿，淨番walk-in位，唔穩陣，搏唔過。突然想起尖沙咀嘅上海婆婆336，好彩仲有位，不過周六要分時段，我哋又無乜所謂嘅。都成年無嚟過，依家少咗自由行，遊客區嘅生意可能差咗，但今晚周六所見，就算唔十足，都九乘幾滿。所以，話分兩輪，由於下一輪都唔喺多人得咁緊要，都由得我哋繼續坐 。除咗小弟，原來當中都有舊同學嚟過，所以，大家都建議咗一啲心水菜式，再加啲炒飯、甜品，就已經OK。 四小拼（脆鱔、烤麩、小排骨、肴肉）$102 喺小弟山嘅心水推介嘅冷盤前菜，一來可以一次高試到多款冷盤，二來脆鱔真喺好特別。賣相樣衰嘅脆鱔入口脆卜卜，酸香開胃；小排骨如平常食到嘅糖醋骨，肉質倒算做得鬆化；烤麩軟綿而吸滿醬汁，食落煙韌咬口；肴肉晶瑩的骰，口感爽滑。 魚籽煙燻蛋 $18 / 隻 專登點嚟推介比舊同學試試，因為真喺做得有水準及心思，金黃蛋黃半凝半黏，蛋香濃郁而溏心效果突出，蛋白爽口彈彈，蛋黃濃香而略帶煙燻味，賣相吸引，食味又

 好少係I-square食野...印象中個到既餐廳有babycafe, monster sushi, 丸龜製麵, 山頭火, 泰國同Vietnam 野, 滿記, 蟹, 炸豬扒同Te...今次黎到發現滿記轉左做茶木(上次都係, 但唔記得左), babycafe轉左做Luxe(Langham oyster buffet)...我地就去左茶木對面既上海婆婆336...上海婆婆我就食過一次, 記得有婆婆粒粒炒飯, 都OK既...但呢間就無呢個炒飯...我地叫左既有336炒飯, 婆婆擔擔麵, 336上海小籠包, 麻辣小籠包, 魚籽煙燻蛋, 凍什果酒釀丸子…魚籽煙燻蛋: 有得一隻2件咁叫都幾好, 唔會食唔哂…糖心蛋好靚, 有橙黃色既心…但無煙燻味, 咸味亦失奉…魚子有咸味, 但份量少, 無咩幫助… 336炒飯: 顏包同南小館既老干媽年糕一樣(可以睇我食評), 睇落去好似好咸咁, 但事實就唔係…有少少少少辣, 因為有紅椒絲, 青椒絲, 我仲見到有d黑椒(?)…仲加左d生菜絲, 所以無咁漏…飯粒粒粒分明, 而且干身…仲有好多蝦仁…不過有少少油…婆婆擔擔麵: 麵條好有彈性, 好好咬…又唔會太淋…肉碎無咩點

大概半年前嚟過上海婆婆336食飯，由於菜式帶點新派，又做得有水準，所以，對該餐印象唔錯，記憶猶新。從雜誌知道佢哋出咗啲蟹粉菜式，就搵埋幾個朋友一齊試吓，初次邂逅佢嘅蟹粉菜式，唔知水準又如何呢？「上海婆婆336」跟「上海婆婆」有咩關係？336又點解呢？環境、菜式類別……依啲晌上次食評都介紹過，所以，都唔多費唇舌。雖然，聽講尖沙咀食肆嘅生意差咗，不過，仍有不少食店嘅生意不俗，就好似今晚所見，婆婆嘅生意認真唔錯，睇落估計都有九乘幾滿，當然都仲要睇人均消費額先準，食肆就最怕旺丁唔旺財，可是作為食客，人哋嘅生意額就難知啲喇。既然一心嚟食蟹粉菜，自不然聚焦晌個創意蟹粉系列餐牌上，由於我哋唔咩蟹粉狂熱份子，而且，有啲上次試過嘅心水冷盤又想介紹俾朋友，所以，眾多蟹粉菜中我哋只點選咗其中兩款。此外，再按大家喜好加啲富特色嘅菜式，樣樣有啲，就成為今晚聚餐嘅選擇。四小拼（脆鱔、小排骨、烤麩、肴肉）$95之前試過佢嘅脆鱔，超正，正想介紹俾朋友，朋友就心多多不如揀個四小拼，因為一次過試到多幾款冷菜。黑掹掹嘅脆鱔依然脆卜卜，沉厚酸香；小排骨喺幾款冷菜中較平實啲，肉質倒算做得鬆化；烤麩軟軟綿綿，索滿醬油；肴肉晶瑩的

每逢近節日的日子外出食晚飯慶祝, 阿爸總會說：「又多人又要等, 啲食店又忙又求其, 最唔鍾意。」氣憤憤駡完一輪都會出去食, 但大家都已一肚氣, 食乜都冇味! 所以今年我醒目一點, 早兩星期慶祝父親節, 訂好座位, 果然沒有發嚕囌。到達食店門口已見堆滿了不少食客在等候, 相當旺場! 爸爸一知道是上海婆婆便說曾經帶過他來吃。又話記性不好, 咁多年前還記得…… 是! 幾年前住在將軍澳亦曾光顧過該區的上海婆婆, 放在牆上的手繪中式公公婆婆大頭小孩畫像仍記憶猶新, 但位於尖沙咀iSQUARE這間上海婆婆336則煥然一新, 裝修和傢俱都很時尚, 數塊黑板貼在牆上, 以白粉筆畫寫上店名和畫上菜式, 很有藝術色彩。開放式的店子, 可讓外面的途人看到食客吃得津津有味的樣子。內裏有大圓枱、兩人座位及四人卡位, 大部份都是軟墊櫈, 最特別竟有吧枱連不同設計的高腳櫈, 相當新潮。我們被安排了一張窗邊的四人卡位, 位與位之間有許多空間, 坐得又舒服, 外景又正!安坐後便有服務員送上暖茶和餐牌, 他們還不時主動為我們添茶、上菜和執拾, 很有效率, 加上忙碌中仍保持有禮的服務態度, 值得一讚!看看硬咭封面的餐牌,

唔知係咪旺區關係, 大部份餐廳都係限1.5-2小時, 雖然是晚並唔係星期五或者假期前夕, 真係唔明白點解仲要限食, 你話人多咁樣做係好正常, 亦都好啱, 等人人都有機會食, 唔會比部份人霸住, 但果晚都唔算多人, 所以唯有等齊人先入去................我同個朋友第一次去都, 諗住入去坐住等, 但門口個亞姐話限時2小時, 咁我地唯有唔入去住, 諗住叫佢比張飛我地當等位啦~ 佢竟然用唔太禮貌的語氣同我地講, 仲有位我地係唔會比飛架噃~ OK冇問題, 咁我地咪企响門口等lor~ 終於等到人齊入去, 雖然都等咗差不多十分鐘, 但中途係冇人入去, 所以都唔駛急~我地張枱係中間果d圓枱, 其實都夠坐6個人, 好似隔離枱咁, 就係因為咁, 本身呢張枱d櫈比人拎哂過隔離枱, 有d係坐, 有d係放袋, 只係淨返啱啱好3張櫈比我地, 我地仲係度話有冇櫈放袋, 但d亞姐都冇理我地........ 算~ 我地諗食乜, 當朋友諗食乜時, 我發現佢有個大黑板, 畫咗好多公仔, 又解釋咗佢地個"336"即係上海話的"謝謝儂", 真係夠意思, 而佢呢度d裝修唔似一般上海鋪咁古式, 係比較新潮d, 啱哂