Yadllie Plate 야들리애플래이트 (海之戀商場)

食完覺得要上嚟openrice留個好評👍🏻❤️講咗好多日想食韓國嘢，放工晚上約8點我去咗荃灣海之戀的Yadllie Plate分店，雖然要等位，大概等15分鐘到。我好鐘意餐廳有齊晒濕紙巾同紙巾，仲要好乾淨！有齊晒小垃圾桶放骨頭。好整齊好整齊～真心like啊，細心位。我哋叫咗半半炸雞，一半係蜜味乳酪粉，另一半係大邱辣醬。第一吞食落去同平時食嘅炸雞好唔同😯平時啲韓雞好厚皮同好油，呢到食到嘅可能係我食過最好嘅韓式炸雞，皮薄得嚟又脆，口感一流（真咖）如果多多少少醬汁會更好，我鐘意超多汁～醬豬蹄份量都幾多，大碟，好多片，二百幾數都覺得ok～配咗生菜同兩種醬料，肉質好味，皮同肉比例剛剛好，食到我哋好滿足。啡色醬甜甜哋好好食，辣醬偏辣～鐘意辣嘅話會好鐘意！仲有香辣芝士八爪魚，店員即場用煤氣爐撈芝士，淋滿整個八爪魚。八爪魚軟熟，份量都唔少，仲有啲辣味，食落去好開胃。全部職員都好好人啊，有提醒個碟好熱小心啲，同好有禮貌。最後，甜品我哋叫咗朱古力沙冰，味道濃，但有啲單調，如果裡面有啲內餡就正啦！但朱古力味都幾足，整體都唔錯，甜品做結尾好開心✨飲品方面，我叫咗菠蘿米酒，味道清新，好開胃；家人叫咗提子梳打，對唔

已經數唔到食過呢間韓國炸雞幾多次，除左地理位置優越，仲要每樣食物都好大份，好啱聚會傾計😌食物選擇除左必點嘅炸雞，仲有鍋物、白切五花腩、醬豬手呢啲都係唔錯嘅選擇◼️Yadllie原味手工生啤 $75 食炸雞飲啤酒條氣先會順，呢款手工啤好易入口，冇揀錯😎◼️半半炸雞（大邱辣醬 + 黃金蒜香）$208大邱辣醬只係微辣，食唔到太辣嘅人都會輕易入口，黃金蒜香淡淡嘅蒜味唔會太嗆口。呢度嘅炸雞只會係外層包裹一層薄粉，輕盈無太多嘅負擔，選用韓國空運黎嘅雞，好juicy🤤◼️香辣芝士八爪魚 $138 一上枱就會有店員開火熱容芝士，令每件彈牙嘅八爪魚都包裹上濃厚嘅拉絲芝士，邪惡👿◼️烤牛肉水冷麵 $128每次黎都會點每麵，好鍾意呢啲彈牙麵質，炸牛肉油脂充滿牛油香◼️麥芽啤酒蝦 $118啤酒蝦嘅外層好鬆化，有少少似食天婦羅，送酒啱晒！◼️芒果雪冰 $88甜品係第二個胃，所以飯後甜品係不可少😆雪冰質感好綿蜜，又唔會好甜😗最後都ko晒

Yadllie Plate今日推介喺海之戀商場一間韓國菜餐廳叫「Yadllie Plate」，已經第二次回訪呢間韓國菜餐廳，喺韓國已經有30幾間分店嘅韓式炸雞店。呢間餐廳入面裝修相當時尚，空間又相當闊落，好啱輪椅人士入去食呢間高質韓國菜餐廳，今次仲有午市套餐揀添，1700前都會有午市套餐叫，加$18仲有特飲揀，午市套餐真係好抵食！1.石燒腩肉伴香蔥煎餅$158+蝶豆花青瓜梳打$18（8.5/10）呢個石燒腩肉伴香蔥煎餅套餐有6舊好肥美嘅腩肉，換埋生菜一齊食唔會太油膩，薑蔥煎餅都幾厚實，煎得好香，仲有一碟新鮮泡菜同一碟新鮮沙律！蝶豆花青瓜梳打：跟套只係加$18就得，原價要$48一杯，呢杯就唔會好甜，蝶豆花配青瓜好清新，飲完解膩一流！2.手工炸雞伴牛肉紫菜包飯$128+藍橙荔枝梳打$18（9/10）炸雞係採用正宗韓國走地雞，炸雞外皮炸得好香脆，肉質嫩滑，炸雞一共有4件，呢個套餐仲有6舊牛肉紫菜包飯同6片蝦片，最後仲有一碟新鮮泡菜同一碟新鮮沙律！藍橙荔枝梳打：跟套只係加$18就得，原價要$48一杯，呢杯就唔會好甜，淡淡荔枝味又唔會甜得好假，唔錯！3.香辣芝士八爪魚$138（9.5/10）一遞

