Tapa Room (已結業)

自己本身好少試西班菜 黎左依一間Tapa Room 一出𨋢係就見到好靚既波波燈 餐廳環境舒服 啱哂情侶 閒日既七點黎到並唔多人 食到好多平時食唔到既味 幾有驚喜炸茄子條配煙紅椒蜜糖醬 $58平時食得多薯條 今次叫左個炸茄子條 嗌完好快就黎左 條茄子條 即叫即炸既有六條 食落去首先食到好薄好脆既炸粉 之後就到好腍既茄子肉 調味做到微辣 完全唔會淡 聞落有少少紅椒粉 點蜜糖醬酸酸甜甜 兩個人食六條都唔會覺得厭西班牙薯仔蛋餅配日式明太子 $88本身一開始對依個冇乜期望 但個個都叫依個蛋餅 所以試下佢咩料 食完有D出乎意料 大小就好似大過一隻手掌心少少 外邊係一層好鬆軟既蛋餅 一切落去裡面全部都係薯仔粒同明太子醬流心出黎 食落去個感覺好滿足 配左上面個層sour cream 味道好似食緊煙肉焗薯仔咁 記得要趁熱食 如果唔係蛋會實d 同裡面會冇咁流心烤煎慢煮西班牙黑毛豬鞍配些厘醋燒汁伴炸薯粒 $158豬扒好大塊好厚身 燒得啱啱好 肉質好好唔會過熟 實在有嚼頭得黎冇筋 食落去好有燒烤既香味同味道 燒汁甜甜地 一齊食好夾 當然仲有墊底既薯條粒 吸埋豬扒既肉汁好好味 霹靂蜜糖烤法國黃油春雞 (半隻）

第四波疫情維持左超耐嘅限聚令終於係農曆新年後放寬，等到頸都長埋終於可以同舊同事兼昔日戰友聚聚舊，兼補祝我地山羊座之友s嘅生日！🎉🎉一出lift就比又chic又夢幻嘅燈膽裝飾吸引，彷彿去左bar咁，打卡一流！ 疫情下被困得太耐，大家都好似啱啱放監咁，瘋狂咁order！首先登場嘅係西班牙黑毛豬火腿及柚子蜜茄子卷配日本柚子醋汁，四舊細細粒好滴骰，一口咬落去就聽到生菜超爽索索聲。首先品嘗到Parma ham嘅油脂同鹹香，跟住就有柚子同生菜嘅清新口感，有層次又refreshing，作為第一道appetizer 唔錯唔錯~ 跟住就係西班牙薯仔蛋餅配日式明太子，一cut OMG係流心啊😍😍 見住d蛋漿爆出嚟十分治癒~ 薯仔粒粒分明好有咬口，明太子完全immerse左入煎得好香又流心嘅蛋餅，係全晚嘅Top pick！ 到Mains烤煎慢煮西班牙黑毛豬鞍架配些厘醋燒汁伴炸薯粒。黑毛豬鞍好淋，同酸酸嘅sherry vinegar好夾。黑毛豬鞍被秒速KO之後大家都狂搶炸薯粒，配上生啤🍻簡直又爽又Gurr，咁至係Happy Friday嘛！ 霹靂蜜糖烤法國黃油春雞個名好搞鬼，心諗點霹靂法hahaha 一上碟就

見呢間舖幾間分店都幾多好評，而每間分店都有特別既影相位，今次去左尖沙咀分店試下，位置上比較近佐敦山林道。 Book左7點半，晚市都唔算多人，而 (唯一) 最靚既打卡位就係門口出𨋢既位置，有好多燈泡既裝飾。 好似每間分店都有限定餐牌，所以除左主餐牌上既食物，店員推介尖沙咀店限定既幾乎都叫晒黎試  薄切慢煮八爪魚配日本海葡萄 ($98)，平時好怕八爪魚會韌，但呢個好爽口，而且配埋海葡萄食既口感好fresh~  棒棒鵝肝配日本清酒 ($98)，鵝肝好香，質感好幼滑，配埋日本清酒口感係啱啱好，一啖鵝肝一啖清酒，食完都唔會有好漏既感覺。  西班牙黑毛豬火腿及柚子蜜茄子卷配日本柚子醋汁 ($68)，咬落去係沙律菜，少少草青味，配埋柚子醋，酸酸地都算開胃。西班牙小青椒 ($68)，鹹左啲，好似一啖食左粗鹽咁，少少脆口，個人認為如果無咁鹹會更好食🥴 霹靂蜜糖烤法國黃油春雞 ($188)，叫左一隻既份量，雞肉好嫩，好入味，即使係雞胸位置都唔”鞋”。 烤煎慢煮西班牙黑毛豬鞍架配些厘醋燒汁伴炸薯粒 ($158)，豬鞍好厚，肉質好嫩滑，唔會好韌，好juicy！炸薯粒外脆內軟，索左少少肉汁，好容易食到停唔到口。