醬缸韓國料理

營業中

休息中

位於佐敦嘅醬缸係香港一間好出名嘅韓國餐廳雖然用餐時間只係限時60分鐘但係都依然坐滿人♡̷̷̷前菜♡̷̷̷一坐低就會有三前菜上枱包括泡菜、薯仔、海帶我比較鍾意食海帶麻油香味比較重同埋有爽爽地嘅口感♡̷̷̷醬油蟹🦀♡̷̷̷醬油蟹新鮮鮮甜！雖然我覺得唔算太大隻仲都有好多蟹膏 口感creamy醬油唔會過鹹 味道調校得啱啱好醬油蟹配一個紫菜飯撈埋一齊食味道一流♡̷̷̷燒五花肉🐖♡̷̷̷店員會幫你燒熟啲五花肉由佢哋幫你燒嘅五花肉燒得好香夾埋生菜同埋啲配料味道👅冇得頂

上網睇好多人都有講呢間醬油蟹出色，平🌞夜晚仲可以book檯tim！醬油蟹醬汁好鮮甜，淡淡酒香 好正！仲嗌咗五花腩同牛肉，侍應姐姐好好人幫你燒，整體服務都幾好👍🏻見你食完啲泡菜仲會再幫你fill！

幾年前係韓國食過醬油蟹但香港就真係第一次😳 醬缸應該好多人都食過或者聽過,前排見到有YouTuber 話呢間性價比都高所以就同朋友一齊去食了🧚‍♀️店員應該有一半都係韓國人但佢地又識廣東話😹🔺小菜有3款小菜包括係泡菜,海帶同薯仔🥔泡菜就偏辣同酸,海帶個人就麻麻💦薯仔要重點推介!!!好好食🥹薯仔條整得淋,有啲平時會係屋企食到但就係會默默地食哂😬🔺醬油蟹 $378同之前係ig睇相嘅size都差唔多🤲🏻 醬油蟹唔算十分大隻但都ok😙 而蟹肉同蟹膏都偏多,就咁食或者撈飯食都好正🥰而醬油味就真係唔係好濃味,如果再濃味啲會更好👀值得一提係醬油蟹只配一個飯,如果兩個人都想撈飯食就建議加多一個飯($20) 🔺泡菜煎餅 $148就咁醬油蟹好似太少嘢食就加多咗煎餅🤭估唔到呢個係好好食🥹煎餅整得好薄唔會好厚好多粉😉而邊邊位係煎得超級脆個人係極鐘意💞泡菜嘅份量都頗多又唔會好辣~但呢間就冇醬汁配而係類似(辣醬嘅嘢?) 個人就鐘意單食多啲🤤

親友喺外國返咗嚟，想食啲喺外國平時食唔到嘅嘢，於是就訂咗呢度食晚飯訂枱時已預先留咗醬油蟹同醬油蝦各一份期待咗成個下晝，已經好肚餓，但因為太多客人，所以就算到咗本身預訂嘅時間，都要等多半個鐘先入到座。一坐低就即刻嗌咗預留嘅醬油蟹同醬油蝦，每份都會跟碗紫菜拌飯，真係醃得好唔錯，同韓國食嗰陣時好似，畢啲飯落去個蟹蓋嗰度，連埋啲蟹膏一齊食真係好正另外我哋仲嗌咗人蔘雞、燒牛肉同埋芝士炒年糕食物整體嚟講都唔錯，屋企人都好滿意

Bookmark 左醬缸醬油蟹一段時間，好多人話CP值勁高，而且主理人係居港多年的韓國夫婦。今日同朋友即興想食，就即刻過去。但因為星期五六晚上都只有walk in, 我地6:45 過到前面已經有20人左右🤣，不過餐廳都控制好好，大概20-30分鐘就可以入座。呢個白飯小偷「醬油蟹」真係唔講得笑！三百幾蚊/2隻，隻蟹醃好鮮甜，醬油入哂味，仲要係爆膏嫁！我地兩個女仔，一人一碗紫菜飯，清哂🤣🤣另外仲有叫左碟牛小排，不過都唔夠隻蟹咁精采。遲下再黎Encore!