好姊妹想試好耐今日收早同佢嚟到海之戀商場開餐上次嚟無Lunch menu 啱晒啦想食五花腩又怕食唔晒可以叫L08 石燒腩肉伴香蔥煎餅$158跟新鮮泡菜+新鮮沙律餐飲：手調百香果水果茶上枱仲熱辣辣～生菜包住泡菜五花腩實在太爽沙律除左菜仲有梨甜好甜百香果好香唔會太甜上次試左柚子今次試下蜂蜜米酒$78有蜂巢掛邊，打卡一流，影完影成舊放埋落去有追開我文既都知我好鍾意韓國米酒加埋蜂蜜真係好夾飲到最尾食埋件蜂巢即刻感覺好滋潤芝士蟹籽蛋捲$128係每次必點，因為真係太好食香辣芝士八爪魚$138店員會幫忙將🧀🐙糾纏係一齊芝士拉絲卷住爽口微辣既八爪魚～絕呀！配埋香蔥煎餅都唔錯火灸牛$98朋友未試過，所以又叫，有些少唔同既係呢邊無醬汁係底，不過各有千秋食到咁上下又口渴再叫左杯菠蘿米酒$58呢杯飲落有汽同蜂蜜/柚子又唔一樣我心目中排名1️⃣🍯蜂蜜2️⃣🍍菠蘿3️⃣柚子仲爭益力多未試，但今日真係飲唔落朋友叫左藍橙荔枝梳打$48好靚呀！藍海呀！好有層次~又係一杯打卡飲品頭先話飲唔落係因為要留番個位食甜品上次試左蜜瓜今次試朱古力雪冰$88幾驚喜喎係黑朱古力唔太甜配雲尼拿雪糕有d朱古力脆脆🧊保持到水準好綿滑無冰粒下次試🥭好無呢

我一直都很喜歡吃韓國餐🤩在香港要找好食的韓餐，我必定会推介食Yadllie Plate❤️味道同環境都一流炸雞！食韓餐必需的叫了半半炸雞🍗一次過可以試2款味道🤤原味和蜜味乳酪粉😚炸雞皮超香脆，雞肉嫩滑，2個味都好食。蜜味乳酪粉甜甜地～女仔都會鐘意。玫瑰牛肉炒年糕：年糕軟糯煙韌，加上滑滑嘅芝士+牛肉碎，好香又暖笠笠🤩冬天食好正香辣芝士八爪魚🐙 同八爪魚煎餅：八爪魚又係韓餐必食之選，八爪魚粒大大粒，新鮮彈牙。真係會食上癮😂最後叫咗個蜜瓜雪冰🍈做甜品❤️好大杯呀🤩蜜瓜香甜，旁邊仲有大大支蜜瓜味雪條，好過癮👍🏻呢間真係會不斷再食，食物味道好好味👍🏻辣味位同韓國幾乎一樣❤️真心正👍🏻值得推介！

