淥鼎記

🇭🇰淥鼎記 ·爵爺無限時火鍋放題$368呢個邊爐放題真係超級抵食 好適合一班男士去 不過我地其實都係3個女仔去😂😂佢係冇限時嘅 而且勁多嘢食 食物質素都比我想像中好食 我地最後係真係食到佢閂門 食到超飽😎😎·錦繡前菜 l 日本直送時令利身首先一坐低佢係有四款前菜俾你嘅 呢四款都唔錯 好好食 個鹽酥雞好脆 拍青瓜同金錢肚調味都好好🥒之後佢個刺身都好大盤 全部都好大粒 幾新鮮 尤其係帆立貝 鮑魚同螺片都唔錯 不過我自己就覺得佢略嫌雪得凍咗少少🍣·藤椒烤魚 l 花膠美人鍋 l 豪華海鮮拼盤之後主食係有唔同既烤魚 酸菜魚同雞煲揀 因為我地驚太飽 所以就揀左感覺上細份啲既烤魚🐟🤣佢呢一個魚份量都幾多 而且魚肉都幾嫩 不過佢個藤椒比我想像中都辣幾多 而且都幾麻🌶️🔥之後火鍋湯底我哋就揀咗呢個花膠美人鍋 佢呢個入面都有好幾舊花膠既 不過食落花膠味唔係好出 飲落都唔係特別滋補 就係一個正正常常嘅湯底 大家可能可以試下其他湯底🤪反而佢個海鮮拼盤我自己覺得幾有驚喜 佢係真係所有海鮮都好大粒 食落好鮮🐙🦐🦪·頂級手切牛 l 手打墨魚丸 l 蔬菜 l 竹遮毛巾之後佢每一台仲有一碟頂級手切牛 呢碟又係幾有驚喜 佢個紋路好靚 食落肉質都唔錯🐮之後佢仲有好多唔同嘅配料揀嘅 豬肉片同牛肉片呢啲就正常發揮 反而丸類幾好味 尤其係墨魚丸口感好好🦑題外話講一個好好笑既插曲 因為呢度係電話落單既 但係電話上面得肉類同海鮮 我地睇左好幾次都搵唔到任何蔬菜 但係打邊爐實咁多肉真係好想食菜架嘛 所以我地就忍唔住問左職員有無菜🫢😂之後佢呆左望住我地 話出面自己攞😂😂😂原來出邊有個自助區 有好多菜 菇 丸類同埋麵 笑死😂·#rbyeat#rby港式#rby觀塘 #rby旺角·📍觀塘觀塘道414號1亞太中心8樓📍旺角彌敦道593-601號創興廣場5樓…查看更多

餐廳：淥鼎記地點：觀塘觀塘道亞太中心菜式：打邊爐放題，兩個鐘頭任飲任食價錢：小寶套餐，平日7:30前離座價錢$228加一落單用QR code，包以下食物：花膠美人鍋湯底有6款揀，有鴨血麻辣，花膠美人，肉骨茶，澳門豬骨等。花膠美人鍋有8大件厚身魚肚，啖啖肉，仲有紅棗同杞子。個湯底味道好清，唔會太重口味，淥食物都夠味。主角肉類有：安格斯極佳級精修肥牛安格斯極佳級精修肥牛一客兩大片。果然係肥牛，脂肪超多。安格斯牛板腱安格斯牛板腱一客三片，油花超靚，食落牛味濃而夠嫩口。安格斯牛板翼安格斯牛板翼係長方型切割，一客三片，質感就較厚身，因為較大塊，口感會滿足d。伊比利亞黑毛豬伊比利亞黑毛豬一客多片，豬味極濃，食落非常嫩口。伊比利亞黑毛豬豬肋條伊比利亞黑毛豬豬肋條一客多條，脂肪重，食落好脆口。紐西蘭羊肉片紐西蘭羊肉片係圓形切割，一客兩三大片，味道唔多羶，今日質感上就較薄切。手打鯪魚丸，墨魚手打丸，蝦丸手打丸丸類有3款手打，包括鯪魚丸，墨魚丸，蝦丸。雖然細細粒，不過非常彈牙好新鮮。其他選擇仲有鮮雞件同雞子。錦繡前菜錦繡前菜一客4格賣相好唔錯，包括鹽酥雞，豬肚，又甜又酸又辣既鳳爪，同香辣蒜蓉青瓜。酸菜魚而家仲有酸菜魚送，更加抵食！酸菜魚有好多連皮魚片，超滑溜，好好味，絕對係新鮮貨色。配有唔少酸菜，萵苣片同蓮藕片，加添爽脆口感。