川之源

營業中

休息中

午巿兩個人去食，openrice訂座，但去到都唔算多人，其實可以直接walk in👌午巿二人餐（酸辣青瓜、水煮魚、清炒油麥菜）包埋白飯及甜品（桂花冰粉）各兩碗$288酸辣青瓜第一件未覺辣，食多兩舊有後勁。辣味唔會覆蓋哂酸味，好食水煮魚（小辣）唔好以為唔辣，其實都拍得住譚仔嘅四小。底有薯粉，煙韌控可試🙋比白飯好味。成餐最好味竟然係油麥菜‼️心諗油麥菜普通嘢，味道應該幾普通。但係但係‼️啲菜好甜💗菜本身甜，食過返尋味😋桂花冰粉正常，桂花味香，但係偏甜（鐘意食唔係好甜嘅糖水重慶小面（$58）小辣都好辣好麻，但比較普通，喜愛麻辣嘅人可以試下。

約西環友食飯，佢話無咩胃口，於是提議食辣嘢開下胃，鍾意食辣嘅我當然舉手贊成。叫得川之源，當然係以四川菜作招徠，不過餐牌都有「唔辣」系列，所以都可以叫唔食得辣嘅朋友一齊去。本身以為周末會只有單點，但原來有個假日二人套餐($288)立即點一個開心share！套餐就特色前菜、招牌菜、熱菜各選一個，再送兩碗白飯及兩碗冰粉。最特別係菜式可以揀辣度，有BB辣、小辣、中辣及大辣，今次試小辣，有機會要試中辣！水煮魚片 紅噹噹嘅顏色已經好吸引，舖面果層辣油真係令人流哂口水，撈一撈都發現有好多塊魚片，唔會坊間有啲食幾片就無，魚片都好滑。仲有其他芽菜、寬粉，寬粉索盡辣油精華，超正！ 酸辣青瓜酸辣兼備，又唔會有死鹹，青瓜爽脆，真係愈食愈開胃！手撕包菜以為佢唔辣，少年你太年輕了！佢除咗少許辣之外，仲加咗花椒，增加咗麻嘅口感，而菜都好清甜。桂花冰粉作為這一餐嘅句號，這款甜品真的滿分。冰涼嘅凍感加上桂花嘅清香，一掃整頓嘅辣味，好舒服，如果唔係太飽真係會叫多碗食。雖然二人餐得幾款菜式，但我哋兩個人食已經飽到捧住個肚走，環境都乾淨企理，雖然做川菜但入去都唔會好大陣味。另外佢哋每檯都會有一壺茶，雖則免費但都幾清香。

位於西營盤站行一陣搭電梯就到。店舖光猛，紅色裝修為主，配搭紅色桌布。✨味道68分，偏鹹，服務75分，坐低就有壺茶飲。.🔸酸辣青瓜($45)青瓜新鮮爽脆，酸酸辣辣好開胃，涼拌前菜黎講太鹹。.🔸川式回鍋肉($118)熱辣辣，炒得好香口，回鍋肉切得薄，容易入味，仲落左好多青椒配菜添，濃味啱送飯。.🔸麻辣花甲 ($108)麻辣香，幾惹味，花甲肉有啲細，唔夠鮮甜，入面好多薯仔條，青椒，好入味。.🔸桂花冰粉食完辣野，㷫烚烚，個口好麻，佢送甜品。食返碗冰粉，口感似啫喱，凍冰冰，啱晒好解辣。