阿木台灣麵 (豉油街)

營業中

休息中

太耐無去旅行了，不是會掛念外地美食，尤其是台灣！所以今天到了阿木食台式晚餐，因為天氣太熱的關係，不想吃熱辣辣的牛肉麵，反而點了肉燥飯配鹽酥肉🤤 還點了一份芝士肉鬆蛋餅和朋友分享。便當配有三款小食，今晚是酸青瓜、滷水蛋和菜莆，肉燥飯份量挺大，建議女生可選少飯😅 鹽酥肉的鹽是自己下的，我自己覺得幾好，因為可以按自己口味而加，我不喜歡太鹹就可以酌量加少少。餐飲點了鳳梨汁，比我預想的不算甜，冰涼清甜，十分解膩。特別一讚的是這個芝士肉鬆蛋餅，表面看來平平無奇，入口鬆軟，吃到蛋的質感，也有肉鬆的香味，芝士沒有拉絲效果，也不算十分有芝士香味，但對我來說卻恰到好處，沒有膩口的感覺。

今日係旺角行街行到有d肚鋨，就在附近找吓有乜啱食順便休息一吓記得朋友介紹過有間台灣麵好正，一於就找呢間店試吓先去到見到呢間店門囗企左幾多人應該唔差而且都係我幾喜歡嘅台灣美食，一於攞籌入去試吓先，不過要等左30分鐘先可以入座在門囗等候期間見佢哋都有好多自家製嘅物品和台灣直送產品售賣入座後我即刻選左個：蕃茄牛肉麵、滷水豬耳，還叫左杯金鑽鳳梨汁蕃茄牛肉麵：牛肉有分（角）切和（片）切，本來選左（角）切，但話賣晒，（角）切原來係用唔同部位嘅牛，餐牌上有講解，另外我轉左關廟麵，麵質煙煙靭韌，貪佢夠寛掛汁，有五塊厚厚嘅牛展食落軟腍冇根，另外蕃茄湯底好香濃好好味加埋個酸菜和蒽一齊食，超正！滷水豬耳：切得細細條，入口方便，豬耳入晒味，爽脆得來腍腍地金鑽鳳梨汁：入囗清甜滋潤，還有鳳梨粒增加口感，夏天熱辣辣，飲完暑氣全消

阿木台灣麵一直人氣高企，之前試過一次，都覺得幾好味😋知道佢開咗新店，出開旺角，就去探一探佢😆今次醒目啦～一早用定手機攞飛，去到就唔使等咁耐👍🏼新店比舊店大少少，不過依然係高朋滿座👥👥上次試過紅燒牛肉牛筋麵🍜今次就試吓蕃茄牛肉牛筋麵🍅呢個蕃茄湯底真係🈶️濃濃嘅蕃茄味，仲見到有新鮮蕃茄添～而牛𦟌依然係好厚肉好大塊，而肉質就軟林林，牛筋都係。 將酸菜撈勻，令湯頭再酸d好開胃😋小食又係食鹽酥雞，炸得夠香脆又入味。 跟住飲番杯冰凍嘅甜甜地又微微酸嘅金鑽鳳梨汁🥤，好爽又解膩～😌走嘅時候順便買埋佢哋嘅自家品牌台灣食品返去試吓😍