仲有滑溜寬粉。面頭加上黃色菊花瓣，辣椒，同花椒，我地叫左少辣，辣度剛好，麻度都只係喺嘴唇留左一陣。自助配料吧好多選擇，包括豬皮，鵝腸，牛栢葉，鴨血，水魷，帶子，蟹柳，午餐肉，魚腐，脆皮芝士腸，包心蟹籽丸，黑松露豬肉丸，芥末包心丸，蝦丸，麻辣牛丸，墨魚丸，牛丸，香菇貢丸等等。餃類包括水餃，魚皮餃，芫荽豬肉餃，韮菜豬肉餃，芹菜香茜蝦肉餃，鮮蝦雲吞。青菜有西洋菜，娃娃菜同生菜。全部用保鮮紙包住。其他蔬菜仲有響鈴，蓮藕片，木耳，山根，金菇，粟米，海鮮菇，冬菇，淮山，薯粉，南瓜片，白蘿蔔，萵苣，冬瓜。主食有上湯伊麵，出前一丁同稻庭烏冬。仲有炸魚皮。飲品櫃有兩大個，呢度分咗常溫同凍飲雪櫃。飲品選擇不少，有自家製涼茶既竹蔗茅根，綠妍茉莉茶，蜜香紅茶。其他有罐裝同紙包飲品如韓國蘆薈飲品，解茶等等。以下係自助醬料吧。總括而言，食物質素保持一貫水準，特別欣賞呢度既肉類，口感味道都唔錯，絕對抵食！…查看更多

淥鼎記依間餐廳早上午市有手工點心食晚市仲有火鍋放題見到佢推出左個『小寶套餐』火鍋放題主要食安格斯精修牛同黑老豬望落都幾吸引首先主菜五選一 我揀左椰子雞另外佢會有錦繡前菜跟埋裡面有青瓜 鳳爪 鹽酥雞 豬肚 雖然係頭盤但份量都唔少而且四款小食都好睇又好食鹽酥雞仲係新鮮炸熱辣辣 而佢嘅椰子雞鍋味道香甜 落肉前飲左佢湯椰子味偏淡雞肉有半份雞 非常嫩滑 肉都好多同埋可點佢青檸汁再調味添熬完雞之後湯頭味道即時濃厚左之後再選火鍋湯底打邊鍋一樣六選一 我決定揀特別少見嘅胡椒豬肚鍋餐牌有十幾款配料任你點主要都係牛 豬 羊 手打丸等都係基本操作乜都點下肉類切得好薄好快熟 而蔬菜類同麵等都係自助吧到拎全部都有蓋包住環境都幾乾淨任食火鍋依間餐廳都好值得推介…查看更多

今晚Halloween有口福，收工約左友人黎觀塘淥鼎記打邊爐，正呀！今次食小寶套餐，7:30前離座價錢$228加一。落單用QR code，包以下食物：澳門豬骨鍋湯底有6款揀。今日揀咗從未試過既澳門豬骨鍋。澳門豬骨鍋有3大舊新鮮豬骨，骨頭附近都有唔少肉，其他配料有白蘿蔔，粟米，紅蘿蔔。個湯好清，味道絕對唔重，感覺健康。食到後期個湯都仲係好清。肉類有：安格斯牛板腱一客4片，賣相好靚。食落好瘦，牛味都唔差。美國安格斯牛肩胛一客兩大片，少少肥膏，牛味都唔錯。唔會太薄切，食落有質感。伊比利亞黑毛豬一客4片，豬味濃又嫩口，我鍾意。紐西蘭羊肉片一客兩片圓形切割。食落嫩口少少羶，我都鍾意。其他肉類有安格斯極佳級精修肥牛同黑兒豬卷腩。鮮脆鯇魚片脆口鮮味。丸類有3款手打，包括鯪魚丸，墨魚丸，蝦丸。雖然細細粒，不過非常彈牙好新鮮。另外仲有脆脘魚腩，雞件同雞子。小食有日本枝豆。錦繡前菜一客4格賣相好唔錯，包括鹽酥雞，鴨血，豬肚，同青瓜。自助配料吧好多選擇，包括豬皮，鵝腸，鴨血，水魷，帶子，蟹柳，午餐肉，魚片頭，魚腐，脆皮芝士腸，包心蟹籽丸，黑松露豬肉丸，芥末貢丸，龍蝦丸，麻辣牛丸，牛筋丸，貢丸等等。餃類包括水餃，魚皮餃，韮菜豬肉餃，香芹芫荽蝦餃子，鮮蝦雲吞。青菜有我最鍾意既西洋菜，娃娃菜同生菜。其他蔬菜仲有響鈴，蓮藕片，木耳，山根，金菇，粟米，海鮮菇，冬菇，淮山，薯粉，南瓜片，白蘿蔔，萵苣，冬瓜。主食有上湯伊麵，出前一丁同稻庭烏冬。炸魚皮淥一淥就食得，我鍾意。飲品櫃有兩大個，欣賞呢度分咗常溫同凍飲雪櫃。選擇不少，我特別鍾意自家製涼茶既竹蔗茅根少甜解渴。以下係自助醬料吧。總括而言，欣賞呢度肉類有相當厚度，食落有口感。…查看更多

