影片
更多
2017-10-28
17636 瀏覽
近來卒之有啲秋意喇，一到秋天，唔多唔少都會諗起紅紅秋葉，秋葉又會諗起日本同韓國，雖然都有到訪過呢兩個國家，但就未試過晌秋季前往。今晚同老婆嚟「The Place」食自助餐，順道慶生，食物主題正正做緊「日韓秋祭」，顧名思義，就喺推出特色嘅日韓菜，未知能否做到出奇制勝。未進入餐廳，門口設咗個打卡位，原來有着數，拍張貼合主題有趣嘅相片，上載到IG，就有機會贏到雙人自助晚餐再食多餐，詳情可瀏覽官網，但個活動只去到30/11啫。小弟雖然都算食唔少自助餐，但The Place都喺第一次嚟，對個用餐環境感覺好唔錯，唔止環境闊落，樓底極高，所以，空間感極強，而一室以白色為主調，梳化椅又舒服好坐，整體感覺閒適。事後翻睇官網，先知餐廳設計出自名師。沙律輪到介紹食物區，食物嘅擺放都頗集中，唔會東一忽、西一忽。先介紹沙律區，因為，小弟慣於先由沙律落肚，開開胃，堅可以加強戰鬥持久力。除咗多款沙律菜、配料及5款醬汁外，仲有4款預製好嘅沙律，所以，選擇唔算少。沙律拼少少冷盤切腸喺小弟嘅慣性頭盤，沙律菜非常爽脆，醬汁選咗柚子醋搭意大利油醋，效果非常好，柚子味突出，口感更酸爽清新。預製沙律亦不俗，最鍾意喺嗰個紫薯沙律，
未進入餐廳，門口設咗個打卡位，原來有着數，拍張貼合主題有趣嘅相片，上載到IG，就有機會贏到雙人自助晚餐再食多餐，詳情可瀏覽官網，但個活動只去到30/11啫。
小弟雖然都算食唔少自助餐，但The Place都喺第一次嚟，對個用餐環境感覺好唔錯，唔止環境闊落，樓底極高，所以，空間感極強，而一室以白色為主調，梳化椅又舒服好坐，整體感覺閒適。事後翻睇官網，先知餐廳設計出自名師。
沙律輪到介紹食物區，食物嘅擺放都頗集中，唔會東一忽、西一忽。先介紹沙律區，因為，小弟慣於先由沙律落肚，開開胃，堅可以加強戰鬥持久力。除咗多款沙律菜、配料及5款醬汁外，仲有4款預製好嘅沙律，所以，選擇唔算少。
沙律拼少少冷盤切腸喺小弟嘅慣性頭盤，沙律菜非常爽脆，醬汁選咗柚子醋搭意大利油醋，效果非常好，柚子味突出，口感更酸爽清新。預製沙律亦不俗，最鍾意喺嗰個紫薯沙律，粉糯清甜，而且，伴以沙樂美腸，鹹香細膩，確喺有個好開始。
冷盤小碟、韓國九節板晌沙律區附近仲有唔少日韓食，如日式冷盤、冷麵、韓式九節板……等等，亦有即煎鵝肝多士，密密出，無可能樣樣都試晒，隨心揀咗幾樣試試：芝麻豆腐、蕎麥麵及九節板，稍後再試啲鵝肝多士。
芝麻豆腐口感好嫩滑，芝麻醬好香濃，而蕎麥麵入口溜，九節板喺韓國宮廷料理嘅前菜，一格格放上各類韓式前菜，依樣嘢老婆就最啱，所以，拎咗一整碟共享，佢話非常好食，口感清爽，各有唔同味道。
養生燉湯食咗唔少生冷嘢，來一盅燉湯暖暖身就最好，是晚喺川貝海底椰燉雞，由於我哋坐晌食物匿附近，睇住啲燉湯全晚不停供應，貨源充足。盅燉湯湯色清澈，卻足料無欺場，飲落清潤順喉，暖入心肺。
川貝海底椰燉雞
62 瀏覽
0 讚好
0 留言
