鳳鳴居

營業中

休息中

呢排天氣涼涼地，晏晝又食得多左啲，就諗住夜晚食下粉麵，輕便啲又可以暖一暖個身🔥 經過好多次，次次都排哂長龍，今次見未係好肚餓就拎張飛仔等下啦，結果當然係無後悔啦😝🍜醉香雞米線湯底有驚喜，飲左成個人即刻暖哂，酒味都幾濃，雞肉好嫩滑，特別一提係佢嘅豉油，豉油甜甜地同啲雞好夾，忍唔住不斷點完又點🤣🍜姬松茸雞湯米線對比之下，呢個湯底相對地無咁濃厚，但又會比較溫和，適合唔鐘意酒味嘅朋友仔，姬松茸菇嘅份量都唔少，但呢碗啲雞就有少少凍，要浸落湯度浸返暖佢🙊

由上水只此一間食到喺旺角鬧市開分店，咁多年黎食鳳鳴居都冇覺得退步，只係覺得人越來越多同行三人都叫咗招牌醉香雞米線，朋友第一次食，本身對雞米線冇乜特別期望，但最後完全被驚艷到湯濃、酒香、雞滑，配料紅棗木耳大大嚿唔孤寒。作為忠實fans，基本上覺得係冇缺點，如果硬係要挑剔嘅話就係米線麵質唔算特別好食，不過湯底材料搭救，所以完全唔介意。辣豉油爽脆鵝腸我係鵝腸腔，不過呢度小食鵝腸冇乜特別，唔夠油香，只能講係合格，口痕可以食下。不過食飯時間二人或以上真係等好耐先可以入座，建議早啲嚟、遲啲嚟或者自私嚟

由上水擴展到旺區，一如既往地，富有濃郁酒香的嫰滑雞件，以及鮮甜雞湯傳來陣陣飄香。(1) 醉香雞湯麵材料有木耳、紅棗，加上雞湯非常適合乾燥又帶涼的天氣。醉雞塊絕對不會令人失望，保留原有味道。俗語有句話：「靚女有得食雞髀。」整碗湯麵誠意十足，唯湯底略帶甜。(2) 蜂巢春卷米網脆卷包裹條條芋絲，口感爽脆。另外，沾上喼汁更可解油膩感。米線方面，不似連鎖店舖般口感偏硬。輕易能掛上湯汁而不軟爛。整體來說，會期待在下一次凜冬嘗試花膠醉雞湯底。

【旺角】鳳鳴居以前喺上水住嗰時，差唔多個個禮拜都會幫襯。鳳鳴居主打雞湯麵飯，必食佢最高人氣嘅醉香雞湯米線。香濃花雕藥膳湯底，帶少許甜味，建議第一啖飲咗湯先🤩每份雞都會配一碟自家調配辣椒豉油，調味過嘅雞件，吸收過湯嘅精華，沾上辣椒豉油後提升咗雞嘅鮮味 ！個人就鍾意配米線多啲，亦有飯、公仔麵、河粉等供選擇。價格由50幾至90都有，由最普通既醉香雞去到花膠雞都有。一試就會食過返尋味，而且份量唔少，我有時會食淨少少米線，男仕可以嗌加底，另外雞件就不設揀部位。👉🏻晚市時段好旺場要排隊，收工後去嘅朋友注意，記得預早攞飛啦。鳳鳴居📍旺角西洋菜南街138號地下2號舖📍上水馬會道154號地下