平時中午都經常與同事們一起到淥鼎記飲茶🥢，位於觀塘觀塘道414號1亞太中心8樓。 店內座位舒適又闊落，今日可以準時放工， 就即興再來吃火鍋放題， 📌早鳥優惠$228一位， 另外每位加$28✨就可以品嚐老壇酸菜魚。🔹錦繡前菜 ～ 坐低不久店員為我們先送上錦繡前菜，有鹽酥雞、 手拍青瓜、麻辣鴨血和鹹菜豬肚， 四款都各有特色， 開胃又惹味🤤。 🔹澳門豬骨湯 ～ 白濃濃的豬骨湯， 湯底有幾件大豬骨，味道清甜。 🔸老壇酸菜魚 ～ 香噴噴的味道，忍不住先試一啖湯底🤤， 湯頭酸香鮮味，魚塊入口嫩滑，配料有我喜歡的窩筍、蓮藕和寬粉，整體微辣不腻。 🔸火鍋配料 ～ 先在QR Code📲點了安格斯極佳精選肥牛、 美國安格斯牛肩胛、 安格斯牛板腱、 紐西蘭羊肉片、 脆鯇魚片、 墨魚手彈丸和蝦丸手打丸， 幾款肉類當中我最喜歡牛板腱🤤， 肉質細嫩有韌勁👍🏻。 手打丸口感鮮彈， 一定要試下。 另外自助區有各款丸類、餃類、蔬菜類和飲品等等， 記得飲返杯竹蔗茅根🥤，味道甜美又清爽！ 最後點少得出前一丁， 打邊爐必備✌🏻， 配上香濃的豬骨湯底， 食得好滿足。 淥鼎記除了點心做得出色， 打邊爐和酸菜魚都值得一讚👏🏻。🏷️溫馨提示～ 整個用餐體驗均屬個人分享意見， 只作參考😊。 …查看更多

又一間無限時任食, 最啱咁耐冇見, 成班人一齊吹水, 仲要佢個名堂夠勁, 同埋比佢個所謂"御善火鍋十二宮"吸引, 真係要去見識見識~又係我第一個打頭陣, 咁早去到又未齊人, 梗係周圍八下, 視察下環境先................呢度成層都係佢, 所以地方都算好大, 裝修又真係幾宮廷式, 靠窗係全卡位, 靠門口係半卡位, 中間係普通方枱, 但都有d八人大卡位, 估唔到唔係假期前夕都咁多人, 見到d八人卡位要搭枱, 雖然中間有塊板隔一隔, 但我都係鍾意自己一張枱, 吹水都暢快d~拎飲品同醬料係分開兩邊, 裝飲品個雪櫃夠開揚, 一入門口就會見到, 而放醬料地方就要入少少, 同埋好似暗d, 不過佢裝醬料果d器皿又好鬼死古式, 就算响中式酒樓都未必見得到, 非常有特式~姐姐見到我得一個人, 同埋果陣又未有乜客, 就問駛唔駛介紹一下, 定係等齊人先介紹? 咁反正我同佢都得閒, 咪由佢介紹下先, 廢事等陣人多開始忙就冇咁好招呼~原來係要按佢指定次序去食, 佢會等你食完一個程序, 佢先會繼續下一個程序, 每張枱上面都有張指示圖, 因為佢有12個程序, 所以叫做"御善火鍋十二宮", 咁話哂係中式, 梗係由子時開始, 即係11點方向, 一步一步去食..................1)自助健康飲品 (差不多廿款)兩個大雪櫃裝得滿滿, 一個雪櫃係一般的汽水及茶類罐裝/紙包飲品外, 另一個雪櫃先最吸引, 因為佢係一杯杯啤好哂的飲品, 有低糖豆漿、竹蔗茅根、羅漢果五花茶.................