楚撚記大排檔 (寶光大廈)

營業中

休息中

慶祝生日，友人揀咗呢間餐廳。食過分店，冇食過總店。-餐廳設計富香港特色，門口光亮招牌，深綠色主調，綠色鐵閘作間隔、綠色鐵皮凳，典當霓虹燈設計，本土情懷濃厚。-特意訂座分三輪，首輪食17:30，門口已堵滿人群，入座率100%，慶幸有訂枱，Qr code下單，冇套餐，有總店限定新式菜餚，有創意。-借位投訴：由17:35下單等到18:35仍冇食物，催促之後先被店員告知系統出錯，冇道歉，主動跟單但頻頻出錯，出錯兩次菜餚，再三催促下店員道歉，同枱友人當時已非常唔耐煩。終於緩緩上第一道菜，時間係18:48，而直到所有餸菜送上，時間係19:15。等待時間超過1.5個鐘絕對唔能夠接受！-馬灣可樂 $25細罐，設計有香港懷舊復古感覺，味道啖啖肉桂香，酸大於甜，友人唔鍾意。-老火菜乾煲豬肺湯 $113 （小）大概三至四人份量，湯呈青綠色，濃，香，甜，冇味精，湯料份量多，有豬肺、瘦肉、菜乾、南北杏。-楚撚沙拉骨 $98份量多，沙律醬塗喺排骨表面，橙紅色排骨大小不一，瘦中帶肥，口感唔韌，外皮冧，味道正常。-黃金椒鹽粟米 $69份量正常，每件粟米太大。粟米同鹹蛋黃唔匹配，椒鹽味少，被鹹蛋黃蓋過，粟米爽脆，甜度一

聽講佢搬左鋪，特登過黎試下。冇book台話應該有排等人。8點半入座。見話好多人話飯後有送，但今次冇送，唔知太晏派哂定點。拔絲咕嚕肉，梅頭肉每件都啖啖肉，唔太識品嘗旁邊的焦糖塊，覺得硬左d，對個拔絲有d 失望，雖然賣相ok。總體平平。菜乾豬肺湯，份量十足，6個人每人都飲到2碗，湯料亦都唔少，見到湯面唔會好油，清肺一流。豬油撈飯，有趣，新一代人甚少咁樣食法，入口而冇想像中既油膩。要親飯重有熱力撈埋d 豬油。蜜椒薯仔牛柳粒，落完order，去完廁所既時間已經上左菜。快手上菜係好事，但食物明顯地唔夠熱。另外無論薯仔定牛柳份量都唔算多。鳳尾蝦多士，差，只係得微暖，表面亦唔夠脆，如果係返熱返個多士既話有點失望。黑松露蓮藕墨魚餅，呢個係最後一道上菜，唯一一個感受到大排檔溫度，煎到金黃色岩岩好。咬開重有煙。黑松露個味好夠好出。蓮藕夾埋墨魚口感爽脆層次豐富。特別的汽水，香港製造，就真係唔似可樂，幾種唔同既甜味混合而一咁。但試一次夠。總體食物有好有壞，裝修有風格，但不太感受到食物有大排檔既鑊氣小炒feel。如果追求快出餐，只可算係好少少既茶記。

#wetdodo_土瓜灣 #wetdodo_荃灣 #wetdodo_西環楚撚記真係聽過好多次都聽聞勁難book位但可能係因為預約閒日晚上早兩星期book都好順利就有位既然有得預約鼓勵大家早啲打電話去留位☎️土瓜灣鋪一直都有但呢家搬左鋪位重新裝修同一般大排檔比又真係闊落同好坐啲同埋全室內位都坐得舒舒服服❣️Btw最後仲有糖水送～唔洗諗下場糖水了😂會飽到食唔落😋———————————————————————💛原隻脆皮炸豬手 $159😋：8/10份量好多 而且都幾多肉而且外層都幾香脆調味恰當唔會太咸呢個算係幾抵食～💛豉汁排骨陳村粉 $102😋：8/10好耐冇食陳村粉～難得見到即點！陳村粉入口好滑又掛豉汁 呢個唔會太咸幾好排骨同粉既份量都多如果想叫個粉麵飯既都推薦試下呢個🤭💛椒鹽鮮魷 $103😋：7.5/10驟眼睇似避風塘多啲😂整體有啲啲過咸但鮮魷口感爽彈 都唔錯💛蜜椒薯仔牛柳粒 $113😋：7/10呢個啲牛粒同薯仔粒都切得好細😂如果大粒番少少會更開心黑椒味夠濃 薯仔同牛粒都夠軟身💛豬油撈飯 $23😋：7/10第一次食豬油撈飯😂可己自己調教落既份量 亦都好啱打卡🤭豬抽同豉油撈埋幾香不過記住要襯熱食