海鮮冷盤呢度嘅凍海鮮陣容都唔弱，有兩款生蠔（紐西蘭、加拿大）、小龍蝦、凍甜、長蟹腳、龍蝦鉗、東風螺及青口。生蠔始終喺大家心目中回本嘅食物，所以，睇住駐場開蠔師唔停手密密咁開，以滿足大家需要。
雖然小弟都鍾意食海鮮，但咪睇咁大碟海鮮「拼盤」淨喺我食，喺拎埋老婆嗰份。兩款生蠔都好食，口感爽脆，蠔味不俗，海水味又唔會太重；啲凍甜十分鮮甜，質感爽彈，長蟹腳一般都比較鹹，今次就無拎，但龍蝦鉗就要試試，蝦鉗處理過，所以，好易啪開啖啖肉，新鮮好食。
海鮮冷盤
93 瀏覽
0 讚好
0 留言
食咗一轉凍嘢，又搵啲熱嘢緩和吓先，除養生燉湯，仲有一中一西湯供應，分別喺：蟲草花煲雞湯、雞蓉雜椒湯，老婆要前者，小弟就試試後者。
麵包籃是日湯品旁就放咗好多款麵包，一共5款，個個都做成小圓包，有軟軟熟熟嘅日式包，有硬崩崩嘅歐陸包。
淨飲湯都喺寡啲，除了拎個小圓綠茶包之外，豪爽啲加件鵝肝多士，個湯就普普通通，但件鵝肝多士超美味，首先，啲鵝肝裁得好大件，夠晒睇頭，煎得外脆內嫩，塗啲芒果醬，入口滿滿油香而不膩，伴以脆口嘅多士，無得輸啦！
熱盤專區熱盤區就座落晌開放式廚房度，一系列熱盤，煎炒煮炸乜都有，當然有唔少日韓主題菜式，憑相片記錄有以下菜式，不過，可能有遺漏，請見諒。包括：韓式泡菜炒飯、清炒時蔬、豉蒜炒龍蝦鉗、韓式泡菜芝士焗龍蝦、一口和牛、日式免治雞肉串燒、韓式泡菜醬炒馬鈴薯、韓式辣味年糕、炸日本極黑豬扒、日式蝦天婦羅、印式烤餅、印度羊肉咖喱、韓式芝士炸雞伴薯條、蜜汁叉燒。
印度咖喱專區同屬熱盤專區，但就僻咗一角擺放咖喱美食，包括印度香辣烤雞腿（伴薄荷乳酪、芒果酸辣醬、雜菜酸辣醬）、印式香料飯及印式黃豆薯仔馬沙拉，仲見到師傅不斷整印式烤餅，睇佢功架十足。
先嚟第一碟熱盤拎咗8款菜式，試試胃納容量，有炒龍蝦鉗、焗龍蝦、和牛、免治雞肉串、炒馬鈴薯、炸極黑豚、印度羊肉咖喱及香辣烤雞腿，老實講，樣樣都好好食。龍蝦鉗拉蒜頭豆豉炒，惹味鮮香；龍蝦拉泡菜芝士焗，味道真喺幾特別；啲和牛又腍又有油香，正呀喂；印度羊肉咖喱及香辣烤雞腿做得出色，前者軟腍羶香，後者辣勁足，雞腿肉入晒味。免治雞肉串就一般般，炸極黑豚雖然咬落仍然脆口，始終炸完擺晌求而未喺即食，感覺差咗少少。
熱盤
66 瀏覽
0 讚好
0 留言
晌印度羊肉咖喱、韓式芝士炸雞伴薯條後面，原來仲有兩款烤肉：烤豬腩肉、紐西蘭肉眼牛扒，差啲走漏眼，薄薄哋要咗兩片伴啲新鮮生果一齊食，啲豬腩肉口感比較乾同韌，但啲肉眼就好正，肉味濃郁，質感柔軟。雖然唔喺烤菠蘿，但食肉眼配鮮菠蘿一樣唔錯。
雜錦芝士站食到呢度都真喺已經八乘幾飽，不過，本身其實都有打算晌食麵包時配啲芝士，不過，嗰刻真喺唔記得咗，結果就費事食，但都介紹一下佢哋有咩芝士供應：英國車打芝士、荷蘭艾登芝士及瑞士艾文頓芝士，此外，仲有啲自家調製嘅芝士醬。因為芝士屬奶製品，都比較易變壞，如果有啲透明膠蓋冚一冚會衛生啲。