打邊爐咁熱氣, 梗係飲竹蔗茅根潤一潤同埋羅漢果五花茶下一下火啦~ 兩種都唔係太甜, 味道亦唔會太濃, 你會見到佢每杯都有1/3杯係材料, 證明比你睇真材實料, 唔係沖出嚟架~1.5) 特別版姐姐問我食唔食住前菜等, 咁梗係食啦~ 咁佢幫我每樣執d, 到我拎定飲品返嚟啱啱好有得食...........- 有炸到脆卜卜的鹽酥雞, 細細粒, 但炸漿又唔係話好厚, 不過就唔係好夠味~- 有熱辣辣的地瓜條, 即係炸蕃薯, 好甜, 有黃色同紫色~- 有好入味的鮑汁雞腳, 一睇佢個色水就知夠哂入味, 雖然係咁, 但d雞腳唔會煮到爛哂, 仍然好完整, 唔會甩腳趾, d皮都冇爛, 好完美~** 其實呢d小食, 係應該係响上火鍋湯底果陣先叫的, 但姐姐可能見我咁陰公豬, 所以中途加插**2) 錦繡前菜 (有4款)枝豆 - 唔知點解個色咁黃, 好似d菜煮完焗到黃哂咁樣, 我見佢個樣唔係我平時認識的, 所以唔敢試~涼瓜 - 又係好似枝豆黃哂, 不過朋友話爽爽地, 幾好食, 咁我先敢試, 估佢唔到個樣好似炆完排骨咁林, 但食落又唔係~秋葵 - 呢個d色終於正常返, 係翠綠, 不過得4條, 連呢d都限一人一條, 有點兒那過~木耳 - 正常爽口3) 季節旬魚之刺身盛合 冇得選擇, 睇下果日入咗咩貨, 即係佢地聲稱季節合時令的刺身............是日有帶子、蝦、魚, 其實我唔係好食刺身, 所以唔知佢係乜蝦同乜魚, 不過見佢個樣又真係好新鮮, 顏色又靚, 帶子同魚都好鮮味, 唯獨事我其中一個朋友話d蝦差少少, 唔係好爽, 令佢感覺唔良好, 所以放棄咗, 但其餘3個人又覺得冇乜嘢, 好彩食完都冇特別排毒, 證明冇事啦~4) 重慶麻辣雞煲/老壇酸菜魚鍋二選一, 雖然兩樣都係辣, 但火鍋已經好多肉, 所以一致決定係要食酸菜魚.............嘩.............見到個酸菜魚鍋, 比佢上面d辣椒嚇親, 駛唔駛咁多辣椒呀? 我見到咁勁, 已經投降, 但佢個湯汁又唔係紅當當, 我d朋友係咁叫我夾旁邊冇辣椒掂到果d, 幾對眼望住我食, 佢地自己又唔食, 原來等我試咗辣唔辣先? 呢d咪夠朋友囉, 全枱人係我最唔食得辣, 反而叫我食先, 當我話其實都唔係好辣, 可以接受, 佢地先開始動筷~ 佢d魚片真係煮到剛剛熟, 好嫩滑又唔腥, 我地問姐姐係咩魚, 佢話係黑魚, 我地話咩黑魚, 佢淨係話咪黑魚囉~ 好明顯佢都唔知, 咁我地都無謂迫佢~ 個酸菜都幾好食, 我朋友話可唔可以比碗白飯佢~5) 御善養生湯底 (我地4個人只有6款選擇)响果張黃色指示圖, 中間位置有6種湯底選擇, 除非你係6人或10人以上, 咁先有額外款式選擇, 咁剔除果d好普通同埋辣的湯底, 最吸引梗係"花膠美人鍋", 最後都係一致決定叫呢個湯底~連個鍋都宮殿式過人, 有少少似細細個去飲宴果陣, 上翅用果個金鼎, 好夠派頭, 不過好阻定.............