疫情咁耐都好耐無得去旅行啦，掛住韓國，唯有就去食一食韓國餐廳啦，懷念懷念下，順便約埋朋友聚一聚，呢間韓國餐廳一直都好高人氣，啲店員都係韓國阿朱媽嚟，所以我地食之前都有book位，仲順便order埋醬油蟹，驚當日先Order就賣哂啦。醬油蟹$368 /2pcs滿滿既蟹膏，再撈啲飯，一流！唔會有海鮮既腥臭味，每人食左一隻，差啲唔夠喉，要 encore 啦，不過諗諗下，我地兩個女仔雞仔胃，仲想食其他野，留一留肚先！牛舌$118目測起碼都有成十塊，好爽好好食，可以慢慢燒慢慢食。海鮮豆腐湯$98呢個較為遜色，覺得味道可以再濃啲，不過豆腐好滑，very good!

自從2019年去完韓國，食咗人生第一次既醬油蟹，就已經冇機會再去食多次🥲一直都覺得香港食醬油蟹會冇咁新鮮，又貴，所以冇係香港試過食。但今次經過朋友積極既介紹，試咗呢間：醬缸韓國料理，覺得都唔錯，真心可以試吓。*冇得book位(電話長期冇人聽)，建議5點半去，如果唔係有排排☞ 生醬海蟹$348(2pc）蟹肉鮮甜，多膏，無腥味。會配埋紫菜白飯，份量兩個人食都夠，餐廳既啊豬媽仲會好細心教我地點食☺️想講多句，個甜豉油加咗好多分☞ 炒年糕$88份量多，年糕煙韌，好食但味道偏辣，仲有一隻大雞蛋係中間

疫情期間返唔到鄉下🇰🇷食醬油蟹🦀唯有揾下邊到有正宗又好味嘅💪🏻經朋友努力不懈咁去做功課同埋網上好多人推薦之後決定食哩間 👍🏻防疫關係，都Book 左兩次先食到😌因為醬油蟹本人係要預訂嘅😆。餐廳唔算大，但一直Keep住有人來(需預約)🈯️嘟完安心出行同埋針卡之後，呀豬媽安排我哋坐左喺近廚房出入口😌張枱同凳之間嘅空間有啲細😌場內燈光比較昏暗，不過唔緊要，食物好食就得😆。一坐低，職員就比左啲配菜(薯條絲，泡菜同海帶絲？🤔)食完仲可以免費refill 👍🏻薯條絲好好食😋好想不斷食但又唔好意思😅。之後仲上左兩碗紫菜飯，係用來撈醬油蟹食嘅😍主角一上枱真係忍唔住未食先讚嘆👍🏻三個女仔🧍🏻‍♀️🧍🏻‍♀️🧍🏻‍♀️齋食蟹又唔夠飽，想烤埋肉又唔夠時間，於是叫左份部隊鍋🍲睇落去好似唔夠食咁，每樣配菜得少少🤏最後……真係好飽😆好彩冇眼闊肚窄🤭👇🏻👇🏻👇🏻總結係…價錢雖然略貴，不過都值得來食👍🏻以解相思之苦😌

中意食醬油蟹🦀既我對呢間店一直都略有耳聞，今次終於都食到啦！大概八點三、四左右去到餐廳，成間餐廳都坐滿哂人。我地冇book檯要等，侍應姐姐同我地講好快有位，之後黎既客人都同佢地講冇位，好彩行快左兩步咋。最後我地都係等左15-20分鐘左右就入得，不過大家最好都係book定檯穩陣啲（雖然我地打左好多次電話都冇人聽）！✨醬油蟹🦀醬油既味道唔算好咸，比較偏甜，同我之前食過既相對冇咁惹味。蟹唔算大隻，不過都叫好肉，而且都有唔少膏。蟹肉肉質鮮嫩，唔會梅，亦唔會有腥臭味，食得出新鮮既。醬油蟹有個紫菜飯跟，份量唔多，旨在撈汁過下口癮，不過如果可以加少少麻油相信會再好食！✨生牛肉第一次食韓式既生牛肉，平時都係食開beef tataki個類比較多，起初都驚自己接受唔到。但點知入口食唔到羶味，加左生蛋之後肉質仲滑左，味道偏甜，仲有陣陣既麻油香味。不過食得多都幾滯，最後我地2個人食唔哂！✨王牛排其實姐係醃好左既牛小排，牛小排既肉質結實，油脂豐富，好有咬口但唔會韌。味道偏甜，而且份分都幾多，齋食呢樣烤肉會有啲滯，相信配返其他冇調味既烤肉會開心啲！題外話，見到有唔少人話餐廳既服務態度唔好，但我地個日去可能好彩，員