刺身、壽司因為覺得食親自助餐，所提供嘅刺身、壽司都喺大路貨色，所以，一般都較少會要，當晚所見，刺身、壽司款式都唔算少，更有即製手卷添，但個人覺得吸引力唔大。而壽司檔設晌食物區最尾，唔知會唔會影響銷情呢，哈哈！
粉麵站無打算食粉麵，一來食其他嘢都食到飽飽，太飽肚嘅粉麵就自然放棄，二來除提供清雞湯或日式豬骨湯外，餸料上又唔喺好有賣點，所以，就更加無衝動想試。留肚，攻陷甜品區先。
甜品、生果甜品區就晌一入門口位，除款式多，而且，大多數都做得精緻養眼，尤其幾款主題蛋糕：意大利芝士蛋糕拉麵、北海道綠茶芝士餅、泡菜白朱古力紅桑子慕絲、韓式柚子蜂蜜蛋糕、魚塘水信玄餅……等等，做得維妙維肖，好有話題性，不過，有少少可惜喺似乎出咗一或兩輪就唔見翻貨，部份款式未有機會一試。
不過，整體仍然有好多甜點，更不時轉款，去到尾都仲見到有新嘢出，所以，相片記錄都講唔晒。此外，甜品區並放有唔少新鮮生果，同樣，見佢哋都不時換款，更喺貨源十足。
講明留肚就真喺留番20巴仙空間食甜品，因為一早經過時見咁多選擇，識我嘅朋友都知小弟嗜甜，又點可以唔預留多少少位呢。一口氣拎咗11款甜品，先講碟上，日式綠茶蕨餅（伴紅豆、黑糖）、抹茶大福餅、草莓大福餅、檸檬批、意大利芝士蛋糕拉麵、北海道綠茶芝士蛋糕、半熟芝士撻；而後面小杯裝有韓式雪梨豆奶布甸、芒果奶凍、雜莓芝士杯、香桃啫喱。精巧得嚟款款都好食，尤其喺蕨餅、大福、檸檬批、綠茶芝士蛋糕、芝士撻、雪梨豆奶布甸、香桃啫喱，逐樣逐樣寫真喺可以寫多一大段，所以，長話短說，高質素。咪以為啲甜品喺同老婆「些牙」，一來佢唔算好嗜甜，二來佢都真喺食到好飽，只喺黐我碟甜品揀少少試，所以，成碟都喺得我食晒，哈哈，超滿足！
甜品拼盤
68 瀏覽
1 讚好
0 留言
雪糕有晒成個瑞士Movenpick專櫃，一共提供8款口味：瑞士朱古力、雲呢嗱夢幻、冧酒提子、士多啤梨、藍莓芝士蛋糕、熱情果香芒、意大利奶凍及青檸檸檬，配脆筒又得，用小碗裝都得，仲有數款配料作添加。
小弟就梗喺揀碗裝，可以一次過試4球：瑞士朱古力、冧酒提子、藍莓芝士蛋糕、熱情果香芒，呢個品牌嘅質素無庸置疑，口感綿密富奶香，咩味道就出番邊隻味，味道突出，瑞士朱古力，濃郁兼混入朱古力脆片；冧酒提子，酒香強勁：藍莓芝士蛋糕，鹹甜細膩；熱情果香芒，酸香帶甜，總之各具特色。
Movenpick雪糕
76 瀏覽
0 讚好
0 留言
如果喜歡啤酒、餐酒或汽水餸飯，加$68可以任飲西班牙雜果酒、紅白餐酒、啤酒、果汁及汽水，呢類優惠當然要同枱客人一齊享用啦。
唔喺瘋狂想飲酒或汽水，而想試試特色嘢，晌攞凍海鮮期間，發現佢哋提供三幾款日本直送嘅罐裝特飲（$35/罐），唔平，但睇落頗特別，例如果汁加燒酌，喺咪幾有趣呢！
自助晚餐嘅定價喺$608+10%（成人價，日至四及公眾假期），$648+10%（成人價，五、六及公眾假期前夕），因為，網上有唔少優惠，實價五百頭。食物方面，已經做到有質有量，而服務方面，基本嘅收碟、添水、食物補充……完全到位，所以，覺得物有所值。
張貼