估唔到湯個湯底的花膠都係限一人一塊, 不過唔緊要, 因為冇希望過會一人有一塊花膠, 所以已經好滿足, 但湯都好夠味, 同埋都膠膠地, 應該都係宜材實料, 起碼有基本效果, 當然之後加果d湯, 無論你係咩湯底都係果壼湯, 所以趁仲係真正花膠湯時, 飲多幾啖先好烚嘢食呀~6) 海鮮大拼盤總共有6種海鮮, 都係睇下果日入咗咩貨, 可能有驚喜, 但又可能好普通, 我地果日有鮑魚、蠔、蝦、蚌、蜆、墨魚, 數量又係依據每枱人數, 每款每人一件, 除非同枱有人唔食, 如果唔係冇人可以食多, 夠哂公平, 最多爭食大舊d..............除咗蠔之外, 就算飽魚, 姐姐都話可以連殼掉落去一齊烚, 聲稱已經洗過d殼, 雖然我地想全部去殼, 但始終唔係自己屋企,唔齊架生, 唯有飲多啖湯先掉哂佢地落去烚, 唔想污染咗個靚湯~每種海鮮都好新鮮, 好有鮮味, 唔似係死咗好耐果d, 最衰每人限食1件( 其實可以加錢), 搞到到喉唔到肺咁............7) 美國雪花牛小排成隻牛上, 就算唔食得都睇得, 正所謂輸人唔輸陣, 不過唔知佢呢只牛全場有幾多隻? 如果個個好似我地咁唔係一嘢食哂, 係有排擺的話, 唔知佢會唔會問"可唔可以將d牛肉轉過隻碟?"我已經冇食牛好一段時間, 但根據以前食牛的經驗, 佢d牛肉應該幾有牛味, 唔係差, 只可惜而家唔食牛, 所以留返比食牛的朋友食哂佢~8) 金牌手工丸有3種, 全部都似係手打, 唔記得係咪蝦丸、墨魚丸、豬肉丸? 但總之全部都好爽滑彈牙, 一粒一粒放响匙羮度, 賣相好靚, 確認好睇又好食~9) 四十幾款火鍋配料有6大種類, 包括小食、火鍋配料、麵類、餃子類、特色丸類、蔬菜類, 總共都有四十幾款, 都算係幾多款式, 最鍾意佢夠環保, 每樣食物都係寫要幾多件, 而唔係一般的要幾多碟, 我地真係有數過, 有9成都啱數, 大家真係要諗清諗楚要食幾多, 自己要負責任的, 咁樣做真係幾好, 起碼有d款式只係想一人一件試下, 咁就唔怕叫左成碟, 但最後又浪費咗, 真係值得一讚~ 雖然話可以樣樣試一件, 但當然冇咁樣做, 因為實在太多款式, 而且唔係樣樣都啱胃口, 都係選擇自己喜歡的去叫, 基本上都唔差, 大部份都好新鮮, 唔似隔好多夜~10) 八方田園蔬菜籃原來要自己去雪櫃拎, 等我仲以為佢會拎埋嚟, 因為呢個菜籃响十二宮格入面係自己一格, 唔怪之得等極都未見上枱, 後來覺得唔對路問問, 先知要自己去拎, 果時已經所剩無己~ 佢唔係一大籃比你夾, 而係一兜兜裝好, 然後用保鮮紙包好放响雪櫃, 感覺會衛生d~11) 一品御飯太飽冇食到, 其實有叫佢比一碗我地成枱人試, 不過最終姐姐可能以為我地講笑, 所以冇比到, 又或者比唔到一碗份量............唯有下次有機會先叫佢上咗比我地先~12) 宮廷美點好靚的紫色, 呢個仲要專人表演一下先上到枱, 因為要倒液態氮, 營造仙境效果~ 有d似台式甜品, 有d芋頭、丸子、菊花, 最勁係個椰奶味, 都少少偏甜, 不過都係一人一碗仔, 都可以接受, 始終食埋甜品食叫完滿架嘛~唔知係咪我地坐到最盡, 雖然仲有幾枱人, 但都差不多十一點, 我估計大約十點左右, 埋單後已經開始執嘢清潔, 所以响十點後左右已經好難搵到人招呼, 而且我地仲要坐到好入, 真係呼天不應叫地不聞, 直頭要走去吧枱搵人上甜品, 所以坐得入有好有唔好~原價每位$338, 電話訂位同like佢fb有92折, 如果比cash再多98折, 搞咁多嘢, 其實最尾條數即係冇加一, 為咗每人慳三十幾蚊, 唯有跟佢額外搞咁多嘢啦~  雖然三百幾打邊爐好似貴咗少少, 但折下折下, 又坐成4個幾鐘, 又任飲任食, 其實計返條數都係抵, 所以下次有機會都會再嚟食~…查看更多

