Casamigos

近排真係幾喜歡食西班牙菜，原來銅鑼灣都有好多間。依間設有室內和戶外座位。室內食客滿關係，唯有坐戶外啦。美食有好多選擇，見有好Tapas，可以試試。蕃茄鯷魚脆包 $75一客三件，多士香脆，鯷魚柔軟，加上酸甜蕃茄，美味開胃。香脆甜椒煎蟹餅 $128蟹餅外層香脆，內裡絲絲蟹肉味道鮮美，仲食到甜椒粒增加口感，而醬汁辣辣地幾惹味。茴香茄醬煮藍青口 $138青口肉唔多， 勝在多隻，味道鮮美，配以茴香番茄醬汁，味道香濃，好食。西班牙海鮮飯 $298海鮮飯香噴噴，大量海鮮配料令飯好鮮美入味，青口、大蝦和大蜆皆見，仲有蕃茄、青檸檬和橄欖，整體美味。紅絲絨油條配士多啤梨朱古力醬 $88油條口感酥脆，朱古力醬甜美，充滿芳香的士多啤梨的酸甜味。Red Sangria $98西班牙特色cocktail，紅酒帶有果香，大量果粒，味道清新。…查看更多

好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗冇幾耐之前食過西班牙Tapas 食得好開心，好鍾意 Tapas 細細碟可以試好多款嘅感覺。今次同朋友食飯，我揀咗另一間西班牙餐廳試吓！餐廳有室內同室外空間，室外感覺好似 chill D，有風機，但依家天氣仲係有少少熱，都係坐室內😂Tapas 嘅選擇好多，飲品list 好長，迷惘緊飲咩好，問店員有咩推介，店員安排咗調酒師介紹，問我哋飲唔飲酒，酒精濃度高低，有咩喜好後，就tailor-made兩杯cocktail，special tailor cocktail $168 一杯，比起menu 嘅cocktail 只係多$10就有tailor-made，感覺好正～🍴Pandora's box顏色好靚，係漸變嘅顏色，上層係Tempranillo (紅酒)，上網睇，原來呢款係西班牙國寶級嘅葡萄品種。下面係Gin + Campari + Chambor，另外再加蛋白同橙汁，呈現帶紅嘅橙色。第一啖飲落去係溫和嘅紅酒味，之後再飲，混合咗果香味，口感好滑，好飲！🍴Lady from Ulanara 調酒師話 Ulanara 係一個中國嘅姓氏，上網睇原來係滿州八大姓氏之一！呢款酒係 Gin + Branca Menta，另外仲有黃桃、蘋果汁同青瓜，杯酒係好清嘅金黃色，有種貴氣感，一飲落去，味道比較甜，非常易入口，好爽身嘅口感，呢款好好飲！開頭聽到Branca Menta 係一款甘草味嘅酒時，有少少擔心會唔鍾意個味，但原來佢嘅輕盈甘草味同杯酒係好夾！我覺得調酒師設計飲品好有心思，呢款酒嘅感覺好有貴氣皇族美女嘅外觀同味道～凍Tapas：🍴蕃茄鯷魚脆包（$75）有人好鍾意鯷魚，有人覺得好嗅唔鍾意，我唔記得自己有冇食過，就叫呢個試吓！我先試咗一啖鯷魚，鹹鹹香香味道都唔差，冇嗅到怪味，夾埋新鮮番茄莎莎同蛋黃醬，balance 到清新同濃味，加埋好香脆麵包嘅口感，好味！🍴椰香帶子八爪魚刺身薄片（$118）之前見嘅八爪魚凍Tapas 好多時都係配番茄橄欖油，呢款比較特別，係帶子同八爪魚刺身，仲有椰子蓉，刺身上面有椰子肉粒，口感上豐富D，椰子味亦比較輕盈，唔會蓋過兩款刺身嘅鮮甜味～🍴塞拉諾白毛豬火腿（$108）呢款係24個月嘅火腿，Jamón 係後腿，油香肉香比較均勻，24個月係中度風乾，薄薄一片唔會太乾仍然頗柔軟，鹹香味十足又唔會過鹹，送酒一流！熱Tapas：🍴蠔仔蛋餅配芫荽蛋黃醬（$130）本身對西班牙蛋餅已有既定嘅概念，諗緊加蠔仔好似有D 攪笑，但又令我非常好奇所以叫咗。外觀好似冇咩特別，但食落非常有驚喜！切開，入面有蛋醬流出嚟，跌咗大大隻非常飽滿嘅蠔出嚟，一啖咬落蛋餅，個口感好好，因為薯仔係一層層薄片，入面都有芫荽，但唔算好濃味，蛋汁加醬汁好creamy，真係驚喜又好味！最攪笑係，同行嘅朋友一D 都唔鍾意芫荽，雖然未至於完全放唔到入口，但會盡量避免，所以蛋餅上嘅芫荽由我攪掂！但係，佢竟然話入面嘅芫荽夾埋薯仔蛋餅同蠔係好好食，芫荽有佢嘅存在價值😂🍴香脆甜椒煎蟹餅（$128）開頭見到3粒細細粒，感覺好似好貴咁，但切開之後見到一絲絲嘅蟹肉係勁多，即刻覺得冇揸流灘！蟹餅好香脆，個醬汁帶辣味，令個蟹餅味道更加惹味！🍴茴香茄醬煮藍青口（$138）青口份量都幾多又夠飽滿，茴香番茄醬好濃厚，我覺得有落 chorizo～ 🍴炸布利芝士（$88）外面香脆，咬開時要小心，入面好熱，非常夠鹹香味呢～ Main：🍴西班牙烤乳豬 1/4（$398）乳豬皮好脆，咬開時會聽到聲音，肉桂蘋果醬可以減輕豬嘅油膩感！Sweets：🍴紅絲絨油條配士多啤梨朱古力醬（$88）油條外酥內軟，士多啤梨朱古力醬，我感覺係士多啤梨味比較重，類似2/3，酸甜味比較突出，朱古力嘅濃厚味係個 base，配埋有肉桂砂糖嘅油條好夾！呢間餐廳將一D 比較傳統嘅西班牙食品，作fusion 變化成為餐廳獨有嘅菜式，係幾特別又出奇咁夾，環境舒服有情調，店員嘅服務一流又細心，係一間會回頭嘅餐廳！記得一定要訂位，因為平日夜晚室內係full house，室外都有7成嘅入座，walk-in 可能只有室外位呢～☆My IG @tracyloveliving ☆…查看更多