慕名而來,醬油蟹冇得彈地方唔算好搵,都搵咗一陣第一次食好驚會腥難入口,竟然好香用餐時發現每一張檯的客人的都有食醬油蟹真係好好食已推薦醬油蟹比好友水冷麵都不錯,溫馨提示芥辣不要落太多

話咁快 係第四次嚟食 食過一次之後隔幾個月就癮起🤣今次朋友生日話想食韓式 咁就帶佢嚟食醬油蟹佢係第一次食醬油蟹 好彩無令佢失望啫⭐️醬油蟹啲蟹膏真係唔係講笑 又多又鮮甜到想不停食每次食佢 我話咁快就秒殺咗一碗飯但今次需要食慢啲 配翻人蔘雞湯一齊食⭐️蟹油蝦比起醬油蟹 佢無咁出色 不過都鮮甜重點係有人服務埋你 殼都唔使自己剝剪埋一口size 個價抵比啦😏⭐️人蔘雞幾耐無去韓國就幾耐無食過人蔘雞朋友話想食 好呀 我個人就最隨和㗎啦😆唔差嘅 但係真係好清淡 記得問店員拎鹽點呀🙌🏻

星期六去需要walkin 最好早小小去啦🕰⭐️醬油蟹係香港第一次食醬油蟹 一試就食到間咁好食嘅啲蟹好新鮮好鮮甜 重點係個醬唔係死咸死甜一切都係剛剛好 調味點到即止 每日食都唔會厭仲會送碗紫菜飯 醬油蟹蝦都會送一碗⭐️醬油蝦都係好鮮甜 但同蟹油蟹比嘅話會比下去Haha仲有專人幫你剪細細粒易入口 貼心嘅服務⭐️土豆排骨湯係香港未食過咁正宗 自從去唔到韓國之後就搵唔到一間咁好食嘅 好懷念韓國嘅味道呀☹️我敢肯定我將會係長期顧客😎

和朋友約平日夜晚，可惜一直都訂唔到位...呢間鋪頭受歡迎程度可見一斑今個週六我們朝早十二點就來門前等位，等左十分鐘，總算有位置。店舖唔算大，但別有風味。我地嗌左一份醬油蟹，一份牛排骨湯，冷熱搭配。上菜速度好快，十分鐘唔到就全部齊曬。試一試蟹味，都好濃好香，我用蟹殼拖住拌飯，非常鮮美，海鮮啫喱的感覺。牛骨湯都味道鮮美，驚蟹肉寒良的朋友可以試試，食落肚都好溫暖。最後埋單448HKD，價格都唔算平，不過初次想體驗醬油蟹，可以選擇！

醬缸是我第二次去食，第一次是6點前，7點要交枱，所以食得比較趕。第二次是電話預訂位7:30，當日7:15已到達，進行防疫程序，待應詢問有否預約，安排好座位後，位置十分滿意，寬闊嘅位置坐下來很舒服，今次選擇燒烤十醬油蟹。

由同事極力推薦下去食左依間韓國野醬油蟹佢算係香港比較正宗好食既，不過價錢就遍貴d，三百幾兩隻牛肋骨湯都唔錯，入面有4舊牛骨(有肉食果種)豬手就比較油，如果唔配生菜食，食幾舊你就會停灑手，如果諗住食豬手既，我覺得叫燒肉好過另外炒年糕唔建議食普通果個，因為得個辣字，入面會有好多既椰菜整體評價有好有差，但醬油蟹都係一定要食不過温馨小提示，平日去記得book枱，唔係高有排等，星期五六日冇得book枱會排長龍，所以記得早d去