淥鼎記是一家很有特色的火鍋店，其主打按流程的上菜菜單，因此大部份客人均有同款的菜式第一道是錦鏽前菜，酸酸甜甜很開胃，另點了兩份小食-天婦羅及酥炸鯪魚球，同樣炸的不錯第二道是刺身盛合，油甘魚、元貝、三文魚子及鮮蝦均非常新鮮第三道是重慶麻辣鮮雞煲，選了中辣，非常入味，配以兩只鮑魚及香滑的鮮雞件，美味然後到了重頭戲養食湯底，點了美人湯，很是清甜金牌手打丸及雪花牛小排同樣嫩滑及新鮮海鮮大拼盤的海鮮新鮮極了，鮮蝦及蟶子甚至還在動一品御飯普普通通，可能太飽了甜品是有乾冰效果的桂花龍眼肉啫喱，小甜而可口，是一個完美結尾有關自助飲品，可選自家製竹蔗茅根、羅漢果五花茶及低糖豆漿，每款用料十足，誠意加分…查看更多

最近火鍋癮從來未停過，仲越熱越想打邊爐，今日無畏酷熱天氣警告，一早就安排同朋友去打邊爐。今晚同朋友去了雜誌成日見到的淥鼎記食宮庭養身火鍋，店舖位於食肆林立的觀塘壹亞太中心，鄰近觀塘地鐵站，一進店舖就有兩種唔同的感覺，一入去有古典的宮庭間隔屏風，再入一些就有現代化的落地玻璃窗，景觀好開揚，坐得好舒服。人人入去都係食這個無限時御膳火鍋十二宮餐，入面的款式多元化，啱晒我樣樣都想食的人。有自助飲品，入面有時尚得來又無糖健康的冷泡茶，好足料兼且清熱下火的自家製竹蔗茅根馬蹄甘荀飲品，少甜豆漿和不同的罐裝飲品；有自助的蔬菜藍，入面的蔬菜好翠綠好新鮮；有自助調味吧，調味款式不少喔。首先店員送上錦繡前菜，錦繡前菜包括麻醬秋葵、桂花蘿蔔、醋味紅菜頭和酸紅蘿蔔，開胃醒胃，也是健康的前菜。再送上小食，包括炆得入味軟滑的鮑汁雞腳、炸得脆卜卜的黃金百花球和香而不膩的炸魚皮。食得咁上下，店員送上季節旬魚刺身盛盒，包括有入口鮮甜帶爽脆的深海池魚、大大隻鮮甜牡丹蝦、鮮甜的貝柱和粒粒脆卜卜的三文魚籽。之後就到重慶麻辣鮮雞煲，我們要了小辣，一掀起蓋就香味四溢，帶有少量麻辣味。雞煲是任食的，食到咁上下店員還主動問我們夠唔夠，需唔需要加雞煲，服務唔錯握。食過雞煲後，就換上御膳養身湯底打邊爐，湯底有四款選擇，我們選了花膠鮮雞美人鍋，湯底鮮甜還帶有花膠的膠質，花膠爽口彈牙。接著就是海鮮大拼盤，包括送上時還郁緊的鮮蝦、煲過後仍是脹卜卜的生蠔、鮮甜的馬刀貝、大隻得來又爽口鮮美的北寄貝、新鮮爽彈的鮮鮑魚、脆口的脆鯇和爽彈的象拔蚌。美國雪花牛小排，雪花紋好靚，牛味香濃。金牌手工丸，包括手打蝦丸、墨魚丸、鯪魚丸和雞丸骨丸，都是真材實料，入口爽彈。其實吃過以上的食物都已經飽得九九十十，唔夠飽的話，仲有多款配料任食的。我們貪口痕，捧著肚子也叫了小籠包和韓式泡菜餃子，煲過後的小籠包入面好多肉汁。套餐還包括一品御飯，由於我們實在太飽，所以直接同店員說不要御飯，直接上宮庭甜品就夠了。是日宮庭甜品類似一鍋板的水玄信餅，配上甜度適中的黑糖、紅棗及龍眼肉等，好滋潤。這個無限時御膳火鍋十二宮餐，又有刺身、又有雞煲、又有海鮮火鍋，又有任飲任食，一次過滿足我們無窮的慾望。…查看更多