Tapas 是西班牙文化的象徵，也是西班牙菜的縮影，每個小細節都透露著當地人的隨性，這晚我就來到位於銅鑼灣的西班牙菜酒吧餐廳Casamigos，輕輕鬆鬆地邊飲邊吃。設有室內外座位，室內裝潢時尚摩登，在昏黃的燈光映照下，瀰漫著自在寫意醉人情調。餐牌供應傳統西班牙菜為主，選擇之多，讓人花多眼亂。松露薄燒牛西冷沙律 $128沙律菜嫩口之餘水分亦充足，綻放松露的馥郁菌香，清爽開胃無負擔。薄燒西冷中心仍保持嫩紅色，保留牛肉豐盈的肉汁，肉質鬆軟富油香，牛味濃郁有層次。香脆甜椒煎蟹餅 $128一客有三件迷你size 的蟹餅，適合我這些愛吃蟹但又最怕拆蟹的懶人。外層炸得金黃脆身，裡面真材實料載滿鮮拆蟹肉，肉質細嫩多汁，每口都充滿蟹肉的鹹鮮味。西班牙薯仔蛋餅 $88西班牙薯仔蛋餅可算是西班牙菜式中的signature dish，厚切蛋餅的外層煎成誘人金黃色，每一口裹滿濃郁蛋香。切開中間有流心效果，中心的蛋漿入口嫩滑，中間夾雜著質地粉糯的切片薯仔，口感味道極具豐富層次感。蒜蓉白酒汁煮蜆 $110蜆肉份量不少，size夠肥大，全部已煮成開口，也沒夾雜沙粒。白酒汁飄來陣陣微醺酒香，當酒精遇熱揮發後，與蜆肉的鮮甜味相得益彰。西班牙海鮮飯 $298Paella堪稱是西班牙美食的代表菜色之一，顏色鮮豔令人食慾大開，舖滿海鮮食材，包括青口、蜆及蝦肉，真是一口一鮮味。大蝦啖啖肉又夠爽口彈牙，煮熟後貝類海產的鮮汁滲至飯粒當中，將鮮味再昇華。米飯粒粒分明，煮至軟硬適中，不會過份濕軟熟爛，裡面還混有煙肉切粒，帶着煙燻香氣的肉類油脂一經加熱會隨之釋出，讓米飯吸收，淺身平底大圓鑊底下更有脆脆帶炭火焦香的Socarrat飯焦，不禁令人吃得津津有味，輕易將其「清盤」。紅絲絨油條配士多啤梨朱古力醬 $88說到西班牙菜，又怎能少了標誌性的甜品代表Churro？！在香港要找到好吃的churros也不是易事，很多時都會炸得過火，令到口感乾硬，但這裡就炸得火候剛好，外層鬆軟帶脆，內部柔軟。將經典西班牙油炸鬼變奏成紅絲絨色澤，更添瑰麗氣質，灑滿香氣馥郁的肉桂糖粉，蘸上少女心粉紅色的士多啤梨朱古力醬，將酸甜果香與玉桂的特有香味交互融合，齒頰留香。Marry Berries $98色彩艷麗奪目，Smoothies打得幼細，沒有冰粒，酸爽清新的莓果氣息可以消滯解膩。Satun's Ring $108口感豐厚creamy，一喝清甜椰香佈滿舌尖，甜度亦是剛剛好。…查看更多

