Odelice! (新城市廣場一期)

早排出沙田食飯見到呢間裝修唔錯，已經諗住下次出沙田食呢間😆呢日去咗食～ 當晚叫咗個2人餐，包餐湯＋頭盤＋主菜＋甜品 $538 for 2先嚟個湯同包，湯夠濃郁，個包煙煙韌韌好食～再加上牛油上面灑咗啲粗鹽，咸咸地，我成條包食晒，仲飲晒個湯😂頭盤要咗#香煎帶子一擺低，就聞到個忌廉非常非常香👍就咁聞到都食慾大增，帶子煎得好靚！#西班牙火腿黑松露燴飯燴飯就咁食偏淡，但加埋火腿食，味道即刻唔同晒👍火腿偏鹹，加埋個飯啱啱好！#阿根廷安格斯肉眼牛排跟薯條配黑椒醬汁我哋叫五成熟，煎得剛剛好👍另外叫咗杯house red $80同埋 Tropical passion $45羅勒葉味好出，甜度啱啱好，好清新開胃～我老公好鍾意～#法式蘋果撻甜品叫咗法式蘋果撻，跟咗個雲呢拿雪糕，完滿💕我間唔中都會約啲舊同學出沙田食飯，見到佢哋有2-5人套餐，好適合聚會！下次可以encore呢間試多啲嘢☺️…查看更多

今日同🐧🐧 buddy 去咗位於沙田新城市廣場入面，依間裝修得精緻又典雅嘅法國菜餐廳❤️ 仿外國古典風嘅設計令人眼前一亮，令人迷戀不已，好啱打卡影相chill 一下👍 試咗佢哋嘅Weekend Brunch Set👍 包每人一客頭盤、主食同飲品❤️ 另外亦可以優惠價追加小食同埋甜品😍 非常豐富吸引🫶頭盤㨂咗炸黑松露蘑菇球同埋西班牙白毛豬火腿❣️ 蘑菇球新鮮炸起，入口熱辣辣酥脆香口👍 內餡充滿濃厚嘅黑松露蘑菇醬，滋味馥郁美味🌟 西班牙白毛豬火腿片色澤明亮鮮美，食落鹹香惹味，肉香出眾，每一啖都令人回甘不已😋 多添了一道羅勒香草醬煮蜆做前菜🤤 蜆肉新鮮飽滿，配上濃稠清新嘅青醬😍 食落更鮮更甘🫶 主食㨂咗Signature 推薦嘅黑松露牛肉雜菌蕎麥薄餅👍 薄餅製法好正宗🌟 特意採用蕎麥粉製作，與鹹食內餡配搭更理想✅ 薄餅內填滿香濃嘅黑松露牛肉雜菌餡😍 每一啖既有黑松露嘅香，又有牛肉嘅馥郁滋味，加上半溶嘅埃文達芝士，真係又邪惡又惹味🥰 另外選了阿根廷安格斯肉眼牛排😍 牛排好大份超足秤👍 切開唔會太韌太老，食落軟嫩多汁，牛味濃郁出眾😙 跟牛排附有海量嘅新鮮炸起薯條🥰 保證夠曬飽🤭 加咗一客朱古力合桃布朗尼做餐後甜品😘 布朗尼有特意烘熱，食落外層薄脆可口，內裡綿密細膩，每一口都有濃濃嘅可可滋味✅ 好正❤️ 飲品㨂咗一杯美式咖啡同埋水果特飲，水準之作十分不錯👍 …查看更多

今年連埋端午節一連三日假期，一起身老公就話要食個假日brunch set。餐廳吹歐陸風，好似去左小島海邊餐廳咁，職員用英文介紹menu。Brunch set有頭盤、主菜及飲品，每款都好多選擇。頭盤有4款，主菜都有18款。我哋叫左兩個set，另外再加左個extra bites item同甜品。是日餐湯：老公叫揀左南瓜湯，南瓜味重，甜甜地，濃結適中，幾好。炸黑松露蘑菇球：外面炸到好脆，咬落去軟軟。每口充滿黑松露忌廉蘑菇醬，味道好濃，真係好好食。巴斯克甜椒煮蜆：蜆肉新鮮，大隻帶鮮甜味道。醬汁用左蕃茄做底汁，另外仲加左紅黃椒同洋蔥，甜甜地帶酸，開胃之選。阿根廷安格斯肉眼牛排：叫左五成熟，牛扒肉質較軟，牛味濃，入口帶肉汁，旁邊黑松露紅酒汁調味好好，點埋佢仲好食，唔錯。伴菜有薯條，分量多，剛炸起，夠熱好味。盲鰽魚海鮮鍋：魚肉質厚實，有口感。魚皮煎到金黃，裡面有青口同蜆做配菜，食材新鮮，仲有煎過嘅薯仔粒。整體海鮮味濃，我就幾鐘意。榛子朱古力醬煎香蕉可麗餅：可麗餅即係法式烤餅，法國嘅傳統煎餅。餅皮濕潤帶蛋香，搽埋滿滿榛子朱古力醬，煎香蕉上面仲有層薄薄脆焦糖，整體好夾，食完好滿足。飲品：叫左泡沫咖啡同鮮奶咖啡，咖啡味剛好，唔會過濃。鮮奶咖啡有拉花，仲可以用黎呃吓like添。…查看更多

「法國大餐」也不一定很昂貴，法國人主理的ÔDELICE正是走親民價路線，今次就來到沙田新城市廣場分店。餐廳走巴黎小酒館風格，藍白配色裝修營造簡約不繁雜的法式唯美風格。假日Brunch Set 包括頭盤、主菜及飲品，價錢最平低至$88起。於星期六、日以及公眾假期11am-5pm供應。炸黑松露蘑菇球一口一個的蘑菇球炸至金黃脆身，中心位載滿濃稠柔滑的黑松露忌廉，外脆內軟。吞拿魚他他 +$15清新開胃的頭盤，入口軟嫩而有彈性，魚鮮十足而又不會過腥。阿根廷安格斯肉眼牛排 $195Steak Frites向來都是傳統法餐絕配，厚切薯條炸得金黃酥脆，保持乾爽不油膩，肉心軟綿細密。安格斯肉眼牛排脂肪不多但牛味更為濃郁，尤其適合搭配黑松露紅酒醬汁的馥郁菌香。法國油封鴨腿 $175Duck confit起源於法國傳統保存食材的方法而延伸出來的一道經典手工菜式，鴨脾先經過醃製，再泡浸於鴨油中，配以低溫慢煮的手法來保留飽滿肉汁。鴨脾夠大隻厚肉，肉質細嫩鬆軟，一刀切下隨即骨肉分離，鹹香入味。香煎帶子 $78帶子大粒肥厚，肉身光滑細緻，味甜富彈性，加入薄脆的西班牙火腿和軟綿的椰菜花蓉作點綴，豐富味覺層次。火焰橙酒可麗餅 $88上桌時會淋上橙酒點火燃燒，瞬間閃出火光烈焰，打卡一流，配上一球雲尼拿雪糕，一熱一冷，衝擊味蕾。Crêpe質地厚薄適中，口感柔韌，橙酒的微苦柑橘香氣平衡了甜品的甜膩。每份Brunch 附送餐飲，點了鮮奶咖啡 +$15及泡沫咖啡 +$15，香濃咖啡與比利時LOTUS焦糖餅乾正是完美組合。…查看更多