Flames (黃埔天地)

營業中

休息中

今日接女朋友收工之後去咗黃埔一間好有情調嘅西餐廳Dinner呢間餐廳好多人幫襯，好彩醒目嘅我一早book咗先食到😎餐廳勁有心思，已經為萬聖節佈置好曬👻一嚟到我地叫咗個香脆魷魚圈🐙口感好爽好彈牙同埋唔會好粉😚女朋友叫咗個香煎帶子魚籽龍蝦忌廉扁意粉😍有成三粒帶子，而且每一粒都好大粒仲燒到好香😚甘甜嘅魚籽加上鮮甜嘅龍蝦忌廉非常之夾，食落去味道好豐富😙而我就叫咗個12安士安格斯肉眼扒配忌廉薯蓉，我叫咗五成熟😁成餐飯最期待就係佢，果然冇令我失望🤩塊扒差唔多有女朋友手板咁大塊，真係十分誇張😳廚師將火力控制得啱啱好，切開仲可以見到入面紅紅地而且冇乜血水流出嚟👍🏻令我覺得最特別嘅係呢塊扒除咗有黑椒味之外仲食得出有炭焦味😳平時喺其他餐廳都未食過呢個感覺，相當特別😇忌廉薯蓉口感好滑而且唔會過鹹過膩，同安格斯肉眼的牛油香真係絕配😛最後野飲我地叫咗個得黃埔分店先有嘅Cheese Cake Shake😯其實一開始都唔係太知咩嚟，但都照叫咗😆點知原來真係成塊cheese cake放喺杯野飲上面😂份量唔算好大杯但係女仔影相打卡就絕對會好靚🥰地址：紅磡黃埔花園2期錦桃苑地下G10B號舖

黃埔區好多美食， 撞啱今日喺嗰邊放工約咗屋企人晚飯。 喺黃埔花園行行吓見到一間裝修幾型格 西餐廳， 印像中其他分店食物唔差， 一於入去開餐。有兩邊落地玻璃， 燈光柔和， 氣氛唔錯 ， 西餐廳有圓桌， 感覺寬闊舒適～🍀🍀香脆魷魚圈$88魷魚好厚身，入囗煙韌有鮮味， 外皮炸漿判炸得比較硬身。燒羊架配蔬菜$2685成熟的羊架， 肉質超嫩， 一囗咬落絕不費勁， 肉汁豐富， 好有羊味但係唔羶， 簡單海鹽令羊架味道更提升～ 喜歡吃羊的屋企人讚不絕口! 蔬菜有茄子，薯仔，紅蘿蔔， 大大件角切，烤過特別香，茄子尤其清甜又juicy， side dish 絕對認真，食材好高質!蟹肉巴馬臣芝士脆脆番茄忌廉汁通粉$138醬汁香濃惹味， 而且啖啖充滿蟹肉， 真材實料！巴馬臣芝士配合番茄味道更有層次。這款通粉較大較厚身， 口感煙煙韌韌而且沾滿醬汁， 非常惹味！雞鹽薯條$48熱辣辣炸起，外脆內軟， 灑上少少調味鹽， 特別香口美味， 吃不停囗😋～

今日早咗放工，於是同同事一齊嚟到黃埔嘅flames食飯放鬆吓～舖頭位置好闊落都適合一家大細嚟食㗎！今晚我哋叫咗葡式香辣燒春雞配薯條，呢度嘅燒春雞烤得啱啱好，餐牌上面雖然有隻小辣椒喺隔離，但係其實佢嗰隻辣好惹味㗎，烤雞嘅外皮好薄又香脆，而且一啲肥肉都冇，肉質嫩滑又 juicy！之後再叫咗一份照燒汁鱈魚柳配芝麻油燒粟米～鱈魚肉質軟滑，而且魚柳啖啖肉，好味呀，再加埋伴碟嘅燒粟米，好香嘅芝麻油味 YUMYUM 而小食就叫咗香脆魷魚圈，魷魚圈嘅炸粉好薄，唔會覺得好油膩，而且魷魚爽口，配搭埋醬汁一齊食都好惹味可口呀！