酥炸魷魚

今日難得放假，於是出九龍灣行下街，發現有間餐廳做緊德國咸豬手優惠，緊係要試試🤤 。平日晚市都好熱鬧，差唔多坐滿晒呢!宜家叫一份德國脆皮鹹豬手，先$98真係好抵食，仲有三款唔同口味選擇:包括柚子味、泰式袐製汁同蒜香黑椒。我哋就叫咗蒜香黑椒，豬手充滿蒜香味，帶有少少黑椒嘅辣味，香口惹味! 而且外皮炸得香脆，皮脆肉嫩，一啖就食到兩種口感。而酥炸魷魚份量都好大，即叫即炸，炸得外脆內軟，好邪惡呀~另外，再叫咗一份洋蔥甜酸醬烤雞，雞肉嘅肉質細膩，仲保留咗肉汁，香噴噴之餘仲熱辣辣呀！✨ 德國脆皮鹹豬手 ✨ 酥炸魷魚✨ 洋蔥甜酸醬烤雞 ✨ 菠蘿荔枝四季春茶 ✨ Sapporo…查看更多

友人介紹我嚟九龍灣嘅呢間bar and restaurant 平日經過都係冇乜點留意佢 呢晚嚟到先發現呢間餐廳幾有格調 幾適合夜晚同朋友chill吓🥂柚子麥啤浸脆皮德國鹹豬手呢晚嘅主打👍🏻 完全係俾呢碟鹹豬手吸引咗過嚟 豬手用咗柚子麥啤浸咗8個鐘先至烹調🐷 食脆卜卜嘅豬皮部分就可以食到淡淡嘅柚子香味 豬手仲好厚肉 啱晒食肉獸朋友👫🏼 伴碟嘅仲有黃芥末同埋酸椰菜 呢兩樣同埋鹹豬手食就冇咁油膩啦😙三重芝士安格斯牛肉漢堡呢度嘅burger都幾出色🍔 入面除咗有牛肉漢堡扒之外 仲有兩片脆煙肉 生菜 番茄等嘅配料 牛肉仲好juicy添呀🙈 一啖咬落去會爆汁 側邊仲有薯條同埋沙律🥗 份量都幾多經典卡邦尼扁意粉係我好鍾意嘅扁意粉🍝 質地幾有口感 材料有唔同嘅菇菌同埋煙肉片🥓 意粉好creamy 令人好想一啖一啖繼續食☺️酥炸魷魚呢碟小食都真材實料 魷魚圈切得好厚身 所以食落口幾彈牙 同個名一樣非常酥脆🦑 點埋他他醬食更加夾 除咗魷魚圈仲有魷魚鬚㗎成餐嘅食物都令人滿意 最驚喜莫過於佢嘅豬手 我一定會因為佢嘅豬手而再返嚟呢間餐廳食飯🥰…查看更多

我成日經過都見好多人等位，今日早啲食晚飯見不太多人，一於試吓！入內後，發現環境都幾舒服，好適合傾計！我同妹柯打德國咸豬手，酥炸鮮鱿魚加西班牙海鮮燴飯！酥炸鮮魷魚好大碟，即炸熱辣辣，魷魚好彈牙，但炸粉較厚，咸咸脆脆好適合送啤酒！柚子德國咸豬手足足一整隻脆皮大咸豬手，豬手用自家釀製柚子麥啤浸8個鐘，所以塊皮很鬆脆，配上甜甜秘製醬汁！西班牙海鮮燴飯用料十足，有青口、蜆丶蝦、魷魚，帶子，芝士味香濃，色香味俱全！正…查看更多

放工相約朋友來吹水食飯，呢度有酒有小食，另外亦都有正餐主食， 黎Happy Hour或者食晚餐都可以。先叫咗個酥炸魷魚（$78 ），開頭以為係魷魚鬚，不過原來係炸魷魚圈，份量都幾多，而且外表炸得酥脆，魷魚都不過不失。餐牌上寫着極力推介呢個「柚子麥啤浸脆皮德國鹹豬手」（ $188 ），即管叫黎試吓啦，佢寫明自家釀制柚子啤酒8小時，之前我哋自己屋企都整過，發覺真係一啲都唔容易，而呢個就整得好好。豬手好大隻，外皮焗得好脆，同時裏面依然嫩滑，配有酸菜和蜜糖芥茉醬，好好味，而且佢切好晒一件件，方便進食！果然值得極力推介！另外我叫咗杯「檸檬蜜桃蘋果梳打」（$38 ），都係普通果味和檸檬梳打咁上下。…查看更多