韓式餐廳韓式炸雞/烤雞專門店 Yadllie Plate 開到荃灣海之戀啦，所以今日來到海之戀商場選擇了食Yadllie Plate。餐廳木係裝修，舒適新潮。餐廳的菜牌真是很多款式，厚厚的一本Menu，馳名的韓式炸雞、烤雞、芝士辣炒雞、醬豬蹄、驚喜二重奏、白切五花腩、魚介湯鍋……，嘩，花多眼亂，很多款式。半半炸雞，有三款味道，要了大邱辣醬及蔥蔥蔥味道。半半炸雞的2款炸雞表皮都帶脆，肉質都帶著嫩滑，最喜愛大邱辣醬炸雞，因為入味之餘帶香香辣辣的味道，食完都覺回味。還有很特別的蕃薯條，比起薯仔，蕃薯帶著特別的甜味，另有一番味道！香辣芝士八爪魚，連爐上，現場製作，八爪魚底下非常多芝士碎，待芝士煮容之後，再有侍應親手現場製作，熱辣辣的熱溶拉絲芝士，八爪魚帶著好香濃的芝士味，爽脆帶芝士的香，好惹味呀！！陸軍醬油湯鍋(牛肉)，韓式辣醬湯底，再要了份免費生菜。牛肉已經煮熟放於面上，還有一片片的芝士，上枱見到已經好吸引。鍋底裡面除有牛肉外，也有年糕、娃娃菜、金菇菜、炸豆腐、午餐肉…… 等，一大鍋，味道甜中帶辣及芝士味，食落好清新。百香果水果茶，水果茶裡面有二大片的橙，味道酸酸甜甜，整個水果茶带少少酸酸甜

呢間韓國過江龍本身喺韓國已經有成三十幾間分店，依家進駐埋荃灣海之戀，網上見到嘅食物post，菜式好香口，幾吸引，今次朋友終於有時間陪我食！呢間新式韓國餐廳，裝修採用英倫風格，融入車廂概念，門面好大氣，店內一排大玻璃窗望到外面嘅平台種滿綠色植物，好開陽，卡位坐得特別舒服，張枱又夠大！食物、飲品、甜品份量都幾大，所以價錢合理，適合同人share！✔️香辣芝士八爪魚$138本身自己好鍾意食爽口嘅八爪魚，加上辣味同芝士，係無法抗拒嘅組合！一上枱，見到沾滿辣醬嘅八爪魚下層係芝士條，會連埋Gas爐一齊上，侍應會喺客人面前撈勻八爪魚同芝士，散發出香味！八爪魚外層好似有一層脆衣，肉質好彈牙，芝士好厚實份量好多，辣味好惹味、開胃，唔覺得特別濟！✔️半半炸雞$208Menu有介紹呢間餐廳嘅炸雞係韓國空運走地雞，肉質結實，用上二十幾種天然醃料，全手工製造，毫無懸念，一定要試吓啦！炸雞有四種口味：原味、大邱辣醬、蔥絲、蜜味乳酪，半半炸雞可以揀兩種口味，都係毫無懸念，揀咗大邱辣醬、蜜糖乳酪味，兩隻口味各有4件雞，包括雞鎚1件、雞全翼1件、雞胸2件，食落外皮真係脆得來好煙韌，成塊皮好連綿，醬汁食晒喺雞皮上，香口得嚟又

韓國過江龍的手工炸雞專門店Yadllie Plate，竟能在有名「劣食之塔」的兆萬做出一片天，肯定有其原因。因此當她決定在荃灣海之戀開分店，我們已想第一時間光顧🎉✏️位置（9/10）：商場2樓，交通位置四通八達✏️環境（9.5/10）：採英倫鐵路車箱風格裝修，華麗高貴舒適✏️服務（9/10）：侍應們十分主動及有禮，下單上菜同樣有效率✏️食物（9.5/10）：用韓國空運走地雞，炸雞必點，其他菜式同樣高質🌟香辣芝士八爪魚 - $158前菜選了這款用瓦斯爐及鐵鍋上菜的香辣芝士八爪魚，韓式辣醬惹味，八爪魚爽滑厚身，而且很夠入味，配上煮溶拉絲及香濃鮮甜的芝士，味道口感均相當討好😋🌟醬豬蹄 - $258餐廳主打菜之一，豬手煮得十分很軟稔，醃得充滿醬香味，份量亦夠多，醃上特製醬汁及辣椒醬，豬手鮮味更加突出☺️🌟蜜味乳酪粉炸雞 - $188標榜採用韓國空運走地雞，以20種材料的秘製腌料及薄層秘製乾粉，經過72小時發酵醃製，當然不能錯過。由於怕太辣，點了這款芝士及蜜糖味的炸雞，比想像中出色不少，香濃惹味，必試之選😍🌟芝士牛肉煎餅 - $128韓式煎餅很有名，這裡的煎餅也同樣出色，薄脆口感中釀入鮮味的牛肉，加上面層