三文魚酥盒 $98煙燻三文魚配鬆脆既酥皮，冇油膩既感覺。香脆甜椒煎蟹餅 $128外脆內軟，有滿滿既蟹肉。蒜蓉白酒汁煮蜆 $110好多蒜蓉，但冇搶左酒味同鮮甜。薑味橙香橡果黑毛豬鞍架 $238肉味幾濃郁，口感嫩口同厚身，搭配薯條同炸菜，炸菜幾特別，脆口，口感好似紫菜咁。松露薄燒牛西冷沙律 $128西冷薄燒，岩岩好，松露味幾香。紅絲絨油條配士多啤梨朱古力醬 $88西班牙式油條，油條味道淡淡的，灑上糖粉，配士多啤梨朱古力醬，甜度剛剛好，唔會太甜。Casa Fever $168店家調製既tequila，果香幾重，容易入口。Marry Berries $98好濃莓味既沙汁，酸酸甜甜。店內氣氛好好，岩哂同朋友或情人飲酒食飯傾計。…查看更多

最近喜愛探索唔同口味嘅菜式今次輪到西班牙菜 所以嚟到Casamigos頭盤先要一個松露薄燒牛西冷沙律($128)通常食沙律都要酸酸甜甜 但今次松露味好香 配沙律好fresh 加上薄西冷 咸咸地幾開胃除此之外可以試吓蕃茄鯷魚脆包($65)麵包吸收左鯷魚鮮鹹香嘅滋味 同蕃茄出奇地夾炸布利芝士($88)+香脆甜椒煎蟹餅($128)兩樣都係超級出色嘅小食😋前者雖然重口味 但係芝士味好濃郁後者外脆內軟熟 啖啖蟹肉 食多舊都唔覺漏！再嚟我最中意嘅蒜蓉白酒汁煮蜆 ($110)滿滿嘅蒜蓉鋪滿喺蜆中間 但冇蓋過蜆鮮味反而醬汁好吸引惹味 我好LIKE😍當然唔少得main dish 我地揀左比較特別薑味橙香橡果黑毛豬鞍架 ($238)絕對性價比高 豬鞍架肉質鮮嫩 唔會嚡熠熠特別之處就係配菜 羽衣甘藍係炸嘅！最後甜品紅絲絨油條配士多啤梨朱古力醬 ($88)熱辣辣嘅油條裏面係好似蘋果批嘅餡沾上自家製嘅士多啤梨朱古力醬 香甜好味☺…查看更多